<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>ۇكىمەتىڭ اقپار جاريالاۋ ءماجىلىسى

ىلە قازاق اۆتونوميالى وبلىستىق ۇكىمەتىنىڭ 2017- جىلعى 4- رەتكى اۆتونوميالى وبلىستىڭ جاڭادان اۋە لەنياسىن اشۋ كەلىسىمىنە قول قويۋ جونىندە اقپارات جاريالاۋ ءماجىلىسى

ىلە قازاق اۆتونوميالى وبلىستىق ۇكىمەت مامىردىڭ 24 – كۇنى اۆتونوميالى وبلىستىڭ جاڭادان اۋە لەنياسىن اشۋ كەلىسىمىنە قول قويۋ جونىندە اقپارات جاريالاۋ ءماجىلىسىن اشتى. ماجىلىستە وبلىستىق ۇكىمەت جۇڭگو وڭتۇستىك اۆياتسيا سەرىكتىگىمەن، تيانيۋان مەملەكەتتىك ساياحات قوعامىمەن (ءۇرىمجى اۆياتسيا سەرىكتىگى)، جۇڭگو حالىقارالىق اۆياتسيا سەرىكتىگىمەن جەكە – جەكە قۇلجا - ءۇرىمجى – شاڭحاي حۇڭچياۋ ەل ءىشى اۋە لەنياسى جۇلگەسى كەلىسىمىنە، قۇلجا – قاشقار – ءۇرىمجى شينجياڭ ءىشى اۋە لەنياسى جۇلگەسى كەلىسىمىنە، قۇلجا – تۇرپان – تيانجين ەل ءىشى اۋە لەنياسى جۇلگەسى كەلىسىمىنە قول قويىستى.

 

وبلىس باسشىلارىنان ليۋ جيانگو، ەلشات تۇرسىنباي ۇلى اقپارات جاريالاۋ ماجىلىسىنە قاتىناستى. وبلىستىق پارتكومنىڭ تۇراقتى مۇشەسى گاۋ تيانشان ءماجىلىستى باسقاردى.

اقپارات جاريالاۋ ماجىلىسىندە وبلىستىڭ ورىنباسار باستىعى ەلشات تۇرسىنباي ۇلى ارناۋلى تاقىرىپتا ءسوز سويلەدى.

جۋىقتا اۆتونوميالى وبلىس «ىلە وبلىسىنا توتە قاراستى ورىنداردىڭ حالىقارالىق، ەل ءىشى اۋە لەنياسىن كەڭەيتۋ جانە كەشكى كەزەكشى ايروپلاندارعا بەرىلەتىن ارناۋلى قوسىمشا قاراجاتتى باسقارۋ جونىندەگى ۋاقىتتىق ءادىستى» جاريالادى. شينجياڭ كولەمىندەگى ءارقايسى اۆياتسيا سەرىكتىكتەرى، ساياحات كاسىپورىندارى بۇعان بەلسەنە ءۇن قوسىپ، ىرىقتى تۇردە كەڭەس سۇراپ، بايلانىس جاسادى؛ وبلىستىق دامۋ – رەفورما كوميتەتى، قازىنا مەكەمەسى، ساياحات مەكەمەسى سياقتى قاتىستى تاراۋلار حالىقارالىق، ەل ءىشى اۋە لەنياسىن اشۋ، جۇڭگو وڭتۇستىك اۆياتسيا سەرىكتىگى، تيانيۋان حالىقارالىق ساياحات قوعامى (ءۇرىمجى اۆياتسيا سەرىكتىگى)، جۇڭگو حالىقارالىق اۆياتسيا سەرىكتىگى سياقتى اۆياتسيا سەرىكتىكتەرىمەن جانە تيانيۋان حالىقارالىق ساياحات قوعامىمەن سەلبەستىك ورناتۋ ىستەرى جونىندە كەڭەس وتكىزدى، قازىرگە دەيىن ءۇش اۋە لەنياسى سەلبەستىك ورناتۋعا پەيىل ءبىلدىردى.

بۇل ءۇش اۋە لەنياسى مىنالار: قۇلجا – ءۇرىمجى – شاڭحاي حۇڭچياۋ لەنياسى، مۇندا ماۋسىم ايىندا تۇڭعىش رەت ماۋسىمنىڭ 20 – كۇنىنەن بۇرىن رەسمي ايروپلان قاتىناۋ جوسپارلاندى؛ قۇلجا – قاشقار – ءۇرىمجى لەنياسى، مۇندا ماۋسىمنىڭ ورتاسىندا تۇڭعىش رەت ايروپلان قاتىنايدى؛ قۇلجا – تۇرپان – تيانجين لەنياسى، مۇندا مەجەمەن جۋىق ارادا تۇڭعىش رەت ايروپلان قاتىنايدى. سونىمەن بىرگە، قۇلجا – الماتى (قازاقستان) لەنياسى، قۇلجا – ءۇرىمجى – شىنجىن لەنياسى، قۇلجا – كورلا – چۇڭچيڭ لەنياسى، قۇلجا – ءۇرىمجى – قاناس لەنياسى سياقتى حالىقارالىق، ەل ءىشى، شينجياڭ كولەمىندەگى اۋە لەنيالارىنىڭ سەلبەستىك كەلىسىمدەرى جونىندەگى كەلىسسوز ءتارتىپتى جۇرىلۋدە. جوعارىداعى جاڭادان اشىلعان اۋە لەنيالارى ىسكە قوسىلعاننان كەيىن ىلە مەن حالىقاراداعى، ەل ىشىندەگى، شينجياڭداعى ماڭىزدى قالالار اراسىندا اۋە جولدارى تۇتاستىرىلىپ، سەلبەستىك ورناتۋ، اۋىس – كۇيىس جاساۋ جاعىنداعى جول قىسقارادى. بۇل ىلەمەن ءارقايسى قالانىڭ ەكونوميكا – ساۋدا قاتىناسىن قويۋلاتىپ، ىلەگە مول كاپيتالدىڭ ەنۋىن جەبەپ، سىرتقا ەسىك اشۋ ورەسىن جوعارىلاتۋعا تيىمدىلىك جاساپ قالماستان، ونىڭ ۇستىنە ىلەنى تاماشالاۋعا سىرتتان كەلەتىن ساياحاتشىلار مەن ىلەدەگى ءار ۇلت بۇقاراسىنىڭ ساپارعا شىعۋ شارت – جاعدايىن جاقسارتىپ، اۆتونوميالى وبلىستىڭ باس نىسانانى جۇزەگە اسىرۋدى جەبەۋ، ەكونوميكا مەن قوعامنىڭ دامۋىن ىلگەرىلەتۋ جاعىندا اسا كەلەلى مانگە يە.

«ىلە وبلىسىنا توتە قاراستى ورىنداردىڭ حالىقارالىق، ەل ءىشى اۋە لەنياسىن كەڭەيتۋ جانە كەشكى كەزەكشى ايروپلاندارعا بەرىلەتىن ارناۋلى قوسىمشا قاراجاتتى باسقارۋ جونىندەگى ۋاقىتتىق ادىستەگى» بەلگىلەمە بويىنشا اۆتونوميالى وبلىس 2017 – جىلدان 2019 – جىلعا دەيىن ءۇرتىس 3 جىل جىلىنا 30 ميلليون يۋان قارجى توپتاپ، جاڭادان اشىلعان حالىقارالىق، ەل ءىشى جانە شينجياڭ ءىشى اۋە لەنيالارى مەن كەشكى كەزەكشى ايروپلانعا ارناۋلى قوسىمشا قاراجات بەرەدى. مۇندا جياڭسۋدىڭ شينجياڭعا كومەك قارجىسىنان جىلىنا 16 ميلليون يۋان، وبلىس دارەجەلى قازىنادان جانە اۋدان – قالا قازىناسىنان جىلىنا 14 ميلليون يۋان قارجى بوساتىلادى. قوسىمشا قاراجات بەرۋ كولەمى __ وبلىسقا توتە قاراستى ورىنداردا تۇراقتاندىرىلعان جاڭادان اشىلعان حالىقارالىق، ەل ءىشى جانە شينجياڭ ءىشى اۋە لەنيالارىنداعى مەرزىمدى نەمەسە مەرزىمسىز ءتۇيىندى اۋە لەنيالارى مەن كەشكى كەزەكشى ايروپلاندار. قوسىمشا قاراجات ولشەمى 7 جاقتى قامتيدى، مۇندا حالىقارالىق، ەل ءىشى لەنيالارىن جاڭادان اشقان اۆياتسيا سەرىكتىكتەرىنىڭ اۋەجايعا قونۋ اقىسى 1 – جىلى تۇگەلدەي كەشىرىم ەتىلەدى، 2 – جىلى %50 ى كەشىرىم ەتىلەدى، 3 – جىلىنان باستاپ اقى الىنادى. كەشكى كەزەكشى ايروپلان اۆياتسيا سەرىكتىكتەرىنە جىلىنا 2 ميلليون يۋان قوسىمشا قاراجات بەرىلەدى نەمەسە كەشكى ايروپلانداعىلاردىڭ تاماق، جاتىن ورنى سياقتى قاتىستى قاراجاتتارى شەشىم ەتىلەدى.

ۇعىسۋعا قاراعاندا، اۆتونوميالى وبلىستا كەزەكتە نەگىزدىك قۇرىلعىلار كۇن سايىن كەمەلدەندىرىلىپ، تەمىر جول، تاس جول قاتىناس تورابى نەگىزىنەن قالىپتاسىپ، اۋە جولى جەدەل ىركىلىسسىزدەندىرىلدى، قازىر قۇلجا، نارات اۋەجايى سىندى ەكى اۋەجاي بار. موڭعۇلكۇرە امبەباپ اۋەجايىندا بيىل قۇرىلىس باستالىپ، قۇلجا اۋەجايىندا ەل ىشىنە توتە قاتىنايتىن 5 لەنيا، شينجياڭ ىشىندە قاتىنايتىن 3 لەنيا اشىلدى، ەندى عانا قول قويىلعان 3 لەنيانى قوسقاندا، ەل ىشىندە توتە قاتىنايتىن لەنيا 7 گە، شينجياڭ ىشىندە قاتىنايتىن لەنيا 4 كە جەتتى؛ نارات اۋەجايىندا ساياحات تارماق لەنيالى اۋەجايى رەتىندە 4 ماۋسىمدا دا ايروپلان قاتىنايدى.

 

اقپارات جاريالاۋ ماجىلىسىندە اۆياتسيا سەرىكتىكتەرى تانىستىرۋ جاسادى؛ وبلىستىق ۇكىمەتتىڭ، وبلىستىق ساياحات مەكەمەسىنىڭ، جۇڭگو وڭتۇستىك اۆياتسيا سەرىكتىگىنىڭ، تيانيۋان حالىقارالىق ساياحات مەكەمەسىنىڭ قاتىستى جاۋاپتىلارى تىلشىلەردىڭ سۇراۋىنا جاۋاپ قايتاردى.

 

 

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ