<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>حابارلاندىرۋ

«ءۇش ءتۇرلى كۇشتىڭ» ازدىرۋىنا ۇشىراعانداردى ءوزىن مالىمدەپ، كەڭشىلىكپەن ءبىر جاقتى ەتۋ ورايىنا يە بولۋعا شابىتتاندىرۋ جانە مالىمدەگەندەردى سيلاۋ جونىندەگى حابارلاندىرۋ

«كەڭشىلىك ەتۋ مەن قاتاڭ جازالاۋدى بىرلەستىرۋ» سىندى قىلمىستىق ىستەر ساياساتىن دايەكتى تياناقتاندىرىپ، ۇلتتىق بولشەكتەۋشى كۇشتەردىڭ، زورلىقتى كۇش لاڭكەس كۇشتەردىڭ، ءدىني ۇشقارى كۇشتەردىڭ (قىسقارتىلىپ «ءۇش ءتۇرلى كۇش» دەلىنەدى) زاڭعا قايشى قىلمىستىق ارەكەتتەرىن زاڭ بويىنشا قاتاڭ جازالاپ، «ءۇش ءتۇرلى كۇشتىڭ» ازدىرۋىنا ۇشىراعاندارعا قاتەلىگىن تانۋ، كەڭشىلىكپەن ءبىرجاقتى ەتۋ ورايىن بەرۋ ءۇشىن «جۇڭحۋا حالىق رەسپۋبليكاسىنىڭ قىلمىستىق ىستەر زاڭى»، «جۇڭحۋا حالىق رەسپۋبليكاسىنىڭ قىلمىستىق ىستەر ارىز - شاعىم زاڭى» سياقتى قاتىستى بەلگىلەمەلەرگە ساي تومەندەگىلەردى ەرەكشە حابارلاندىرامىز.

ءبىرىنشى، تومەندەگىدەي زاڭعا قايشى ارەكەتتەرى بولىپ، «ءۇش ءتۇرلى كۇشتىڭ» ازدىرۋىنا ۇشىراعاندار بولسا دەرەۋ ىرىقتىلىقپەن ءوزىن مالىمدەۋى كەرەك:

1.مەملەكەتتى بولشەكتەۋگە ۇيىمداستىرعان، جوسپارلاعان، بولشەكتەۋ جۇرگىزگەن نەمەسە مەملەكەتتى بولشەكتەۋگە، وتاننىڭ بىرلىگىن بۇلدىرۋگە جەلىكتىرگەن بولسا؛ زورلىقتى كۇش لاڭكەستىك ۇيىمدارىن ۇيىمداستىرعان، وعان جەتەكشىلىك ەتكەن، قاتىناسقان نەمەسە زورلاۋمەن قاتىناسقان، لاڭكەستىك قيمىلدارىمەن شۇعىلدانعان بولسا؛

2.زورلىقتى كۇش لاڭكەستىك قيمىلدارىن ۇيىمداستىرعان نەمەسە زورلىقتى كۇش لاڭكەستىك قيمىلدارىنا جەكەلەي قارجى توپتاعان، زاتپەن، ورىنمەن قامداعان جانە باسقا دا قولايلى شارت - جاعداي ازىرلەپ بەرگەن بولسا؛

3.دىننەن پايدالانىپ جۇرگىزىلگەن زاڭعا قايشى قىلمىستىق ارەكەتتەردى ۇيىمداستىرعان، وعان قاتىناسقان نەمەسە زورلاۋمەن قاتىناسقان، ياكي ورىنمەن قامداعان جانە باسقا دا قولايلى شارت - جاعداي ازىرلەپ بەرگەن بولسا؛

4.ءشاريعات سويلەۋگە، ۋاعىز ايتۋعا ۇيىمداستىرۋ، قاتىناسۋ ورايىنان پايدالانىپ، لاڭكەستىك دىبىس ـ كەسكىندەردى، زاڭسىز ۇگىت بۇيىمدارىن تاراتقان بولسا؛

5.جەندەتتىك قارۋ، قاتەرلى بۇيىم نەمەسە باسقا دا قۇرالداردى دايىنداعان بولسا؛ زورلىقتى كۇش لاڭكەستىك قيمىلدارىنا تاربيەلەۋگە ۇيىمداستىرىپ، قاتىناسىپ نەمەسە زورلاۋمەن قاتىناسىپ، شەكارا سىرتىنداعى زورلىقتى كۇش لاڭكەستىك ۇيىمدارىمەن، ادامدارىمەن بايلانىس جاساعان، زورلىقتى كۇش لاڭكەستىك قيمىلدارىن جۇرگىزۋدى جوسپارلاعان نەمەسە باسقا دا دايىندىقتارمەن قامداعان بولسا؛

6.«حيجرات» جۇرگىزىپ نەمەسە جۇرگىزبەك بولىپ شەكارادان جاسىرىن وتكەن بولسا، ياكي باسقالاردى شەكارادان جاسىرىن وتۋگە ۇيىمداستىرعان، جوسپارلاعان، جەلىكتىرگەن، تاسىمالداعان، كومەكتەسكەن بولسا؛

7.مىلتىق، وق - ءدارىنى زاڭسىز جاساعان، ساۋدالاعان، تاسىمالداعان، ساقتاعان، الىپ جۇرگەن بولسا؛ پارتىلاعىش قوندىرعىلاردى، جارىلعىش قوندىرعىلاردى زاڭسىز جاساعان نەمەسە پىشاق، بالتا سياقتى شەكتەلگەن قۇرالداردى جاساعان، ساۋدالاعان بولسا، سىرىڭكە، كۇكىرت، اسقىن مارگانەتس قىشقىلدى كالي، بولەك ساتىلعان بەنزين، سۇيىلتىلعان وتىندىق گاز قۇمىراسى، شەگە قاعاتىن وق سياقتىلاردى كوپتەپ ساتىپ الىپ، قوپارعىش جاساۋدىڭ شيكىزاتى ەتكەن بولسا، مىلتىق، قوپارعىش جاساۋدىڭ تەحنيكاسىن، ءادىسىن ۇيرەتكەن، تاراتقان بولسا؛

8.«عازاۋات سوعىسى»، «حيجرات» سياقتى زورلىقتى كۇش، لاڭكەستىك، ۇشقارىلىق، ۇلتتىق بولشەكتەۋشىلىك يدەياسى بار ۇگىت ماتەريالدارىن، جىلجىمالى ساقتاۋ دانەكەرلەرىن، جاڭا تيپتەگى ەلەكتروندىق ونىمدەردى، بەلگىلەردى جانە زاتتاردى زاڭسىز جاساعان، ساۋدالاعان، تاسىمالداعان، تاراتقان، تۇسىرگەن، كوبەيتىپ باستىرعان بولسا؛ ءدىني ۇشقارىلىقتان پايدالانىپ بۇقارانى مەملەكەتتىڭ نەكە، ءادىليا، وقۋ - اعارتۋ، جوسپارلى تۋىت، قوعامدىق باسقارۋ سياقتى زاڭدارىن، تۇزىمدەرىن بۇلدىرۋگە جەلىكتىرگەن، زورلاعان بولسا؛

9.زورلىقتى كۇش، قۇقاي كورسەتۋ تاسىلدەرمەن باسقالاردى الەۋمەتتىك ورىنداردا زورلىقتى كۇش لاڭكەستىك، ۇشقارىلىق ءتۇس العان كيىمدەردى، بەلگىلەردى كيۋگە، تاعۋعا زورلاعان بولسا؛ عالامتور، ۇيالى تەلەفون نەمەسە ميكرو بلوك، ءۇنحات، كوكەك، مومو، بارىس ـ كەلىس جۇمساق بولشەگى، YY دىبىسى، كۋگۋ سياقتى جەدەل حابارلاسۋ جابدىقتارىنان پايدالانىپ، ۇلتتىق بولشەكتەۋشىلىك، زورلىقتى كۇش لاڭكەستىك، ۇشقارىلىق مازمۇنىنداعى تور بەكەتىن، توراپ بەتىن نەمەسە جازۋ جانە دىبىس ـ كەسكىندەردى جاساعان، تاراتقان، تۇسىرگەن، ساقتاعان بولسا؛

     10.باسقا دا ۇلتتىق بولشەكتەۋ، زورلىقتى كۇش لاڭكەستىك، ۇشقارىلىق سياقتى زاڭعا قايشى قىلمىستىق ارەكەتىنە قاتىسى بارلار بولسا؛

جوعارىداعى ارەكەتتەردى وتكىزگەندەر بولسا، وسى حابارلاندىرۋ جاريالانعان كۇننەن باستاپ ءوزىن مالىمدەسە زاڭ بويىنشا كەڭشىلىكپەن ءبىر جاقتى ەتىلەدى.

ەكىنشى، زاڭعا قايشى قىلمىس وتكىزگەندەر ىرىقتى تۇردە قوعام حاۋىپسىزدىگى مەكەمەسى، حالىق پروكۋراتۋرا مەكەمەسى، حالىق سوت مەكەمەسى سياقتى ءادىليا ورگاندارىنا نەمەسە اۋىل - قالاشىق (كوشە ءمالى باسقارماسى، الاڭ)، قىستاق (الەۋمەتتىك اۋماق، تۇرعىندار كوميتەتى)، «حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» قيمىلىمەن قىستاقتا تۇراتىن قىزمەت اترەتى، ساقشى ىستەرى پۋنكىتى (كەڭسەسى) سياقتى نەگىزگى ساتى ۇيىمدارىنا، قىزمەتكەرلەرىنە جانە قىستاقتارداعى مەشىت باسقارۋ القاسىنداعى، باستاۋىش ورىنداردىڭ وقۋ - اعارتۋ ىسىنە كومەكتەسۋگە بارعان قىزمەتكەرلەرگە ءوزىن مالىمدەپ، قىلمىس فاكىتىن قاز - قالپىندا تاپسىرعاندار ءوزىن مالىمدەگەن ەسەپتەلەدى.

1.سول ادامنىڭ ءوزى جوعارىدا ايتىلعان ورگاندارعا بارىپ ءوزىن مالىمدەي الماسا، ءوزى نەمەسە باسقالارعا اماناتتاپ حات، تەلەگرامما جولداۋ، تەلەفون جالعاۋ سياقتى فورمالار ارقىلى جوعارىداعى ورگاندارعا ءوزىن مالىمدەپ، ىلە - شالا تەرگەۋگە قاتىناسسا ءارى ءوزىنىڭ قىلمىس فاكىتىن قازـ قالپىندا تاپسىرسا ءوزىن مالىمدەگەن دەپ قارالادى.

2.ءادىليا ورگاندارىنىڭ، نەگىزگى ساتىنىڭ قاتىستى ۇيىمدارى، قىزمەتكەرلەرى جاعىنان تەرگەلگەندە، تاربيە بەرىلگەندە نەمەسە ءتۇرلى تاربيەلەۋ كۋرسىسىندا، وزگەرتۋ، تاربيە بەرۋ ورىندارىندا ءوزىنىڭ ءادىليا ورگاندارى بايقاماعان قىلمىستىق ارەكەتتەرىن ىرىقتىلىقپەن تاپسىرسا، ءوزىن مالىمدەگەن دەپ قارالادى.

3.وتباسىنداعىلار نەمەسە دوس - جاراندارىنىڭ ناسيحاتتاۋىمەن، سەرىك بولۋىمەن كەلىپ ءوزىن مالىمدەسە نەمەسە وتباسىنداعىلارى، دوستارى ىرىقتى تۇردە دەلو مالىمدەگەننەن كەيىن زاڭعا قايشى قىلمىس وتكىزۋشىنى ءوزىن مالىمدەۋگە اپارىپ، ول ءوزىنىڭ قىلمىس فاكىتىن قاز - قالپىندا تاپسىرسا ءوزىن مالىمدەۋگە جاتادى.

4.زورلاۋ شارالارىن قولدانعان قىلمىس كۇماندىلارى، جاۋاپكەرلەر جانە جازاسىن وتەپ جاتقان قىلمىستىلار، ەگەر ءوزىنىڭ ءادىليا ورگاندارى ءالى يەلەي الماعان قىلمىستىق ارەكەتتەرىن قاز - قالپىندا تاپسىرسا ءوزىن مالىمدەۋگە جاتادى.

ءۇشىنشى، ىرىقتىلىقپەن ءوزىن مالىمدەگەندەر كىسى ءولتىرۋ دەلوسىن تۋدىرماعان، لاڭكەستىك توپ، ءدىني ۇشقارى توپتاردىڭ باس اتامانى نەمەسە تىرەكتى مۇشەسى ەمەس بولسا ءارى قىلمىسىن قاز - قالپىندا تاپسىرسا، زاڭ بويىنشا جەڭىلدەتىپ جازا بەرىلەدى نەمەسە جازاسى كەشىرىم ەتىلەدى؛ لاڭكەستىك توپ، ءدىني ۇشقارى توپتاردىڭ باس اتامانى نەمەسە تىرەكتى مۇشەلەرى ءوزىن مالىمدەسە زاڭ بويىنشا جەڭىل جازا بەرۋگە نەمەسە جەڭىلدەتىپ جازا بەرۋگە بولادى.

1.زاڭعا قايشى قىلمىس وتكىزگەندەر باسقالاردىڭ زاڭعا قايشى قىلمىستىق ارەكەتىن ءپاش ەتسە، اشكەرەلەسە، ونىسى تەكسەرىپ دالەلدەۋدە راستالسا ءارى ماڭىزدى ءجىپ ۇشىمەن قامداپ، سول ارقىلى باسقا دەلولاردىڭ اشىلۋىنا مۇمكىندىك تۋدىرۋ نەمەسە ءادىليا ورگاندارىنىڭ باسقا دا زاڭعا قايشى قىلمىس وتكىزگەندەردى ۇستاۋىنا بەلسەنە سەلبەسۋ سياقتى ەڭبەك كورسەتۋ بەينەسى بار بولسا زاڭ بويىنشا جەڭىلدەتىپ جازا بەرۋگە نەمەسە جازاسىن كەشىرىم ەتۋگە بولادى.

2.ءوزىن مالىمدەۋدەن باس تارتقانداردى ءادىليا تاراۋلارى زاڭ بويىنشا قاتاڭ جازالايدى. جاعدايدى بىلە تۇرا مالىمدەمەگەندەردىڭ، زاڭعا قايشى قىلمىس وتكىزگەندەردى جاسىرعانداردىڭ، قانات استىنا العانداردىڭ، قارجىلاي كومەك بەرگەندەردىڭ نەمەسە زاڭعا قايشى قىلمىس وتكىزگەندەردىڭ دالەل - ىسپاتتاردى جويۋىنا، جالعاننان جاساۋىنا كومەكتەسكەندەردىڭ زاڭ بويىنشا قىلمىستىق جاۋاپكەرلىگى قۋزاستىرىلادى.

3.زاڭعا قايشى قىلمىس وتكىزگەندەر زاڭسىز الىپ جۇرگەن پارتىلاعىش بۇيىمدار، مىلتىق، وق - ءدارى، شەكتەلگەن قۇرالدار، ەرەكشە ۋلى حيميالىق زاتتار جانە تورسىلداق، كۇكىرت، اسقىن مارگانەتس قىشقىلدى كالي، بولەك ساتىلعان بەنزين، ەسكى سۇيىلتىلعان وتىندىق گاز قۇمىراسى، سىرىڭكە سياقتى پارتىلاعىش بۇيىمداردىڭ شيكىزاتىن نەمەسە زورلىقتى كۇش، لاڭكەستىك قيمىلدارىنا قاتىستى ۇگىت ماتەريالدارىن ىرىقتىلىقپەن جوعارىعا تاپسىرىپ بەرسە، ناقتى زيان تۋدىرماعان بولسا ءادىليا ورگاندارى جاۋاپكەرلىگىن قۋزاستىرماسا دا بولادى ءارى جاعدايعا قاراي ەكونوميكالىق تولەم بەرۋگە دە بولادى.

ءتورتىنشى، ازاماتتار زاڭعا قايشى قىلمىستىق ارەكەتتەردى، قىلمىس وتكىزگەندەردى بەلسەنە اشكەرەلەۋگە، زاڭعا قايشى قىلمىستىق ارەكەتتەردىڭ ماڭىزدى دەرەگىمەن قامداۋعا شابىتتاندىرىلادى، قورعالادى. زاڭعا قايشى قىلمىس وتكىزگەندەرگە ءوزىن مالىمدەۋگە كەڭەس بەرىلىپ، اقىل ايتىلادى. مالىمدەگەندەردى، شاعىم بەرگەندەردى قورقىتىپ، ۇرىپ، ءوش الماق بولعانداردىڭ زاڭ بويىنشا قىلمىستىق ىستەر جاۋاپكەرلىگى قۋزاستىرىلادى.

بەسىنشى، مالىمدەگەن دەرەگى تەكسەرىپ دالەلدەۋدە راس بولعاندارعا «شينجياڭ ۇيعۇر اۆتونوميالى رايونىنىڭ بۇقارانىڭ زورلىقتى كۇش، لاڭكەستىك قىلمىستارىنا ساياتىن دەرەكتەردى مالىمدەگەندەرىن سيلاۋ ءادىسى» مەن اۆتونوميالى وبلىستىڭ قاتىستى بەلگىلەمەلەرىنە ساي ەڭ جوعارى بولعاندا 5 ميلليون يۋان سيلىق بەرىلەدى ءارى اشكەرەلەپ - مالىمدەۋشىنىڭ قۇپيالىعى ساقتالىپ، قورعالادى.

1.ۇيىمدى، جوسپارلى، ماقساتتى بولعان ءارى جوسپاردى ىسكە قوسىپ، ادامدار شوعىرلانعان كۇردەلى الاڭداردا، ءتۇيىندى مەكەمە - ورىنداردا، تالماۋ ورىنداردا زورلىقتى كۇش لاڭكەستىك قيمىلدارىن جۇرگىزبەك بولعانداردى مالىمدەپ، ارەكەت سيپاتىندىق، ىشكى سىر سيپاتىندىق، شۇعىل سيپاتتى ءتۇيىندى دەرەكتەرمەن قامداعاندارعا 500 مىڭ يۋاننان 5 ميلليون يۋانعا دەيىن سيلىق بەرىلەدى.

 2.ٴالسىز توپتاردى، ماڭىزدى ادامداردى نىسانا ەتىپ، شابۋىل جاساۋ، جاسىرىن ءولتىرۋ، بارىمتالاۋ سياقتى زورلىقتى كۇش لاڭكەستىك قيمىلدارىن ۇيىمداستىرعانداردى، جوسپارلاعانداردى، جۇرگىزگەندەردى اشكەرەلەپ، دەرەكپەن قامداعاندارعا 500 مىڭ يۋاننان 3 ميلليون يۋانعا دەيىن سيلىق بەرىلەدى.

3.شەكارا ءىشى - سىرتىنداعى مەملەكەت حاۋىپسىزدىگىنە زيان جەتكىزەتىن، زورلىقتى كۇش لاڭكەستىك كۇشتەر، ۇشقارى كۇشتەر سياقتى زاڭعا قايشىلىق جاساعان قىلمىستىلارمەن استاسىپ «عازاۋات سوعىسىنا»، «حيجراتقا» جەلىكتىرگەندەردىڭ، سەرت بەرگەندەردىڭ نەمەسە مەملەكەت حاۋىپسىزدىگىنە زيان جەتكىزەتىن، زورلىقتى كۇش لاڭكەستىك، ۇشقارىلىق قيمىلدارىن وتكىزگەن قىلمىستىلاردى شەكارادان ۇرلانىپ وتۋگە ۇيىمداستىرعانداردىڭ، جوسپارلاعانداردىڭ دەرەگىن مالىمدەگەندەرگە 500 مىڭ يۋاننان 2 ميلليون يۋانعا دەيىن سيلىق بەرىلەدى.

4.زورلىقتى كۇش لاڭكەستىك قيمىلدارىنا جەلىكتىرگەندەردىڭ، دايىندالعانداردىڭ، ونى جوسپارلاعانداردىڭ دەرەگىن مالىمدەگەندەرگە 300 مىڭ يۋاننان 2 ميلليون يۋانعا دەيىن سيلىق بەرىلەدى.

5.مەملەكەت حاۋىپسىزدىگىنە قاتەر توندىرەتىن، زورلىقتى كۇش لاڭكەستىك، ۇشقارىلىق قىلمىستارىن وتكىزىپ قاشىپ جۇرگەن قىلمىس كۇماندىلارىنىڭ ءىز - دەرەگىن، جاسىرىنعان ورنىنىڭ دەرەگىن مالىمدەپ، قاشىپ جۇرگەن قىلمىس كۇماندىلارىنىڭ ۇستالۋىندا ماڭىزدى رول اتقارعاندارعا 200 مىڭ يۋاننان 2 ميلليون يۋانعا دەيىن سيلىق بەرىلەدى.

6.مىلتىق، وق - ءدارى، پارتىلاتقىش قۇرالداردى، بۇيىمداردى جاساعانداردىڭ، پارتىلاتپاق بولعانداردىڭ نەمەسە مىلتىق، پارتىلاتقىش جاساۋ تەحنيكاسى، ءادىسى سياقتىلاردى ۇيرەتكەن، تاراتقان زاڭعا قايشى قىلمىستىق ارەكەتتەردىڭ دەرەگىن مالىمدەگەندەرگە 100 مىڭ يۋاننان ءبىر ميلليون يۋانعا دەيىن سيلىق بەرىلەدى.

7.پارتىلاتقىش جاساۋ بۇيىمدارىن، قاتەرلى حيميالىق بۇيىمداردى، باسقارۋعا الىنعان قۇرالداردى كوپتەپ ساتىپ العانداردى، جاسىرعانداردى مالىمدەپ، وسى سەبەپتى زورلىقتى كۇش لاڭكەستىك دەلولارى انىقتالسا 80 مىڭ يۋاننان 800 مىڭ يۋانعا دەيىن سيلىق بەرىلەدى.

8.مەملەكەت ورگان قىزمەتكەرلەرى، وقىتۋشىلار، ەمدەۋ - دەنساۋلىق ساقتاۋ سالاسىنداعى ۇكىمەت قىزمەتكەرلەرى زورلىقتى كۇش لاڭكەستىك، ۇشقارىلىق قيمىلدارىن، وسىنداي قيمىلدى جۇرگىزۋشىلەردى ۇيىمداستىرعان، جوسپارلاعان، ەركىنە جىبەرگەن، قانات استىنا العان نەمەسە ولارعا قورعان بولعان سياقتى دەرەكتەردى مالىمدەگەندەرگە 50 مىڭ يۋاننان 500 مىڭ يۋانعا دەيىن سيلىق بەرىلەدى.

9.شەكارا ءىشى - سىرتىنداعى لاڭكەستىك ۇيىمدارىنا، لاڭكەستىك ارەكەتپەن شۇعىلدانعان جەكەلەرگە قارجىلاي كومەكتەسكەن نەمەسە لاڭكەستىككە تاربيەلەۋ قيمىلدارىنا قارجىلاي كومەكتەسكەندەردىڭ دەرەگىن مالىمدەگەندەرگە 40 مىڭ يۋاننان 400 مىڭ يۋانعا دەيىن سيلىق بەرىلەدى.

10.مەملەكەت ورگان قىزمەتكەرلەرى قاساقانا قىلمىس كۇماندىلارىن، جاۋاپكەردى قىلمىس جاۋاپكەرلىگىنەن اقتاعان، اۋىر قىلمىسىن جەڭىل جازالاعان، قىلمىستىنى ءوز بەتىمەن بوساتقان نەمەسە بەلگىلەمەگە قايشى جازاسىن جەڭىلدەتكەن، بوساتقان، سوتتاعانعا دەيىن كەپىلگە بەرگەن، سىرتتا ەمدەلۋگە، جازاسىن سىرتتا اتقارۋعا بوساتقان سياقتى دەرەكتەردى مالىمدەگەندەرگە 30 مىڭ يۋاننان 300 مىڭ يۋانعا دەيىن سيلىق بەرىلەدى؛

11.دىنگە سەنبەيتىن بۇقارانى ۇرۋ، زاقىم جەتكىزۋ، تەمەكى - اراق دۇكەندەرىن، «ءۇش ءتۇرلى قارتتىڭ» قابىرىن ءبۇلدىرۋ سياقتى دەلولاردىڭ دەرەگىمەن قامداعاندارعا 20 مىڭ يۋاننان 200 مىڭ يۋانعا دەيىن سيلىق بەرىلەدى.

12.ۇشقارىلىقتان پايدالانىپ بۇقارانى مەملەكەتتىڭ زاڭىندا بەلگىلەنگەن نەكە، ءادىليا، وقۋ - اعارتۋ، قوعامدىق باسقارۋ تۇزىمدەرىن بۇلدىرۋگە جەلىكتىرۋ، زورلاۋ ارەكەتىمەن شۇعىلدانعانداردىڭ قىلمىستىق ارەكەتىنىڭ دەرەگىمەن قامداعاندارعا 10 مىڭ يۋاننان 150 مىڭ يۋانعا دەيىن سيلىق بەرىلەدى.

13.باسقارۋعا الىنعان قۇرالداردى، قاتەرلى، پارتىلاعىش بۇيىمداردى وندىرەتىن نەمەسە تيجارات ەتەتىن ورىندار مەن جەكەلەردىڭ تىزىمگە الۋ، شىن اتى - ءجونى بويىنشا ساتۋ، كوپتەپ ساتىپ العانداردى مالىمدەۋ ءتۇزىمى سياقتىلاردى تياناقتاندىرماعان دەرەگىن مالىمدەگەندەر بولسا ءارى وسى سەبەپتى زورلىقتى كۇش، لاڭكەستىك دەلوسى انىقتالعان بولسا 5 مىڭ يۋاننان 100 مىڭ يۋانعا دەيىن سيلىق بەرىلەدى؛

14.عالامتور، ۇيالى تەلەفون، جەدەل حابارلاسۋ قۇرالدارى سياقتىلاردان پايدالانىپ بولشەكتەۋشىلىك، لاڭكەستىك، ۇشقارىلىق مازمۇنى بار تور بەكەتتەرىن، توراپ بەتىن، ادرەسىن نەمەسە جازۋ، دىبىس، سۋرەت، كەسكىن ماتەريالدارىن جاساعانداردىڭ، تاراتقانداردىڭ دەرەگىن مالىمدەگەندەرگە 5 مىڭ يۋاننان 80 مىڭ يۋانعا دەيىن سيلىق بەرىلەدى؛

15.بۇقارانى قاساقانا زاڭسىز جينالىس وتكىزۋگە ۇگىتتەگەندەردىڭ، جەلىكتىرگەندەردىڭ دەرەگىن مالىمدەگەندەرگە 10 مىڭ يۋاننان 50 مىڭ يۋانعا دەيىن سيلىق بەرىلەدى.

16.قىستاق (الەۋمەتتىك اۋماق) پارتيا ياچەيكاسىنداعى نەمەسە قىستاقتا تۇراتىن مەشىت باسقارۋ القاسىنداعى كادرلاردىڭ جەتەكشىلىگىندە بولماعان «ءتورت ءتۇرلى قيمىلدىڭ»، زاڭسىز نەكە وقۋ قيمىلىنىڭ دەرەگىن مالىمدەگەندەرگە 5 مىڭ يۋاننان 50 مىڭ يۋانعا دەيىن سيلىق بەرىلەدى.

17.كوپ مولشەردەگى لاڭكەستىك، ۇشقارىلىق كىتاپتارىن، جىلجىمالى ساقتاۋ دانەكەرلەرىن ساتقانداردىڭ، جاسىرعانداردىڭ دەرەگىن مالىمدەگەندەرگە 5 مىڭ يۋاننان 30 مىڭ يۋانعا دەيىن سيلىق بەرىلەدى.

18.ءشاريعات سويلەۋ مىنبەسىن يەمدەنىپ العانداردىڭ، زاڭسىز دىنگە تاربيەلەگەندەردىڭ، زاڭسىز تابارىك وقىعانداردىڭ نەمەسە باسقالاردى بەت - اۋزىن تۇمشالاۋعا، دىنگە سەنۋگە زورلاعانداردىڭ، ياكي دىنگە سەنبەيتىن بۇقارانى قورلاعانداردىڭ، قاقپايلاعانداردىڭ دەرەگىن مالىمدەگەندەرگە 3 مىڭ يۋاننان 20 مىڭ يۋانعا دەيىن سيلىق بەرىلەدى؛

19.ەكىنشى قول ماتورلى كولىكتەردى، سۇيىلتىلعان گاز قورابى سياقتىلاردى زاڭسىز تيجارات ەتكەن، ساتقان، ساۋدالاعان، تاسىمالداعان، ساقتاعانداردىڭ نەمەسە شىن اتى ـ ءجونى بويىنشا تىزىمگە الۋ تۇزىمىنە قايشىلىق جاساعانداردىڭ، ياكي توكتى، كومىردى، سۋدى، گازدى پايدالانۋى قالىپسىز بولعانداردىڭ دەرەگىن مالىمدەگەندەرگە 2 مىڭ يۋاننان 10 مىڭ يۋانعا دەيىن سيلىق بەرىلەدى.

20.عالامتور جەلىسىندە جانە جەلىدەن تىسقارى پارتيا مەن مەملەكەتتىڭ حالىقتى اۋقاتتاندىرۋ جونىندەگى ءتيىمدى ساياساتتارىن، ۇلت، ءدىن ساياساتىن، ۇلتتار ىنتىماعى، جوسپارلى تۋىت، قوس ءتىل وقۋ - اعارتۋى سياقتى زاڭ - ەرەجە، ساياساتتارىن بۇرمالاعان، وعان سوقتىققانداردىڭ دەرەگىن مالىمدەگەندەرگە مىڭ يۋاننان 5 مىڭ يۋانعا دەيىن سيلىق بەرىلەدى.

21.مەملەكەت حاۋىپسىزدىگىنە، زورلىقتى كۇشكە، ۇشقارىلىققا ساياتىن باسقا دا قىلمىستىق ارەكەتتەردىڭ دەرەگىن مالىمدەگەندەرگە جاعدايعا قاراي ۇقساماعان دارەجەدە سيلىق بەرىلەدى.

التىنشى، «ءۇش ءتۇرلى كۇشتىڭ» ازدىرۋىنا ۇشىراعانداردىڭ ەندىگارى الجاسا بەرمەي، كەڭشىلىكپەن ءبىر جاقتى ەتۋ ورايىن قاستەرلەپ، دەرەۋ ىرىقتىلىقپەن ءوزىن مالىمدەۋىن، زاڭعا قايشى قىلمىس فاكىتىن ىرىقتىلىقپەن تاپسىرۋىن قاتاڭ ەسكەرتەمىز. ويتپەگەندە زاڭنىڭ قاتاڭ جازاسىنا تارتىلاتىنى داۋسىز.

جەتىنشى، بۇل حابارلاندىرۋ جاريالانعان كۇننەن باستاپ اتقارىلادى.

مالىمدەۋ تەلەفونى: 110

شينجياڭ ۇيعۇر اۆتونوميالى رايوندىق ەڭ جوعارى حالىق سوت مەكەمەسىنىڭ ىلە قازاق اۆتونوميالى وبلىستىق بولىمشەسى

ىلە قازاق اۆتونوميالى وبلىستىق حالىق پروكۋراتۋراسى

ىلە قازاق اۆتونوميالى وبلىستىق قوعام حاۋىپسىزدىگى مەكەمەسى

2017-جىلى ناۋرىزدىڭ 25 - كۇنى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ