<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ىلە كەلبەتى>>سۋرەتتەر سويلەيدى

«گۇل كۇنەستە ناۋرىز» اتتى كونسەرت دۋماندى ءوتتى

حابارىن جازىپ، سۋرەتتەرىن تۇسىرگەن باقىتبەك ءجۇمادىل ۇلى

كۇنەس اۋدانىنىڭ تاۋىق جىلعى سامارقاننىڭ كوك تاسى ەرىپ، تامىلجىعان تاعى ءبىر كوكتەم كەلگەندىگىن قارسى الۋعا ارنالعان «گۇل كۇنەستە ناۋرىز» اتتى تەلەۆيزيا كونسەرت كەشى 22 - ناۋرىز كۇنى كۇنەس اۋدانىنىڭ كينو - تياتر مادەنيەت ورتالىعىندا سالتاناتتى ءوتتى.

قىسقا دا نۇسقا دايىندالعان بۇل مايدان كونسەرتتە مازمۇن جانە فورما جاقتان رەفورما جاساپ گۇلدەنىپ - كوركەيىپ كەلە جاتقان ءتورت تۇلىگى ساي، حالقى باي، جەر بەتىندەگى ۇجماقتاي كوركىمەن كوز تارتقان «گۇلدى مەكەن» كۇنەستەگى ءار ۇلت حالقىنىڭ باقىتتى تۇرمىسىن، دامۋعا بەت العان ورنىقتى دا بەرەكەلى قوعامنىڭ ءسان - سالتاناتىن، ءار ۇلت كادرلارى مەن حالىقتىڭ قۇددى «اناردىڭ دانىندەي تىعىز ۇيىسىپ»، بەرەكەلەسە العا باسىپ، ورنىقتى دا كوركەيگەن قوعام قۇرۋعا ات سالىسپ وتىرعاندىعى سياقتى كەلەلى تاقىرىپتار ايقىن بەينەلەندى.

وسى مايدان كونسەرتتى ىلە تەلەۆيزياسى مەن ىلە حالىق راديو ىستانسياسى الداعى كۇندەردە كورەرمەندەرمەن بەت كورىستىرىپ، اۋە تولقىنى ارقىلى راديو تىڭدارماندارىنا جەتكىزەدى.

دالانى دا، قالانى دا دۋمانداتىپ مەرەكە مەرەيىنىڭ اسقاق ءان اۋەنىمەن جەر جۇيكەسىن جۇمسارتىپ كەلىپ جەتكەن حالقىمىزدىڭ اتامزاماننان جالعاستىرىپ كەلە جاتقان وسى «ءاز ناۋرىز مەرەكەسى» 2009 - جىلى بىرىككەن مەملەكەتتەر ۇيىمىنىڭ وقۋ - اعارتۋ، عىلىم، مادەنيەت ۇيىمى جاعىنان «حالقارالىق بەيزاتتىق مادەني مۇرالار» قاتارىنا ەنگىزىلگەن بولاتىن. وداندا بۇرىن، حالقىمىز اسقاق ءان، اجارلى بيىمەن ءار جىلى قارسى الاتىن وسى حالىقتىق ءداستۇر، سالتىمىزدى پارتيا مەن مەملەكەت ءداستۇرلى حالىقتىق مادەنيەت رەتىندە تانىپ، ونى جاڭعىرتۋعا، دامىتۋعا وڭتايلى وراي جاراتىپ وتىرعاندىقتان «ۇلىستىڭ ۇلى كۇنىن» جەر- جەر ءوز الىنشە ءار جىلى بوياۋى قانىق كوركومونەرلىك ورەمەن بەينەلەپ جۇرت كوڭىلىن جادىراتىپ كەلەدى.

كۇنەس اۋدانىنىڭ ءتورت باسشىلىق القاسىنداعى باسشىلار جانە ءبىر ءبولىم زەينەتكە، دەمالىسقا شىققان قارتتار ۋاكىلدەرى مەن ءار ۇلت كادىر جۇرتشىلىعىنان مىڭنان ارتىق ادام مەرەكە مەرەيىمەن باس قوسىپ، «گۇل كۇنەستە ناۋرىز» اتتى وسى رەتكى تەلەۆيزيا كونسەرتتى تاماشالادى. «بىتەر ءىستىڭ باسىنا، جاقسى كەلەر قاسىنا» دەگەندەي كۇنەس اۋدانىندا قىزمەت تەكسەرىپ جۇرگەن ىلە قازاق اۆتونوميالى وبلىستىق ساياسي ءماسليحات كەڭەسىنىڭ ءتوراعاسى سەرجان ۇعىباي ۇلى ۇسىنىس بويىنشا سەرىكتەرىمەن بىرگە كونسەرتتى تاماشالاپ، كۇنەستەگى ناۋرىز دۋمانىنا جيىلعان جۇرتشىلىققا «ۇلىىس وڭ بولسىن، اق مول بولسىن» ايتىپ، كونسەرتتىڭ مەرەيىن اسىردى.

كولەمدى ءان - ءبي «ناۋرىز شاتتىعى» جانە قارت ونەرپازداردىڭ «كۇنەسىم باقىت بەسىگى» قاتارلى ءان، ءبي نومىرلەرى مەن جاستاردىڭ توپتىق ءبيى «كەربەز كەرىم» جانە «ابىز» توبىنىڭ ۇلت اسپاپتارىمەن ءداستۇرلى كۇركىرەمە فورماسىندا ورىنداعان «ۇلتتى ءداستۇر ساقتايدى» ءانى حالىقتىق كوركەمونەردىڭ زامانا مادەنيەتىمەن ۇشتاسقان كەمەلدى ورەسىن بايقاتسا، ساۋىق كەشتى تاماشالاعان قالىڭ قاۋىم وسى ساۋىق كەشتىڭ ۇزىن ىرعاسىنان كۇنەستەگى ءار ۇلت حالقىنىڭ بەرىك ىنتىماقتا بولىپ، «قوعام ورنىقتىلىعىن ساقتاپ، باياندى دامۋ» باس نىساناسىن كەپىلدەندىرۋگە ات سالىسىپ جاتقان رۋحاني بەينەسىن ايقىن اڭعارىپ، پارتيا مەن ۇكىمەتتىڭ ءداستۇرلى بۇقارالىق مادەنيەتتى وركەندەتۋگە ءمان بەرىپ، حالىق تۇرمىسى قۇرىلىسىن جاقسارتۋدى نەگىز ەتكەن ۇلى نىسانداردى ورىنداۋعا قۇلشىنىپ وتىرعان ابزال ساياساتىن تولىق سەزىندى.

كەلۋ قاينارى: جولداما تۋىندى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ