<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ىلە كەلبەتى>>سۋرەتتەر سويلەيدى

كۇيتۇن قالاسى ناۋرىز مەرەكەسىن تويلادى

«ۇلىستىڭ ۇلى كۇنىندە» ءان–ءبي تەاترى جۇرتتىڭ قىزۋ قارسى الۋىنا بولەندى

قوعام ورنىقتىلىعى مەن باياندى تىنىشتىق باس نىساناسىنىڭ تالابى بويىنشا «ۇلتتار ىنتىماعىنىڭ بەرەكەلى شاڭىراعىنا» ءار ۇلت حالقىن تىعىز ىنتىماقتاستىرىپ، ورنىقتىلىقتى قورعاۋ جونىندەگى باعىت–ساياساتتارعا تاباندى بولىپ، «وسى زامان مادەنيەتىن جەتەكشى ەتە وتىرىپ، ءداستۇرلى مادەنيەتتىڭ تاڭداۋلى ۇلگىلەرىنە مۇراگەرلىك ەتۋ، ساۋلەلەندىرۋ» پرينسيبىنە ساي، كۇيتۇن قالالىق پارتكوم مەن حالىق ۇكىمەتى جەتەكشىلىك ەتىپ، قاتىستى ورىندار بەلسەنە اتسالىسىپ، شولپان قالاداعى ءار ۇلت حالقى حالقىمىزدىڭ ءداستۇرلى ناۋرىز مەرەكەسىن تويلادى. «ۇلىستىڭ ۇلى كۇنىندە» اتتى ءان–ءبي تەاترى فورماسىمەن ناۋرىزدىڭ 5–كۇنى تۇستەن كەيىن كۇيتۇن قالالىق مادەنيەت–كوركەمونەر ورتالىعىندا قويىلعان ناۋرىز كونسەرتى ءار سالاداعى كورەرمەندەردىڭ قىزۋ قارسى الۋىنا يە بولدى.

ناۋرىز مەرەكەسى − حالقىمىزدىڭ سوناۋ ەستە جوق ەسكى زامانداردان تارتىپ، كۇنى بۇگىنگە دەيىن جالعاسىپ كەلە جاتقان ءداستۇرلى جاڭا جىل مەرەكەسى. ناۋرىز مەرەكەسىندە كوپشىلىك جەتى ءتۇرلى دامنەن كوجە جاساپ، مالدىڭ كادەلى جىلىكتەرىن اسىپ، اۋزى دۋالى، كوپتى كورگەن ابىز قارتتارعا باتا جاساتىپ، ەل–جۇرتتى بەرەكە–بىرلىككە شاقىرىپ، اق تىلەۋ تىلەيدى. اۋىل ونەرپازدارى الۋان ءتۇرلى ونەر كورسەتىپ، مەرەكەنىڭ مەرەيىن اسىرادى. مىنە، وسىنداي سالت–ءداستۇردى نەگىز ەتىپ جازىلعان، مەرەكە شاتتىعىنا ارنالعان «كۇن ءساتى»، «تىرشىلىك تىرەگى»، «اق تىلەك» سىندى ءۇش پەردەدەن قۇرالعان ءان–ءبي تەاترىندە: كۇن مەن ءتۇن تەڭەلگەن ۇلىستىڭ ۇلى كۇنىندە سامارقاننىڭ كوك تاسى ءجىبىپ، قىستىڭ كوبەسى سوگىلىپ، ساي–سالادان سۋ سارقىراپ اعىپ، جەر كوكتەپ، اعاش بۇرلەپ، ءتورت تۇلىك تولدەپ، نۇر ۇستىنە نۇر جاۋعانداي شىت–جاڭا تىرشىلىك باستالاتىندىعى بەينەلەندى.

1-پەردەدە: اۋىل اقساقالدارى، كوپتى كورگەن دانالار باستاعان ۇلكەن–كىشى كۇنگە ماڭدايىن بەرە تاعزىم ەتكەن، انالار اق شاشىپ، مولشىلىق تىلەگەن، قوبىزشىلار كۇن ساتىنە ارناپ 9 كۇي شەرتەتىن، جاز يەسى ۇت بيكەش پەن قىس يەسى زىمىستان سايىسىپ، جاز يەسى ۇت بيكەش جەڭىپ، كۇلىمدەپ كوكتەم كەلگەندىگىن بەينەلەگەن حالقىمىزدىڭ ۇمىت بولا باستاعان ەجەلگى ناۋرىز ءداستۇرى ءساتتى سومدالعان.

2-پەردەدە: ابىز اتا باستاعان كوپشىلىك بۇلاق كوزىن اشىپ، اعاش ەگىپ، اق تىلەك تىلەيتىنى، اق سامايلى اجە «كوڭىلىمىز بۇلاقتاي ءمولدىر، ىرىس–قۇتىمىز مايداي جۇعىمدى بولسىن! و، ىرىستى جەر انا، قۇت دارىتا كور! قۇت دارىتا كور!» دەپ تىلەك تىلەپ، بۇلاق كوزىنە ماي تامىزىپ، ەككەن اعاشقا اق شاشىپ، سۋ قۇياتىنى، ادام مەن تابيعاتتىڭ تامىرلاسىپ جاتاتىن تىرشىلىك كورىنىستەرى كوركەم وبراز ارقىلى ءان–بيمەن اسەم كەستەلەنىپ، كورەرمەندەرگە «وي، بارەكەلدى!» ايتقىزدى. قىز–جىگىتتەردىڭ ءوزارا سۇيىسپەنشىلىكتەرىن بىلدىرەتىن، ءازىل–قالجىڭ ايتىسى دا كورەرمەندەردى جەلپىندىرىپ تاستادى.

3-پەردەدە: اجەلەر، كەلىندەر، قىزدار 7 دامنەن ناۋرىز كوجە جاساپ، جىگىتتەر تورە تاباق كوتەرىپ كەلىپ، اۋزى دۋالى، كوپتى كورگەن ابىز اتادان اق باتا سۇراۋ، باتا بەرۋ ءداستۇرى مەن ءار ۇلت ۋاكىلدەرى ءبىر وتباسىنىڭ ادامىنداي ناۋرىز مەرەكەسىن بىرگە تويلاپ، مارە–سارە بولعان بەرەكە–بىرلىگى بەينە سوناۋ سايىن دالا قويناۋىنداعى اۋىلدا ناۋرىز كوجە جاسالىپ، ۇلىس كۇنىن تويلاپ جاتقانداي تارتىمدى بەينەلەندى.

«ىلە كەشى» گازەتىنىڭ رەداكتورى، اقىن، دراماتورگ جاماعات شاربەك ۇلى جازعان، اۆتونوميالى رايوندىق ءان–ءبي تەاترىنىڭ مەملەكەتتىك 1–دارەجەلى رەجيسسەرى گىمىش ماعىپەر قىزى باس رەجيسسەر، ىلە وبلىستىق ءان–ءبي ۇيىرمەسىنىڭ مەملەكەتتىك 1–دارەجەلى ارتيسى ماينۇر مۇقان قىزى اتقارۋشى رەجيسسەر بولعان، 80 گە جۋىق ارتيست قاتىناسىپ، ءوز رولدارىن سومداپ، قىسقا عانا ۋاقىتتا ساحنالاستىرىلىپ ۇلگىرگەن بۇل ءان–ءبي تەاترىندە ۋاقيعا مەن وي، سالت–ءداستۇر كورىنىستەرى جىگى اجىراماستاي قيۋلاستىرىلعاندىعى بارشا كورەرمەندى ەرەكشە ءسۇيىندىردى. ءالسىن–ءالى سوعىلعان قول شاپالاق ءۇنى تولاستامادى. اللابەرگەن، ماقسۇتقان، ومارقان، گۇلزيا قاتارلى جاسى 70 تەن اسقان قارتتار: «بۇرىن–سوڭدى كورىلمەگەن جاڭالىقتاردى بايقادىق، اسىرەسە، ۇمىت بولا باستاعان داستۇرلەرىمىزدى تارتىمدى تۇردە جاڭعىرتىپ كورسەتكەنىنە كوڭىلىمىز تويىپ، توبەمىز كوككە جەتكەندەي قۋانىپ وتىرمىز.

ءبىز بالا كۇنىمىزدە كورگەن كەيبىر سالت–داستۇرلەر كوز الدىمىزعا كەلدى. ناۋرىز مەرەكەسىندە قانداي سالت–داستۇرلەرىمىزدىڭ بار ەكەندىگىن ءبىر قىرىنان وتە اسەرلى بەينەلەي العاندىعىنا ايرىقشا العىس ايتامىز. بۇل پارتيا مەن ۇكىمەتتىڭ حالىقتىق مادەنيەتتى وركەندەتۋگە ءمان بەرىپ، حالىق تۇرمىسى قۇرىلىسىن جاقسارتۋدى نەگىز ەتكەن ابزال ساياساتىنىڭ ارقاسى» دەپ اعىنان اقتارىلا سىر ءبولىستى.

ءيا، «ۇلىستىڭ ۇلى كۇنىندە» اتتى ءان–ءبي تەاترى فورماسىمەن تويلانعان شولپان قالانىڭ ناۋرىز كونسەرتىنە جۇرت كوڭىلى توعايىپ، ونى ۇيىمداستىرۋشى باسشىلىق ورىندارعا ۇلكەن ريزاشىلىق ءبىلدىردى.

كەلۋ قاينارى: ىلە گازەتى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ