<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>ۇكىمەتىڭ ۇنەمىلىك ىستەر ءماجىلىسى

وبلىستىق ۇكىمەت 1 – رەتكى ۇنەمىلىك ىستەر ءماجىلىسى مەن پارتگرۋپپا ءماجىلىسىن اشتى

وبلىستىق پارتكومنىڭ «جۇمىستى ءتۇن اسىرماي ءبىتىرۋ» تالابىن دايەكتى تياناقتاندىرىپ، جاڭا كەزەكتى ۇكىمەتتىڭ قىزمەتىندە تاماشا باستاما اشايىق

اقپاننىڭ 20 – كۇنى اۆتونوميالى وبلىستىق 14 – كەزەكتى حالىق قۇرىلتايىنىڭ 1 – ءماجىلىسى جابىلدى، وبلىستىق ۇكىمەت ءماجىلىس اياقتالا سالىسىمەن 1 – رەتكى ۇنەمىلىك ىستەر ءماجىلىسى مەن پارتگرۋپپا ءماجىلىسىن اشىپ، ماڭىزدى سوزدەردى، قۇجاتتاردى ۇيرەنىپ، باسشىلىق القالانىڭ جۇمىس ءبولىسىن ايقىنداپ، ۇكىمەتتىڭ قىزمەت تارتىبىنە، ۇكىمەت پارتگرۋپپاسىنىڭ قىزمەت تارتىبىنە، ۇكىمەت پارتگرۋپپاسى نازاريا ۇيرەنۋ وزەكتى گرۋپپاسىنىڭ ۇيرەنۋ تۇزىمىنە وزگەرىس ەنگىزىپ، ۇكىمەت قىزمەتىنەن بايانداماداعى مىندەت ءبولىسىن اقىلداسىپ تۇراقتاندىردى. وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى ءماجىلىستى باسقاردى ءارى ناقتى تالابىن العا قويدى.

وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى لۋ شۋجياڭ، وبلىستىڭ ورىنباسار باستىقتارى مەي يۇي، جاڭ جۇي، زاكىر زوردۇن، گاۋ چي، ەلشات تۇرسىنباي ۇلى، حى پيڭ، جاڭ ميڭحۋا ماجىلىسكە قاتىناستى.

ءماجىلىستىڭ ماقساتى: اۆتونوميالى وبلىستىق پارتكومنىڭ «جۇمىستى ءتۇن اسىرماي ءبىتىرۋ» تالابىن دايەكتى تياناقتاندىرۋ، جاڭا كەزەكتى ۇكىمەتتىڭ تىڭ جاعدايىن، تىڭ اۋانىن، تىڭ رولىن ايگىلەپ، ۇكىمەت قۇرامىنداعى تاراۋلارعا ۇلگى – ونەگە بولىپ، جاڭا كەزەكتى ۇكىمەتتىڭ قىزمەتىندە تاماشا باستاما اشۋ.

قۇرماش سىرجان ۇلى بىلاي دەدى: اۆتونوميالى وبلىستىق 14 – كەزەكتى حالىق قۇرىلتايى 1 – ءماجىلىسىنىڭ جابىلۋ سالتىندا، جاڭا كەزەكتى ۇكىمەتتىڭ باسشىلىق القاسى اتىنان وبلىستىق پارتكومعا جانە وبلىستاعى ءار ۇلت بۇقاراسىنا بايسالدى تۇردە بىلاي دەپ ۋادە بەردىم: «قوعام ورنىقتىلىعى مەن باياندى تىنىشتىق باس نىساناسىن، ءسوزسىز، تىعىز توڭىرەكتەپ، جاۋاپكەرلىك تانىمدى، بورىشتىلىق تانىمدى جانە كوكەيتەستىلىك تانىمدى ارتتىرىپ، باستاماشىلدىقپەن، ىرىقتىلىقپەن ۇلگى بولىپ، وبلىستىق ۇكىمەت باسشىلىق القاسى قۇرىلىسىنىڭ جاڭا جاعدايى، جاڭا بەينەسى، تىڭ ونىمدىلىگى ارقىلى وبلىستىڭ ءتۇرلى ىستەرىندە تىڭ ناتيجە جاراتۋعا، ءتۇرلى قىزمەتتە تىڭ جاعداي اشۋعا قۇلشىنىپ، اۆتونوميالى رايوننىڭ، اۆتونوميالى وبلىستىق پارتكومنىڭ سەنىمىن، وبلىستاعى ءار ۇلت حالقىنىڭ كۇتكەن ءۇمىتى مەن شىن ىقىلاسىن اقتاپ، ۇيىمنىڭ ماڭىزدى اماناتىن ادا ەتەمىن

قۇرماش سىرجان ۇلى مىنانى تالاپ ەتتى: بىرىنشىدەن، ساياسيدا بەرىك، قالتقىسىز ادال بولۋ كەرەك. مۇرات – سەنىمدى، دۇرىس ساياسي مايدان مەن ساياسي باعىتتى بەكەمدەپ، پارتيا ورتالىق كوميتەتىنىڭ، اۆتونوميالى رايوندىق پارتكومنىڭ جانە وبلىستىق پارتكومنىڭ بەدەلىن باتىل قورعاپ، ۇكىمەتتىڭ بارلىق قىزمەتىن پارتيانىڭ باسشىلىعىمەن ورنالاستىرۋ كەرەك. وبلىستىق پارتكومنىڭ شەشىم – ورنالاستىرۋلارىن تەز دايەكتىلەندىرىپ، قاتاڭ اتقارىپ، جاپپاي تياناقتاندىرىپ، ۇلكەن ىستەردى، كەلەلى شەشىمدەردى، ءتۇيىندى ماسەلەلەردى، ماڭىزدى جاعدايدى وبلىستىق پارتكومعا دەركەزىندە دوكلاد ەتىپ، وبلىستىق پارتكوممەن باستان – اياق ءبىر نيەت، ءبىر تىلەكتە، ءبىر باعىتتا بولۋ كەرەك.

ەكىنشىدەن، نىسانانى بەتكە الۋعا، تىڭ جاعداي جاراتۋعا تاباندى بولۋ كەرەك. ۇكىمەت باسشىلىق القاسىنىڭ ءاربىر مۇشەسى ورنىقتىلىقتى قورعاۋ جونىندەگى «ءتورت ءتۇرلى تانىمدى» بەرىك تىكتەپ، بارلىق قىزمەتتى باس نىسانانى تىعىز توڭىرەكتەي وتىرىپ جوسپارلاۋدا، ورنالاستىرۋدا، ورىستەتۋدە باستان – اياق تاباندى بولىپ، ءارقانداي ورىندا، ءارقانداي ۋاقىتتا تۋ ايقىن، كوزقاراس اشىق، وي مەن ارەكەت بىردەي، پوزيتسيا باتىل بولۋ؛ «ءبىر جىلدا ورنىقتىرۋ، ەكى جىلدا بەكەمدەۋ، ءۇش جىلدا قالىپتى جاعدايعا اينالدىرۋ» سىندى كەزەڭدىك سيپاتتى نىسانانى بار كۇشپەن جۇزەگە اسىرىپ، ىلەنىڭ قوعام ورنىقتىلىعى مەن باياندى تىنىشتىق تىڭ جاعدايىن اشۋعا قۇلشىنۋ كەرەك.

ۇشىنشىدەن، ۇيرەنۋدى كۇشەيتىپ، قابىلەتتى جوعارىلاتۋدا تاباندى بولۋ كەرەك. ۇكىمەتتىڭ باسشىلىق القاسىنداعىلار ۇيرەنۋدى سانالى ىزدەنىسكە اينالدىرىپ، ءبىر جاعىنان وبلىستىق پارتكوم ۇيىمداستىرعان نازاريا ۇيرەنۋ وزەكتى گرۋپپاسىنىڭ ۇيرەنۋىنە بەلسەنە قاتىناسۋ ءارى ۇكىمەت پارتگرۋپپاسىنىڭ نازاريا ۇيرەنۋ وزەكتى گرۋپپاسىنىڭ ۇيرەنۋىنە تاباندى بولۋ؛ ەندى ءبىرجاقتان وزدىگىنەن ۇيرەنۋدى ۇزدىكسىز كۇشەيتىپ، ۇيرەنۋدى ۇنەمىلىك داعدىعا، ۇيرەنۋدىڭ ونىمدىلىگىن قىزمەت ناتيجەسىنە اينالدىرىپ، باس نىسانانى شىنايى جەتەكشىلىككە الىپ، ستراتەگيالىق، جاسامپازدىق، ديالەكتيكالىق، زاڭدىق تۇرعىدا، تومەنگى شەكتە وي جۇگىرتۋ قابىلەتىن جوعارىلاتىپ، پارتيانىڭ ەڭ جاڭا نازاريالىق تابىسىمەن وي – سانانى قارۋلاندىرىپ، امالياتقا جەتەكشىلىك ەتتىرىپ، قىزمەتتى ىلگەرىلەتۋ كەرەك.

تورتىنشىدەن، نەگىزگى ماقساتتى ەستە بەرىك ساقتاپ، بۇقارا ءۇشىن قىزمەت وتەۋدە تاباندى بولۋ كەرەك. حالىق ۇكىمەتى حالىق ءۇشىن قىزمەت ىستەۋ باعىتىندا تاباندى بولىپ، بار ىنتا – پەيىلمەن حالىق ءۇشىن قىزمەت وتەۋ ماقساتىن باستان – اياق ەستە بەرىك ساقتاپ، ءار ۇلت بۇقاراسىنىڭ مۇڭ – مۇقتاجىنا كوڭىل تورىنەن ورىن بەرىپ، حالىق بۇقاراسى ەڭ كوڭىل بولگەن، مۇددەسىنە تىكە ساياتىن، ەڭ رەال ماسەلەلەر مەن قيىنشىلىقتاردى بار كۇشپەن شەشىپ، رەفورما، دامۋ جەتىستىكتەرىن حالىق تۇرمىسىن جاقسارتۋ، جەرگىلىكتى ورىندى يگىلىككە كەنەلتۋ، ىنتىماقتى نىعايتۋ جاعىندا اناعۇرلىم تياناقتاندىرىپ، ءار ۇلت بۇقاراسىن ىرىقتىلىقپەن پارتياعا العىس ايتىپ، پارتيانىڭ ۇنىنە ءۇن قوسىپ، پارتياعا ىلەسۋگە باستاۋ كەرەك. نەگىزگى ساتىلارعا بارىپ، بۇقارامەن ەتەنە ارالاسۋ؛ باسشىلىق القا مۇشەلەرىنىڭ تۇتاس جىلدا نەگىزگى ساتىعا بارىپ تەكسەرۋ – زەرتتەۋ جۇرگىزگەن كۇنى 60 كۇننەن كەم بولماۋعا كەپىلدىك ەتۋ، تارتىمدى تەكسەرۋ – زەرتتەۋ دوكلادىن جازىپ، نەگىزگى ساتىنىڭ ماسەلەسى مەن قيىنشىلىعىن شەشۋدى بار كۇشپەن ىلگەرىلەتۋ كەرەك.

بەسىنشى، دەموكراتيالىق ورتالىقتاندىرۋ مەن ىنتىماقتى ىستەستىك جاساۋعا تاباندى بولۋ كەرەك. دەموكراتيالىق ورتالىقتاندىرۋ ءتۇزىمىن مۇقيات اتقارىپ، ءارقانداي ۋاقىتتا پارتيا مەن حالىقتىڭ ىستەرىن ماڭىزدى ورىنعا قويىپ، جالپى جاعداي تانىمى مەن كوللەكتيۆتىك تانىمدى بەرىك ورناتىپ، ۇكىمەتتىڭ باسشىلىق القاسىنداعىلاردىڭ ىنتىماعىن جابىلا قورعاپ، كوپشىلىك ءبىر تىلەكپەن ورتاق قۇلشىناتىن، ىنتىماقتاسا سەلبەسەتىن تاماشا اۋان جاراتۋ كەرەك.

التىنشى، تارتىپشەڭ، پاك بولۋعا تاباندى بولىپ، زاڭ بويىنشا بيلىك جۇرگىزۋ كەرەك. پارتيا ۋستاۆىنا، پارتيا ەرەجەسىنە جانە پارتيا ءتارتىبى مەن مەملەكەت زاڭىنا قاتاڭ بويسۇنىپ، ءتارتىپ جازاسى ەرەجەسىن، جاۋاپقا تارتۋ ەرەجەسىن قاتاڭ اتقارىپ، ۇكىمەت ىسىندە پاك بولۋ جاعىنداعى ءتۇرلى ەرەجەلەرگە قاتاڭ بويسۇنىپ، ادال، كىرشىكسىز، جاۋاپكەر بولۋ كەرەك. زاڭ بويىنشا بيلىك جۇرگىزۋگە تاباندى بولىپ، زاڭ بويىنشا مىندەتتى ادا ەتىپ، زاڭمەن باسقارۋ وي جەلىسى مەن زاڭمەن باسقارۋ ءادىسىن سانالى پايدالانىپ، ورنىقتىلىقتى قورعاپ، دامۋدى جەبەپ، ءتۇرلى رەفورمالاردى جالعاستى كۇش سالا ىلگەرىلەتۋ، اسىرەسە، اكىمشىلىك تەكسەرىپ بەكىتۋ ءتۇزىمى رەفورماسى جاعىندا «كۇشىنەن قالدىرۋ، باسقارۋ، قىزمەت وتەۋدە» تىڭ ناتيجەلەرگە قول جەتكىزۋ كەرەك. تەكسەرىپ بەكىتۋ تۇرلەرىن بارىنشا ازايتىپ، كۇشىنەن قالدىرۋعا تيىستىلەرىن باتىل كۇشىنەن قالدىرۋ، باسقارۋعا تيىستىلەرىن زاڭ بويىنشا جاقسى باسقارۋ، قىزمەت وتەۋگە تيىستىلەرىنە ناقتى، ويداعىداي قىزمەت وتەۋ، «ءىرى ورگاننىڭ ۇساق قىزمەت وتەۋى» ماسەلەسىن شىن مانىندە شەشۋ؛ حالىق قۇرىلتايى مەن تۇراقتى كوميتەتتىڭ قاۋلى، بەلگىلەمەلەرىن مۇقيات تياناقتاندىرىپ، حالىق ۇكىمەتىنىڭ دەموكراتيالىق باقىلاۋىن بەلسەنە قابىلداپ، زاڭمەن جونگە سالىناتىن، پاك جانە قىزمەت وتەگىش ۇكىمەت قۇرۋعا قۇلشىنىس جاساۋ كەرەك.

جەتىنشى، ستيلگە بۇرىلىس جاساپ، تىڭعىلىقتى ىستەپ، جاۋاپكەر بولۋعا تاباندى بولۋ كەرەك. اۆتونوميالى رايوندىق پارتكومنىڭ «10 ەرەجە»، «9 تالاپ»، «9 دى كۇشەيتۋىن» ءارقاشان ولشەم ەتىپ، «4 ءتۇرلى بۇرىس ستيل»، « 4 ءتۇرلى بۇرىس پيعىلدى» باتىل تۇزەتىپ، «بەستى جويىپ، بەستى بەكەمدەۋ» ارقىلى «ۇشتە قاتاڭ، ۇشتە شىنايى بولۋدى»، ءسوزدى ۇيرەنۋ، ستيلدە بۇرىلىس جاساۋ، تياناقتاندىرۋدى جەبەۋ ىستەرىن امالياتتا ايگىلەپ، ساياساتقا قانىق، سەنىمگە ادال، ارەكەتى بايىپتى، قىزمەتتە جاۋاپكەر، ستيلدە ناقتى، حالىققا جاناشىرلىقپەن قىزمەت وتەيتىن، ىنتىماقتى جەبەۋشى، تارتىپكە بويسۇنعىش، پاك تە ادال بولۋ كەرەك. پارتيا مەن حالىقتىڭ ىستەرىنە وسكەلەڭ جاۋاپكەرلىك پوزيتسياسىندا بولىپ، وبلىستىق پارتكوم تاپسىرعان، ءوز ۇلەسىندەگىءتۇرلى قىزمەتتەردى ويداعىداي ورىنداپ، ىلەنىڭ ىستەرىن كۇش سالا جاقسى ىستەپ، ىلە شەبىن جاقسى قورعاپ، ىلەنى كۇننەن – كۇنگە كوركەيتۋ كەرەك.

سەگىزىنشى، قوسىن قۇرىلىسىن كۇشەيتۋدە تاباندى بولىپ، ستيلدە ۇلگى بولۋ. ۇكىمەت قۇرىلىمىنىڭ وزىندىك قۇرىلىسىن اناعۇرلىم كۇشەيتىپ، قىزمەت ستيلىن وڭاپ، قىزمەت قابىلەتى مەن ورەسىن جوعارىلاتۋ كەرەك. باقىلاۋ-تەكسەرۋ قىزمەتىن ۇكىمەت قىزمەتىنىڭ جالپى بارىسىنا شىنايى ءسىڭىرىپ، ۇكىمەت باقىلاۋ كەڭسەسىنىڭ رولىن تولىق ساۋلەلەندىرىپ، قىزمەت مەحانيزمىن كەمەلدەندىرىپ، قىزمەتكەرلەردى تولىقتاپ، ءتۇيىندى نىساندى، ماڭىزدى قىزمەتتى، ءىرى مىندەتتى توڭىرەكتەي وتىرىپ باقىلاۋ -تەكسەرۋ جۇرگىزۋدى مىقتى يگەرۋ كەرەك.

قۇرماش سىرجان ۇلى كەزەكتەگى قىزمەتتى ويداعىداي مىقتى يگەرۋ جونىندە مىنانى باسا دارىپتەدى: اپاتتان ساقتانۋ، اپات زيانىن ازايتۋ قىزمەتىن ويداعىداي مىقتى يگەرۋ كەرەك. تەمپەراتۋرانىڭ جوعارىلاۋىنا ساي تاسقىن، لاي كوشكىنى سياقتى اپاتتاردىڭ تۋىلۋ ىقتيمالدىعى كۇشتى بولادى. سوندىقتان قاتىستى تاراۋلاردىڭ ءتۇرلى اپاتتى الدىن-الا بولجاۋ سياقتى دايىندىق جوبالارىن ويداعىداي جاساپ، شۇعىل جاعدايعا توتەپ بەرۋ قۋاتىن كۇشەيتۋىنە باقىلاۋشىلىق جانە قۋزاۋشىلىق ەتۋ؛ سۋ توسپالارىن شارلاۋ - تەكسەرۋ تەبىنىن ارتتىرىپ، سۋ ىستەرى قۇرىلعىلارىنىڭ حاۋىپسىزدىگىنە كەپىلدىك ەتۋ؛ اپاتتان ساقتانۋ، اپات زيانىن ازايتۋ ءۇشىن ىستەتىلەتىن زاتتاردى زاپاس ساقتاۋ قىزمەتىن ويداعىداي ىستەپ، اپات تۋىلعاننان كەيىن دەرەۋ ءبىر جاقتى ەتۋ شارالارىن قولدانۋعا كەپىلدىك ەتۋ كەرەك.

كوكتەمگى وندىرىسكە دايىندىق كورۋ قىزمەتىن ويداعىداي مىقتى يگەرۋ كەرەك. كوكتەمگى مەزگىلدى مىقتى يگەرىپ، بيىلعى ەگىنشىلىك جوسپارى مەن كىرىستى ارتتىرۋ شاراسىن ويداعىداي تياناقتاندىرىپ، كوكتەمگى وندىرىسكە قاجەتتى زاتتاردى تاسىمالداۋ جانە ونىمەن قامداۋ قىزمەتىن مىقتى يگەرىپ، كوكتەمگى ءوندىرىستىڭ دايىندىق قىزمەتتەرىن ويداعىداي ىستەۋ؛ فينانستىڭ ەگىن، مال شارۋاشىلىعى ءوندىرىسىن قولداۋ تەبىنىن ارتتىرۋ؛ بازاردى زاڭ بويىنشا باسقارۋدى كۇشەيتىپ، شارۋالاردىڭ مۇددەسىن قورعاۋ؛ وسى زامانعى مال شارۋاشىلىعى كاسىبىن الۋەتتەندىرۋدى تىعىز توڭىرەكتەپ، جوبالاۋ، ورنالاستىرۋ قىزمەتىن ويداعىداي ىستەپ، مال تۇقىمىن اسىلداندىرۋ، جەم -ءشوپ بازاسى قۇرىلىسى جانە حايۋاناتتاردا بولاتىن ىندەتتەردەن ساقتانۋ، ەمدەۋ قىزمەتىن ويداعىداي مىقتى يگەرىپ، مال تۇلىكتەرىنىڭ كوكتەمنەن حاۋىپسىز شىعۋىنا كەپىلدىك ەتۋ؛ قۇرىلعىلى اۋىل شارۋاشىلىق ەگىمشىلىگىن ويداعىداي مىقتى يگەرىپ، كوكتەمگى اعاش ەگۋ، ورمان وتىرعىزۋ قىزمەتىن الدىن الا ورنالاستىرىپ، قالامشا جەتىلدىرۋ، قالامشا ەنگىزۋ قىزمەتىن ويداعىداي ىستەۋ كەرەك.

نىسان قىزمەتىن ويداعىداي مىقتى يگەرۋ كەرەك. اۆتونوميالى رايوندىق پارتكومنىڭ قىزمەت ءماجىلىسىنىڭ رۋحىنا ساي، تۇراقتى مۇلىككە قوسىلاتىن قارجىنى %50 ارتتىرۋ نىساناسىن بۇلجىتپاي اتقارۋ كەرەك. «ءبىرتۇتاس جوسپارلاۋ» تانىمىن بەرىك ورناتىپ، بيىلعى ءتۇيىندى نىسانداردىڭ تىزىمدىگى مەن جاۋاپكەرلىك قىزمەت ءبولىسى جوباسىن ەرتەرەك ورتاعا قويىپ، ەرتەرەك ورنالاستىرىپ، اياق الىستى جەدەلدەتىپ، جاۋاپكەرلىكتى ايقىنداپ، بيىل ناۋرىزدىڭ ورتا شەنىندە ءبىر توپ ءتۇيىندى نىسانداردا شوعىرلى جۇمىس باستاۋعا كەپىلدىك ەتۋ كەرەك.

ءوندىرىس حاۋىپسىزدىگى قىزمەتىن ويداعىداي مىقتى يگەرۋ كەرەك. «ءجۇز كۇندىك ءوندىرىس حاۋىپسىزدىگىنە قاۋىرت تەكسەرۋ جۇرگىزۋ» قىزمەتىن ويداعىداي تياناقتاندىرىپ، قاتىناس-تاسىمال، كومىر كەن، حيميالىق قاتەرلى بۇيىمدار سياقتى ءتۇيىندى سالالاردى مىقتى يگەرىپ، ءتۇيىندى سالالاردىڭ حاۋىپسىزدىگىن باقىلاۋ-باسقارۋدى كۇشەيتىپ، ەرەكشە، اۋىر شىرعالاڭداردىڭ تۋىلۋىن باتىل تەجەۋ كەرەك.

ماجىلىستە «جۇڭگو كوممۋنيستىك پارتياسى پارتكوم (پارتگرۋپپا) نازاريا ۇيرەنۋ وزەكتى گرۋپپاسىنىڭ ۇيرەنۋ قاعيداسى»؛ لي كىچياڭ زۇڭليدىڭ «ۇقىقتى تومەنگە بەرۋ، باسقارۋ، قىزمەت وتەۋ» رەفورماسىن تەرەڭدەتىپ، بازاردىڭ ومىرشەڭدىك قۋاتىن جانداندىرۋ اڭگىمە ماجىلىسىندە سويلەگەن ماڭىزدى ءسوزى؛ اۆتونوميالى رايوندىق پارتكومنىڭ شۋجيى چىن چۋانگونىڭ اۆتونوميالى رايوننىڭ «ۇيرەنۋ، بۇرىلىس جاساۋ، جەبەۋ» ارناۋلى قيمىلىنا اتتانىسقا كەلتىرۋ - ورنالاستىرۋ ماجىلىسىندە سويلەگەن ءسوزى؛ اۆتونوميالى رايوندىق پارتكومنىڭ « ‹ەكىنى ۇيرەنۋ، بىردە تولىمدى بولۋ› ۇيرەنۋ تاربيەسى بارىسىندا ‹ ۇيرەنۋ، بۇرىلىس جاساۋ، تياناقتاندىرۋ› ارناۋلى قيمىلىن ورىستەۋ جونىندەگى اتقارۋ جوباسىنىڭ» حابارلاندىرۋى؛ چىن چۋانگو شۋجيدىڭ اۆتونوميالى رايوندىق پارتكوم تۇراقتى كوميتەتىنىڭ دەموكراتيالىق تۇرمىس جيىنىن باسقارعاندا سويلەگەن ءسوزى؛ اۆتونوميالى وبلىستىق پارتكومنىڭ شۋجيى زىڭ سۇننىڭ ماڭىزدى ءسوزى جانە اۆتونوميالى وبلىستىق ۇكىمەتتىڭ باسشىلىق القا قۇرىلىسى جونىندەگى ماڭىزدى نۇسقاۋى ۇيرەنىلدى. سونىمەن بىرگە «ۇكىمەت قىزمەتىنەن بايانداماداعى» جاۋاپكەرلىك ءبولىسى جوباسى قارالدى؛ «ىلە قازاق اۆتونوميالى وبلىستىق حالىق ۇكىمەتىنىڭ قىزمەت ەرەجەسىنە»، ۇكىمەت پارتگرۋپپاسىنىڭ قىزمەت ەرەجەسىنە، ۇكىمەت پارتگرۋپپاسى ۇيرەنۋ وزەكتى گرۋپپاسىنىڭ تۇزىمىنە وزگەرىس ەنگىزۋ تالقىلاندى. اۆتونوميالى رايوندىق حالىق ۇكىمەتى قۇرىلىمىنداعى باس حاتشىلار مەن كەڭسە (مەڭگەرمە) مەڭگەرۋشىلەرى ءماجىلىسىنىڭ رۋحى جەتكىزىلدى.

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ