<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>زاڭ- بەلگىلەمە جانە قۇجات>>ۇكىمەت قۇجاتى

ج ك پ ورتالىق كوميتەتىنىڭ، مەملەكەتتىك كەڭەستىڭ اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتىپ، اۋىل شارۋاشىلىعىنىڭ، اۋىل - قىستاقتاردىڭ جاڭا قوزعالىس ەنەرگياسىن جىلدام جەتىلدىرۋ جونىندەگى پىكىرى(2)

2. كولەم قالىپتاستىرعان، جوعارى ءونىمدى باعىمشىلىق كاسىبىن دامىتۋ. شوشقا ءوندىرىسىن ورنىقتىرىپ، وڭتۇستىكتەگى سۋلى القاپتى وڭىرلەردە شوشقا باعىمشىلىعى رايونىنىڭ ورنالاسۋىن جاقسارتىپ، ءوندىرىس قۋاتىنىڭ قورشاعان ورتا سيىمدىلىعى زور وڭىرلەرگە جانە جۇگەرى ەگىلەتىن نەگىزگى ءوندىرىس رايوندارىنا ويىسۋىنا جەتەكشىلىك ەتۋ. تۇقىمدى ساپالىلاندىرۋدى جەدەلدەتىپ، سيىر، قوي سياقتى ءشوپ قورەكتى مال باعۋدى بارىنشا دامىتۋ.ءسۇت كاسىبىن جاپپاي جانداندىرىپ، ۇيلەسىمدى كولەمدەگى وتباسىلىق مال فەرماسىنا ءتۇيىندى قولداۋ كورسەتىپ، جاڭا ءسۇت تۇتىنۋ اياسىن كەڭەيتۋگە جەتەكشىلىك ەتىپ، ءسۇت تالقانى بەلگىسى ءتۇزىمىن قاتاڭ اتقارىپ، ەلىمىزدە وندىرىلگەن ساپالى ماركانى جەتىلدىرۋ. كول، سۋ قويماسى سياقتى ىشكى قۇرلىقتىق سۋ الاپتارىنىڭ باعىمشىلىق كولەمىن ۇيلەسىمدى تۇراقتاندىرىپ، سۋ ونىمدەرى باعىمشىلىعىنىڭ مولشەرىن ازايتىپ، ونىمدىلىگىن ارتتىرۋدى ىلگەرىلەتۋ. كۇرىش اتىزىندا ۋنيۆەرسال ەگىنشىلىك، باعىمشىلىقتى جانە ويپاڭ، سورتاڭ جەرلەردە باعىمشىلىقتى ىلگەرىلەتۋ. داريا، وزەن، كول، تەڭىزدەردە شەكتى مولشەردە بالىق اۋلاۋ، بالىق اۋلاۋعا تيىم سالۋ ۋاقىت شەگى مەن ءوڭىرىن كەمەلدەندىرىپ، چاڭجياڭ اعارىنىڭ سۋدا جاسايتىن ورگانيزمدەردى قورعاۋ رايونىندا بالىق اۋلاۋعا جاپپاي تيىم سالۋدى الدىمەن جۇزەگە اسىرۋ. تەڭىز جاعالاۋى بايلىعىن عىلمي، ءتارتىپتى اشۋ. تەڭىز سۋىندا سالاماتتى باعىمشىلىقتىڭ شوعىرلانۋىن قولداپ، وسىزاماندانعان تەڭىز -مۇحيت مال فەرماسىن دامىتىپ، وڭىرلىك سايكەسە قورعاۋدى كۇشەيتىپ، تاياۋ تەڭىزدەن بالىق اۋلاۋدى ۇيلەسىمدى مەڭگەرۋ.شالعاي تەڭىز بالىقشىلىق كاسىبىن بەلسەنە دامىتۋ. تەڭىز - مۇحيت بالىقشىلىق بايلىعىنىڭ جالپى مولشەرىن باسقارۋ ءتۇزىمىن ورناتىپ، بالىقشىلىق كاسىبىندە تەڭىزدەن پايدالانۋ قيمىلىن ارناعا ءتۇسىرىپ، بالىقشىلاردىڭ كەمەنى ازايتىپ، كاسىپكە بۇرىلىس جاساۋىنا قولداۋ كورسەتۋ.

 3. ابزال، ەرەكشە كاسىپتەردى زورايتۋ، قۇدىرەتتەندىرۋ. ابزال، ەرەكشە اۋىل شارۋاشىلىعىنىڭ ساپاسىن كوتەرۋ، ونىمدىلىگىن ارتتىرۋ ارەكەت جوسپارىن اتقارىپ، قارا استىق، ءار ءتۇرلى بۇرشاق، كوكونىس، جەمىس -جيدەك، شاي جاپىراعى، جىبەك تۇتى، گۇل، قالامشا، ازىقتىق ساڭىراۋقۇلاق، جۇڭگوشا ءدارى ماتەريالدارى جانە ەرەكشە باعىمشىلىق سياقتى كاسىپتەردىڭ دەڭگەيىن كوتەرىپ، دارەجەسىن جوعارىلاتۋدى جەبەپ، جەرگىلىكتى ەرەكشە ونىمدەر مەن شاعىن سورتتاردى ەگىنشىلەردىڭ كىرىسىن ارتتىرۋىنا دەم بەرەتىن ءىرى كاسىپكە اينالدىرۋ.اعاش نەگىزدى استىق، ماي سياقتى ەرەكشە ەكونوميكالىق ورمان، ماتەريالعا ىستەتىلەتىن باعالى اعاش تۇرلەرى وسىرىلگەن ورمان، گۇل -ءشوپ، بامبۋك، ورمان ازىق -تۇلىگى سياقتى جاسىل كاسىپتەردى بارىنشا دامىتۋ.ورمان ەكولوگياسى نىشاندىق ونىمدەرى قۇرىلىسى ينجەنەرياسىن اتقارۋ.ەرەكشە اۋىل شارۋاشىلىق ونىمدەرىنىڭ ولشەمدەنگەن وندىرىسىنەن ۇلگى كورسەتۋدى ورىستەتىپ، جاعراپيالىق نىشاندى اۋىل شارۋاشىلىق ونىمدەرى مەن العاشقى ءوندىرىس ورنىن قورعاۋ بازاسىن قۇرۋ. وڭىرلىك اۋىل شارۋاشىلىق ونىمدەرىنىڭ الەۋمەتتىك پايدالانۋ ماركاسى قۇرىلىسىن ىلگەرىلەتىپ، جەرگىلىكتى ورىننىڭ ابزال كاسىپورىندارى مەن كاسىپ قوعامىنا يەك سۇيەي وتىرىپ، وڭىرلىك ەرەكشە ماركانى جاراتۋىن، وسى زامان فاكتورلارىن ەنگىزىپ، ءداستۇرلى تاڭداۋلى، ايگىلى ماركالاردى جاڭالاۋىنا، دارەجەسىن كوتەرۋىنە قولداۋ كورسەتۋ.

4.اۋىل شارۋاشىلىعىنىڭ وڭىرلىك ورنالاسۋىن ونان ارى ساپالىلاندىرۋ.تۇلعالىق فۋنكتسيالىق وڭىرلەردى جوبالاۋ مەن باسىمدىلىققا يە اۋىل شارۋاشىلىق ونىمدەرىنىڭ ورنالاسۋىن جوبالاۋدى سۇيەنىش ەتىپ، كۇرىش، ءبيداي، جۇگەرى سىندى استىق ءوندىرىسىن نەگىز ەتكەن فۋنكتسيالىق وڭىرلەر مەن سويا بۇرشاق، ماقتا، قىشى، قانت قىزىلشاسى، تابيعي كاۋچۇك سياقتى ماڭىزدى اۋىل شارۋاشىلىق ونىمدەرىن قورعاۋ رايونىن عىلمي، ۇيلەسىمدى ورنالاستىرۋ.فۋنكتسيالىق وڭىرلەر مەن قورعاۋ رايونىنىڭ ىشىندەگى جەرلەرگە تۇگەلدەي ارحيۆ تۇرعىزۋ، كورىنىسىن سۋرەتكە الىپ قويماعا قويۋ، ينفورماتسيالاندىرىپ، دالمە-ءدال باسقارۋدى ىسكە اسىرۋ.فۋنكتسيالىق وڭىرلەر مەن قورعاۋ رايوندارىن قۇرۋدىڭ ولشەمىن تەزىرەك زەرتتەپ شىعارىپ، شابىتتاندىرۋ مەحانيزمى مەن قولداۋ كورسەتۋ ساياساتىن كەمەلدەندىرۋ، باسقارۋ، قورعاۋ تۇلعالىق جاۋاپكەرشىلىگىن ساتىلار بويىنشا تياناقتاندىرۋ. ەرەكشە اۋىل شارۋاشىلىق ونىمدەرى شىعاتىن باسىمدىلىققا يە وڭىرلەردىڭ قۇرىلىس جوباسىن جاساپ، باعالاۋ ولشەمى مەن تەحنيكالىق تىرەك جۇيەسىن ورناتىپ، جەر-جەردى باۋ -باقشا ونىمدەرى، مال شارۋاشىلىق ونىمدەرى، سۋ ونىمدەرى، ورمان ەرەكشە ونىمدەرى سياقتى ەرەكشە اۋىل شارۋاشىلىق ونىمدەرىن نەگىز ەتكەن باسىمدىلىققا يە ءوڭىر قۇرۋعا شابىتتاندىرۋ.

5.اۋىل شارۋاشىلىق ونىمدەرىنىڭ ساپاسى مەن ازىق-تۇلىكتەردىڭ حاۋىپسىزدىك دەڭگەيىن جاپپاي جوعارىلاتۋ. اۋىل شارۋاشىلىعىن دامىتۋدا ساپانى مىقتى ۇستاۋعا تاباندى بولىپ، اۋىل شارۋاشىلىعىن ولشەمدەندىرۋ ستراتەگياسىن اتقارىپ، ساپالى، حاۋىپسىز، جاسىل بولۋدى جەتەكشى باعىت ەتۋدى كورنەكتى ورىنعا قويىپ، اۋىل شارۋاشىلىق ونىمدەرىنىڭ ساپاسى مەن ازىق-تۇلىكتەردىڭ حاۋىپسىزدىك ولشەم جۇيەسىن كەمەلدەندىرۋ. جاڭاشا اۋىل شارۋاشىلىعى تيجاراتىمەن شۇعىلدانۋشىلاردىڭ «زالالسىز اۋىل شارۋاشىلىق ونىمدەرى، جاسىل اۋىل شارۋاشىلىق ونىمدەرى، ورگانيكالى اۋىل شارۋاشىلىق ونىمدەرى جانە اۋىل شارۋاشىلىق ونىمدەرىنىڭ جاعراپيالىق ينفورماتسياسى»كۋالىگىن الۋىنا قولداۋ كورسەتۋ، اۋىل شارۋاشىلىق ونىمدەرىنىڭ ماركاسىن تىركەۋگە الۋدى قولايلىلاندىرۋ، ماركانى قورعاۋ تەبىنىن ارتتىرۋ. كاسىپورىنداردى حالىقارالىق ورگانيكالى اۋىل شارۋاشىلىق ونىمدەر كۋالىگىن الۋعا باستاپ، ەلىمىزدىڭ جاسىل، ورگانيكالى اۋىل شارۋاشىلىق ونىمدەرىنە انىقتاما كۋالىك بەرۋ بەدەلى مەن ىقپال كۇشىن ارتتىرۋ كەرەك.اۋىل شارۋاشىلىق ونىمدەرىنىڭ شىققان جەرىنىڭ ورتاسىن قورعاۋدى جانە باسىنان وڭاۋدى شىنايى كۇشەيتىپ، اۋىل شارۋاشىلىعىنىڭ تاماشا ءوندىرىس جۇيەسىن ىلگەرىلەتىپ، ءوندىرىس بارىسىن ەستەلىككە الۋ ءتۇزىمىن جالپىلاستىرۋ، اۋىل شارۋاشىلىق ونىمدەرىن ءوندىرۋ بارىسىندا پايدالاناتىن ماتەريالداردى وندىرۋگە، ساتۋعا، ودان پايدالانۋعا قاتىستى بەلگىلەمەلەردى قاتاڭ اتقارۋ.ەگىن، مال شارۋاشىلىق دارىلەرى قالدىعىنىڭ ولشەمنەن اسىپ كەتۋى، وتە-موتە، باعىمشىلىق كاسىبىندەگى باكتەرياعا قارسى ءدارى-دارمەكتەردى بەتالدى پايدالانۋ ماسەلەسىن جونگە سالۋ قىزمەتىن ىشكەرىلەي ورىستەتۋ، ەگىن، مال شارۋاشىلىعىنداعى مەملەكەت تيىم سالعان دارىلەردى پايدالانۋ، ەگىن، مال شارۋاشىلىق دارىلەرىن ولشەمنەن اسىرىپ پايدالانۋ، ازىق - تۇلىك قوسىمشا زاتتارىن زاڭعا قايشى قوسۋ جانە ولشەمنەن اسىرىپ، شەكتەن اسىرىپ پايدالانۋ سياقتى ارەكەتتەرگە قاتاڭ سوققى بەرۋ.

اۋىل شارۋاشىلىق ونىمدەرىنىڭ ساپاسى مەن ازىق-تۇلىك حاۋىپسىزدىگىن باقىلاۋ-باسقارۋ ءتۇزىمىن كەمەلدەندىرۋ، حاۋىپ-قاتەردى دارەجە بويىنشا باسقارۋدى جانە قاراستى جەردىڭ جاۋاپكەرشىلىك ءتۇزىمىن كۇشەيتىپ، ۇلگى الىپ تەكسەرۋ تەبىنىن ارتتىرۋ.اۋىل شارۋاشىلىق ونىمدەرىنىڭ ەگۋدەن بازارعا سالىنۋعا دەيىنگى تۇتاس بارىسىن قاداعالاۋ، ءوزارا بايلانىس ورناتىپ، تەڭ يگىلىككە كەنەلۋگە قاتىستى جان-جاقتى باقىلاۋ-باسقارۋ قىزمەت وتەۋ تەكشەسىن ورناتۋ كەرەك.وندىرىسپەن، تيجاراتپەن شۇعىلدانۋشىلاردى ازىق - تۇلىك حاۋىپسىزدىگى جونىندەگى جاۋاپكەرشىلىك قامسىزداندىرۋىنا قاتىناسۋعا ىنتالاندىرۋ. اۋىل شارۋاشىلىق ونىمدەرىنىڭ ساپا حاۋىپسىزدىگى زاڭىنا تەزىرەك وزگەرىس ەنگىزۋ.

كەلۋ قاينارى: شينجياڭ گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn