<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>زاڭ- بەلگىلەمە جانە قۇجات>>ۇكىمەت قۇجاتى

ج ك پ ورتالىق كوميتەتىنىڭ، مەملەكەتتىك كەڭەستىڭ اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتىپ، اۋىل شارۋاشىلىعىنىڭ، اۋىل - قىستاقتاردىڭ جاڭا قوزعالىس ەنەرگياسىن جىلدام جەتىلدىرۋ جونىندەگى پىكىرى(1)

تالاي جىلعى تالماي قۇلشىنۋدىڭ ارقاسىندا، ەلىمىزدىڭ اۋىل شارۋاشىلىعىنىڭ، اۋىل - قىستاقتارىنىڭ دامۋى تىڭ دەڭگەيگە ۇزدىكسىز كوتەرىلىپ، جاڭا تاريحي كەزەڭگە اياق باستى. اۋىل شارۋاشىلىعىنداعى باستى قايشىلىق جالپى مولشەر جەتكىلىكسىز بولۋدان قۇرىلىمدىق قايشىلىققا قاراي ويىستى، ونىڭ كورنەكتى بەينەسى كەزەڭدىك سيپاتتى قامداۋدىڭ قاجەتتەن ارتىپ قالۋى مەن قامداۋ جەتكىلىكتى بولماۋدىڭ قاتار ءومىر ءسۇرۋى، مۇنداعى قايشىلىقتىڭ باستى جاعى قامداۋدا.

    تاياۋ بىرنەشە جىلدان بەرى ەلىمىز اۋىل شارۋاشىلىعىندا تاسىلگە بۇرىلىس جاساۋ، قۇرىلىمدى رەتتەۋ، رەفورمانى جەبەۋ سياقتى جاقتاردا بەلسەنە ىزدەنىس جاساپ، اۋىل شارۋاشىلىعىنىڭ تيپىن وزگەرتىپ، دارەجەسىن جوعارىلاتۋى ءۇشىن بەلگىلى نەگىز قالادى، ايتسە دە، اۋىل شارۋاشىلىق ونىمدەرىنىڭ قامداۋ - قاجەتسىنۋ قۇرىلىمى تەپە - تەڭدىگىنەن ايىرىلۋ، فاكتورلارىنىڭ ورنالاسۋى ۇيلەسىمدى بولماۋ، بايلىق ورتاسىنىڭ قىسىمى اۋىرلاۋ، ەگىنشىلەر كىرىسىنىڭ ۇزدىكسىز ارتۋى دارمەنسىز بولۋ سياقتى ماسەلەلەر ءالى دە وتە كورنەكتى، ءونىم مولشەرىن ارتتىرۋ مەن ساپانى جاقسارتۋ، وزىندىك قۇننىڭ جوعارىلاۋى مەن باعانىڭ تومەن بولۋى، قامبادا ساقتالىپ قالۋ جايتىنىڭ ۇزدىكسىز ارتۋى مەن ساتىلىمنىڭ ىركىلىسسىز بولماۋى، شاعىن ءوندىرىس پەن ءىرى بازار، ەل ءىشى - سىرتىندا باعانىڭ تۇرالاۋى سياقتى قايشىلىقتاردى شەشۋگە تۋرا كەلەدى. سوندىقتان جاڭا جاعدايعا، جاڭا تالاپقا، ءسوز جوق، سايكەسىپ، ماسەلەنى نىشان ەتۋدەن جازباي، قىزمەت ءتۇيىنىن رەتتەپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتىپ، اۋىل شارۋاشىلىعىنىڭ، اۋىل - قىستاقتاردىڭ جاڭا قوزعالىس ەنەرگياسىن جىلدام جەتىلدىرىپ، اۋىل شارۋاشىلىعىن وسىزامانداندىرۋ قۇرىلىسىنىڭ جاڭا جاعدايىن اشۋ كەرەك.

    اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىلگەرىلەتۋدە، مەملەكەتتىڭ استىق حاۋىپسىزدىگىنە كەپىلدىك ەتۋ نەگىزىندە، بازاردىڭ قاجەتسىنۋ وزگەرىسىن تىعىز ارقاۋ ەتىپ، ەگىنشىلەردىڭ كىرىسىن ارتتىرۋدى، ۇتىمدى قامداۋدى قامتاماسىز ەتۋدى باستى نىسانا، اۋىل شارۋاشىلىعىنىڭ قامداۋ ساپاسىن كوتەرۋدى باستى كۇش سالۋ بەتالىسى، ءتۇزىلىس رەفورماسى مەن مەحانيزمىندە جاڭالىق اشۋدى ءتۇبىرلى جول ەتىپ، اۋىل شارۋاشىلىعىنىڭ كاسىپ جۇيەسىن، ءوندىرىس جۇيەسىن، تيجارات جۇيەسىن جاقسارتىپ، جەردىڭ ءونىم مولشەرىن، بايلىقتىڭ پايدالانىلۋ مولشەرىن، ەڭبەك ونىمدىلىگىن جوعارىلاتىپ، اۋىل شارۋاشىلىعىنىڭ، اۋىل - قىستاقتاردىڭ دامۋدا بايلىقتى سارىپ ەتۋگە اسىرە يەك سۇيەۋدەن، مولشەر سۇرانىسىن باسا قاناعاتتاندىرۋدان، جاسىل، ەكولوگيالى، باياندى بولۋعا، ساپا سۇرانىسىن قاناعاتتاندىرۋعا باسا ءمان بەرۋگە قاراي بۇرىلىس جاساۋىن جەبەۋ كەرەك.

    اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىلگەرىلەتۋ − ۇزاق ۋاقىتتىق بارىس، ۇكىمەت پەن بازاردىڭ قاتىناسىن ويداعىداي ءبىر جاقتى ەتۋ، ءار جاقتىڭ مۇددەسىن ويداعىداي سايكەستىرۋ كوپتەگەن سىناقتارعا ءدوپ كەلىپ وتىر. سوندىقتان قيىنشىلىق پەن سىن - سايىستارعا بەتپە - بەت كەلىپ، رەفورمانى تاباندىلىقپەن ىلگەرىلەتىپ، رەفورمانىڭ تولعاقتى تولعانىسىنا باتىلدىقپەن ءتوزىپ، رەفورمانىڭ وزىندىك قۇنىن مۇمكىندىكتىڭ بارىنشا ازايتىپ، رەفورمانىڭ حاۋىپ - قاتەرىنەن بەلسەنە ساقتانىپ، استىق ءوندىرىسى قۋاتىنىڭ ازايماۋىنا، ەگىنشىلەردىڭ كىرىسىن ارتتىرۋ جاعدايىنىڭ كەرى كەتپەۋىنە، اۋىل - قىستاقتىڭ ورنىقتىلىعىندا ماسەلە شىقپاۋىنا شىنايى كەپىلدىك ەتۋ كەرەك.

2017-جىلعى اۋىل شارۋاشىلىعى، اۋىل - قىستاق قىزمەتىندە، پارتيا 18 - قۇرىلتايى مەن ج ك پ 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن ەل باسقارۋ جونىندەگى جاڭا كوزقاراستى، جاڭا يدەيانى، جاڭا ستراتەگيانى ىشكەرىلەي دايەكتىلەندىرىپ، جاڭا دامۋ كوزقاراسىنان جازباي، اۋىل شارۋاشىلىعىن وسىزامانداندىرۋ مەن جاڭاشا قالا - قالاشىقتاندىرۋدى سايكەستى ىلگەرىلەتىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىلگەرىلەتۋدى ارقاۋ ەتىپ، اۋىل شارۋاشىلىعىنىڭ ونىمدىلىگىن ارتتىرۋ، ەگىنشىلەردىڭ كىرىسىن ارتتىرۋ، اۋىل - قىستاقتاردىڭ جاسىلدانۋىن ارتتىرۋدى توڭىرەكتەپ، عىلىم - تەحنيكادا جاڭالىق اشۋدى جەتەكشى ەتۋدى كۇشەيتىپ، قۇرىلىمدىق رەتتەۋ اياق الىسىن تەزدەتىپ، اۋىل - قىستاق رەفورماسىنىڭ تەبىنىن ارتتىرىپ، اۋىل شارۋاشىلىعىنىڭ جالپىلىق ونىمدىلىگى مەن باسەكەلىك قۋاتىن جوعارىلاتىپ، سوتسياليستىك جاڭاشا اۋىل - قىستاق قۇرىلىسىنىڭ تىڭ ىلگەرىلەۋشىلىككە قول جەتكىزۋىن جەبەپ، اۋىل - قىستاقتاردىڭ جاپپاي دوڭگەلەك داۋلەتتى قوعام قۇرۋعا قاراي ارشىندى قادام تاستاۋىنا كۇش سالۋ كەرەك.

    ءبىرىنشى، ونىمدەردىڭ كاسىپ قۇرىلىمىن جاقسارتىپ، اۋىل شارۋاشىلىعىنىڭ ساپاسىن جوعارىلاتۋىن، ونىمدىلىگىن ارتتىرۋىن ىلگەرىلەتۋگە كۇش سالۋ 1. استىق، ەكونوميكالىق داقىل، جەم - ءشوپ ەگىنشىلىگى قۇرىلىمىن ءبىر تۇتاس رەتتەۋ. استىقتى ورنىقتىرۋ، ەكونوميكالىق داقىلداردى ساپالىلاندىرۋ، جەم - ءشوپ مولشەرىن ارتتىرۋ تالابى بويىنشا، استىق، ەكونوميكالىق داقىل، جەم - ءشوپ سايكەستى دامىتىلاتىن 3 نەگىزدى ەگىنشىلىك قۇرىلىمىن جەدەل قۇرۋ. استىق داقىلدارىندا كۇرىش، ءبيداي ءوندىرىسىن ورنىقتىرىپ، ىشەر استىقتىڭ بۇكىلدەي حاۋىپسىزدىگىنە كەپىلدىك ەتىپ، ساپالى كۇرىش پەن ءبيدايدى ءتۇيىندى دامىتىپ، باسىمدىلىعى جوق وڭىرلەردە داندىك جۇگەرىنى ۇزدىكسىز ازايتىپ، ساپالى ازىقتىق سويا بۇرشاق، تۇينەك جەمىستىلەر، قارا استىق، ءار ءتۇرلى بۇرشاق سياقتىلاردى كوبەيتۋ كەرەك. ەكونوميكالىق داقىلداردىڭ سورتىن، ساپاسىن جانە وڭىرلىك ورنالاسۋىن جاقسارتىپ، نەگىزگى ءوندىرىس رايونىنداعى ماقتا، مايلى داقىل، قانت ماتەريالدارى ءوندىرىسىن بەكەمدەپ، باۋ - باقشا داقىلدارىنىڭ قۇنىن، ونىمدىلىگىن ارتتىرۋدى جەبەۋ كەرەك. جەم - ءشوپ داقىلدارىنىڭ ەگىلۋ اۋماعىن كەڭەيتىپ، سۇرلەم جۇگەرى، جوڭىشقا سياقتى ساپالى ءشوپ كاسىبىن دامىتىپ، وسى زامانعى جەم - ءشوپ ماتەريالدارى كاسىبى جۇيەسىن بارىنشا جەتىلدىرۋ كەرەك. سولتۇستىكتەگى ەگىن، مال شارۋاشىلىعىنداعى كىرىكپەلى وڭىرلەردىڭ قۇرىلىمىن رەتتەۋدى جەدەلدەتىپ، باعىمشىلىق ارقىلى ەگىنشىلىكتى دەمەيتىن، مال، ورمان، ەگىن شارۋاشىلىعى بىرىكتىرىلگەن، ءشوپ، جەمىس، كوكونىس ۇشتاستىرىلعان ەگىنشىلىك قۇرىلىمىن قالىپتاستىرۋ كەرەك. استىق ەگىلەتىن جەرلەرگە جەم - ءشوپ ەگۋ، استىق ەگىلەتىن جەرلەرگە بۇرشاق ەگۋ بويىنشا قوسىمشا قاراجات بەرۋدى تۇيىندە سىناق ەتۋدى ۇزدىكسىز ورىستەتۋ.

كەلۋ قاينارى: شينجياڭ گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn