<%@LANGUAGE="JAVASCRIPT" CODEPAGE="65001"%>
中文 哈文

باس بەت>>اۋىل شارۋاشىلىعىنا قىزمەت وتەۋ>>زاڭ – ءتۇزىم

حالىق سوتى مەكەمەسىنەن ازاماتتىق دەلونى قايتا قاراۋدى ءوتىنىش ەتۋدىڭ تالاپ – شارتتارى

«ازاماتتىق ارىز – شاعىم زاڭىندا» داۋگەرلەر قايتا قاراۋدى ءوتىنىش ەتۋى مىناداي شارتتارعا ۇيلەسۋ كەرەك دەپ بەلگىلەنگەن: 1. حالىق سوتىنىڭ زاڭدى كۇشكە يە ۇكىمى، كەسىمى بولۋى شارت؛ 2.زاڭدى كۇشكە يە ۇكىم، كەسىمدە اعاتتىق بار دەپ قارالعان بولۋى شارت؛ 3. قايتا قاراۋدى ۇكىم، كەسىم، جاراستىرۋ قاعازى زاڭدى كۇشكە يە بولعاننان باستاپ 6 اي ىشىندە ءوتىنىش ەتۋ كەرەك.وسى 6 اي وزگەرمەيتىن مەرزىمگە جاتادى ءارى ۇكىم، كەسىم زاڭدى كۇشكە يە بولعان كۇننىڭ ەرتەسىنەن باستاپ ەسەپتەلەدى. زاڭدا بەلگىلەنگەن مەرزىم شەگىن وتكىزىپ السا، داۋگەردىڭ قايتا قاراۋدى ءوتىنىش ەتۋىنە بولمايدى.

    داۋگەرلەر قايتا قاراۋدى ءوتىنىش ەتۋدە، جوعارىداعى شارتتاردى ازىرلەۋمەن بىرگە، تومەندەگى جايتتەردىڭ بار - جوقتىعىمەن ساناسقانى ءجون: 1. اۋەلگى ۇكىم، كەسىمدى تەرىسكە شىعارۋعا جەتەرلىك جاڭا دالەل -ىسپات بار بولۋ؛ 2. اۋەلگى ۇكىم، كەسىمدە تۇراقتانعان نەگىزگى فاكىتتىڭ دالەل -ىسپاتى كەمشىل بولۋ؛ 3. اۋەلگى ۇكىم، كەسىمدە تۇراقتانعان فاكتتىڭ باستى دالەل - ىسپاتى قولدان جاسالۋ؛ 4. اۋەلگى ۇكىم، كەسىمدە تۇراقتانعان فاكىتتىڭ باستى دالەل - ىسپاتى بەتپە - بەت دالدەۋدەن وتكىزىلمەۋ؛ 5. دەلو قاراۋعا قاجەتتى دالەل -ىسپاتتى وبيەكتيۆ سەبەپكە بايلانىستى داۋگەر ءوزى جيناماي، حالىق سوتىنىڭ تەكسەرىپ جيناۋىن جازباشا ءوتىنىش ەتكەندە، حالىق سوتى ونى تەكسەرىپ جيناماۋ؛ 6. اۋەلگى ۇكىم، كەسىمدە زاڭ قولدانۋدان اعاتتىق كەتۋ؛ 7.زاڭ بەلگىلەمەلەرىنە قايشى كەلۋ، قاراستىلىعى قاتە بولۋ؛ 8.سوت ۇيىمى زاڭدى تۇردە ۇيىمداسپاۋ ياكي زاڭ بويىنشا تايساۋعا ءتيىستى سۋديالار تايساپ تۇرماۋ؛ 9. ارىز - شاعىم ارەكەتىنە قابىلەتسىز ادامنىڭ ارىز - شاعىمى زاڭدى ۋاكىلەتشىسى ارقىلى بەرىلمەۋ نەمەسە ءوزىنىڭ نەمەسە ارىز - شاعىم ۋاكىلەتشىسىنىڭ سەبەپ جاۋاپكەرشىلىگىن تۇجىرىمداۋعا بولماعاندىقتان، ارىز - شاعىمعا قاتىناسۋعا ءتيىستى داۋگەرلەر ارىز - شاعىمعا قاتىناسپاي قالۋ؛ 10. زاڭ بەلگىلەمەلەرىنە قايشىلىق جاساپ، داۋگەردى ايتىسۋ ۇقىعىنان ايىرۋ؛ 11.شاقىرتۋ قاعازىن جىبەرمەي تۇرىپ، سىرتىنان ۇكىم شىعارۋ؛ 12.اۋەلگى ۇكىم، كەسىم ءتۇسىپ قالۋ نەمەسە ارىز - شاعىم تالابى ارتىق كەتۋ؛ 13. اۋەلگى ۇكىم، كەسىمگە نەگىزدەلگەن زاڭدىق جازبالار كۇشىنەن قالۋ نەمەسە وزگەرۋ. جوعارىداعىلاردىڭ بىرىمەن سايكەس كەلسە بولعانى، قايتا قاراۋدى ءوتىنىش ەتۋگە بولادى، ونى حالىق سوتى قايتا قارايدى. جاراستىرۋ قاعازىنىڭ قايتا قاراۋ وتىنىشىندە داۋگەر بۇل جاراستىرۋدىڭ ىقتيارلىق پرينسيبىنە قايشى ەكەنىن نەمەسە جاراستىرۋ كەلىسىمى مازمۇنىنىڭ زاڭعا قايشى كەلگەنىن دالەل - ىسپات ۇسىنۋ ارقىلى دالەلدەسە، قايتا قاراۋدى ءوتىنىش ەتە الادى.

    قايتا قاراۋدى ءوتىنىش ەتكەندە، مىناداي ماتەريالداردى تاپسىرۋ كەرەك: 1) قايتا قاراۋ وتىنىشىندە: قايتا قاراۋدى ءوتىنىش ەتۋشى، ءوتىنىش ەتىلۋشى جانە اۋەلگى سوتتاعى باسقا دا داۋگەردىڭ نەگىزگى جاعدايى؛ ازاماتتىق ارىز - شاعىم زاڭىنىڭ 179 - تارماعىنىڭ مازمۇنىنا ساي، ءبىر - بىرلەپ كورسەتكەن لايىقتى سەبەپتەر؛ اۋەلگى سوتتا قاراعان سوت مەكەمەسىنىڭ اتى، اۋەلگى ۇكىم، كەسىم، جاراستىرۋ جازبالارىنىڭ دەلو ءنومىرى؛ قايتا قاراۋدى ءوتىنىش ەتۋدىڭ ناقتى تالابى؛ قايتا قاراۋدى ءوتىنىش ەتۋدىڭ زاڭدى سەبەبى جانە ناقتى فاكت -سەبەپتەر؛ قايتا قاراۋ ءوتىنىشىن قابىلداعان سوت مەكەمەسىنىڭ اتى انىق جازىلۋى؛ قايتا قاراۋدى ءوتىنىش ەتۋشىنىڭ قولتاڭباسى نەمەسە ءمورى بولۋى كەرەك.

2 )ءوتىنىش ەتىلۋشى مەن وزگە داۋگەرلەردىڭ سانىنا قاراي 4 نۇسقا كوبەيتىپ، قايتا قاراۋ ءوتىنىشىنىڭ كوشىرمە نۇسقاسىن تاپسىرادى.

  3)ۇكىم - كەسىم جازباسىنىڭ جەتكىزۋ دەرەك قاعازىن نەمەسە ۇكىم - كەسىم جازباسىنىڭ ناقتى كۇشكە يە بولعانىن دالەلدەيتىن باسقا دا دالەلدەردى تاپسىرادى.

 4)قايتا قاراۋدى ءوتىنىش ەتۋشى جەكە تۇلعا بولسا، ازاماتتىق كۋالىگىنىڭ كوبەيتىلگەن نۇسقاسىن تاپسىرادى؛ قايتا قاراۋدى ءوتىنىش ەتۋشى زاڭدىق تۇلعا نەمەسە باسقا دا ۇيىم بولسا، تيجارات كۋالىگىنىڭ كوبەيتىلگەن نۇسقاسىمەن قوسا، ونىڭ زاڭدى ۋاكىلىنىڭ نەمەسە نەگىزگى جاۋاپتىسىنىڭ سالاۋات دالەلدەمەسىن تاپسىرادى.وزگەلەردىڭ ۋاكىلەتتى ءوتىنىش ەتۋىن مىندەتتەگەن بولسا، ۇقىق بەرۋ مىندەتتەمەسىن جانە ۋاكىلەتشىنىڭ سالاۋات ىسپاتىن تاپسىرادى.

 5) ۇكىم - كەسىم جازباسىنىڭ ءتۇپ نۇسقاسىن نەمەسە تەكسەرۋدەن وتكەن قاتەسىز 4 پارشا كوبەيتىلگەن نۇسقاسىن تاپسىرادى؛ زاڭدى كۇشكە يە ۇكىم - كەسىم ەكىنشى سوتقا تاپسىرۋعا ءتيىستى بولسا، ءبىرىنشى سوت پەن ەكىنشى سوتتىڭ ۇكىم -كەسىم جازباسىنىڭ ءتۇپ نۇسقاسىن بىردەي تاپسىرادى نەمەسە تەكسەرۋدەن وتكەن قاتەسىز كوبەيتىلگەن نۇسقاسىن تاپسىرادى؛ ءبىرىنشى، ەكىنشى سوتتىڭ ۇكىم قاعازىنىڭ ءتۇپ نۇسقاسىن نەمەسە تەكسەرۋدەن وتكەن قاتەسىز 4 پارشا كوبەيتىلگەن نۇسقاسىن تاپسىرادى.

  6) اۋەلگى سوتقا ارىز - شاعىم بەرگەندە تاپسىرعان باستى دالەل - ىسپاتتىڭ كوبەيتىلگەن نۇسقاسى قاجەت.

   7) قايتا قاراۋ ءوتىنىشىن قولداۋ سەبەبىنىڭ جانە قايتا قاراۋ ارىز - شاعىم تالابى جونىندە دالەل - ىسپات ماتەريالى قاجەت.

   8) قايتا قاراۋ ءوتىنشى، ت.ب ماتەريالداردى تاپسىرۋمەن قاتار، ماتەريال ءتىزىم قاعازىنان بىردەي ەكى نۇسقا تاپسىرادى، سونداي - اق قايتا قاراۋدى ءوتىنىش ەتۋ ماتەريالىنىڭ ەلەكتروندى ءماتىنىن قوسۋعا دا بولادى، ال جەتكىزىلەتىن مەكەنجايدى تياناقتاندىرۋ قاعازىن جازباشا تولتىرۋ كەرەك.

    زاڭداعى بەلگىلەمەگە نەگىزدەلگەندە، قايتا قاراۋدى ءوتىنىش ەتۋ مەزگىلىندە اۋەلگى ۇكىمنىڭ اتقارىلۋى توقتامايدى. مىناداي جاعدايدا قايتا قاراۋدى ءوتىنىش ەتۋگە بولمايدى: نەكە قاتىناسىن كۇشىنەن قالدىرعان زاڭدىق كۇشكە يە ۇكىم مەن جاراستىرۋ بولسا؛ قۋزاۋ ءتارتىبى، قۋزاۋ سالۋدى جاريالاۋ ءتارتىبى، كاسىپورىن زاڭدى ۋاكىلىنىڭ كۇيرەپ قارىز قايتارۋ ءتارتىبى بويىنشا سوتتا قارالاتىن دەلو بولسا؛ سوت باقىلاۋ ءتارتىبى بويىنشا قارالعان، اۋەلگى ۇكىم ساقتالعان دەلو بولسا.

كەلۋ قاينارى: شينجياڭ زاڭ جانە تۇرمىس گازەتى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ