<%@LANGUAGE="JAVASCRIPT" CODEPAGE="65001"%>
中文 哈文

باس بەت>>اۋىل شارۋاشىلىعىنا قىزمەت وتەۋ>>زاڭ – ءتۇزىم

ۇنەمى كەزىگەتىن توراپ الدامشىلىعى جانە ونى پارىقتاۋ ادىستەرى

بۇلبۇل احمەت قىزى، دۋمان ءماناپ ۇلى

     عىلىم - تەحنيكا ۇشقان قۇستاي دامىعان بۇگىنگى تاڭدا، توراپ الەمى وركەنيەتىمىزگە ۇلەس قوسىپ، دامۋىمىزعا داڭعىل جول سالدى، ساتۋشى مەن الۋشىنىڭ اراسىنداعى التىن كوپىرگە اينالدى، دەسە دە ءار نارسەنىڭ ەكى جاعى بولاتىنى سياقتى، توراپتا الدامشىلىقپەن زاڭسىز پايداعا كەنەلەتىندەر دە، قان تەرىمەن تاپقان اقشاسىنان ءاپ - ساتتە ايىرىلىپ قالاتىندار از ەمەس، توراپ الەمى تولىق جالپىلاسىپ وتىرعان بۇگىنگى داۋىردە، توراپ الدامشىلارىن پارىقتاۋ، ولاردان ساقتانۋ ءارى ءبىر جاقتى ەتۋ، ءسوزسىز، بىلۋگە ءتيىستى ۇعىمعا اينالىپ وتىر. ءبىلىپ جۇرسەڭىز دە ءبىر كەرەگى بولار دەگەن ويمەن ۇنەمى كەزىگەتىن توراپ الدامشىلىعىنىڭ تۇرلەرىن جانە ساقتانۋ ادىستەرىن سىزدەرمەن ورتاقتاسا كەتپەكشىمىن:

 1.توراپ الدامشىلارى بازاردا ءوتىمى جاقسى بولىپ تۇرعان زاتتىڭ جالعانىن، ارزانىن توراپقا شىعارىپ، «زاۆود باعاسىندا ارزانداتىپ ساتتىق»، -دەپ الارمانداردىڭ نازارىن اۋدارىپ، الدىن الا كەپىل اقشا تاپسىرسا، زاتتى دەرەۋ سالىپ جىبەرەتىندىگىن، زات حاريدار كوڭىلىنەن شىقسا قالعان سومانى سوڭىنان تاپسىرۋعا بولاتىندىعىن ايتىپ، ازىراق كەپىل سوما الىپ، زاتتى سالۋدان بۇرىن ءتۇرلى تاسىلدەر ارقىلى سىزدەن تاعى تولىقتاما قاراجات تاپسىرۋدى وتىنەدى، قولعا اقشا تيە سالىسىمەن ءىز - توزسىز جوق بولادى.

پارىقتاۋ جانە ساقتانۋ ءادىسى: جالعان زاتتى جارنامالاپ ساتاتىن توراپ بەتىنىڭ توراپ ادرەسىن، كوكەك ءنومىرىن، ەلەكتروندى حات ساندىعىن بايدۋ تور بەتىنە كىرگىزىپ ىزدەپ كورىڭىز، «مەنى دە الداپ كەتتى»، - دەگەن سياقتى باسقالاردىڭ جازىپ قالدىرعان ەسكەرتپەسىن كورسەڭىز، ەڭ جاقسىسى مۇنداي توراپتارعا وڭاي سەنىپ كەتپەڭىزدەر.

2. توراپ الدامشىلارى ءتۇرلى وزىق جۇمساق بولشەكتەردەن پايدالانىپ، باسقالاردىڭ كوكەك ءنومىرىن، ءۇنحات ءنومىرىن، ەلەكتروندى حات ساندىعى سىندى حابارلاسۋ قۇرالدارىن ۇرلاپ الىپ تۋىس - تۋعان، دوس - جاراندارىنان اقشا بەرۋىن وتىنەدى.

    پارىقتاۋ جانە ساقتانۋ ادىستەرى: بۇنداي جاعدايدا اقشا سالۋعا اسىقپاڭىز. اقشا بەرۋدى وتىنگەن ادامىڭىزدىڭ وزىنە كەزدەسىپ نەمەسە تەلەفون ارقىلى حابارلاسىپ انىق - قانىعىنا كوز جەتكىزىڭىز.

3.توراپ الدامشىلارى بانكەلەردىڭ توراپ بەتىنە ەلىكتەپ جالعان توراپ بەتىن جاساپ، بانكەلەردىڭ اتىن جامىلىپ ءتۇرلى جالعان قىزمەت وتەۋ فورمالارىمەن حاريدارلاردىڭ كارتۋچكا نومىرىمەن قوسا قۇپيا ءنومىرى، ازاماتتىق كۋالىك ءنومىرى سياقتى ينفورماتسيالارىنا يە بولادى دا كارتوچكالارىنداعى اقشانى ءبىراق سىپرادى.

    پارىقتاۋ جانە ساقتانۋءادىسى: icp.chinaz.com نەمەسە www.miibeian.gov.cn توراپ بەتتەرى ارقىلى ءوزىڭىز كۇماندانعان توراپتىڭ توراپ ادرەسىنىڭ تىزىمگە الىنعان - الىنباعانىن جانە باسقا ينفورماتسيالارىن سالىستىرىپ كورىڭىز.

   4.«ءسىزدىڭ كوكەك ءنومىرىڭىز، تەلەفونءنومىرىڭىز جانە باسقا تاۋەلدى نومىرلەرىڭىز سيلىققا يە بولدى»، - دەپ توراپ ادرەسىن نەمەسە كارتۋچكا ءنومىرىن جولداپ، «الدىمەن سيلىقتىڭ باجىسىن تاپسىرىپ، سوڭىنان قوماقتى سومانى الاسىز»، -دەگەندى جەلەۋ ەتىپ اقشاڭىزدى الداپ اكەتەدى.

    پارىقتاۋ جانە ساقتانۋ ادىستەرى: مۇنداي الدامشىلىق ارەكەتتەر كوبىنشە تىڭشۇن تورابى، شينلاڭ تورابى، سوۋحۋ تورابى سىندى بەدەلدى حابارلاسۋ ورتالىقتارىنىڭ اتىن جامىلىپ الدامشىلىق ارەكەت جاسايدى. مۇنداي جاعدايدا سول توراپتاردىڭ ارناۋلى توراپ بەتىن اشىپ، حابارلاسۋ ورتالىعىمەن حابارلاسىپ ناقتى جاعدايدى ۇعىسڭىز.

   5.« كاسىپكەرلەرگە ءوسىمسىز قارىز بەرۋ، كاسىپتەنۋدى جەبەۋ»، -دەگەندى جەلەۋ ەتىپ الدامشىلىق ىستەيدى. تىزىمدەلۋ اقىسى، كەستە تولتىرۋ اقىسى سىندى ءتۇرلى فورمالارمەن اقى الىپ، سوڭىنان سارىلتا كۇتكىزىپ تاعاتىڭىزدى تاۋىسادى.

    پارىقتاۋ جانە ساقتانۋ ءادىسى: كاسىپتەنۋدى جەبەۋ، ءوسىمسىز قارىز بەرۋدى جەرلىك ورىن قاتاڭ تەكسەرۋدەن وتكىزىپ بارىپ بەكىتەدى، مۇنداي جۇمىستى ەڭ اۋەلى جەرلىك ورىننان ەگجەي - تەگجەيلى ۇعىسقان ءجون.

6. ءمالىم ءبىر بادىك راسىمدى بۇلىڭعىر ەتىپ كورسەتىپ، ءىس جۇزىندىككە سايكەسپەگەن جاعداي استىندا، رەسىمدەگى ادام ءسىز ەكەنىڭىزدى ءارى اتى - ءجونىڭىزدى، قىزمەت ورنىڭىزدى انىق جازىپ، پوچتا نەمەسە ەلەكتروندى حات ساندىعى ارقىلى سىزگە جىبەرىپ، شەكتى مەرزىم ىشىندە ايتىلعان سومانى تاپسىرماساڭىز بۇكىل توراپقا جاريالايتىنىن ايتىپ، سەس كورسەتىپ، ءسىزدىڭ ينفورماتسيالارىڭىزدى قالاي يەلەگەنىنە ەشقاشان تاڭدانباڭىز. بالكىم ءسىز ۇلاسپالى توراپقا ماقالا جاريالاعان بولۋىڭىز نەمەسە ۋيچات تەكشەسىنە وزىڭىزگە قاتىستى ينفورماتسيالاردى شىعارعان بولۋىڭىز مۇمكىن. وزىق دەتالدار ارقىلى مۇنداي ينفورماتسيالاردى قولعا كەلتىرۋ الدەقاشان وڭاي ىسكە اينالعان.

    پارىقتاۋ جانە ساقتانۋ ءادىسى: مۇنداي جاعدايدا ءارقاشان قارسى جاقتىڭ ايتقانى بويىنشا ىستەمەڭىز، كەرىسىنشە، ءوزىڭىز تۇرعان ورىنداعى قوعام حاۋىپسىزدىگى مەكەمەسىنە دەلو مالىمدەپ، قارسى جاقتىڭ كارتوچكا ءنومىرىن، تەلەفون ءنومىرىن جانە باسقا دا قاتىستى ينفوماتسيالارىن تەكسەرتىپ، انىق - قانىعىنا كوز جەتكىزىڭىز.

7.قوعام حاۋىپسىزدىگى مەكەمەسى، سوت مەكەمەسى سياقتى مەكەمەلەردىڭ اتىن جامىلىپ تەلەفوندا :«ءسىزدىڭ ءمالىم دەلومەن قاتىسىڭىز بار بولۋى مۇمكىن دەپ كۇماندانىپ وتىرمىز»، -دەگەن سىلتاۋمەن ءسىزدى مازاسىز كۇيگە كەلتىرىپ، وسى ورايدا ءسىزدىڭ ازاماتتىق كۋالىك ءنومىرىڭىزدى، بانكە كارتۋچكا ءنومىرىڭىزدى سۇراۋ نەمەسە تەلەفوندا اۆتوماتتى اقشا شىعارۋ ورىندارىنا بارىپ وزدەرىنىڭ ايتقانى بويىنشا ىستەۋىڭىزدى تالاپ ەتۋ سياقتى تاسىلدەرمەن الدامشىلىق ىستەيدى.

پارىقتاۋ جانە ساقتانۋ ادىستەرى: مۇنداي جاعدايدا استە ابىرجىماڭىز، قارسى جاقتى جان - جاقتى باقىلاۋمەن بىرگە تەلەفون ءنومىرىن جازىپ الىپ، قايسى مەكەمەنىڭ اتىن جامىلسا سول مەكەمەنىڭ جەرگىلىكتى ورىنداعى قاتىستى بولىمىنە بارىپ نەمەسە تەلەفون سوعىپ ۇعىسىپ، ءىستىڭ انىق - قانىعىنا كوز جەتكىزىڭىز.

    توقسان اۋىز ءسوزدىڭ توبىقتاي ءتۇيىنى: «ماڭدايدان تەر شىقپاي اۋىزعا تۇسەر دايار اس جوق» ەكەندىگىن ەستە بەرىك ساقتاپ، ارزانىن قۋامىز دەپ الدامشىلاردىڭ ارباۋىنا ءتۇسىپ، جالعان جارنامالاردىڭ جەتەگىندە جەر سيپاپ قالمايىق، اعايىن!

كەلۋ قاينارى: شينجياڭ زاڭ جانە تۇرمىس گازەتى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ