<%@LANGUAGE="JAVASCRIPT" CODEPAGE="65001"%>
中文 哈文

باس بەت>>اتامۇرا- اسىل قازىنا>>مادەنيەت

زامان ءوتىپ بارادى قايىرىلماس

ءابدىراحمان قاليوللا ۇلى

شىركىن، كونە كوزدەر - اي

سيرەپ باراد قاتارى كونەلەردىڭ،

ولمەس بولىپ ماڭگى ءوزىن شەگەلەر كىم؟

توپىراق بوپ مۇردەلەر جاتىر انە،

قاپتالىندا قاپساعاي توبەلەردىڭ.

 

سيرەي ءتۇستى قاتارى كونەلەردىڭ،

اۆتورى دا بەلگىسىز كەي ونەردىڭ.

اتامزامانعى اتىستىڭ مايدانىنان،

شىرپىلارىن تاباسىڭ جەبەلەردىڭ.

 

ۇل - قىزدارى، ءبىر ۇرپاق ورەلى ەلدىڭ،

سەلدىرەدى قاتارى كونەلەردىڭ.

مۋزەيىنەن تاريحتىڭ، بابالاردىڭ

مۇرالارىن كەلەدى كورە بەرگىم.

 

زامان ءوتىپ بارادى قايىرىلماس،

عاشىقتار دا بولىنگەن «ايىرىلماس».

حان دا كەتىپ، ارتىندا تاعى قالعان،

اسىل بارما الەمدە مايىرىلماس.

 

كونە كوزدەن قالدى ما سانامالى؟

تابيعاتقا ادامنىڭ جوق امالى.

سەن دە وشەسىڭ، جىگىتىم دۇنيەدەن،

اق ساقالدى شال بولىپ بالاڭ ءالى.

 

قياسىڭ با ولىمگە كونەلەردى؟

ەل ەڭىرەپ ارۋلاپ كومەدى ەردى.

ءبىر داۋرەننىڭ شالدارى كەڭەس قۇرىپ،

يەن قالعان كورەسىڭ توبەلەردى.

 

كورگەندە قۇلازىعان توبەلەردى،

ەرىكسىز ساعىناسىڭ كونەلەردى.

باسىما وي ءيىرىمى ۇيىرىلگەن،

جاۋعالى جىردىڭ بۇلتى تونە بەردى.

جاس داۋرەن

جاستىق شاق، نەتكەن سۇلۋ، ءمولدىر ەدىڭ،

جانىمدى جادىراتقان سەن نۇر ەدىڭ.

داۋرەنىم، از - اق كۇندىك ۋىلجىعان،

جۇلدىزداي اعىپ ءوتتىڭ، كول - جىر ەدىڭ.

 

جۇلدىزداي اعىپ ءوتتىڭ، الىستادىڭ،

مەن نەگە سامال بولىپ جارىسپادىم؟!

ۋا، جاستىق، جۇرەگىمە العاش رەت،

ماحاببات ءانىن ايتىپ داۋىستادىڭ.

 

ۋا، جاستىق، ءومىرىمنىڭ كوكتەمى ەدىڭ،

جاپ - جاسىل شىنار بولىپ كوكتەپ ەدىم.

جاس داۋرەن، وزىڭمەنەن وتتاي جانعان،

قىرانداي قىرپۋلى ەدىم، وكتەم ەدىم.

 

شارپىعان وتتاي ىستىق جالىن لەبىڭ،

بال داۋرەن، وزىڭمەنەن ارىندى ەدىم.

وزىڭمەن قوس جانارىم ۇشقىن اتقان،

وزىڭمەن تولقىن اتىپ قانىم مەنىڭ.

 

جاستىق شاق، نەتكەن سۇلۋ، ءمولدىر ەدىڭ،

ارمانداي اڭساپ، شىركىن، ەلجىرەدىم.

ءومىردىڭ التىن نۇرلى جالاۋىنداي،

الىستان ەلەس بەرىپ جەلبىرەدىڭ.

كەلۋ قاينارى : شينجياڭ گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ