<%@LANGUAGE="JAVASCRIPT" CODEPAGE="65001"%>
中文 哈文

باس بەت>>اۋىل شارۋاشىلىعىنا قىزمەت وتەۋ>>دەنساۋلىق ساقتاۋ

ءار كۇنى ورنىڭىزدان تۇراردان بۇرىن ون مينۋت ءوزىڭىزدى اقاۋسىزداندىراتىن جاعداي جاساڭىز

ءار كۇنى تابيعي ويانۋ ادام ءومىرىنىڭ ءبىر ءتۇرلى قۋانىشى، ءبىراق قىستى كۇنى جىلى كورپەنىڭ ىشىنەن بىردەن شىعۋ بۇل وتە قيىن. ال جالعاستى جاتا بەرۋ تىپتەن مۇمكىن ەمەس، بار كۇشىمىزدى بويىمىزعا جيناپ، زورلىقپەن ورنىمىزدان تۇرامىز جانە سول ءبىر كۇن رۋحىمىز سەرپىلمەي-اق جۇرەمىز. مىناداي ءبىر كىشكەنتاي ءادىس ادامداردىڭ وسى قيىنشىلىعىنا سەپتىگىن تيگىزەدى دەپ ويلايمىن.

ءار كۇنى ويانعاننان كەيىن ون مينۋت جاتا تۇرۋ

جۇڭگو جۇڭگوشا شيپاگەرلىك عىلىم اكەدەمياسى ۋاڭجيڭ وسپە اۋرۋلار ءبولىمىنىڭ مەڭگەرۋشىسى ۋاڭ زىمين قىستى كۇنى ويانعاننان كەيىن ورنىنان بىردەن تۇرىپ كەتپەي ون مينۋت جاتا تۇرىپ، عىلىمي تۇردە ايتقاندا قۇرساق يتەرۋ، ۇياشىقتاردى ۋقالاۋ، ىشەكتى قوزعاۋ ارەكەتتەرىن ىستەۋدى ايتقان.

ەكى مينۋت: قۇرساقتى يتەرۋ. ۋاڭ زىمين بۇل ءوزىنىڭ ويانعانداعى ءبىرىنشى ىستەيتىن جۇمىسى ەكەنىن ايتادى، قوس قولدى كەۋدە ءبولىمنىڭ ۇستىنە الاقاندى تومەن قاراتا قويىپ، قوس قولدىڭ ۇشىن ءبىر-بىرىنە تيگىزىپ، قۇرساق بولىمگە قاراي كۇشپەن يتەرىپ كىندىك قۋىسىنا دەيىن اپارۋ كەرەك، وسىلاي 20 رەت قايتالاۋ كەرەك. ويتكەنى قۇرساق ءبولىمىن يتەرۋ بارىسىندا اسقازان، كوكباۋىر، ءوت جولى قاتارلىلاردىڭ ينە كوزىن باسىپ وتەدى، سوندىقتان ۇنەمى قۇرساق يتەرۋ ارقىلى تابەتتى اشىپ قالماستان، بۇيرەكتى، جۇرەكتى قۋاتتاندىرۋ ناتيجەسىنە جەتۋگە بولادى. ۋاڭ زىميننىڭ اجەسى ءتىرى كەزىندە ۇنەمى اسقازانى باتىپ اۋىراتىن، بۇل ءادىستى ۇنەمى ىستەي بەرە اۋىرمايتىن بولعان. ول تاعى دا بۇل ءادىستىڭ ۇيقىنىدا جاقسارتاتىنىن بايقاعان، سونىمەن ۇنەمى جالعاستىراتىن بولعان، ءتىپتى ءار كۇنى ۇيىقتار الدىندا 20-30مينۋت ۋاقىت شىعارىپ قۇرساق يتەرۋدى جاساعان، اجەسى 99جاسىندا دۇنيە سالعان ەكەن.

بەس مينۋت: ۇياشىقتى ۋقالاۋ. ۋاڭ زىمىن: «بىرنەشە كۇننىڭ الدىندا ءبىر 103 جاسقا كەلگەن قاريامەن اڭگىمەلەسكەن ەدىم، ول كىسى ءوزىنىڭ ءار كۇنى ويانعاندا ءبىرىنشى ىستەيتىن جۇمىسىنىڭ ۇياشىقتى ۋقالاۋ ەكەنىن، ءار كۇنى 30 مينۋت ۋاقىتىن شىعارىپ، ۇياشىق ۋقالاۋ ءادىسىن جالعاستىرىپ، ونان سوڭ بارىپ ورنىنان تۇراتىنىن ايتتى، بۇل ءدىستى قارتتاردىڭ ءوزى جالعاستىرا العاندا كۇنىنە قىزمەتكە شىعاتىن جاستار دىڭ دا ءار كۇنى 3-4 مينۋت ۋاقىت شىعارىپ جالعاستىراتىن بولسا ۇلكەن سەپتىگى تيەدى. ميڭ پاتشالىعى داۋىرىندەگى ينەمەن ەمدەۋ عىلىمىنىڭ مامانى گاۋ ۋدىڭ «ءجۇز اۋرۋ سالىعى» ندا «ىشكى ورگاندى رەتتەپ، كوڭىل-كۇيدى جاقسارتۋ» ايتىلعان، وندا ىشكى سەكراتسيا بەزدەرىن تتىركەندىرىپ، ۇياشىقتى ۋقالاۋ ارقىلى رۋحتى سەرپىلتۋگە، ءار كۇنى ىشكى ورگانداردى رەتكە سالۋ ارقىلى كوتەرىڭكى كوڭىل-كۇيگە جەتۋگە بولاتىندىعى ايتىلعان.

ءۇش مينۋت: ىشەكتى قوزعاۋ. جۇڭگوشا شيپاگەرلىكتە ۇنەمى ىشەكتى قوزعاۋ ارقىلى قۋاتتى ارتتىرۋعا بولادى دەلىنگەن، قۋاتتى بولعاندا عانا ءار قايسى ىشكى مۇشەلەر ءوز قىزمەتىن تىڭعىلىقتى ورىنداپ تۇرا الادى، سوندىقتان، ۇياشىقتى ۋقالاۋدى ورىنداپ بولعاننان كەيىن، اياقتى ەكى جاققا يىقتىڭ كەڭدىگىندەي اشىپ، ەكى قولدى اياقتىڭ جانىنا قويىپ، دەنەنى بوس ۇستاپ تەرەڭ تىنىس الۋ، وسىلاي 3 مينۋت قايتالاۋ. بۇل ءادىس قارتتادىڭ ىشەك تاستاۋ اۋرۋىن، گەمورويدى، نەسەپ جيىلەسۋدى ەمدەۋگە بولادى.

كوڭىلدى بەينەمەن ورىننان تۇرۋ

ەگەر ون مينۋت جەتپەسە، تاعى دا ايگىلى ۇيقى زەرتتەۋ مامانى بەيجيڭ چاۋياڭ تىنىس جولى اۋرۋلار زەرتتەۋ ءبولىمىنىڭ ۇيقى تىنىس اۋرۋى ەمدەۋ ورتالىعىنىڭ مەڭگەرۋشىسى گو شيحىڭنىڭ كوڭىلدىلىكپەن ورىننان تۇرۋ ءادىسىن قولدانۋعا دا بولادى.

ءار كۇنى ويانعاندا ءبىر ستاكان جىلى سۋ ءىشۋ: ءار كۇنگى ءبىر ىستاكان سۋ توتەنشە ماڭىزدى، ول ادامنىڭ دەنە مۇشەلەرىن وياتىپ قالماستان، تاعى ءبىر جاڭا تاڭنىڭ باستالعانىنان دەرەك بەرەدى، ادام ۇيىقتاعان كەزدە تەرى، نەسەپ، تىنىس جولى ارقىل كوپ مولشەردە سۋ ءبولىپ شىعارادى، تاڭەرتەڭ ادام دەنەسى سۋ كەمشىل جاعدايدا تۇرادى. ءبىر تۇندە ادام دەنەسىنىڭ سۋسىزدانۋ مولشەرى 450ميليليتىر بولادى، تاڭەرتەڭ سۋ ءىشۋ ارقىلى سۋ تولىقتاۋعا بولادى. كەيبىر ادامدار تاڭەرتەڭ تۇرا سالىپ توڭازتقىشتاعى سۋىق سۋدى ىشكەندى جاقسى كورەدى، بۇلاي بولسا ونان ارى رۋحتى جۇرۋگە بولادى دەپ ەسەپتەيدى، ءبىراق بۇلاي ىستەۋ قاتە، ويتكەنى تاڭەرتەڭ اش قۇرساقتا وتە سۋىق يا وتە ىستىق سۋ ءىشۋ اسقازاندى قالىپتان تىس تتىركەندىرىپ، اسقازاننىڭ جايسىزدانۋىن كەلتىرىپ شىعارادى. ەڭ جاقسىسى بولمە تەمپەراتۋراسىمەن قارايلاس جىلىلىقتاعى سۋ ءىشۋ كەرەك.

بولمەنىڭ شىراعىن جاعۋ: ەگەر تاڭەرتەڭ ەرتە تۇرۋ ءسىز ءۇشىن ءبىر قيىن ءىس بولسا، شىراق جارىعىنىڭ كومەگى كەرەك، ساعاتىڭىز شىرىلداعان كەزىندە ورنىڭىزدان تۇرىپ، بولمەنىڭ شىراعىن جاعىڭىز، جاپ-جارىق بولمەدە ۇيقىڭىز بىردەن اشىلاتىن بولادى. جاز كەزىندە بىردەن تەرەزەنى اشاتىن بولساڭىز، سالقىن اۋامەن تاڭەرتەڭگى كۇن نۇرى ۇيقىڭىزدى اشۋعا سەبى تيەدى، بۇلاي ىستەۋ ارقىلى ءبىر كۇن رۋحتى جۇرەسىز.

ريتىمدى مۋزىكادان ءلاززات الىڭىز: ءسىز ساعاتىڭىز شىرىلداي جونەلگەندە باسا سالاتىن ادەتكە كىرىپ العان بولارسىز، ويتكەنى ۇلكەن مي وزىنە قانىق مۋزىكانى قابىلداۋدى ءجون كورمەي قالعان، سوندىقتان ەكى-ءۇش مۋزىكانى ارت-ارتىنان تىڭداۋ ارقىلى ۇيقىڭىزدى اشۋىڭىزعا بولادى، ريتىمى تەز مۋزىكا ۇلكەن ميدى تتىركەندىرىپ، ۇيقىڭىزدى اشادى.

مامانداردىڭ ەسكەرتۋى: جوعارىداعى ءۇش ءتۇرلى ءادىس ءسىزدى ۇيقىڭىزدان وياتادى، ءبىراق اقاۋسىز ادامدار ءۇشىن الىپ ايتقاندا، ورىننان تۇرۋدىڭ ەڭ ءونىمدى ءادىسى قاعيدالى ويانۋ ءتاسىلى ەڭ جاقسى، ءار كۇنى تۇراقتى ۋاقىتتا ۇيىقتاۋ كەرەك، ۇيقى جەتكىلىكتى بولسا عانا تاڭەرتەڭ ورنىنان تۇرۋ قىيىنعا سوقپايدى.

كەلۋ قاينارى : ءتاڭىرتاۋ تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ