<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>ۇكىمەت باسشىلارى>>باسشىلار ءسوزى

2017-جىلعى كوكتەم مەرەكەسى بايلانىسىمەن وتكىزىلگەن توپتىق شاعانشىلاۋ جينالىسىندا سويلەگەن ءسوز

2017-جىلعى كوكتەم مەرەكەسى بايلانىسىمەن وتكىزىلگەن توپتىق شاعانشىلاۋ جينالىسىندا سويلەگەن ءسوز

(2017-جىلى 26 – قاڭتار)

شي جينپيڭ

جولداستار، دوستار:

«تەرەك بۇرلەپ، ءشوپ قىلتيدى، كوگىلجىم تاۋ بەلگى بەردى كوكتەمنەن». جىلىنا ءبىر كەلەتىن مەرەيلى كوكتەم مەرەكەسى كەلە جاتىر. بۇگىن ءبىز قۋانىشپەن باس قوسىپ، جاڭا كوكتەمدى شات مەرەيمەن قارسى الىپ، شالقىپ شاتتانىپ وتىرمىز.

ەڭ اۋەلى، مەن پارتيا ورتالىق كوميتەتى مەن مەملەكەتتىك كەڭەس اتىنان سىزدەرگە مەرەكەلىك جالىندى سالەم جولدايمىن! بۇكىل ەلدەگى ءار ۇلت حالقىنا، شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا جانە شەتەلدەردەگى مۇھاجىر باۋىرلاستارعا مەرەكە قۇتتى بولسىن ايتامىن! تاۋىق جىلدارىڭىز ىرىستى، ىستەرىڭىز ىلگەرى بولسىن!

تابيعات ءتىل قاتپاعانمەن ءۇنسىز قاپ، مەزگىل - ۋاقىت ايالداماس، ءبىر تۇرماس ... ءبىز كوكتەم مەن جاز، كۇز بەن قىس ءتورت ماۋسىمدى تاعى ءبىر اۋناتتىق. 2016 - جىلى بۇكىل پارتيا، بۇكىل ارميا، بۇكىل ەلدەگى ءار ۇلت حالقى ءبىر نيەتپەن ىنتىماقتاسىپ، ءورىس اشا ىلگەرىلەپ، «13 - بەسجىلدىقتىڭ» شىمىلدىعىن تاماشا باستامامەن اشىپ، پارتيا مەن مەملەكەت قىزمەتتەرىن تاعى دا تىڭ ساتىعا كوتەردى. ەلىمىز ەكونوميكاسىنىڭ ءوسۋى ءۇرتىس الەمنىڭ الدىڭعى قاتارىنان كورىندى، كەدەيلىكتەن قۇتىلدىرۋدان قامال الۋدىڭ تۇڭعىش شايقاسىن جەڭىسپەن جۇرگىزدىك، حالىق تۇرمىسى ۇزدىكسىز جاقساردى، رەفورما، دامۋ ىستەرىندە ماڭىزدى ناتيجەگە قول جەتكىزدىك، مەملەكەت قورعانىسى مەن اسكەري بولىمدەر رەفورماسىندا كەلەلى تابىستارعا جەتتىك، مەملەكەتتى زاڭ بويىنشا جونگە سالۋ ىشكەرىلەي جۇرگىزىلىپ، پارتيانى جاپپاي قاتاڭ جونگە سالۋ تەرەڭدەي ىلگەرىلەدى. ۇلى وتانىمىزدىڭ دامۋى مەن العا باسۋى الەمنىڭ بەيبىتشىلىگى مەن دامۋى ءۇشىن وراسان ۇلەس قوستى.

تاريحتى حالىق جاراتادى، جۇڭگونىڭ دامۋ تابىسىن جۇڭگو حالقى قوس قولدارىمەن جاراتقان، ول ءبىرىنىڭ ءىزىن ءبىرى باسقان جۇڭگولىقتاردىڭ قاجىرلى ەڭبەگىنىڭ، كۇش جالعاپ كۇرەس جاساۋىنىڭ جەمىسى. جۇڭگو حالقىندا ۇلى ارمان بار، وتە - موتە، ۇلى ارماندى جۇزەگە اسىرۋ ءۇشىن جاپا - ماشاقاتتان قورىقپايتىن، ناقتى ءىس ىستەپ، بەل جازباي ەڭبەك ەتەتىن ۇلى رۋح بار. ەڭبەكشىل، ەر جۇرەك جۇڭگو حالقى −− جۇڭحۋا ۇلتىنىڭ تولاسسىز ءوسىپ، دامىپ، الۋەتتەنۋىنىڭ ارقاۋى. ۇلى جۇڭگو حالقىنا ەڭ وسكەلەڭ قۇرمەت بىلدىرەيىك! ۇلى وتانىمىزدىڭ دامۋى، العا باسۋى ءۇشىن ۇلەس قوسقان ساقا قاھارمان، ساقا ۇلگى، ساقا جاۋىنگەر، ساقا جولداس، الدىڭعى تولقىن اعا بۋىندارعا وسكەلەڭ قۇرمەت بىلدىرەيىك!

جولداستار، دوستار!

جۇڭگوشا كالەندار بويىنشا 60 جىلدىق اينالىمنىڭ تاۋىق جىلى كەلدى. جۇڭحۋا مادەنيەتىندە، تاۋىق «بەس ءتۇرلى قاسيەتكە يە ءۇي قۇسى» سانالادى، ول «ۋاقىت حابارشىسى»، تاۋىق شاقىرعاندا ويانىپ، ورىننان تۇرۋ جۇڭگولىقتاردىڭ ەجەلدەن كەلە جاتقان ەڭبەكشىلدىك رۋحىن ايگىلەيدى. تاڭنان حابار بەرەتىن اتەش بىزگە ۋاقىتتىڭ قىمباتىن ۇعىندىرادى.

2017-جىلى جۇڭگو كوممۋنيستىك پارتياسى 19 - قۇرىلتايىن اشىپ، جۇڭگوشا سوتسياليزم ىستەرى ءۇشىن جاڭا جوبا كەسكىندەيدى. پارتيا مەن مەملەكەتتىڭ ءتۇرلى قىزمەتىن جاقسى ىستەۋدىڭ تەتىگى −− شىنايلىققا تالپىنىپ، سىندارلى جۇمىس تىندىرۋدا، شىنداپ يگەرىپ، ناقتى ءىس ىستەۋدە. بۇكىل پارتيا، بۇكىل ارميا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، «ءتورت ءتۇرلى تانىمدى» كۇشەيتىپ، «ءتورت سەنىمدى» بەكەمدەپ، پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ماركسيزمدى، لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، پارتيا ورتالىق كوميتەتىنىڭ ەل باسقارۋعا قاتىستى جاڭا ۇستانىمدارىن، جاڭا يدەيالارىن، جاڭا ستراتەگيالارىن دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن جازباي، ۋاقىتپەن جارىساتىن كوكەي تەستىلىك سەزىممەن، «مەنەن باسقا كىم ىستەيدى» دەيتىن بورىشتىلىق سەزىممەن، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، پارتيا 19 - قۇرىلتايىنىڭ اشىلۋىن تاماشا تابىسپەن قارسى الۋ كەرەك.

جولداستار، دوستار!

جۇڭحۋا ۇلتى ەجەلدەن شىنايى سۇيىسپەنشىلىككە ءمان بەرەتىن، دارقاندىقتى دارىپتەيتىن ۇلت. «جۇرەكتىڭ قىلىن تەربەيتىن نارسە، ەڭ الدىمەن سۇيىسپەنشىلىك». «كوكتەم مەرەكەسىن وتكىزۋگە ۇيگە قايتامىن» دەگەن ءبىر اۋىز ءسوز ميلليارد جۇڭگولىقتار ءۇشىن ەڭ جىلى نيەت. بۇل مەرەكەدە بارشا وتباسىلار باس قوسىپ، وتباسى قىزىعىنىڭ ءدامىن بىرگە تاتىپ، تۋىس - تۋعان، دوس - جاراندارىن ارالاپ، ىزگى تىلەكتەر ارناسادى، مۇنىڭ ارقاۋى −− قويۋ تۋىستىق سۇيىسپەنشىلىك، دوستىق پەيىل، ماحاببات، جولداستىق نيەت. بۇگىنگى قوعامنىڭ وزگەرىسى وتە تەز، جۇرت قىزمەت ءۇشىن جارعاق قۇلاعى جاستىققا تيمەي، تىرلىك ءۇشىن شار تاراپقا شاپقىلاپ جۇرسە دە، ادامدار اراسىنداعى ناعىز سۇيىسپەنشىلىك ۇمىتىلماسقا كەرەك، ارا الىس، جەر شالعاي دەپ شىنايى سۇيىسپەنشىلىكتىڭ ءجىبىن ۇزۋگە، كۇندەلىكتى تىرلىكتىڭ كۇيبەڭىمەن شىنايى سۇيىسپەنشىلىكتى ۇمىتۋعا، كۇنى - ءتۇنى ارىپتالاسىپ ءجۇرىپ، شىنايى سۇيىسپەنشىلىكتى ەسكەرۋسىز قالدىرۋعا بولمايدى.

شىنايى سۇيىسپەنشىلىك سوتسياليستىك وزەكتى قۇن كوزقاراسىمەن جەتەكتەۋدى، جۇڭحۋا ۇلتىنىڭ ءداستۇرلى تاماشا مورالىمەن ارلەۋدى قاجەت ەتەدى. شىنايى سۇيىسپەنشىلىك −− وتىرىكتەن، وزىمشىلدىكتەن اۋلاق، ۇمىتىلماس سۇيىسپەنشىلىك. شىنايى سۇيىسپەنشىلىككە وتىرىك ارالاستىرماۋ ءۇشىن جۇرتقا ادالدىقپەن، اق كوڭىلمەن، شىنايىلىقپەن مامىلە جاساۋ كەرەك، شىنايى سۇيىسپەنشىلىك وزىمشىلدىكتەن تازا بولسىن دەسەك، مىنەز - قۇلىقتى شىڭداپ، تۋراشىل، قالتقىسىز بولۋىمىز كەرەك، شىنايى سۇيىسپەنشىلىك ۇمىتىلماۋى ءۇشىن بۇكپەسىز، اشىق - جارقىن بولماق كەرەك. تەك سوندا عانا، تۋىستىق سۇيىسپەنشىلىك، دوستىق پەيىل، ماحاببات، جولداستىق نيەت −− اسقاق، ماڭگىلىك، وزىڭە، جاقىنىڭا، دوسىڭا، سۇيگەنىڭە، جولداسىڭا پايدالى بولماق، تەك سوندا عانا قارايلاسىمدى، ءوزارا كومەكتەسەتىن، بارشا جۇرت ءبىر نيەتكە ۇييتىن ادامزاتتىق ۇلى ماحاببات تۋادى. ءبىز شىنايى سۇيىسپەنشىلىك پەن دارقاندىقتىڭ كيەلى توپىراق، بايابان دالامىزدى، بارشا وتباسىلاردى كوكتەم سامالى بوپ وبۋىنە، جۇڭحۋانىڭ ءاربىر پەرزەنتىنە جىلۋ سيلاۋىنا مۇمكىندىك جاساۋىمىز كەرەك.

جولداستار، دوستار!

سوڭىندا، سۇڭ داۋىرىندەگى ۋاڭ انشىنىڭ ولەڭىنەن سيتات العىم كەلەدى: «فەيلاي شىڭنىڭ باسىندا بۇلتقا ورانعان مۇنارا، شاقىرعاندا تاۋىقتار، كۇن شىعادى دەسەدى. قام جەمەيمىن قالىڭ بۇلت كولەگەيلەپ تۇرعاندا، شىڭ باسىندا كوكىرەك كوز جەتپەسكە جەتەدى». بۇكىل پارتيا، بۇكىل ارميا، بۇكىل ەلدەگى ءار ۇلت حالقى جۇڭگو كوممۋنيستىك پارتياسىنىڭ باسشىلىعىندا، تالىقپاي تالپىنىپ، شىڭعا شىعىپ، الىسقا كوز تاستاپ، بىلەك سىبانا ىسكە كىرىسىپ، جاپپاي دوڭگەلەك داۋلەتتى قوعام قۇرۋ سىندى كۇرەس نىساناسىنا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا، ادامزاتتىڭ تاعدىرلاس ورتاق تۇلعاسىن قۇرۋ سىندى جارقىن بولاشاققا قاراي ۇدەرە العا تارتىپ، ەلىمىزدىڭ بايتاق دالاسىندا، ءبىر ميلليارد 300 ميلليوننان استام جۇڭگو حالقىنىڭ ۇلى كۇرەسىنىڭ جاڭا تاريحي داستانىن جازۋ كەرەك!

بارشاڭىزعا راقىمەت!

كەلۋ قاينارى : شينجياڭ گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ