<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>ۇكىمەتىڭ ۇنەمىلىك ىستەر ءماجىلىسى

وبلىستىق ۇكىمەت 44 – رەتكى ۇنەمىلىك ىستەر ءماجىلىسىن اشتى

اۆتونوميالى وبلىستىق حالىق ۇكىمەتى قاراشانىڭ 17–كۇنى 44–رەتكى ۇنەمىلىك ىستەر ءماجىلىسىن اشتى. وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى ءماجىلىستى باسقاردى. وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى لۋ شۋجياڭ، وبلىستىڭ ورىنباسار باستىقتارىنان گاۋ تيانشان، مەي يۇي، جاڭ جۇي، زاكىر زوردۇن، فىڭ شيننان جانە وبلىسقا توتە قاراستى قاتىستى تاراۋلاردىڭ جاۋاپتىلارى ماجىلىسكە قاتىناستى.

ماجىلىستە «اۆتونوميالى وبلىستىق پارتكوم مەن اۆتونوميالى وبلىستىق حالىق ۇكىمەتىنىڭ ج ك پ ورتالىق كوميتەتىنىڭ، مەملەكەتتىك كەڭەستىڭ <زاڭمەن جونگە سالىناتىن ۇكىمەت قۇرىلىسى جونىندەگى اتقارۋ پروگرامماسىن (2015–2020)> اتقارۋ جوباسى (جوبا نۇسقاسى)» قارالدى. جوبادا ۇكىمەت فۋنكتسياسىن زاڭ بويىنشا جاپپاي اتقارۋ، اكىمشىلىك ءتۇزىم جۇيەسىن زاڭ بويىنشا كەمەلدەندىرۋ، اكىمشىلىك شەشىمدەردىڭ عىلميلانۋىن، دەموكراتيالانۋىن، زاڭ–تۇزىمدەنۋىن جەبەۋ، زاڭدى جۇيەلى، قاتاڭ، ءادىل، مادەنيەتتى اتقارۋدا تاباندى بولۋ، اكىمشىلىك ۇقىقتى تەجەۋ مەن باقىلاۋدى كۇشەيتۋ، قوعامدىق قايشىلىقتار مەن داۋ–شارلاردى زاڭ بويىنشا ءونىمدى شەشۋ، ۇكىمەت قىزمەتكەرلەرىنىڭ زاڭمەن جونگە سالۋ يدەياسى مەن زاڭ بويىنشا اكىمشىلىك جۇرگىزۋ قابىلەتىن جاپپاي جوعارىلاتۋ، زاڭمەن جونگە سالىناتىن ۇكىمەت قۇرىلىسىنا قوعامدىق ورتا جاراتۋ سىندى 8 جاقتاعى نەگىزگى مىندەت ايقىن العا قويىلدى. ءارقايسى مىندەتتە ناقتى قىزمەت تالابى، جاۋاپتى ورىندار، سايكەسەتىن ورىندار جانە ورىنداۋ ۋاقىت شەگى بەلگىلەنگەن. 2020–جىلعا جەتكەندە زاڭمەن جونگە سالىناتىن ۇكىمەتتى نەگىزىنەن قۇرۋدىڭ جەتەكشى يدەياسى، جالپى نىساناسى، نەگىزگى پرينسيبى جانە سالىستىرۋ ولشەمى كورسەتىلگەن.

ماجىلىستە مىناۋ تالاپ ەتىلدى: اۋداندىق، قالالىق حالىق ۇكىمەتتەرى مەن وبلىسقا توتە قاراستى تاراۋلار ءوز جاۋاپكەرلىكتەرى بويىنشا دايەكتى تياناقتاندىرۋعا سايكەستى شارالاردى بەلگىلەپ، ۋاقىت بويىنشا ورنالاستىرىپ، زاڭمەن جونگە سالىناتىن ۇكىمەت قۇرىلىسىن شىنايى كۇشەيتىپ، ۇكىمەت فۋنكتسياسىن جاپپاي زاڭ بويىنشا اتقارۋ كەرەك.

ماجىلىستە «ىلە وبلىسىنا توتە قاراستى جەرگىلىكتى ۇكىمەتتەردىڭ زايومىن باسقارۋ جونىندەگى ۋاقىتتىق ءادىس» قارالدى.

ماجىلىستە بىلاي دەپ اتاپ كورسەتىلدى: وبلىسقا توتە قاراستى جەرگىلىكتى ۇكىمەتتەردىڭ زايومىن باقىلاۋ–باسقارۋدى قاتاڭ جۇيەلىلەندىرۋ، ءار دارەجەلى ۇكىمەتتەردىڭ زايوم جونىندەگى شاراسىن، پايدالانۋىن جانە قايتارۋ ىستەرىن جۇيەلىلەندىرۋ، جەرگىلىكتى ۇكىمەتتەردىڭ زايومىن باسقارۋ ءتۇزىلىسىن كەمەلدەندىرۋ، ۇكىمەتتىڭ قارىز حاۋىپ–قاتەرىنىڭ الدىن الۋ جانە ءبىر جاقتى ەتۋ كەرەك.

ماجىلىستە «جەدەل جەتكىزۋ كاسىبىنىڭ دامۋىن جەبەۋ جونىندەگى اتقارۋ جوباسى» قارالدى.

ماجىلىستە بىلاي دەپ اتاپ كورسەتىلدى: جەدەل جەتكىزۋ كاسىبى تەز دامىپ كەلەدى، بۇقارانىڭ تۇرمىسىنا ساياتىن جاعى دا كوپ. جەدەل جەتكىزۋ كاسىبى _ وسى زامانعى زات اينالىمىنىڭ، ەلەكتروندى ساۋدانىڭ دامۋ قاجەتى. بۇل كاسىپتىڭ دامۋىن جەبەپ، ناقتى شارا بەلگىلەپ، ورتاق قىزمەت وتەۋدى ويداعىداي ىستەۋ كەرەك. ءارقايسى جاۋاپتى ورىن سايكەسۋ–سەلبەسۋ قىزمەتىن ويداعىداي ىستەپ، اۆتونوميالى وبلىستىڭ ەكونوميكاسى مەن قوعامىنىڭ دامۋىنا ورتاق كۇش سالۋ كەرەك.

2020-جىلعا جەتكەندە قالا مەن اۋىلدا جاپپاي جالپىلاسقان، تەحنيكاسى وزىق، قىزمەت وتەۋى ساپالى، حاۋىپسىز ءارى جوعارى ءونىمدى جەدەل جەتكىزۋگە قىزمەت وتەۋ جۇيەسىن نەگىزىنەن قالىپتاستىرىپ، اۋىل–قالاشىق، پولىك الاڭدارىندا جەدەل جەتكىزۋ تورابىن جاپپاي جالپىلاستىرۋ كەرەك.

ماجىلىستە تاعى باسقا دا ىستەر قارالدى.

قۇرماش سىرجان ۇلى سوڭىندا بىلاي دەپ باسا دارىپتەدى: وبلىسقا توتە قاراستى اۋدان–قالالار، تاراۋلار قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەپ، وبلىستىق پارتكومنىڭ شەشىم–ورنالاستىرۋلارىنا ساي ءتۇرلى قىزمەتتى جاپپاي ىلگەرىلەتۋى؛ اۆتونوميالى وبلىستىق پارتكومنىڭ ورنىقتىلىقتى قورعاۋ ءتۇرلى شارلارىن باتىل تياناقتاندىرىپ، ىلەنىڭ قوعامدىق جالپى جاعدايىنىڭ ءۇرتىس ورنىقتى بولۋىنا بار كۇشپەن كەپىلدىك ەتىپ، ەكونوميكالىق، قوعامدىق دامۋعا تاماشا ورتا جاراتۋى؛ «ۇلتتار ىنتىماعىنىڭ بەرەكەلى شاڭىراعى» قيمىلىن ىشكەرىلەي ىلگەرىلەتىپ، باسشى كادرلار باستاماشىلىقپەن ونەگە بولىپ، باتىل دا پارمەندى دايەكتى تياناقتاندىرىپ، نەگىزگى ساتىداعى بۇقاراعا پارتيا مەن مەملەكەتتىڭ قامقورلىعىن جەتكىزۋى؛ ەكونوميكالىق دامۋ، حالىق تۇرمىسى قۇرىلىسى، عىلىم–تەحنيكا، وقۋ–اعارتۋ، مادەنيەت، دەنساۋلىق ساقتاۋ، ەگىن–مال شارۋاشىلىق ءوندىرىسى سياقتى قىزمەتتەردى مىقتى يگەرىپ، جىل باسىندا بەلگىلەنگەن نىسانا–مىندەتتەردەن جازباي، قىزمەت شارالارىن بوساڭسىتپاي، تۇتاس جىلداعى نىسانا–مىندەتتەردى ورىنداۋعا، وبلىستىق پارتكومنىڭ ءتۇرلى ورنالاستىرۋلارىنىڭ ناقتى ونىمدىلىگى بولۋعا كەپىلدىك ەتۋى؛ قوس ءتىل بالالار باقشاسى قۇرىلىسىن كۇشەيتىپ، بيىل جىل سوڭىنان بۇرىن وقۋعا تۇسۋدەن بۇرىنعى ءتالىم–تاربيەنى جالپىلاستىرۋدى جۇزەگە اسىرىپ، 2017–جىلدىڭ سوڭىنان بۇرىن «13–بەس جىلدىقتاعى» قوس ءتىل بالالار باقشاسى قۇرىلىسى مىندەتىن جاپپاي ورىنداپ، وبلىسقا توتە قاراستى ورىندارداعى ءار ۇلت بالالارىن تەگىن مىندەتتى وقۋ–اعارتۋدان يگىلىكتەندىرۋى كەرەك. قازىرگى قارلى، جاڭبىرلى مەزگىلدە اپاتتان ساقتانۋ، اپات زيانىن ازايتۋ جانە ءوندىرىس حاۋىپسىزدىگى قىزمەتتەرىن ويداعىداي ىستەپ، قارلى، جاڭبىرلى اۋا رايىنىڭ اۋىر شىرعالاڭ، ادام جانە مال–مۇلىك زيانىن تۋدىرۋىنان ساقتانىپ، حاۋىپسىزدىك جاۋاپكەرلىگىن، حاۋىپسىزدىك شارالارىن شىنايى تياناقتاندىرۋ كەرەك. كەزەكتە اۆتونوميالى وبلىس پارتيا 18–كەزەكتى ورتالىق كوميتەتى التىنشى جالپى ءماجىلىسى مەن ج ك پ اۆتونوميالى رايوندىق 9–قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرۋدە، ورتالىق پەن اۆتونوميالى رايوننىڭ شەشىم–ورنالاستىرۋلارىنا، سالالار بويىنشا جاۋاپتى قىزمەتتىڭ ءىس جۇزىندىگىنە بىرلەستىرىپ، كەزەكتەگى ءدوپ كەلىپ وتىرعان جاعدايعا ىشكەرىلەي تالداۋ جاساپ، عىلمي جوسپارلاپ، تياناقتاندىرۋدى مىقتى يگەرىپ، كەلەر جىلعى قىزمەتتەرگە ويداعىداي دايىندالۋ كەرەك.

كەلۋ قاينارى: ىلە گازەتى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn