<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ىلە كەلبەتى>>عىلىم -تەحنيكا جانە وقۋ اعارتۋ

ا ق ش جەكەلەر باسقارۋىنداعى سەرىكتىكتىڭ ايعا بارلاۋ جۇرگىزۋىنە تۇڭعىش رەت رۇقسات بەردى

الداعى جەردە ايعا بارلاۋ جۇرگىزۋ تەك ۇكىمەتتىك دەڭگەيمەن عانا شەكتەلىپ قالماستان، جەكەلەر باسقارۋىنداعى سەرىكتىكتەردىڭ عارىشقا بارلاۋ جۇرگىزۋ مەن عارىشتى يگەرۋىنە جاڭا ءورىس اشتى. جۋىردا ا ق ش ۇكىمەتى باس كەڭسەسى فلوريداعا ورنالاسقان جەكەلەر باسقارۋىنداعى «اي شارىنا جىلدام جەتكىزۋ» اتتى سەرىكتىكتىڭ ايعا قوناتىن عارىش اسپابىن ۇشىرۋعا قاتىستى جوسپارىن رەسمي ماقۇلدادى، بۇل ا ق ش تاريحىندا تۇڭعىش رەت جەكەلەر باسقارۋىنداعى سەرىكتىكتىڭ اي شارىنا بارلاۋ جۇرگىزۋ جوسپارىنىڭ ماقۇلداۋدان ءوتۋى.

«اي شارىنا جىلدام جەتكىزۋ سەرىكتىگى» اتتى جەكەلەر باسقارۋىنداعى عارىش سالاسىمەن شۇعىلداناتىن سەرىكتىكتى ناۆين جەين ەسىمدى باي ساۋداگەر باسقالارمەن بىرگە 2010 – جىلى قۇرعان، بۇل سەرىكتىكتىڭ ۇزاق مەرزىمدىك ماقساتى: اي شارىنان كەن قازۋ.

ا ق ش فەدەراتسيالىق عارىش مەكەمەسىنىڭ مالىمەتىنە قاراعاندا، اي شارىنا جىلدام جەتكىزۋ سەرىكتىگى 2017 – جىلى 9 كيلوگرامدىق MX-1 عارىشتىق بارلاۋ اسپابىن ۇشىرۋدى جوسپارلاپ وتىر، بۇل عارىش اسپابىنىڭ اي شارىنداعى كومەسكى بايلىقتاردى، مىسالى، پلاتينا قاتارلى سيرەك كەزدەسەتىن مەتالداردى بارلاپ تابۋىنان ءۇمىت زور، بۇل اسپاب تاعى ادامنىڭ سۇيەك كۇلى قاتارلى زاتتاردى اي شارىنا اپارادى ءارى جەر شارىنا سۋرەت پەن كەسكىن جولدايدى، اي شارىنا بارىپ – قايتۋىنا ەكى اپتا ۋاقىت كەتەدى.

ا ق ش فەدەراتسيالىق عارىش مەكەمەسىنىڭ مالىمدەمەسىندە ، اي شارىنا جىلدام جەتكىزۋ سەرىكتىگىنىڭ اي شارىنا بارلاۋ جۇرگىزۋ جوسپارى «بۇقارانىڭ دەنساۋلىعى مەن حاۋىپسىزدىگىنە، مال – مۇلىك حاۋىپسىزدىگىنە، ا ق ش – تىڭ مەملەكەتتىك حاۋىپسىزدىگى مەن ديپلوماتيالىق ساياساتتاعى مۇددەلەرىنە، ا ق ش – تىڭ حالىقارالىق مىندەتتەرىنە زالال جەتكىزبەيدى» دەپ قاراعان. ءبىراق، سونىمەن ءبىر ۋاقىتتا، اتالعان سەرىكتىكتىڭ الداعى ناقتى جوسپارلارى مەن باسقا سەرىكتىكتەردىڭ وسى تەكتەس جوسپارلارىن ءبىر – بىردەن ساراپتاۋ قاجەت ەكەنىن اتاپ كورسەتكەن.

كەلۋ قاينارى: حالىق تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn