<%@LANGUAGE="JAVASCRIPT" CODEPAGE="65001"%>
中文 哈文

باس بەت>>اتامۇرا- اسىل قازىنا>>اقىندار ايتىسى

قىزدىرىپ ولەڭ - بايگە الامانىن، رۋحىن اسقاقتاتتى زامانانىڭ

 

 

 

IMG_6166.JPG

«ىلە گازەتىنەن» تۇردان جاناقىن ۇلى، جارقىن نۇرابىلدا ۇلى حابارلايدى. ىلە قازاق اۆتونوميالى وبلىسىنىڭ 18-كەزەكتى اقىندار ايتىسى، مادەنيەت-ساياحات مەرەكەسى شىلدەنىڭ 20-كۇنىنەن 22-كۇنىنە دەيىن التىن التايدىڭ اپاي توسىندەگى قيسا مەكەنى اتالعان، ۇلىڭگىردەي كولىمەن، ەڭبەكشىل ەلىمەن باعىزىدان بەرى كەڭ تانىلىپ كەلە جاتقان بۋرىلتوعاي اۋدانىنىڭ كوركەم ەكى وتكەل جايلاۋىندا دۋماندى بولىپ ءوتتى. ىلە قازاق اۆتونوميالى وبلىستىق پارتكوم مەن ۇكىمەتتىڭ ۇيىمداستىرۋى، التاي ايماقتىق پارتكوم مەن اكىمشىلىك مەكەمەسىنىڭ مىندەتىنە الۋى ارقىلى وتكىزىلگەن بۇل جولعى ونەر تويىندا اناۋ كوركەم ىلەدەن، التىن التايدان، مايلى جايىردان كەلگەن تاڭدايىنان جىر توگىلگەن اقىندار مەن تەبىندى تەرمەشىلەر، كۇندى تۇنگە جالعاسا دا جالىقپايتىن قۇلاگەر قيساگەرلەر، التىن ساۋساق كۇيشىلەر ونەر باسەكەسىنە ءتۇسىپ، ولەڭ تويىنا تۇتاس وبلىسىمىزدىڭ جەرجەرىنەن كەلگەن ءار ۇلت كورەرمەندەرىن كوز ايىم ەتىپ، جۇرەك قىلىن تەربەپ، ولارعا تاماشا رۋحاني ءنار سيلادى. ونەر تويىنا ىلە قازاق اۆتونوميالى وبلىسىنىڭ باسشىلارىنان قۇرماش سىرجان ۇلى، زۇنۇن اكپار، سابىر ايتجان ۇلى، ۋ فىڭجۇن، گۇلزيرا نۇرادىل قىزى، تارباعاتاي، التاي ايماقتارىنىڭ پارتيا، ۇكىمەت باسشىلارى جانە اۆتونوميالى رايوننان، ىلە قازاق اۆتونوميالى وبلىسىنان دەمالىسقا شىققان جانابىل سىماعۇل ۇلى، مۇقاتبەك ادىلبەك ۇلى قاتارلى ساقا باسشىلار، مامان-وقىمىستىلار قاتىناستى.

شىلدەنىڭ 20-كۇنى تۇستەن بۇرىنعى باستالۋ سالتىندا وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى وبلىستىق پارتكوم مەن حالىق ۇكىمەتى اتىنان ىلە قازاق اۆتونوميالى وبلىسىنىڭ 18-كەزەكتى اقىندار ايتىسى، مادەنيەتساياحات مەرەكەسىنىڭ سالتاناتپەن باستالعاندىعىن قىزۋ قۇتتىقتاپ، ماڭىزدى ءسوز سويلەدى. قۇرماش سىرجان ۇلى مىنالاردى اتاپ كورسەتتى: اقىندار ايتىسى، مادەنيەتساياحات مەرەكەسى - ساحاراداعى ءار ۇلت حالقىنىڭ سالتاناتتى مەرەكەسى ءارى اۆتونوميالى وبلىسىمىزدىڭ مادەنيەتتى جاپپاي دامىتۋ، قاۋىرت گۇلدەندىرۋدەگى ناقتى قيمىلى، ول قازاق ۇلتىنىڭ ءداستۇرلى مادەنيەتىن ايگىلەۋدە، ساحارا جىبەك جولى مادەنيەتىن ساۋلەلەندىرۋدە توتەنشە كەلەلى ماڭىز الادى. تاريحى ارىدا جاتقان قازاق اقىندار ايتىسى قۇلپىرا شەشەك اتقان الۋان گۇلدەردەي مادەني اسىل قازىنامىزدىڭ ءبىر شوعىرى، حالقىمىزدىڭ رۋحاني تۇرمىسىنىڭ كەم بولسا بولمايتىن ءبىر بولەگى، ومىرشەڭدىك قۋاتى ەڭ وزىق جالپىلىق سيپات العان جانجاقتى ونەر ءتۇرى بولىپ تابىلادى. ءار دارەجەلى پارتكومدار مەن ۇكىمەتتەر اقىندار ايتىسى سىندى بايىرعى حالىقتىق كوركەمونەردى قورعاۋعا، وعان مۇراگەرلىك ەتۋگە جانە ونى دامىتۋعا ايرىقشا ءمان بەرىپ، اقىندار ايتىسىن داۋىرمەن بىرگە العا باستىرىپ، ونى بۇكىل شينجياڭعا، بۇكىل ەلىمىزگە، بۇكىل دۇنيە جۇزىنە ايگىلەۋى؛ اقىندار ايتىسىن حالىق بۇقاراسىنىڭ ءداستۇرلى مادەنيەتتى دامىتۋ جونىندەگى جاڭا قاجەتىنە، جاڭا تىلەگىنە ساي دامىتۋعا كۇش سالۋى؛ اقىندار مەن كوركەمونەر قىزمەتكەرلەرى داۋىرمەن جارىسا ىلگەرىلەپ، وزىندىك دارالىققا يە، باي مازمۇندى سارا تۋىندىلار جاراتىپ، ءار ۇلت حالىق بۇقاراسىنىڭ قايراتتانا العا ۇمتىلىپ، بەلسەنە ناتيجە جاراتقان رۋحاني بەت-بەينەسىن تولىق ايگىلەپ، ءداستۇرلى مادەنيەتكوركەمونەردىڭ جاماعات پىكىرىنە جەتەكشىلىك ەتۋ، حالىقتى تاربيەلەۋ، رۋحاني تۇرمىستى بايىتۋ، جۇرت تىلەگىن توعىستىرۋ، دامۋ مەن جاراسىمدىلىقتى جەبەۋ جاعىنداعى ماڭىزدى رولىن بارىنشا ساۋلەلەندىرۋى كەرەك. التاي ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى تالعات ۇسەن ۇلى قارسى الۋ سوزىندە مىنانى ءبىلدىردى: التاي ايماعى وسى كەزەكتى اقىندار ايتىسى، مادەنيەت - ساياحات مەرەكەسىن وراي ەتىپ، ءار ۇلت حالقىنىڭ جۇڭحۋا مادەنيەتى جونىندەگى مەنشىك تانىمىن، ورتاق تانىمدى جانە ماقتانىش تانىمىن ونان ارى ارتتىرىپ، شىنايى جاۋاپكەرلىكتە بولۋ پوزيتسياسىندا بولىپ، وتاعاسىلىق مىندەتتى جاقسى ورىنداپ، ونەر تويىنىڭ سالتاناتتى دا تابىستى وتكىزىلۋىنە كۇش سالادى. اقىندار ايتىسىنىڭ باستالۋ سالتىن وبلىستىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋ فىڭجۇن باسقاردى.

ءۇش كۇنگە جالعاسقان ونەر تويىندا وبلىسىمىزدىڭ جەر - جەرىنەن كەلگەن 38 تاڭداۋلى اقىن جۇپ جۇبىمەن ايتىسقا ءتۇسىپ قارىم - قابىلەتتەرىن سىناسىپ، تامىرى تەرەڭدە جاتقان مايەكتى مادەنيەتىمىزدى بارىنشا ايگىلەسە، 36 ونەرپاز تەرمە ايتۋ، دومبىرادا، قوبىزدا كۇي ورىنداۋ، حيسا ايتۋ سىندى ءتورت تۇردەگى ونەر باسەكەسىنە ءتۇستى. وسى ونەرپازداردىڭ ىشىندە جاسى ەڭ ۇلكەنى 42 جاستا بولسا، ەڭ كىشىسى 11 جاستا ەكەن. تۇياعى قىزعان سايىن شاباتىن جەلقابىز جۇيرىكتەردەي بولعان ونەرپازداردىڭ تاماشا ونەرىنە ونەر سۇيەر قاۋىم قىزۋ شاپالاق سوعىپ، شابىت بەرە قيقۋ سالىپ وتىردى. التاي ايماعى وسى كەزەكتى اقىندار ايتىسى، مادەنيەت ساياحات مەرەكەسىن ۇستىنە الىپ وتكىزۋمەن بىرگە، ونەر تويىنىڭ مازمۇنىن بايىتا ءتۇسۋ ءۇشىن جۇڭگو قازاق فوتوگرافشىلارىنىڭ ەكىنشى كەزەكتى فوتو سۋرەت تۋىندىلارى كورمەسى، قازاق حاتكەرلەرى كورمەسى، بۋرىلتوعاي اۋدانىنىڭ ءجۇز ادامدىق ۇرشىقپەن ءجىپ ءيىرۋ باسەكەسى مەن قازاقتىڭ ۇلتتىق قولونەر بۇيىمدارى كورمەسى سياقتى قيمىلداردى دا بىرگە وتكىزدى. شىلدەنىڭ 22-كۇنى تۇستەن كەيىن ىلە قازاق اۆتونوميالى وبلىسىنىڭ 18-كەزەكتى اقىندار ايتىسى، مادەنيەت ساياحات مەرەكەسى ءتۇرلى جارىس تۇرلەرىن تابىسپەن تامامداپ، قازاقتىڭ ايگىلى «سارارقا» كۇيىنىڭ اسەم اۋەنىمەن شىمىلدىعىن جاپتى. ءادىلعازىلاردىڭ قارا قىلدى قاق جارعان تورەلىگىمەن ەرلان امانقوجا ۇلى (ىلە)، جاميعا داۋلەت قىزى (التاي)، ناعىمان شۇقان ۇلى (تارباعاتاي)، زۋرا تىلەۋ قىزى (ىلە) قاتارلى 4 اقىن ءبىرىنشى؛ ەربولات سەرقاجى ۇلى (التاي)، تورەبەك شاكەن ۇلى (تارباعاتاي)، قاناتبەك زايتوللا ۇلى (التاي)، ۇلاربەك ميناتقان ۇلى (التاي)، باقىتقان قوجاقىمەت قىزى (تارباعاتاي)، ارزىگۇل قايىڭبەك قىزى (ىلە)، رايحان بازەن قىزى (تارباعاتاي) قاتارلى 7 اقىن ەكىنشى؛ جارقىنبەك بەردىبەك ۇلى (ىلە)، ارعىن مەللات ۇلى (التاي)، عازيزا توقاي قىزى (تارباعاتاي) قاتارلى 9 اقىن ءۇشىنشى بولىپ ماراپاتتالسا؛ تەرمە ورىنداۋ، كۇي شەرتۋ، قوبىز تارتۋ، قيسا ايتۋ ونەر تۇرلەرى بويىنشا جاننات ءادىلقان قىزى (ىلە)، ەرلان ىسقاق ۇلى (التاي)، ميرا قادىل قىزى (التاي)، داۋرەن گىمىڭبەك ۇلى (التاي) بىرىنشىلىكتى يەلەدى. وبلىستىق ساياسي ءماسليحات كەڭەسىنىڭ ءتوراعاسى سابىر ايتجان ۇلى جابىلۋ سالتىندا ءسوز سويلەگەندە اۆتونوميالى وبلىسىمىزدىڭ ءتورت باسشىلىق القاسى اتىنان وسى كەزەكتى ونەر تويىندا تاماشا ناتيجەلەرگە قول جەتكىزگەن ادەبيەت - كوركەمونەرشىلەردى شىنايى قۇتتىقتايتىندىعىن ءبىلدىردى. ول بىلاي دەدى: اقىندار ساحارا مادەنيەتىنىڭ مۇراگەرى، قازاق بەيزاتتىق مادەني مۇرالارىنىڭ قورعاۋشىسى ءارى نەگىزگى ساتىنىڭ مادەنيەت وشاعىن جانداندىراتىن تىرەكتىلەر. اقىندارىمىزدىڭ «كورىكتى شينجياڭ قۇرىپ، وتان ارمانىن بىرلىكتە جۇزەگە اسىرۋ» سىندى وسى ءبىر تاقىرىپتى توڭىرەكتەي وتىرىپ، ۇلى وتاندى، كورىكتى شينجياڭدى، ىلە وبلىسىنىڭ ءتۇرلى جاقتاعى قول جەتكىزگەن تابىستارىن اسقاقتاتا جىرلاپ، ىلەنىڭ رۋحاني وركەنيەت قۇرىلىسى ءۇشىن ۇلەس قوسۋىن ءۇمىت ەتەمىن. 19 - كەزەكتى اقىندار ايتىسى، مادەنيەت - ساياحات مەرەكەسىن ىلە وبلىسىنا توتە قاراستى ورىندار ۇستىنە الىپ، كەلەرگى كەزەكتى ونەر تويى كورىكتى ىلە اڭعارىندا وتكىزىلەتىن بولدى.

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ