<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>ۇكىمەتىڭ ۇنەمىلىك ىستەر ءماجىلىسى

اۆتونوميالى وبلىستىق 13 – كەزەكتى حالىق ۇكىمەتى 41 – رەتكى ۇنەمىلىك ىستەر ءماجىلىسىن اشتى

ماۋسىمنىڭ 24 – كۇنى وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى 13 – كەزەكتى حالىق ۇكىمەتىنىڭ 41 – رەتكى ۇنەمىلىك ىستەر ءماجىلىسىن باسقارىپ اشىپ، «قورعاستىڭ ەكونوميكاسى مەن قوعامىن دامىتۋ ستراتەگيالىق جوباسى»، «ورمان شارۋاشىلىعىنا زياندى ورگانيزمدەردەن ساقتانۋ جانە ونى تەجەۋ قىزمەتىن اناعۇرلىم كۇشەيتۋ جونىندەگى اتقارۋ پىكىرى» سياقتى ىستەردى كەڭەستى جانە قارادى.

وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى لۋ شۋجياڭ، وبلىستىڭ ورىنباسار باستىقتارى گاۋ تيانشان، مەي يۇي، گاۋ چي ماجىلىسكە قاتىناستى.

ماجىلىستە «قورعاستىڭ ەكونوميكاسى مەن قوعامىن دامىتۋ ستراتەگيالىق جوباسى» قارالدى. جوبادا - جىبەك جولى ەكونوميكالىق بەلدەۋى سىىندى كەلەلى ورايدى مىقتى يگەرىپ، باتىسقا اشىلعان ماڭىزدى ورىن قۇرۋدى، شەكارا رايونىنداعى ەسىك اشۋدان ۇلگى كورسەتەتىن رايون قۇرۋ جانە جىبەك جولى ەكونوميكالىق بەلدەۋى وزەكتى رايونىنداعى ماڭىزدى ءتۇيىندى باستاما ەتۋ ستراتەگياسىن توڭىرەكتەپ، جىبەك جولى ەكونوميكالىق بەلدەۋى وزەكتى رايونىندا ستراتەگيالىق تىرەكتى قالا، حالىقارالانعان سارا ونىمدەر وندىرەتىن قالا، باتىس بولەكتەگى كورىكتى قالا، بيڭتۋان مەن جەرگىلىكتى ورىن توعىسۋىنان ۇلگى كورسەتەتىن قالا قۇرۋ جالپى نىساناسىن ورىنداۋ ماقسات ەتىلگەن. ماجىلىستە وبلىسقا توتە قاراستى ورىنداردىڭ ورمان ەكولوگياسىنا زيان جەتكىزەتىن ورگانيزمدەردەن ساقتانۋ جانە ونى تەجەۋ قىزمەتىن كۇشەيتىپ، وبلىسقا توتە قاراستى ورىنداردىڭ ەكولوگيالىق وركەنيەت قۇرىلىسىن جەبەپ، ىلەنىڭ ەكولوگيالىق حاۋىپسىزدىگىن قورعاۋ كەرەكتىگى اتاپ كورسەتىلدى.

ماجىلىستە قۇرماش سىرجان ۇلى كەزەكتەگى قىزمەت جونىندە تالاپتاردى ورتاعا قويدى. ول بىلاي دەدى: «ەكىنى ۇيرەنۋ، بىردە تولىمدى بولۋ» ۇيرەنۋ، تاربيە قيمىلىن تىڭعىلىقتى ورىستەتىپ، ورتالىقتىڭ، اۆتونوميالى رايوندىق پارتكوم مەن وبلىستىق پارتكومنىڭ تالابىنا ساي، پارتيا ۋستاۆىن، پارتيا ەرەجەسىن، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، پارتيا ورتالىعىنىڭ مەملەكەتتى جونگە سالۋ، اكىمشىلىكتى باسقارۋ جاڭا يدەيا، جاڭا ستراتەگياسىنىڭ نەگىزگى مازمۇنىن ىشكەرىلەي ۇيرەنىپ جانە ۇعىنىپ، پارتيالىلىق تاربيەلەنۋدى كۇشەيتۋ، باستى ماقسات كوزقاراسىن امالياتتا ايگىلەۋ، ءمورالدىق قاسيەتتى جەتىلدىرۋ سياقتى نەگىزگى تالاپتاردى ىشكەرىلەي ءتۇسىنۋ جانە يگەرۋ ارقىلى ۇيرەنۋدىڭ ۇلگىسى بولۋىمىز كەرەك. باسشى كادرلار ياچەيكانىڭ ۇيرەنۋىنە ىرىقتىلىقپەن قاتىناسىپ، جاي پارتيا مۇشەسى سالاۋاتىمەن ۇيرەنىپ، ىرىقتىلىقپەن پارتيا ساباعىن ءوتىپ، ۇيرەنۋ تانىمىن، ۇلگى - باستاماشى بولۋدى، ناقتى ونىمدىلىككە قول جەتكىزۋدى ورىنداۋ كەرەك. قىزمەت ءتارتىبى مەن ستيل قۇرىلىسىن كۇشەيتىپ، ساياسيدى دارىپتەۋ، جالپى جاعدايدى كوزدەۋ، ءتارتىپ – تۇزىمگە بويسۇنۋدى قاي – قاشان دا ماڭداي الدى ورىنعا قويىپ، «تىڭ كوزقاراس، جاڭا جاعداي، ساپ تۇزەۋدى دارىپتەۋ، قاتاڭ تالاپ قويۋ، >ءۇش قابىلەتتى كۇشەيتۋ<، جۇمىستا شەبەر بولۋ» تالابى بويىنشا، ماسەلە باعىتىندا تاباندى بولىپ، «ءۇش ءتۇرلى جونگە سالۋدى» تەرەڭدەتىپ، پارتيا مەن ۇكىمەتتىڭ وبرازىن قورعاۋىمىز كەرەك. اكىمشىلىكتى زاڭ - ەرەجە بويىنشا جۇرگىزىپ، كوللەكتيـۆ باسشىلىق ەتۋگە، جۇمىس ءبولىسى بويىنشا جاۋاپكەرلىكتى ارقالاۋعا تاباندى بولىپ، پاكتىك پەن ادالدىقتىڭ ۇلگىسى بولۋىمىز كەرەك.

قۇرماش سىرجان ۇلى بىلاي دەدى: كەزەكتەگى مىندەت جونىندە جاۋاپكەرلىكتى اناعۇرلىم باتىلدىقپەن ارقالاپ، ءورىس اشا العا ىلگەرىلەپ، ناقتى ءىس ىستەۋدى ورنىقتىلىقتى قورعاۋ، رەفورما، جاڭالىق اشۋ، ەكونوميكانى دامىتۋ جانە حالىق تۇرمىسىن جاقسارتۋ سياقتى ءتۇرلى قىزمەتتەر بارىسىنا ءسىڭىرىپ، ۇكىمەتتىڭ جوعارى ولشەمىن، جوعارى ونىمدىلىگىن بەينەلەۋ كەرەك. تۇراقتى مۇلىككە قوسىلاتىن قارجىنى اناعۇرلىم مىقتى يگەرىپ، 136 ءتۇيىندى نىساننىڭ قىزمەت ءبولىسى تالابى بويىنشا ويداعىداي قىزمەت وتەۋ؛ ەگىن، مال شارۋاشىلىعى ءوندىرىسىن مىقتى يگەرىپ، ەگىنشى، مالشىلاردىڭ اپاتقا قارسى تۇرىپ، ءوزىن قۇتقارۋىنا جانە ءوندىرىستى قالپىنا كەلتىرۋىنە جەتەكشىلىك ەتۋ؛ ەكونوميكالىق قىزمەتتى مىقتى يگەرىپ، اۆتونوميالى رايوننىڭ ەكونوميكانىڭ باياندى، اقاۋسىز دامۋىن ىلگەرىلەتۋىندەگى 60 ءتۇرلى شاراسى مەن اۆتونوميالى وبلىستىڭ 70 ءتۇرلى شاراسىن ويداعىداي تياناقتاندىرىپ، ونەركاسىپ، سىرتقا ەسىك اشۋ، ساياحات، تۇراقتى مۇلىككە قوسىلاتىن قارجىنى ارتتىرۋ، ورتا، شاعىن كاسىپورىنداردى دامىتۋ سياقتى ءتۇرلى ينجەنەريا مەن نىسانداردى مىقتى يگەرىپ، جىل باسىندا تۇراقتانعان نىسانا-مىندەتتەردى تولىعىمەن جۇزەگە اسىرۋعا كەپىلدىك ەتۋ؛ حالىق تۇرمىسى ينجەرياسىن مىقتى يگەرىپ، 23 تۇردەگى 100 ءتۇرلى حالىق تۇرمىسى ينجەنەرياسىنىڭ ورىستەتىلۋ جاعدايىنا جارىم جىلدا ءبىر رەت تەكسەرۋ جۇرگىزىپ، بەيقۇت ءۇي سالىپ، حالىقتى اۋقاتتاندىرۋ، مالشىلاردى وتىرىقتاندىرىپ، مال شارۋاشىلىعىن كوركەيتۋ، قامتاماسىزداندىرۋ سيپاتتى تۇرعىن ءۇي سياقتىلاردىڭ ونىمدىلىگىنە كەپىلدىك ەتۋ؛ كەدەيلىكتەن قۇتىلدىرۋدان قامال الۋ قىزمەتىن مىقتى يگەرىپ، جاۋاپكەرلىكتى باتىلدىقپەن ارقالاپ، اۆتونوميالى رايوندىق كەدەيلەردى سۇيەمەلدەۋ كەڭسەسىنىڭ تالابى بويىنشا قاتىستى ماسەلەلەرگە جاپپاي رەتتەۋ جۇرگىزىپ، كەدەي قىستاقتاردىڭ كەدەيلىك قالپاعىن الىپ تاستاۋ مىندەتىن تولىق ورىنداپ، وبلىستىق پارتكوم مەن ۇكىمەتتىڭ ءار ۇلت بۇقاراسىنا بەرگەن ۋادەسىن تولىق ورىنداۋ كەرەك.

ماجىلىستەن بۇرىن وبلىستىق ۇكىمەت پارتگرۋپپاسىنىڭ ءماجىلىسى جانە وزەكتى گرۋپپانىڭ 9-رەتكى توپتىق ۇيرەنۋ ءماجىلىسى وتكىزىلدى.

ماجىلىستە تاعى باسقا دا ىستەر كەڭەسىلدى.

كەلۋ قاينارى: ىلە گازەتى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn