<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>ۇكىمەتىڭ ۇنەمىلىك ىستەر ءماجىلىسى

وبلىستىق ۇكىمەت 40-رەتكى ۇنەمىلىك ىستەر ءماجىلىسىن اشتى

مامىردىڭ 26-كۇنى اۆتونوميالى وبلىستىق حالىق ۇكىمەتى 40-رەتكى ۇنەمىلىك ىستەر ءماجىلىسىن اشتى. وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى ءماجىلىستى باسقاردى. وبلىس باسشىلارىنان لۋ شۋجياڭ، گاۋ تيانشان، مۇقيات جارمۇقانبەت ۇلى، مەي يۇي، فەي ليميڭ، فىڭ شيننان جانە قاتىستى تاراۋلاردىڭ جاۋاپتىلارى ماجىلىسكە قاتىناستى.

ماجىلىسكە قاتىناسقاندار اكىمشىلىككە جاتپايتىن 29 ءتۇرلى رۇقسات ەتۋ ءىسىن كۇشىنەن قالدىرۋدى، رەتكە سالۋدى، اكىمشىلىككە جاتپايتىن 10 ءتۇرلى تەكسەرىپ-بەكىتۋ ءىسىن كۇشىنە قالدىرۋدى، اكىمشىلىككە جاتپايتىن 19 ءتۇرلى رۇقسات ەتۋ ءىسىن ۇكىمەت ىشىندە تەكسەرىپ -بەكىتۋگە وزگەرتۋدى قارادى. ورتالىق بەلگىلەگەن جەرگىلىكتى ورىننىڭ 23 ءتۇرلى تەكسەرىپ -بەكىتۋ ءىسىن جانە ۇقىقتى تومەنگە بەرۋدە تاس جول قۇرىلىسىنا ساياتىن تەكسەرىپ -بەكىتۋ ىستەرىن، ايىرىق جول جاساۋعا رۇقسات ەتۋ ىستەرىن، تاس جول تۋنەلى، سۋاعارعا ەلەكتر باعاناسىن ورناتۋ سياقتى قۇرىلعىلاردى ورناتۋعا رۇقسات ەتۋ ىستەرىن اۋداندىق، قالالىق حالىق ۇكىمەتىنىڭ تاس جول باسقارۋ تاراۋلارىنا بەرۋ سياقتى ىستەردى قارادى.

ماجىلىسكە قاتىناسقاندار تاعى «وبلىسقا توتە قاراستى ورىنداردىڭ سۋ بايلىعىن باسقارۋ ءتۇزىمىن اتقارۋ جاعدايىن قاتاڭ باعالاۋ جوباسى»، «ىلە وبلىسىنىڭ سۋدىڭ لاستانۋىنان ساقتانۋ جانە ونى تەجەۋ قىزمەت جوباسى»، «وبلىسقا توتە قاراستى ورىنداردىڭ جاڭاشا ونەركاسىپتەندىرۋدى ىلگەرىلەتۋ جونىندەگى ‹13-بەس جىلدىق› دامۋ جوباسى»، «وبلىسقا توتە قاراستى ورىنداردىڭ ينفورماتسيالاندىرۋدى ىلگەرىلەتۋ جونىندەگى ‹13-بەس جىلدىق› دامۋ جوباسى»، «ىلە وبلىسىنا قاراستى رايونداردىڭ ‹13-بەس جىلدىقتاعى› فينانستى دامىتۋ جوباسى»، «وبلىسقا توتە قاراستى ورىنداردىڭ ۋنيۆەرسالدى قاتىناس -تاسىمال جۇيەسىنىڭ ‹13-بەس جىلدىق› دامۋ جوباسى»، «وبلىسقا توتە قاراستى ورىنداردىڭ جاڭاشا قالا-قالاشىقتاندىرۋدى ىلگەرىلەتۋ جونىندەگى ‹13-بەس جىلدىق› دامۋ جوباسى»، «وبلىسقا توتە قاراستى ورىنداردىڭ ساپانى جوعارىلاتۋ جونىندەگى ‹13-بەس جىلدىق› جوباسى» سياقتىلاردى قارادى. 2020-جىلعا بارعاندا جەرگىلىكتى ورىنداردىڭ ونەركاسىپتەگى ارتقان قۇنىن 20 ميلليارد يۋاننان اسىرىپ، كاسىپتەردى ورنالاستىرۋ، رەتتەۋدە «ءبىر شەڭبەر، ەكى بەلدەۋ، التىن اتىراۋ» سىندى كاسىپتەردى دامىتۋدىڭ جاڭا جاعدايىن قالىپتاستىرىپ، ونەركاسىپتىڭ جەبەۋىمەن كاسىپتەنگەن ادام سانىن 80 مىڭنان اسىرۋ جانە جاڭادان بازارعا ويىسىپ تيجارات باستاعان كاسىپورىندار سانىن 10 نان استامعا جەتكىزۋگە قۇلشىنۋ؛ ينفورماتسيالاندىرۋدى دامىتۋ ورەسىن باتىس بولەك رايونىنىڭ ورتاشا دەڭگەيىنە جەتكىزۋ؛ فينانستى دامىتۋدا بانكە كاسىبىن نەگىزگى تۇلعا ەتىپ، زايوم، مەرزىمدەمەلى تاۋار سياقتى فينانس كاسىبى باسەكەلەسە داميتىن، كەڭ كولەمدە جالپىلاسقان، يقۋاتى ءبىرىن - ءبىرى تولىقتايتىن، قىزمەت ءبولىسى سايكەستىرىلگەن كوپ نەگىزدى فينانس ۇيىمى جۇيەسىن قالىپتاستىرىپ، «وڭىرلىك حالىقارالىق فينانس تۇراعىن» قۇرۋ؛ قاتىناس-تاسىمال ىستەرىن دامىتۋدا وسى زامانعى ۋنيۆەرسالدى قاتىناس-تاسىمال جۇيەسىن قۇرۋ جانە كەمەلدەندىرۋدى شىعار ءتۇيىن مەن تياناق ەتىپ، ءتۇرلى قاتىناس-تاسىمال نەگىزدىك قۇرىلعىلار قۇرىلىسىن جەدەلدەتىپ، تاسىمالعا قىزمەت وتەۋ قۋاتى مەن ورەسىن جوعارىلاتۋ؛

جاڭاشا قالا-قالاشىقتاندىرۋ ورەسى مەن ساپاسىن ورنىقتى جوعارىلاتىپ، باياندى دامۋ قۋاتىن ۇزدىكسىز ارتتىرىپ، ءبىر تۇلعالاندىرۋ ونىمدىلىگى مەن مادەنيەت ەرەكشەلىگىن كورنەكتىلەندىرىپ، ءتۇزىلىس مەحانيزمى رەفورماسىندا شىنايى ىلگەرىلەۋشىلىككە قول جەتكىزۋ؛ ساپادا الۋەتتى وبلىس قۇرۋ ستراتەگياسىن اتقارۋدا كورنەكتى ونىمدىلىككە قول جەتكىزىپ، كۇيتۇن قالاسىن، قورعاس قالاسىن جانە قۇلجا قالاسىن مەملەكەت بويىنشا ساپالى دا الۋەتتى قالا قۇرۋدان ۇلگى كورسەتەتىن قالا ەتىپ قۇرۋعا جانە باسقا اۋدان، قالالاردىڭ ساپا باسقارۋ ورەسىن سايكەستى جوعارىلاتۋعا كەپىلدىك ەتۋ سياقتى قىزمەت نىسانالارى كەڭەسىلدى.

ماجىلستە قۇرماش سىرجان ۇلى ورنىقتىلىق، ەكونوميكا، حالىق تۇرمىسى، ۇكىمەتتىڭ وزىندىك قۇرىلىسى سياقتى قىزمەتتەر جونىندەگى تالاپتارىن ورتاعا قويدى. ول بىلاي دەدى: وبلىستىق پارتكومنىڭ ءبىر تۇتاس ورنالاستىرۋى جانە «ەكى ءتۇرلى ءتۇزىمنىڭ» تالاپتارى بويىنشا ءدىن سالاسىنداعى جاڭا جاعداي، سونى ماسەلەلەرگە باسا نازار اۋدارۋ جانە ونى دەركەزىندە ءبىر جاقتى ەتۋ كەرەك. ورنىقتىلىق پەن دامۋدى قاتار يگەرۋدە تاباندى بولىپ، وبلىستىق پارتكومنىڭ قىزمەت بايانداماسىنداعى جاۋاپكەرلىك ءبولىسىن تياناقتاندىرۋدى، ەكونوميكانىڭ باياندى، اقاۋسىز دامۋىن ىلگەرىلەتۋ جونىندەگى 15 جاقتاعى 70 ءتۇرلى شارا مەن ونەركاسىپ، ەكونوميكانىڭ ورنىقتى ارتۋىن مىقتى يگەرۋدەگى قىزمەت ءبولىسىن تياناقتاندىرۋدى، 132 ءتۇرلى ماڭىزدى نىساندى تياناقتاندىرۋدى، ەگىن، مال شارۋاشىلىعى كاسىبى ءوندىرىسى، ونەركاسىپ، ەكونوميكا، ساياحات، سىرتقا ەسىك اشۋ سياقتى ءتۇرلى قىزمەتتەردى تياناقتاندىرۋدى مىقتى يگەرىپ، اۆتونوميالى رايوننىڭ ءتوراعاسى شوكرات زاكىر ىلەدە تەكسەرۋ-زەرتتەۋ جۇرگىزگەندە ورتاعا قويعان GDP دە «سەگىزگە كەپىلدىك ەتىپ، توعىزعا ۇمتىلۋ» نىساناسىن ورىنداۋعا كەپىلدىك ەتۋ كەرەك. سونداي-اق، 23 تۇردەگى 100 حالىق تۇرمىسى قۇرىلىسىن جۇرگىزۋ تەبىنىن ارتتىرىپ، ءار ۇلت بۇقاراسىنىڭ تۇرمىس ورەسىن جوعارىلاتۋعا كۇش سالىپ، حالىقتى دامۋ جەتىستىكتەرىنەن ويداعىداي يگىلىكتەندىرۋ كەرەك.

قۇرماش سىرجان ۇلى مىنانى تالاپ ەتتى: مەملەكەتتىك كەڭەستىڭ مەملەكەت بويىنشا ۇكىمەتتى ىقشامداپ، ۇقىقتى تومەنگە بەرۋ، تومەنگە بەرۋ مەن باسقارۋدى ۇشتاستىرۋ، ساپالى قىزمەت وتەۋ رەفورماسىن ىلگەرىلەتۋ جونىندەگى تەلەۆيزور-تەلەفون ءماجىلىسىنىڭ رۋحىن ىشكەرىلەي دايەكتى تياناقتاندىرىپ، قىزمەت وتەۋدى ساپالىلاندىرىپ، حالىققا كوپتەپ پايدا جەتكىزىپ، تەكسەرىپ-بەكىتۋ ىستەرىن ۇزدىكسىز ازايتىپ، قاتىستى ىستەردى بىردەي كۇشىنەن قالدىرىپ، نەگىزگى ساتىنىڭ ويداعىداي قابىلداۋىنا، باسقارۋىنا كەپىلدىك ەتىپ، ۇكىمەتتىڭ اكىمشىلىكتى قاراپايىمداستىرىپ، ۇقىقتى تومەنگە بەرۋىنىڭ بوداۋىنا بازاردىڭ ومىرشەڭدىك قۋاتى مەن قوعامدىق جاسامپازدىق قۋاتىن جانداندىرىپ، ناقتى جەتىستىكتەر ارقىلى ەكونوميكانىڭ دامۋىن جەبەۋ كەرەك. «ەكىنى ۇيرەنۋ، بىردە تولىمدى بولۋ» ۇيرەنۋ-تاربيەسىن بيىلعى ۇكىمەت پاتگرۋپپاسىنىڭ پارتيا قۇرىلىسى قىزمەتىنىڭ ماڭداي الدى مىندەتى رەتىندە قاراپ، وزەكتى قىزمەتتى توڭىرەكتەۋ ارقىلى ۇيرەنۋ-تاربيەنى ورىستەتىپ، ۇيرەنگەندى، ويلانعاندى، اسەردى ىستەردى دامىتۋعا، حالىق بۇقاراسىن باقىتقا كەنەلتۋ ونىمدىلىگىنە اينالدىرىپ، ءتۇرلى نىسانا -مىندەتتەردى بۇلجىتپاي اتقارۋعا كەپىلدىك ەتۋ كەرەك.

كەلۋ قاينارى: ىلە گازەتى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ