<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>اتامۇرا- اسىل قازىنا>>اقىندار ايتىسى

ىلە قازاق اۆتونوميالى وبلىسىنا توتە قاراستى ورىنداردىڭ 6-كەزەكتى اقىندار ايتىسى مادەنيەت - ساياحات مەرەكەسى باستالدى

ىلە قازاق اۆتونوميالى وبلسىنا توتە قاراستى ورىنداردىڭ 6-كەزەكتى اقىندار ايتسى مادەنيەت-ساياحات مەرەكەسى مامىردىڭ 14-كۇنى تۇستەن بۇرىن جۇڭعارداعى شولپان قالا كۇيتىڭنىڭ قارعالداق الاڭىندا سالتاناتپەن باستالدى.

ەرتە ازىرلىك كورىپ، سالتاناتتى وتكىزۋگە ساقاداي سايلانعان اقىندار ايتسىنىڭ جالاۋلاعان جاسىل تۋىن كوتەرگەن ونەرپاز ۇلاندارىمىزدىڭ شارشى توپقا كىرۋىمەن باستالۋ سالتىنىڭ شىمىلدىعى اشىلىپ اشىلۋ سالتىنا جينالعان سان حالىقتىڭ جانارى ساحناعا شوعىرلاندى.

اۋەلى ايتىستىڭ جاسىل تۋى جەلبىرەپ، قوس اقىننىڭ سيموۆلىنداي بولعان قوس اققۋ كەستەلەنگەن ايتىس گەربى جۇرت نازارىن اۋدارسا، جۇڭعار دالاسىن جىرمەن دۇبىرلەتىپ، كۇيتۇندى كۇيمەن كۇمبىرلەتىپ، ءانمەن ارلەندىرىپ، بيمەن بەينەلەپ كەلە جاتقان وبلىسقا توتە قاراستى ءار قايسى اۋدان-قالالاردىڭ ۇكىلەپ اتتاندىرعان اقىن-ونەرپازدار توبىنىڭ اسقاق رۋحى شولپان قالانى شۋاقتى جىرعا بولەيتىندىگى مەن مۇندالادى.

ىركەس-تىركەس وبلىسقا توتە قاراستى ورىنداردىڭ ۋاكىلدەر ۇيىرمەسى شارشى الاڭعا كىرىپ، جۇرتپەن جۇزدەسىپ، ونەرىمەن ەلدى ءسۇيىنتتى.

سوڭىنان كەگەنشي اۋىلىنىڭ تۇيەلى كوشى، قالالىق قاينار باستاۋىش مەكتەبىنىڭ ءجۇز كىسىلىك ايگولەك ءبيى، قالالىق 10-ورتا مەكتەپتىڭ ءجۇز كىسىلىك ايجارىق ءبيى، شينجياڭ قولدانىلمالى كاسىپتىك تەحنيكا ينيستيتۋتىنىڭ ءجۇز ىستۋدەنتىنەن ۇيىمداسقان «جاستىق كوكتەم» ءبيى، ءار ۇلت اۋەسكەرلەرىنىڭ بەرەكە ءبيى مەرەكەنىڭ مەرەيىن اسىرىپ، ورتانى دۋمانعا بولەدى.

وسى رەتكى مەرەي تويعا شينجياڭ ۇيعىر اۆتونوميالى رايوننىڭ، ىلە قازاق اۆتونوميالى وبلىسىنىڭ قاتىستى تاراۋلارىنىڭ باسشىلارى، مامان - وقىمىستىلارى، وبلىسقا توتە قاراستى ورىنداردان كەلگەن ساقا باسشىلار، اقىن – ونەرپازدار،ءار ۇلت كورەرمەندەرى قاتىناستى.

پاراتتان ءوتۋ سالتىيعا اياقتاپ، مەملەكەت ءانى ورىندالىپ، تۋ شىعارىلدى. جينالىستى ىلە قازاق اۆتونوميالى وبلىستىق حالىق ۇكىمەتىنىڭ ورىنباسار باستىعى مۇقيات جارمۇقامەت ۇلى باسقاردى.

كۇيتىڭ قالالىق پارتكوم مەن حالىق ۇكىمەتى جانە ءار ۇلت حالقى اتىنان قالا باستىعى قايرات اشىك ۇلى سيلى قوناقتاردى، اقىن -ونەرپازداردى، ءار ۇلت كورەمەندەرىن قىزۋ قارسى الۋ ءسوزىن سويلەدى.

ىلە قازاق اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى ماڭىزدى ءسوز سويلەپ، وسى جولعى اقىندار ايتىسى جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن، قىزىل ارميانىڭ ۇزاق جورىعى جەڭىسكە جەتكەندىگىنىڭ 80 جىلدىعىن ەسكە الۋ، باس شۋجي شي جينپيڭنىڭ ۇلتتار ىنتىماعى جونىندەگى جەلىلەس ماڭىزدى سوزدەرىنىڭ رۋحىن ىشكەرىلەي دايەكتىلەندىرۋ، ورتالىقتىڭ 2- رەتكى شينجياڭ قىزمەتى اڭگىمە ءماجىلىسىنىڭ، ورتالىقتىڭ ۇلتتار قىزمەتى ءماجىلىسى مەن اۆتونوميالى رايوننىڭ«ۇلتتار ىنتىماعى، العاباسارلىعى جىلىنا» جۇمىلدىرۋ ءماجىلىسىنىڭ رۋحىن ىشكەرىلەي دايەكتى تياناقتاندىرىپ، مەملەكەت بويىنشا ۇلتتارىنتىماعى العاباسارلىعىندا ونەگە كورسەتەتىن وبلىس بولۋدىڭ تابىستارىن جىرلاۋ ەكەندىگىن باسا دارىپتەدى.

ىلە قازاق اۆتونوميالى وبلىستىق حالىق ۇكىمەتىنىڭ باستىعى قۇرماش سىرجان ۇلى ىلە قازاق اۆتونوميالى وبلىسىنا توتە قاراستى ورىنداردىڭ 6-كەزەكتى اقىندار ايتىسى مادەنيەت-ساياحات مەرەكەسىنىڭ باستالعاندىعىن جاريالادى. بەيبىتشىلىك سيموۆلى بولعان كەپتەر ۇشىرىلىپ، اق شاشۋ ءشاشىلدى. قادىرمەندى ەل اعاسى ديار قۇرماش ۇلى كوك قاسقا تايعا، اۋىل اقساقالى شەريزات نۇراحمەت ۇلى اقسارباس قويعا باتا بەردى.

سوڭىنان ىلە قازاق اۆتونوميالى وبلىستىق ءان-ءبي ۇيىرمەسى مەن كۇيتۇن قالالىق ءان-ءبي ۇيىرمەسىنىڭ مەرەكەگە ارناعان كۇمبىرلى كۇيى مەن اسقان اندەرى شىرقالىپ، ءار ۇلت حالقى ءبىر ءۇيلى جانداي باۋىرلاس دەگەن ءان اۋەلەپ، بۇرالا بيگە باسىپ، اشىلۋ سالتىنا وراي ازىرلەنگەن قيمىلدار مارەسىنە جەتىپ، تۇستەن كەيىن حالىقتىڭ قالاۋى، اقىننىڭ الاۋىمەن وتكەن الامان ايتىسقا جالعاستى.

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn