<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>اۋىل شارۋاشىلىعىنا قىزمەت وتەۋ>>دەنساۋلىق ساقتاۋ

جالبىزدىڭ قازاق شيپاگەرلىگىندەگى ەمدىك رولى

باقىتبەك قۇمارحاجى ۇلى

جالبىزدىڭ ەرەكشەلىگى: كوپ جىلدىق ءشوپ تەكتەس وسىمدىك، بيىكتىگى 80-100 سانتيمەتر، كەيدە ءتىپتى ءبىر مەترگە دەيىن وسەدى. ءون بويىنان حوش ءيىس اڭقىپ تۇرادى. ساباعى 4 قىرلى، قۋىس وزەكتى، بۋىندارى بولادى. جاپىراعى قاراما – قارسى ورنالاسقان. كەڭ قانداۋىر ءتارىزدى نەمەسە سوپاقشا، جاپىراق جيەگى ارا ءتىستى كەلەدى. قوس ەرى فورمالى، قىزعىلت كوك ءتۇستى نەمەسە سولعىن قىزىل ءتۇستى كەلەتىن كىشكەنە ساباق ۇشتارىنداعى جاپىراقتىڭ قولتىعىندا دوڭگەلەنىپ وسەدى.

وسەتىن ورىندارى: تاۋ شاتقالدارىنىڭ، سۋلى اڭعارلارعا، جازىق جەرلەردەگى ارىق جاعالارىنا، باستاۋ باسىنا، سازدى جەرلەرگە وسەدى. شينجياڭنىڭ بارلىق جەرلەرىنە تارالعان.

جيناۋ جانە وڭدەۋ: جەر ءۇستى ءبولىمى دارىگە ىستەتىلەدى. جاز مەزگىلىندە، گۇل اشۋدان بۇرىن ورىپ الىپ، كولەڭكە جەدە كەپتىرەدى.

قاسيەتى: اشتى ءدامدى، سالقىن رايلى، ۋسىز. سىرتقى بەلگىلەردى ەمدەپ ىستىق قايتارادى، جەلدى ايدايدى، كوزدى نۇرلاندىرادى، جۇتقىنشاقتى مايدالايدى.

باستى ەم بولاتىن اۋرۋلارى:

 (1) ىستىق تۇماۋعا: ءبىر سالار 9 گرام، ەكپە قاراولەڭ 5 گرام، جالبىز 3 گرام، تىكەندى ۇشقات گۇلى 6گرام، قوڭىراۋ گۇل 3 گرام، قايناتىپ كۇنىنە 3 ۋاق ىشەدى.

 (2) ءمالىم سەبەپتەردەن ىشكى ورگانداردىڭ ىستىعى اسىپ كوز قىزارىپ، ەرىنگە ۇشىق شىعىپ جايسىزدانعاندا، كەپتىرىلگەن جالپىزدان 10 گرام مولشەرىندە الىپ، سۋعا قايناتىپ كۇنىنە 2 ۋاق ىشەدى.

 (3) جاس بالالار قىزىلشا شىعىپ قىزعاندا، جۇتقىنشاعى قىزارىپ ىسكەندە، داۋىسى قارلىققاندا: 3-4 گرام جالبىزدى قايناتىپ، سۋىنا ازداپ قانت قوسىپ ىشەدى.

 (4) جاس بوبەكتەر تۇماۋ تيىپ قىزعاندا: جاس جالبىزدان ءمالىم مولشەردە الىپ، سۋعا بۇرىق ەتكىزىپ قايناتىپ، ءبىر مەتردەي كوك ءتۇستى ءنىلى شىعاتىن شۇپەرەكتى جالبىز سۋىنا شىلاپ، بالانى وراپ قالىڭداپ جاۋىپ تەرلەتەدى. دەنەنىڭ ىستىعى بىرتىندەپ قايتادى.

 (5) قىزىلشا شىعا باستاپ قىزىپ جوتەلگەندە: جالبىز 9 گرام، تۇت اعاش جاپىراعى 9 گرام، اشتى ءورىك ءدانى 6 گرام، وشاعان تۇقىمى 6 گرام، قوڭىراۋ گۇل 3 گرام سۋعا قايناتىپ 2-3 ۋاق ىشەدى.

 (6) مۇرىننان قان اعىپ، توقتاماعاندا: جاس جالبىزدى جانشىپ، سۋىن سىعىپ مۇرىنعا تامىزادى. ەگەر كەپكەن جالبىز بولسا، ازداپ سۋعا قايناتىپ، سۋىنا ماقتانى شىلاپ مۇرىنعا تىعادى.

 (7) قۇلاق اۋىرعاندا: جاس جالبىزدى جانشىپ، شىققان شىرىنىن قۇلاققا تامىزادى.

 ىستەتىلۋ مولشەرى:3 -9 گرام.

كەلۋ قاينارى: حالىق تورابى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn