<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ۇكىمەت ءىسىن جاريا ۇستاۋ>>ۇكىمەتىڭ ۇنەمىلىك ىستەر ءماجىلىسى

وبلىستىق ۇكىمەت 38 – رەتكى ۇنەمىلىك ىستەر ءماجىلىسىن اشتى

اۆتونوميالى وبلىستىق 13–كەزەكتى حالىق ۇكىمەتى اقپاننىڭ 1–كۇنى 38–رەتكى ۇنەمىلىك ىستەر ءماجىلىسىن اشتى. وبلىستىق پارتكومنىڭ ورىنباسار شۋجيى، وبلىستىڭ ۋاقىتتىق باستىعى قۇرماش سىرجان ۇلى ءماجىلىستى باسقاردى. وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى لۋ شۋجياڭ، وبلىستىڭ ورىنباسار باستىقتارى گاۋ تيانشان، مۇقيات جارمۇقانبەت ۇلى، مەي يۇي، جاڭ جۇي، زاكىر زوردۇن جانە وبلىستىق ۇكىمەتتىڭ قاتىستى تاراۋلارىنىڭ جاۋاپتىلارى ماجىلىسكە قاتىناستى.

ماجىلىستە «ىلە قازاق اۆتونوميالى وبلىسىنىڭ حالىق شارۋاشىلىعى مەن قوعامدىق دامۋىنىڭ 13–بەس جىلدىق جوبا پروگرامماسى (قارالاتىن نۇسقا)» تالقىلانىپ، كەڭەسىلىپ ءارى پرينسيپتىك جاقتان ماقۇلدانىپ، وبلىستىق پارتكومنىڭ تۇراقتى مۇشەلەر ماجىلىسىندە قارالىپ، كەڭەسىلىپ، ماقۇلدانعاننان كەيىن اۆتونوميالى وبلىستىق 13–كەزەكتى حالىق قۇرىلتايىنىڭ بەسىنشى ءماجىلىسىنىڭ قاراۋىنا تاپسىرۋ ۇيعارىلدى.

اۆتونوميالى وبلىستىڭ «13–بەس جىلدىق» جوبا پروگرامماسى اۆتونوميالى وبلىستىڭ رەفورما، دامۋ، ورنىقتىلىق سىندى ءتۇرلى ىستەرىنە سايادى، بۇل اۆتونوميالى وبلىستىڭ «13–بەس جىلدىق» مەزگىلىندەگى حالىق شارۋاشىلىعى مەن قوعامدىق دامۋى جونىندەگى پروگراممالىق، زاڭدىق قۇجات. پروگراممادا جاڭالىق اشا، سايكەستى، جاسىل، اشىق، تەڭ يگىلىككە كەنەلەتىن دامۋ سىندى بەس ۇلكەن دامۋ يدەياسىن دايەكتىلەندىرۋدە تاباندى بولۋ؛ ورتالىقتىڭ، اۆتونوميالى رايوننىڭ جانە اۆتونوميالى وبلىستىق پارتكومنىڭ شەشىم–ورنالاستىرۋلارىن دايەكتىلەندىرۋدەن جازباي، «ءبىر نەگىزگى جەلى مەن تورتكە جەتەكشىلىك ەتۋدە» تاباندى بولۋ؛ رەفورما، دامۋ، ورنىقتىلىق سىندى ءتۇرلى ىستەردى ءبىر تۇتاس جوسپارلاپ ىلگەرىلەتۋدە تاباندى بولۋ؛ وبلىستىڭ شينجياڭمەن، بۇكىل ەلمەن بىرگە دوڭگەلەك داۋلەتتى قوعام قۇرۋعا كەپىلدىك ەتۋ كەرەكتىگى بەلگىلەنگەن.

ماجىلىستە تاعى باسقا دا ىستەر كەڭەسىلدى، تالقىلاندى.

قۇرماش سىرجان ۇلى مىنانى اتاپ كورسەتتى: وبلىستىق پارتكومنىڭ قىزمەت ماجىلىسىندە «13–بەس جىلدىق» مەزگىلىندەگى جانە وبلىسقا توتە قاراستى ورىنداردىڭ 2016–جىلعى ءتۇرلى قىزمەتتەرى ورنالاستىرىلدى. اۋدان–قالالار، تاراۋلار، اسىرەسە، ۇكىمەتتىڭ باسشىلىق القاسىنىڭ مۇشەلەرى وبلىستىق پارتكومنىڭ قىزمەت ماجىلىسىندە بەلگىلەنگەن نىسانا–مىندەتتەردى اشالاپ، بيىلعى ءتۇيىندى قىزمەتتەردى سارالاپ، قىزمەتتى ىلگەرىلەتۋ جوباسىن بەلگىلەپ، ساتىلار بويىنشا ورنالاستىرىپ، «ءۇش قۋات قۇرىلىسىن» نىعايتىپ، دارەجە بويىنشا دايەكتى تياناقتاندىرۋ كەرەك.

ورنىقتىلىق جاۋاپكەرلىگىن ىرىقتىلىقپەن ارقالاپ، زورلىقتى كۇش لاڭكەستىگىنە قاتاڭ سوققى بەرۋ ارناۋلى ارەكەتىن ىشكەرىلەي تياناقتاندىرىپ، «ۇشقارىلىقتى الاستاۋ» قىزمەتىن ءۇرتىس جەبەۋ؛ دامۋدى مىقتى يگەرۋ جاۋاپكەرلىگىن ىرىقتىلىقپەن ارقالاپ، بەس ۇلكەن دامۋ يدەياسىن بەرىك ورناتىپ، ىشكەرىلەي تياناقتاندىرۋ؛ حالىق تۇرمىسىن مىقتى يگەرۋ جاۋاپكەرلىگىن ىرىقتىلىقپەن ارقالاپ، 7–رەتكى حالىق تۇرمىسى جىلىنداعى ءتۇرلى ورنالاستىرۋلاردى ويداعىداي تياناقتاندىرىپ، كەدەيلىكتەن قۇتىلدىرۋدان قامال الۋ شايقاسىندا باتىل جەڭىسكە جەتۋ كەرەك.

قۇرماش سىرجان ۇلى مىنانى باسا دارىپتەدى: وبلىستىق ۇكىمەت ۇزاق ۋاقىتتان بەرى وبلىستىق پارتكومنىڭ پارمەندى باسشىلىعىندا قىزمەتتى ءتارتىپتى دە جوعارى ونىمدىلىكپەن ىستەيتىن تاماشا مەحانيزم قالىپتاستىردى. ءبىز بۇرىننان بار وي جەلىسى مەن شارالارعا تاباندى بولۋمەن بىرگە، بەلگىلەنگەن ءىستى ىستەۋگە، قول سالعان ءىستى بارىنشا جاقسى ىستەۋگە، ودان ونىمدىلىك جاراتۋعا تاباندى بولىپ، ۇكىمەت قىزمەتىنىڭ ۇدايىلىعىن ساقتاۋىمىز كەرەك. مۇقيات جوبا–جوسپار جاساپ، جاڭا جىلدا جاڭا باستاما كوتەرۋگە كەپىلدىك ەتىپ، نىسانداردى قولعا كەلتىرۋىمىز، ۇكىمەتتىڭ سالالارعا جاۋاپتى باسشىلارى وبلىسقا توتە قاراستى ورىنداردىڭ اۆتونوميالى رايوننىڭ قاتىستى مەڭگەرمە، مەكەمەلەرىمەن سايكەسۋىنە ىرىقتىلىقپەن باستاماشى بولىپ، قارجى قوسىلاتىن نىسانداردى قولعا كەلتىرۋ تەبىنىن ارتتىرىپ، كاسىپورىندار قارجى قوساتىن نىساننىڭ قۇرىلىس شارت–جاعدايى مەن قارجى قوسۋ جوباسىن جەدەل تياناقتاندىرىپ، كوكتەم كىرىسىمەن ءبىر توپ ءتۇيىندى نىسانداردا قۇرىلىس باستاۋعا كەپىلدىك ەتۋ كەرەك.

كوكتەمگى ەگىس جۇمىسىنا دايىندالۋ قىزمەتىن ويداعىداي ىستەپ، تۇقىم، حيميالىق تىڭايتقىش سياقتىلاردى اۋىل شارۋاشىلىق قارجىسىمەن قامداۋعا كەپىلدىك ەتىپ، مالدى قىس قىرىنان امان وتكىزۋ قىزمەتىن ويداعىداي ىستەپ، سەلبەستىك كووپەراتيۆتەرىنىڭ رولىن تولىق ساۋلەلەندىرىپ، كاسىپورىندار مەن شارۋالاردىڭ مۇددەسىن ۇشتاستىرۋ مەحانيزمىن جەدەل كەمەلدەندىرىپ، ەگىن، مال شارۋاشىلىق ءوندىرىسىنىڭ ورنىقتى اينالىمىنا كەپىلدىك ەتۋ كەرەك.

قۇرماش سىرجان ۇلى بىلاي دەدى: كوكتەم مەرەكەسى كەلۋ قارساڭىندا مەرەكە كەزىندەگى حال سۇراۋ قىزمەتىن ويداعىداي ىستەپ، قيىنشىلىعى بار بۇقارانىڭ تۇرمىسىنا كوڭىل ءبولىپ، ولارعا پارتيا مەن ۇكىمەتتىڭ مەيىرىن شىنايى سەزىندىرۋ كەرەك. بازاردىڭ قامداۋىنا كەپىلدىك ەتۋدى ءبىر تۇتاس جوسپارلاپ، تارتىپكە قاتاڭ بويسۇنىپ، ورنىقتىلىقتى قورعاۋ جاۋاپكەرلىك ءتۇزىمىن قاتاڭ تياناقتاندىرىپ، ءوندىرىس حاۋىپسىزدىگى جاۋاپكەرلىگىن جاپپاي تياناقتاندىرىپ، بارشا قاۋىمنىڭ مەرەكەنى حاۋىپسىز، بەرەكەلى، كوڭىلدى وتكىزۋىنە كەپىلدىك ەتۋ كەرەك.

 

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn