<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>اۋىل شارۋاشىلىعىنا قىزمەت وتەۋ>>دەنساۋلىق ساقتاۋ

بەلىڭىزگە اقاۋ تۇسىرەتىن 8 ءتۇرلى ناشار ادەت

ومىرتقا باعاناسى ومىرتقا جانە ومىرتقا ارالىق تاباقشاسىنىڭ قاباتتاسۋىنان قالىپتاسقان نازىك قۇرىلىم ەسەپتەلەدى. ومىرتقا باعاناسى ءپىشىنىنىڭ وزگەرۋى ومىرتقا ارالىعىنىڭ قۇرىلىمىن وزگەرتىپ، ومىرتقا ارالىق تاباقشاسى مەن ماڭىنداعى تكاندارعا ىقپال جاساپ، ۋاقىتتىڭ ۇزارۋىمەن ومىرتقا ارالىق تاباقشاسىنىڭ تومپايىپ شىعۋى، جۇمساق تكانداردىڭ زورىعىپ زاقىمدالۋى سياقتىلاردى كەلتىرىپ شىعارادى. سوندىقتان ومىرتقا باعاناسى ءپىشىنىنىڭ وزگەرۋى ومىرتقا اۋرۋىنىڭ قاينارى ەسەپتەلەدى.

.1كومپيۋتەردىڭ الدىندا ۇزاق وتىرۋ. قىزمەت ىستەۋ، توراپقا شىعۋ، ەلەكتروندى ويىنداردى ويناۋ سياقتى كۇندەلىكتى تۇرمىستا ادامدار كومپيۋتەردەن ايرىلا المايدى، ونىڭ ۇستىنە، كومپيۋتەردىڭ الدىندا ۇزاق ۋاقىت وتىراتىندىقتان، ارەكەتتىڭ كەمشىلدىگىنەن، بۇلشىق ەت قاتايىپ زاقىمدالادى. كەيبىرەۋلەردىڭ پايدالانىپ جۇرگەن كومپيۋتەر ەكرانى الدىنا دۇرىس قويىلماي، وڭعا نەمەسە سولعا قيعاش قويىلعاندىقتان، ەكرانعا دۇرىس قاراۋ ءۇشىن، باستى بۇرىپ، بەلگە كۇش تۇسىرەتىندىكتەن، ۋاقىتتىڭ ۇزارۋىمەن ومىرتقانىڭ ءبىر جاعىنا قيسايۋىن كەلتىرىپ شىعارىپ، بىرتىندەپ اۋرۋعا اينالادى.

.2قولفونمەن اينالىسۋ. قىزمەت بارىسىندا باستى ەڭكەيتپەي امالىڭ جوق، الايدا، قىزمەتتەن باسقا كەزدەردە دە كەيبىرەۋلەر ۇزاق ۋاقىت قولفونىنا ۇڭىلۋمەن بولىپ، ءار كۇنگى ەڭكەيىپ جۇرەتىن ۋاقىتى باستى كوتەرىپ جۇرگەن ۋاقىتىنان كوپ بولىپ، مويىن ومىرتقاسىنىڭ تابيعي ءپىشىنىن ساقتاۋعا اۋىر ىقپال كورسەتەدى.

.3وتىرعان ورىندىقتىڭ دۇرىس بولماۋى. ەگەر الدىڭىزدا كرەسلو مەن قاتتى ورىندىق تۇرسا كوپ ساندى ادامداردىڭ كرەسلوعا وتىرۋى داۋسىز، ويتكەنى، كرەسلو شىنىندا وتە جايلى. الايدا، كرەسلو كەڭ ءارى الدى بيىك، ارتى الاسا بولاتىندىقتان، كرەسلوعا وتىرعاندا تىزە جوعارى، جامباسى تومەن تۇراتىندىقتان، وتىرعاندا جامباسىن كرەسلونىڭ الدىڭعى جاعىنا قاراي تارتىپ وتىرۋ قاجەت بولادى دا، كرەسلوعا تولىق جايعاسىپ وتىرا المايسىڭ، ال ارقاڭدى تاعى ارقالىققا تىرەپ وتىرۋعا تۋرا كەلەدى، وسى كەزدە بەل مەن كرەسلونىڭ اراسىندا بوستىق پايدا بولادى، ادامدار جايلى وتىرۋ ءۇشىن كەيىن قاراي سىرىلىپ، بەلىن بۇگىپ وتىرادى، ۋاقىتتىڭ ۇزارۋىمەن بەلدىڭ دوعالىق ءپىشىنى وزگەرىپ ءتۇزۋ بولىپ قالادى، ونىڭ ۇستىنە ادامدار كرەسلودا ءبىر قىرىنان سۇيەنىپ وتىرۋدى نەمەسە جانتايىپ جاتۋدى ۇناتاتىندىقتان،ءتۇزۋ وتىرماۋدان بەلدىڭ ءپىشىنى وزگەرىپ كەتەدى.

.4ۇزاق ۋاقىت اۆتوكولىك جۇرگىزۋ. اۆتوكولىك ورىندىعىنىڭ جوبالانۋى كوبىندە الدىڭعى جاعى بيىك، ارتقى جاعى الاسا بولادى دا، وتىراتىن ورىن ءبىرشاما تومەن بولادى، اۆتوكولىككە وتىرعان سوڭ تىزە جامباستان جوعارى ورىندا تۇرادى، سونىمەن بەلگە تۇسەتىن سالماق تا ارتىپ، پىشىندىك وزگەرىس پايدا بولادى.

.5جاتىن ورىننىڭ دۇرىس بولماۋ. جۇمساق توسەك ومىرتقاعا ءتيىمسىز كەلەدى دە بىرتىندەپ ومىرتقانى زاقىمداپ، تاڭەرتەڭ ورىننان تۇرعاندا ارقا مەن بەل جايسىزدانادى؛ جاستىقتىڭ الاسا، بيىك، جۇمساق بولۋى نەمەسە جاستىق جاستاماي جاتۋدان مويىن ومىرتقاسى كوكىرەك ومىرتقاسى جانە بەل ومىرتقاسىمەن تۇزۋلىكتى ساقتاي الماي، مويىن ومىرتقاسىنىڭ قيسايىپ، ءپىشىنىنىڭ وزگەرۋىن كەلتىرىپ شىعارادى.

6. دەنە شىنىقتىرماۋ نەمەسە دەنە شىنىقتىرۋدىڭ قالىپتى بولماۋى. دەنە شىنىقتىرۋ جەتكىلىكتى بولماسا، بۇلشىق ەت السىرەپ، سۇيەك بوساپ، ومىرتقا قورعاۋ رولىنان ايرىلادى. ەگەر دەنە شىنىقتىرۋ قالىپسىز بولىپ، ومىرتقانىڭ كوتەرىمدىلىگىنەن اسىپ كەتسە، ومىرتقانىڭ مۇجىلۋىن نەمەسە ومىرتقا ارالىق تاباقشاسىنىڭ تومپايىپ شىعۋىن كەلتىرىپ شىعارادى؛ ءبىر باعىتتاعى دەنە شىنىقتىرۋدان ومىرتقانىڭ ەكى جاعىنداعى بۇلشىق ەتكە تۇسكەن كۇش بىركەلكى بولماي، ومىرتقانىڭ تارتۋ كۇشىندە پارىق ساقتالىپ، ومىرتقانىڭ ءبىر جاعىنا قيسايۋىن كەلتىرىپ شىعارادى.

.7تۇرمىستاعى دەنە ەڭبەگىمەن ۇيلەسىمدى شۇعىلدانباۋ. كىر جۋۋ، كوكونىس جۋۋ، ىدىس-اياق جۋۋ،ءتىس شوتكىلەۋ، ەڭكەيىپ ەدەن جۋۋ، كەستە تىگۋ سياقتى شارۋالارمەن شۇعىلدانعاندا ۇزاق ۋاقىت باستى ەڭكەيتىپ، بەلدى ءيىپ جۇمىس ىستەۋدى قاجەت ەتەتىندىكتەن، مويىن – بەل ومىرتقاسى ءپىشىنىنىڭ وزگەرىپ ءتۇزۋ بولىپ قالۋىن كەلتىرىپ شىعارادى.

.8كۇن نۇرىنان پايدالانباۋ. تاڭەرتەڭ ەرتە جۇمىسقا كەتىپ، كەش قايتاتىن تۇرمىس ادەتى كوپتەگەن ادامدى كۇنگە قاقتالۋ ورايىنان ايىردى، كالتسي جەتكىلىكتى سىمىرىلمەگەندىكتەن، تكاندار مەن سۇيەكتىڭ قىزمەتى السىرەپ، دەنە قۋاتى تومەندەيدى.

اۋدارعان ـ ا. سانياز ۇلى

كەلۋ قاينارى: شينجياڭ زاڭ جانە تۇرمىس گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn