<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>ۇكىمەتىڭ ۇنەمىلىك ىستەر ءماجىلىسى

وبلىستىق حالىق ۇكىمەتى 37-رەتكى ۇنەمىلىك ىستەر ءماجىلىسىن اشتى

جەلتوقساننىڭ 24-كۇنى تۇستەن بۇرىن اۆتونوميالى وبلىستىق 13-كەزەكتى حالىق ۇكىمەتى 37-رەتكى ۇنەمىلىك ىستەر ءماجىلىسىن اشتى. وبلىستىق پارتكومنىڭ ورىنباسار شۋجيى، وبلىس باستىعى مانەن زەينەل ۇلى ماجىلىسكە قاتىناستى ءارى ماڭىزدى ءسوز سويلەدى. ماجىلىستە وبلىستىق 13-كەزەكتى حالىق قۇرىلتايىنىڭ 5-رەتكى ماجىلىسىندە قارالعان «ۇكىمەت قىزمەتىنەن باياندامانى (تالقى نۇسقاسى)» تالقىلاۋ ۇسىنىس ەتىلىپ، ساقا كادرلار جانە قوعامنىڭ ءار سالاسىنىڭ اڭگىمە ءماجىلىسىن اشىپ، ءارقايسى جاقتىڭ ۇسىنىس، پىكىرىن قابىلداپ، باياندامانى تۇزەتۋ جانە كەمەلدەندىرۋ تالاپ ەتىلدى.

سول كۇنگى ماجىلىستە ءبىرقىدىرۋ اكىمشىلىك تەكسەرىپ بەكىتۋ جۇمىسىن كۇشىنەن قالدىرۋ جانە ۇزدىكسىز جالعاستىرۋ ۇيعارىلدى. ول تومەندەگىلەردى قامتيدى: وبلىستىق سۋ ىستەرى مەكەمەسىنىڭ ۇقىق شەكتەمەسى ىشىندە وزەن-داريالاردىڭ ەجەلگى ارناسىن، كونە توسپالاردى، بۇرىنعى قۇرىلىس قۇرىلعىلارىن بۇزىپ، وزگەرتۋ، توسۋ، يەمدەنىپ الۋ سياقتىلار جونىندەگى تەكسەرىپ بەكىتۋى كۇشىنەن قالدىرىلىپ، وبلىستىق ءوندىرىس حاۋىپسىزدىگىن باقىلاپ باسقارۋ مەكەمەسىنىڭ ۋلى زاتتاردى ءبىر جاقتى ەتۋ الاڭدارىندا تازالىق حاۋىپسىزدىگى رۇقسات كۋالىگىن ىستەتۋى، وبلىستىق مەملەكەت جەر بايلىعى مەكەمەسىنىڭ جەردى تەكسەرۋ جونىندەگى اتقارۋ جوباسىن تەكسەرىپ بەكىتۋ، وبلىستىق جەرگىلىكتى باجى مەكەمەسىنىڭ ۇستاپ قالاتىن باجى سوماسىن تىزىمدەۋىن تەكسەرىپ بەكىتۋ، قورا-جاي اشۋ كاسىپورىندارى ەسەپتەپ تاپسىراتىن باجى جۇمسالىمىنىڭ وبيەكتىلەرىن تەكسەرىپ تۇراقتاندىرۋ، شاعىن كاسىپورىنداردىڭ پايدا باجىسىن تاپسىرۋداعى ءمان بەرۋ ساياساتتارىنان يگىلىكتەنۋىن تەكسەرىپ بەكىتۋ، جۇمىس ورنىنان بوساعان جۇمىسشى-قىزمەتكەرلەردى جۇمىسقا قابىلداۋ شارتىن ازىرلەگەن قىزمەت وتەۋ سيپاتىنداعى ساۋدا كاسىپورىندارى مەن جۇمىس ورنىنان قالدىرىلعاندار جەكە تيجاراتپەن اينالىسسا باجىنى كەمەيتىپ الۋدى تەكسەرىپ بەكىتۋ، جارناسى بازارعا سالىنعان كاسىپورىندار جارنا ۇقىعىن وتكەرمەلەسە، جارنا ايىرباسىنداعى باسپا باجىسىن الماۋدى تۇراقتاندىرۋ قاتارلىلار قارالدى.

-5توپتاعى اۆتونوميالى وبلىس دارەجەلى ەكولوگيالىق اۋىل، قالاشىق، قىستاقتارعا ات بەرۋ جۇمىستارى تالقىلاندى. 2013-جىلى قازاندا ورتانى قورعاۋ مينيسترلىگىنىڭ ىلە وبلىسىن مەملەكەت بويىنشا 6-توپتاعى ەكولوگيالىق وركەنيەت قۇرىلىسىنداعى سىناق ءتۇيىنى تىزىمدىگىنە ەنگىزۋى، سونداي-اق، قاتىستى بەلگىلەمەگە ساي وبلىسقا توتە قاراستى اۋدان، قالالاردى 2015-جىلى اۆتونوميالى وبلىس دارەجەلى ەكولوگيالىق قالا-قالاشىق، قىستاق تىزىمدىگىنە ەنگىزۋگە جولداۋ جونىندەگى قۇجات جانە قاتىستى ماتەريالدارعا ساي وبلىستىق ورتانى قورعاۋ مەكەمەسى قۇلجا اۋدانى ساميۇزى اۋىلى قاتارلى 22 اۋىل-قالاشىققا اۆتونوميالى وبلىس دارەجەلى ەكولوگيالىق اۋىل-قالاشىق، قۇلجا قالاسى قارادوڭ اۋىلى بايكول قىستاعىن قامتىعان 135 قىستاققا وبلىس دارەجەلى ەكولوگيالىق قىستاق دەگەن ات بەرۋدى ۇيعاردى. ماجىلىستە تاعى اۆتونوميالى وبلىستىق 13-كەزەكتى حالىق قۇرىلتايىنىڭ 5-رەتكى ماجىلىسىنە تاپسىرىلعان «اۆتونوميالى وبلىستىڭ 2015-جىلعى حالىق شارۋاشىلىعى جانە قوعامدىق دامۋ جوسپارىنىڭ اتقارىلۋ جاعدايى مەن اۆتونوميالى وبلىستىڭ 2016-جىلعى حالىق شارۋاشىلىعى جانە قوعامدىق دامۋ جوسپارىنىڭ جوباسى جونىندەگى دوكلادى»،«اۆتونوميالى وبلىستىڭ 2015-جىلعى قازىنا مەجە ەسەبى مەن وبلىس دارەجەلى مەجە ەسەپتىڭ اتقارىلۋ جاعدايى جانە اۆتونوميالى وبلىستىڭ 2016-جىلعى قازىنا مەجە ەسەبى مەن وبلىس دارەجەلى مەجە ەسەپتىڭ اتقارىلۋ جاعدايى جونىندەگى دوكلادى» تالقىلانىپ، قاتىستى جۇمىستار اقىلداسىلدى.

مانەن زەينەل ۇلى جەر-جەردەن، تاراۋلاردان وبلىستىق پارتكوم قىزمەت ءماجىلىسىنىڭ رۋحىن دايەكتى تياناقتاندىرىپ، اتقارۋ شارالارى مەن ترەكتى نىسانداردى ايقىنداپ، ازىرلىك قىزمەتتى نىعايتۋدى، اپاتتان ساقتانۋ قىزمەتىن شىنايى جاقسارتىپ، جەم-ءشوپ ازىرلىگىن نىعايتىپ، ءار تۇلىك مالدى قىس قىرىنان امان وتكىزۋدى، اۋىل شارۋاشىلىق ءوندىرىس ماتەريالدارىن قامبالاندىرۋ قىزمەتىن مىقتى يگەرىپ، كوكتەمگى ەگىس جۇمىسىنا ساقاداي سايلانۋدى، ءوندىرىس حاۋىپسىزدىگى قىزمەتىن شىنايى جاقسارتىپ، باقىلاپ باسقارۋ تەبىنىن ارتتىرۋدى، قىزمەت ستيلىندە بۇرىلىس جاساپ، پارتيانىڭ بۇقارالىق لۋشيان تاربيەسى امالياتتىق قيمىلىندا قولعا كەلتىرىلگەن ناتيجەلەردى ۇزدىكسىز بەكەمدەپ ءارى كورنەكتىلەندىرىپ، «ۇشتە قاتاڭ، ۇشتە شىنايى بولۋدى» ىشكەرىلەي ورىستەتىپ، «حالىق جاعدايىن ۇعىسۋ، حالىقتى تيىمدىلىككە كەنەلتۋ، جۇرت تىلەگىن توعىستىرۋ» قيمىلىن تياناقتى جۇرگىزىپ، ورتالىق، اۆتونوميالى رايون، وبلىستىق پارتكومنىڭ ستيلدە بۇرىلىس جاساپ، بۇقارامەن ەتەنە بولۋ جونىندەگى ءتۇرلى بەلگىلەمەسىن ويداعىداي اتقارىپ، قوعام ورنىقتىلىعى مەن باياندى تىنىشتىق، جاپپاي دوڭگەلەك داۋلەتتى قوعام قۇرۋعا بەرىك نەگىز قالاۋدى تالاپ ەتتى.

كەلۋ قاينارى: ىلە كەشى گازەتى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ