<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>زاڭ- بەلگىلەمە جانە قۇجات>>ۇكىمەت قۇجاتى

وبلىسقا توتە قاراستى ورىنداردىڭ جايىلىم ۇقىعىن ايقىنداپ كوتەرەگە بەرۋ قىزمەتىن ىلگەرىلەتۋدىڭ اتقارۋ جوباسى

ءى  و  حالىق ۇكىمەتى كەڭسە مەڭگەرمەسىنەن [2015] 20- ءنومىرلى

اۆتونوميالى وبلىسقا توتە قاراستى اۋداندىق، قالالىق حالىق ۇكىمەتتەرىنە، اۆتونوميالى وبلىستىق حالىق ۇكىمەتىنىڭ قاتىستى تاراۋلارىنا، دۋلات وتكەلىن باسقارۋ كوميتەتىنە:

اۆتونوميالى وبلىستىق مال شارۋاشىلىق - مال دارىگەرلىك مەكەمەسىنىڭ جاساعان «وبلىسقا توتە قاراستى ورىنداردىڭ جايىلىم ۇقىعىن ايقىنداپ كوتەرەگە بەرۋ قىزمەتىن ىلگەرىلەتۋدىڭ اتقارۋ جوباسى» اۆتونوميالى وبلىستىق حالىق ۇكىمەتىنىڭ ماقۇلداۋىنان ءوتىپ، سىزدەرگە تاراتىپ وتىرمىز، مۇقيات دايەكتى اتقارۋلارىڭىزدى سۇرايمىز.

ىلە قازاق اۆتونوميالى وبلىستىق حالىق ۇكىمەتى كەڭسە مەڭگەرمەسى 

2015- جىلى 30- ناۋرىز

وبلىسقا توتە قاراستى ورىنداردىڭ جايىلىم ۇقىعىن ايقىنداپ كوتەرەگە بەرۋ قىزمەتىن ىلگەرىلەتۋدىڭ اتقارۋ جوباسى

(اۆتونوميالى وبلىستىق مال شارۋاشىلىق - مال دارىگەرلىك مەكەمەسى)

«ج ك پ ورتالىق كوميتەتىنىڭ، مەملەكەتتىك كەڭەستىڭ اۋىل-  قىستاق رەفورماسىن جاپپاي تەرەڭدەتىپ، اۋىل شارۋاشىلىعىنىڭ وسىزاماندانۋىن جەدەل ىلگەرىلەتۋ جونىندەگى ءبىر قانشا پىكىرى» (ورتالىق كوميتەتىنەن [2014] 1- ءنومىرلى) مەن «مەملەكەتتىك كەڭەستىڭ مال شارۋاشىلىق رايوندارىنىڭ ءارى ويداعىداي ءارى تەز دامۋىن جەبەۋ جونىندەگى ءبىر قانشا پىكىرى» (مەملەكەتتىك كەڭەستەن [2011] 17- ءنومىرلى) جانە اۆتونوميالى رايوندىق حالىق ۇكىمەتى كەڭسە مەڭگەرمەسىنىڭ «اۆتونوميالى رايوننىڭ جايىلىم ۇقىعىن ايقىنداپ كوتەرەگە بەرۋ قىزمەتىن جانە نەگىزگى جايىلىمدى ايىرۋ قىزمەتىن ورىستەتۋدىڭ اتقارۋ پىكىرىن تاراتۋ جونىندەگى ۇقتىرۋى» (ش ۇ ا ر حالىق ۇكىمەتى كەڭسە مەڭگەرمەسىنەن [2012] 158- ءنومىرلى) قۇجاتتارىنىڭ رۋحىن مۇقيات دايەكتى تياناقتاندىرىپ، جايىلىم ۇقىعىن ايقىنداپ كوتەرەگە بەرۋ قىزمەتىن ونان ارى جەدەل ىلگەرىلەتۋ جانە كەمەلدەندىرۋ ءۇشىن، وبلىسقا توتە قاراستى ورىنداردىڭ ىسجٷزىندىگىنە بىرلەستىرە وتىرىپ، وسى جوبا جاسالدى.

ءبىرىنشى، جايىلىم ۇقىعىن ايقىنداپ، كوتەرەگە بەرۋ قىزمەتىن ويداعداي ىستەۋدىڭ جاۋاپكەرلىگى مەن كوكەيتەستىلىك سەزىمىن كۇشەيتە ءتۇسۋ     

قازىر وبلىسقا توتە قاراستى اۋدان، قالالاردىڭ باسىم كوپ ساندى جايىلىمىن كوتەرەگە بەرۋ قىزمەتى ورىندالىپ بولدى. الايدا، قىزمەت شارت- جاعدايى، جۇمساق بولشەك قۇرىلعىلارى، تەحنيكالىق كۇشتەر سياقتى فاكتورلاردىڭ شەكتەمەسى سەبەبىنەن، جايىلىم ۇقىعىن ايقىنداپ، كوتەرەگە بەرۋ قىزمەتى سالىستىرمالى تۇردە كەنجە قالىپ، جايىلىمدى كوتەرەگە بەرۋ قىزمەتى جۇيەلىلەنبەي وتىر. ءبىر ءبولىم جايىلىمداردى وتباسىلارىنا بىرلەستىرۋ فورماسى مەن كوتەرەگە بەرۋدە تورت جاقتاعى شەكارا سىزىعى ايقىن بولماي، الى دە ءبىر سىپىرا داۋ- شارلار ساقتالىپ وتىر، 2014- جىلدىڭ سوڭىنا دەيىن، وبلىسقا توتە قاراستى اۋدان، قالالارداعى جايىلىم ۇقىعىن ايقىنداپ كوتەرەگە بەرۋ قىزمەتىنىڭ ٪56 عانا ورىندالدى. جايىلىم ۇقىعىن ايقىنداپ كوتەرەگە بەرۋ قىزمەتىن ىلگەرىلەتۋ- مالشىلاردىڭ زاڭدى ۇقىق - مۇددەسىن قورعاۋدىڭ، مال شارۋاشىلىعىنىڭ دامۋىن جەبەۋدىڭ ماڭىزدى نەگىزى، سونداي- اق جايىلىم ەكولوگياسىنا قوسىمشا كومەك قاراجات بەرۋ - سيلاۋ مەحانيزىمىن تياناقتاندىرۋدىڭ، جايىلىم ەكولوگياسىن قورعاۋدىڭ ماڭىزدى كەپىلى. اۋدان، قالالار، قاتىستى تاراۋلار جاۋاپكەرلىك پەن كوكەيتەستىلىك سەزىمدى اناعۇرلىم كۇشەيتىپ، جايىلىم ۇقىعىن ايقىنداپ كوتەرەگە بەرۋ قىزمەتىن شىنايى ماڭىزدى كەڭەس كۇن تارتىبىنە ەنگىزىپ، ونى جايىلىم مال شارۋاشىلىق ءوندىرىس فورماسىمەن، مال شارۋاشىلىق رايوندارىنىڭ قوعامىنىڭ جاراسىمدىلىعى مەن ورنىقتىلىعىن جەبەۋمەن، جايىلىم ەكولوگياسىن قورعاۋعا قوسىمشا كومەك قاراجات بەرۋ - سيلاۋ مەحانيزىمىمەن ۇشتاستىرىپ، مۇقيات ۇيىمداستىرىپ، ەگجەي - تەگجەيلى ورنالاستىرۋ جاساپ، شارالاردى كۇشەيتىپ، جايىلىم ۇقىعىن ايقىنداپ كوتەرەگە بەرۋ قىزمەتىن كۇش سالا شىنايى ويداعىداي ىستەپ، قىزمەت مىندەتىنىڭ ورىندالۋىنا كەپىلدىك ەتۋ كەرەك.

ەكىنشى،  جەتەكشى يدەياسى، جالپى نىساناسى جانە نەگىزگى پرينسبى  

1.       جەتەكشى يدەياسى

ورتالىقتىڭ [2014] 1- ءنومىرلى، مەملەكەتتىك كەڭەستىڭ [2011] 17- ءنومىرلى جانە ش ۇ ا ر حالىق ۇكىمەتى كەڭسە مەڭگەرمەسىنىڭ [2012] 158- ءنومىرلى قۇجاتتارىنىڭ تالاپتارى بويىنشا، جايىلىم ۇقىعىن ايقىنداپ كوتەرەگە بەرۋ قىزمەتىن اناعۇرلىم كەمەلدەندىرىپ، قازىرگى جايىلىمدى كوتەرەگە بەرۋ قاتىناسىن ورنىقتىرىپ، سيفىرلانعان، ينفورماتسيالانعان جانە جۇيەلىلەنگەن جايىلىمدى كوتەرەگە بەرۋدى باسقارۋ ۇلگىسىن ورناتىپ، جاۋاپكەرلىگى مەن ۇقىعى ايقىن، باسقارۋى عىلمي بولعان جايىلىمدى كوتەرەگە بەرىپ شارۋاشىلىق جۇرگىزۋ مەحانيزمىن كەمەلدەندىرىپ، قالىڭ مالشىلاردىڭ جايىلىمدى كوتەرەگە الۋ زاڭدى پايدالانۋ ۇقىق - مۇددەسىن اناعۇرلىم ءونىمدى تۇردە قامتاماسىزداندىرىپ، جايىلىم ەكولوگياسىن قورعاۋدى كۇشەيتىپ، گۇلدەنىپ، كوركەيگەن، ورنىقتى بولعان جاڭاشا مال شارۋاشىلىق رايوندارىن قۇرۋ.

2. قىزمەت نىساناسى

2015- جىلى وبلىسقا توتە قاراستى ورىنداردا جايىلىم ۇقىعىن ايقىنداپ كوتەرەگە بەرۋ قىزمەتىنىڭ ٪80 ءتىن ورىنداۋ؛ 2016- جىلعا بارعاندا، جايىلىم ۇقىعىن ايقىنداپ كوتەرەگە بەرۋ قىزمەتىن نەگىزىنەن ورىنداپ بولۋ.

3. قىزمەت مىندەتى

ءتارتىبى زاڭدى، راسىمياتتارى كەمەلدى، شەكاراسى ايقىن، ۇقىق كۋالىگى تياناقتانعان، ۇقىق قاراستىلىعى انىق بولۋ” تالابى بويىنشا، الدىڭعى مەرزىمدەگى جايىلىمدى كوتەرەگە بەرۋ قىزمەتىن نەگىز ەتىپ، مالشىلاردىڭ كوتەرەگە العان جايىلىمىنا تەكسەرۋ جٷرگىزىپ، شەكاراسىن بەلگىلەپ، تورت جاقتاعى بەلگىسىن ورناتىپ، كولەمىن ەسەپتەپ، جايىلىمنىڭ ءتۇرى مەن دارەجەسىن بەلگىلەپ، سونداي- اق جايىلىمنان پايدالانۋ كۋالىگىن جانە كوتەرەگە بەرۋ توقتامىن اۋىستىرۋ؛ جايىلىمنان پايدالانۋ كۋالىگى مەن كوتەرەگە بەرۋ توقتامى توزسا، جوعالسا نەمەسە تاراتىلماي قالىپ قالسا، زاڭدى راسىمياتتار ارقىلى اۋىستىرىپ تاراتىپ بەرۋ نەمەسە تولىقتاپ تاراتىپ بەرۋ؛ جايىلىم ۇقىعىن ايقىندالىپ، كوتەرەگە العان وتباسىلارىنىڭ ارحيۆتەرى مەن پايدالانۋ كۋالىكتەرىن تەكسەرىپ، كەمەلدەنگەن قاعاز ارحيۆتەر مەن ەلەكتروندى ارحيۆتەردى تۇرعىزىپ، جايىلىم ۇقىعىن ايقىنداپ، كوتەرەگە بەرۋ ماتەريالدارىن تىزىمدەۋ، داپتەر تۇرعىزۋ، قايتا تەكسەرۋ جانە ارحيۆتە ساقتاۋ قىزمەتىن ويداعىداي ىستەۋ كەرەك.

4. نەگىزگى پريىنسىبى

 ۇكىمەت جەتەكشىلىك ەتۋگە تاباندى بولۋ. مەملەكەتتىك كەڭەستىڭ جانە اۆتونوميالى رايوننىڭ قاتىستى قۇجاتتارىنىڭ تالاپتارى بويىنشا، ۇكىمەتتىڭ جاۋاپكەرلىگىن تياناقتاندىرىپ، ۇيىمدىق باسشىلىقتى كۇشەيتىپ، جايىلىمدى كوتەرەگە بەرۋ ۇقىعىن ايقىنداۋ قىزمەتىن ىلگەرىلەتۋدى ماڭىزدى قىزمەت كۇن تارتىبىنە ەنگىزىپ، نىسانانى ايقىنداپ، جاپپاي ورنالاستىرىپ، تياناقتاندىرۋدى مىقتى يگەرۋ كەرەك.

كوتەرەگە بەرۋ مەرزىمىن وزگەرتپەۋگە تاباندى بولۋ. جايىلىم ۇقىعىن ايقىنداپ كوتەرەگە بەرۋدى الدىڭعى مەرزىمدىك كوتەرەگە بەرۋ قىزمەتى نەگىزىندە ونان ارى جۇيەلىلەندىرىپ جانە كەمەلدەندىرىپ، جايىلىم ۇقىعى قاراستىلىق قاتىناسىن، جايىلىمدى كوتەرەگە بەرۋ مەرزىمىن وزگەرتپەۋگە تاباندى بولىپ، بۇرىنعى جايىلىمنان پايدالانۋ ۇقىعى مەن جايىلىمدى كوتەرەگە بەرىپ شارۋاشىلىق جۇرگىزۋ ۇقىعىن وزگەرتۋگە بولمايدى. ورايدان پايدالانىپ، مالشىلاردىڭ كوتەرەگە العان جايىلىمىن قايتارىپ الۋ جانە ەگىنشى، مالشىلاردىڭ مۇددەسىنە زيان جەتكىزۋ جايتتەرىنىڭ تۋىلۋىنا قاتاڭ تيىم سالۋ.

مالشىلاردىڭ ەركىنە قۇرمەت ەتۋگە تاباندى بولۋ. جايىلىمدى كوتەرەگە بەرۋ قىزمەتىندە بايقالعان ماسەلەلەردى شەشۋدە، مالشىلاردىڭ ەركىنە قۇرمەت ەتىپ، مالشىلاردىڭ پىكىرىن الىپ، مالشىلاردى جايىلىم ۇقىعىن ايقىنداپ كوتەرەگە بەرۋ قىزمەتىنە بەلسەنە ات سالىسۋعا كەڭ كولەمدە جۇمىلدىرىپ، ەگىنشى، مالشىلاردىڭ ۇيىمدىق تەڭشەۋ رولىن تولىق ساۋلەلەندىرىپ، ماسەلەلەردى بەلسەندى تۇردە ۇيلەسىمدى شەشۋ كەرەك. زورلىقتى تۇردە جٷرگىزۋگە بولمايدى. قوعامدىق قايشىلىقتاردىڭ تۋىلۋىنان ساقتانىپ، مال شارۋاشىلىق رايوندارىنىڭ قوعامدىق ورنىقتىلىعىنا كەپىلدىك ەتۋ كەرەك.

زاڭ بويىنشا جاريا ۇستاۋعا تاباندى بولۋ. جايىلىم ۇقىعىن ايقىنداپ كوتەرەگە بەرۋ قىزمەتىندە «جۇڭحۋا حالىق رەسپۋبليكاسىنىڭ اۋىل - قىستاق جەرلەرىن كوتەرەگە بەرۋ زاڭىنىڭ» ، «جۇڭحۋا حالىق رەسپۋبليكاسىنىڭ جايىلىم زاڭىنىڭ» جانە «اۆتونوميالى رايوننىڭ جايىلىم زاڭىن اتقارۋدىڭ ناقتى ەرەجەسىنىڭ» قاتىستى بەلگىلەمەلەرى بويىنشا ورىستەتىپ، بۇرىنعى جايىلىم ۇقىعى قاراستىلىعى مەن كولەمىن تەڭشەمەۋ، جايىلىمنىڭ تورت جاقتاعى شەكارا كولەمى ماسەلەسى جونىندە، زاڭدارمەن زاڭ بەلگىلەمەلەر جانە ساياساتتار بويىنشا، سول جەردىڭ ىسجۇزىندىگىنە بىرلەستىرىپ، كولەكتيۆ ەكونوميكالىق ۇيىمدار دەموكراتيالىق شەشىم جاساۋ پرينسىبى بويىنشا ۇيلەسىمدى ءبىر جايلى ەتۋ. جايىلىم ۇقىعىن ايقىنداپ كوتەرەگە بەرۋدىڭ تۇتاس قىزمەت ءتارتىبىن كەمەلدەندىرىپ، اشىق، ءادىل، جاريا بولۋدى جۇزەگە اسىرۋ كەرەك. بارماق باستى كوز قىستى ىستەپ، قايشىلىقتىڭ تۋىلۋىنان ساقتانۋ كەرەك.

 ءۇشىنشى، جايىلىم ۇقىعىن ايقىنداپ كوتەرەگە بەرۋدىڭ  اتقارۋ باسقىشى

1. زاڭ بويىنشا جايىلىمنان پايدالانۋ ۇقىعىن ايقىنداۋ. اۋدان، قالالار مەملەكەت مەنشىگىندەگى جايىلىمنەن پايدالانعان  جالپى قالىقتىق مەنشىكتى ورىندارعا، كوللەكتيۆ ەكونوميكالىق ۇيىمدارعا «جايىلىمنان پايدالانۋ كۋالىگىن» تاراتادى. زاڭ بويىنشا جايىلىمنان پايدالانۋ ۇقىعىن العان جالپى حالىقتىق مەنشىكتەگى ورىندار، كوللەكتيۆ ەكونوميكالىق ۇيىمدار ءوز ورىندارىنداعى جانە ۇيىمدارىنداعى جايىلىمنان پايدالانعان مالشى وتباسىلارىنا «جايىلىمدى كوتەرەگە بەرىپ شارۋاشىلىق جۇرگىزۋ ۇقىعى كۋالىگىن» اۋىستىرىپ تاراتىپ بەرەدى جانە كوتەرەگە بەرۋ توقتامىنا قول قويدىرادى.

2. اتقارۋ جوباسىن جاساۋ. مەملەكەتتىك كەڭەستىڭ تاراتقان [2011] 17- ءنومىرلى، ش ۇ ا ر حالىق ۇكىمەتى كەڭسە مەڭگەرمەسىنىڭ تاراتقان [2012] 158- ءنومىرلى قۇجاتتارىنىڭ رۋحىنا جانە اۆتونوميالى وبلىستىڭ جايىلىم ۇقىعىن ايقىنداپ كوتەرەگە بەرۋ قىزمەتىنىڭ اتقارۋ جوباسىنا ساي، اۋدان، قالالار ىسجۇزىندىككە بىرلەستىرىپ، جايىلىم ۇقىعىن ايقىنداپ كوتەرەگە بەرۋ قىزمەتىنە باسشىلىق ەتۋ قۇرىلىمىن قۇرىپ جانە كەمەلدەندىرىپ، جايىلىم ۇقىعىن ايقىنداپ كوتەرەگە بەرۋ قىزمەتىنىڭ اتقارۋ جوباسىن جاساپ، جايىلىم ۇقىعىن ايقىنداپ كوتەرەگە بەرۋ قىزمەتىنىڭ ۋاعىندا ورىندالۋىنا كەپىلدىك ەتۋ كەرەك.

3. احۋالدى تەكسەرۋ جانە شەكاراسىن بەلگىلەۋ. ءارقايسى اۋدان، قالالار كۇشتى شوعىرلاندىرىپ ءوز اۋدان، قالالارىنىڭ الدىڭعى مەرزىمدىك كوتەرەگە بەرىلگەن جايىلىمنىڭ جاعدايىن تەكسەرىپ شىعىپ، جايىلىمدى كوتەرەگە بەرۋدىڭ قازىرگى جاعدايىن جانە ساقتالعان ماسەلەلەردى جالپى بەتتىك يەلەپ، الدىمەن وڭايىن ونان سوڭ قيىنىن ىستەۋ، تۇرگە، توپقا ايىرىپ تىزىمدەۋ، تەكسەرۋ پرينسىبى بويىنشا، اۋدان دارەجەلى جايىلىمدى باسقارۋ قۇرىلىمدارى اۋىلدىق،  قالاشىقتىق حالىق ۇكىمەتتەرىنىڭ، قاراستى قىستاق تۇرعىندار كوميتەتتەرىنىڭ  كوتەرە العان جايىلىمدى قايتادان تەكسەرۋىنە جەتەكشىلىك ەتىپ، جاعىراپيالىق ينفورماتسيا جۇيەسىنەن پايدالانىپ، كوتەرەگە العان جايىلىمدا “ءتورت جاقتاعى شەكاراسىن”   GPS ارقىلى ناق مايداندا بەلگى ۇرىپ، “تورت جاقتاعى شەكاراسىن” بەلگىلەۋ جانە قاريتاعا الۋ قىزمەتىن جٷزەگە اسىرۋ. تەكسەرۋ مازمۇندارى: مالشىلاردىڭ نەگىزگى احۋالى، كوتەرەگە العان جايىلىمنىڭ شەكاراسى، كولەمى، كوتەرەگە العان فورماسى، باسقالارعا كوتەرەگە بەرىلگەن- بەرىلمەگەندىگى، مالشىلاردىڭ وتىرىقتانعان - وتىرىقتانباعاندىعى، اعاش ەگىپ ورمان وتىرعىزىلعان - وتىرعىزىلماعاندىعى، قايتادان كۋالىك تاراتىلعان - تاراتىلماعاندىعى سياقتىلار قامتىلادى.

4. قايتا تەكسەرۋ جانە قورتىندىلاۋ، جوعارىعا جولداۋ. شەكاراسى ايقىن، كولەمى ۇيلەسىمدى، شارۋاشىلىق جۇرگىزۋ ۇقىعى انىق، ەشقانداي تالاس - تارتىس بولماعان كوتەرەگە العان جايىلىمعا، كوتەرەگە العان مالشىلارعا قىستاق تۇرعىندارى كوميتەتى، اۋىلدىق قالاشىقتىق حالىق ۇكىمەتتەرى قول قويىپ تاڭبا باسىپ، تەكسەرۋ ارقىلى ءتارتىبىن جاريا ۇستاۋ كەرەك. (جاريا ۇستاۋ ۋاقىتى 20 كۇن بولادى)، جاريا ۇستاۋ مەزگىلىندە قىزمەتكەرلەر مالشىلاردىڭ ارىزدانعان ماسەلەسىن تىزىمگە الىپ، ونى دەر كەزىندە جايىلىم ۇقىعىن ايقىنداپ، كوتەرەگە بەرۋ قىزمەتىنە باسشىلىق ەتۋ گرۋپپاسى كەڭسەسىنە جولداپ، بەلگىلەنگەن ۋاقىتتىڭ ىشىندە جاۋاپ قايتارىپ شەشۋ، سونداي-اق زاڭ بويىنشا ءبىر جايلى ەتۋگە كەپىلدىك ەتۋ كەرەك. شەكاراسى مەن كولەمىندە ماسەلەسى بار كوتەرەگە العان جايىلىمدى ناق مايدانعا بارىپ، ەگجەي - تەگجەيلى تەكسەرۋ جۇرگىزىپ، وتباسىلارىنا بارىپ، تەكسەرۋ جٷرگىزگەننەن كەيىن ونان سوڭ قايتا تەكسەرىپ، كوتەرەگە العان مالشىلار قول قويعان سوڭ جاريا ۇستاۋ كەرەك.

5. جايىلىمدى كوتەرەگە بەرىپ شارۋاشىلىق جٷرگىزۋ ۇقىعى كۋالىگىن اۋىستىرىپ تاراتۋ. تەكسەرۋ ناتيجەسىن جاريالاۋ مەزگىلى تولىپ، بوگدە پىكىر بولماسا قىستاق تۇرعىندارى كوميتەتى اۋىل، قالاشىقتىق جايىلىم ۇقىعىن ايقىنداپ كوتەرەگە بەرۋ قىزمەتىنە باسشىلىق ەتۋ گرۋپپاسى ماقۇلداعاننان كەيىن دەر كەزىندە اۋداندىق، قالالىق باسشىلىق ەتۋ گرۋپپاسى كەڭسەسىنە جولداۋ كەرەك.  اۋداندىق، قالالىق جايىلىم ۇقىعىن ايقىنداپ كوتەرەگە بەرۋ قىزمەتىنە  باسشىلىق ەتۋ گرۋپپاسى كەڭسەسى اۋىل، قالاشىقتاردىڭ  قورتىندىلاپ جوعارىعا جٶلداعان اداقتاۋ - تەكسەرۋ ناتيجەسىن قايتا تەكسەرىپ، ماقۇلداعاننان كەيىن، اۋداندىق، قالالىق مال شارۋاشىلىق - مال دارىگەرلىك مەكەمەسى مەن جايىلىمدى باقىلاۋ قۇرىلىمى دەر كەزىندە قىستاق تۇرعىندار كوميتەتىنىڭ تاراتقان جايىلىمنان پايدالانۋ كۋالىگى مەن مالشىلاردىڭ قول قويعان كوتەرەگە بەرۋ توقتامىنا باقىلاۋ جۇرگىزىپ، جايىلىمدى كوتەرەگە بەرىپ شارۋاشىلىق  جۇرگىزۋ ۇقىعى كۋالىگىن اۋىستىرىپ تاراتىپ بەرۋ. سونداي-اق بۇرىنعى تاراتىلعان جايىلىمنان پايدالانۋ كۋالىگى مەن كوتەرەگە بەرۋ توقتامىن جيىپ الۋ كەرەك.

6. ەلەكتروندى ينفورماتسيالاردى باسقارۋ. جايىلىمنىڭ ۇقىعىن ايقىنداپ كوتەرەگە بەرۋ ماتەريالدارىن ينفورماتسيالاندىرىپ، باسقارۋدى ويداعىداي ىستەپ، تەكسەرىپ ماقۇلدانعان ۇقىعى ايقىندالىپ، كوتەرەگە بەرىلگەن جايىلىمدى دەر كەزىندە 1:50.000 عا جانە 1:100.000 عا قاتىناسىنداي ەلەكتروندى جەر بەدەرى حاريتاسىن سىزىپ، مالدىڭ سيمدىلىق مولشەرىنە قاتىستى ينفورماتسيالاردى قوسىپ، ۇقىقتى ايقىنداپ، كوتەرەگە بەرۋدى تىزىمدەۋ ساندى مالىمەت قامباسىن ورناتىپ، سۋرەت، ساندى مالىمەت، جازۋ سياقتى ءتۇرلى جەتىستىكتەردى قالىپتاستىرۋ كەرەك. جايىلىم ۇقىعىن ايقىنداۋدى وتەگەن تىزىندەۋ ورگاندارى جايىلىم ۇقىعىن ايقىنداپ، كوتەرەگە بەرۋ ەلەكتروندى ارحيۆتەر مەن قاعاز ارحيۆتەرىن (ارحيۆ بىردە ءتورت نۇسقا، ءبىر نۇسقاسى قىستاق تۇرعىندار كوميتەتىندە، ءبىر نۇسقاسى اۋىل، قالاشىقتاردا، ءبىر نۇسقاسى جايىلىمدى باقىلاۋ تاراۋىندا، ءبىر نۇسقاسى اۋداندىق، قالالىق ارحيۆ مەكەمەسىندە بولادى) دارەجەگە ءبولىپ باسقارىپ، تۇرگە ايىرىپ ارحيۆتە ساقتاپ، شوعىرلى ساقتاپ باسقارۋ. «ولشەۋ، سىزۋ، باسقارۋ قىزمەتى مەملەكەتتىڭ قۇپيا كولەمىنىڭ بەلگىلەمەلەرى» بويىنشا جايىلىم ۇقىعىن ايقىنداپ كوتەرەگە بەرۋ مەكەن - ءجايى، ينفورماتسيا ماتەريالدارىن قاتاڭ باسقارۋ كەرەك.

7. تەكسەرىپ - وتكىزىپ الۋ، قورتىندىلاۋ: ءارقايسى اۋىل، قالاشىقتاردىڭ جايىلىم ۇقىعىن ايقىنداپ، كوتەرەگە بەرۋ قىزمەتى اياقتالعاننان كەيىن، اۋداندىق، قالالىق جايىلىم ۇقىعىن ايقىنداپ كوتەرەگە بەرۋ قىزمەتىنە باسشىلق ەتۋ گرۋپپاسى كەڭسەسىنە تەكسەرىپ - وتكىزىپ الۋدى ءوتىنىش ەتۋ كەرەك. اۋداندىق، قالالىق باسشلىق ەتۋ گرۋپپاسى كەڭسەسىنىڭ تەكسەرىپ - وتكىزىپ الۋىنان ءوتىپ، تولىمدى بولعاننان كەيىن، تەكسەرىپ - وتكىزىپ الۋ تولىمدىلىق ۇقىترۋىن تاراتىپ، قورتىندىلاۋ كەرەك. اۋدان، قالالاردىڭ جايىلىم ۇقىعىن ايقىنداپ كوتەرەگە بەرۋ قىزمەتى اياقتالعاننان كەيىن، اۆتونوميالى وبلىستق جايىلىم ۇقىعىن ايقىنداپ، كوتەرەگە بەرۋ قىزمەتىنە باسشىلىق ەتۋ گرۋپپاسى كەڭسەسىنە (وبلىستىق مال شارۋاشىلىق - مال دارىگەرلىك مەكەمەسىنە) قايتا تەكسەرۋدى ءوتىنىش ەتۋ كەرەك.

 ءتورتىنشى، جايىلىم ۇقىعىن ايقىنداپ كوتەرەگە بەرۋ قىزمەتىندەگى قاتىستى ماسەلەلەردى ۇيلەسىمدى ءبىر جايلى ەتۋ

1. جايىلىمنان پايدالانۋ كۋالىگى مەن ارحيۆ ءبىر- بىرىنە تۋرا كەلمەۋ ماسەلەسى جونىندە. جايىلىمنان پايدالانۋ كۋالىگىندەگى تىزىمدەلگەن كولەم مەن شەكارا سىزىعى اۋەلگى ارحيۆپەن ايىرماشىلىق بولسا، اۋداندىق جايلىم باقىلاۋ بولىمشەسىندەگى ارحيۆتى، اۋداندىق ادىليا مەكەمەسىندەگى ارحيۆتى جانە سول كەزدەگى ايىرىلعان جايىلىمنىڭ جازىقتىق حاريتاسىن ولشەم ەتۋ كەرەك. جايىلىمنەن پايدالانۋ كۋالىگى مەن جايىلىمدى كوتەرەگە بەرۋ توقتامى ءبىر- بىرىنە تۋرا كەلمەسە، جايىلىمنەن پايدالانۋ كۋالىگىن ولشەم ەتۋ كەرەك.

2. جايىلىمنان پايدالانۋ ماسەلەسى جونىندە. جەر اشۋ، مەملەكەت قۇرىلىسىنا پايدالانىلۋ سياقتى سەبەپتەردەن، مالشىلاردىڭ ىسجۇزىندىك پايدالانىلعان جايىلىم كولەمىنىڭ  كەمەيۋىن كەلتىرىپ شىعارعان بولسا، ونىڭ ۇستىنە  جايىلىم كولەمى كەمەيگەن سوڭ زاڭدى راسىمياتتار وتەگەن بولسا، ولشەم بويىنشا مالشىلارعا تولەم بەرۋ كەرەك، جايىلىمدى كوتەرەگە بەرىپ شارۋاشىلىق جٷرگىزۋ ۇقىعى كۋالىگىن  جاڭالاعاندا قازىرگى ىسجۇزىندىك پايدالانىلعان جايىلىم كولەمىن تولتىرىپ جازۋ كەرەك. 

3. قايتالاي كۋالىك تاراتۋ ماسەلەسى جونىندە. ءتۇرلى سەبەپتەردەن مالشىلارعا كوتەرەگە بەرگەن جايىلىمدى، كوتەرەگە العان مالشىلاردىڭ ماقۇلداۋىنسىز، ءوز بىلگەنىنشە مال شارۋاشىلىعىمەن شۇعىلدانبايتىن وتباسىلارىنا تەڭشەپ بەرىپ، سونداي-اق زاڭعا قايشى جايىلىمنان پايدالانۋ كۋالىگىن نەمەسە كوتەرەگە بەرۋ توقتامىن تاراتسا، جايىلىم ۇقىعىن ايقىنداپ كوتەرەگە بەرۋ ۇقىعىن جۇيەلىلەندىرۋدە، قايتالاي كۋالىك تاراتۋ ماسەلەسىن ءسوزسىز قاتاڭ اداقتاپ جانە تۇبەگەيلى تۇزەتۋ كەرەك. 

4. قايتالاي تەكسەرىلگەن سوڭ كولەمدە اعاتتىق تۋىلۋ ماسەلەسى جونىندە. پرينسىپ جاقتان قايتادان تەڭشەۋگە بولمايدى، مالشىلاردىڭ وتىرىقتاسقان جايىلىمى تەڭشەلگەنىمەن، ءبىراق تىزىمگە الدىرماعان بولسا، ۇقىق قاراستىلىعى بويىنشا جايىلمنان پايدالانۋشىنىڭ ءتورت جاقتاعى شەكارا سىزىعى بەلگىسى مەن كولەمىن قايتادان بەلگىلەپ، جايىلىمدى كوتەرەگە بەرىپ، توقتامىنا قول قويدىرىپ، جايىلىمدى كوتەرەگە بەرىپ شارۋاشىلىق جۇرگىزۋ ۇقىعى كۋالىگىن جاڭالاۋ كەرەك.

 5. وتباسىلارىنا بىرلەستىرىپ جايىلىمدى كوتەرەگە بەرۋ ماسەلەسى جونىندە. بۇرىنعى گرۋپپانى (بىرلەسىپ كوتەرەگە العان وتباسىلاردى) بىرلىك ەتىپ، جايىلىمدى كوتەرەگە بەرۋدە، وتباسىلارىنا ونان ارى كوتەرەگە بەرىپ، ءتورت جاقتاعى شەكارانى بەلگىنى جانە كولەمىن قايتادان ايىرۋ كەرەك. قازىرشە وتباسىلارىنا كوتەرەگە بەرۋ امالسىز بولعانداردىڭ،  جالعاستى وتباسىلارىنا بىرلەستىرىپ كوتەرەگە بەرىپ شارۋاشىلىق جۇرگىزۋىنە بولادى.

6. مالشىلاردىڭ جاڭادان ءبولىنىپ شىققان وتاۋ وتباسىلارىنىڭ جايىلمدى كوتەرەگە الۋدى تالاپ ەتۋ ماسەلەسى جونىندە. جان سانى كوبەيگەنمەن جەرىن كوبەيتپەۋ، جان سانى كەمەيگەنمەن جەرىن كەمەيتپەۋ پرينسىبى بويىنشا، بۇرىنعى جايىلىم ۇقىعىن ايقىنداپ، كوتەرەگە بەرۋ جۇلگەسى وزگەرتىلمەيدى، كولەمى تەڭشەلمەيدى، جاڭادان ءبولىنىپ شىققان مالشى وتباسىلارى بۇرىنعى وتباسىلارىنىڭ كوتەرەگە العان جايىلىمىنان جالعاستى پايدالانسا، جايىلىمنان پايدالانۋ كۋالىگى تاراتىلىپ بەرىلمەيدى. ماسەلەن جاڭادان ءبولىنىپ شىققان مالشى وتباسىلارى جاڭادان اشىلىپ قۇرىلىس سالىنعان مالشىلاردىڭ وتىرىقتى رايونىنان جەم- شوپتىك جەرىنە، جايىلىمدى كوتەرەگە الۋ توقتامىنا قول قويۋىنا جەر العان بولسا، جايىلىمدى كوتەرەگە الىپ،شارۋاشىلىق جۇرگىزۋ ۇقىعى كۋالىگىن تاراتىپ بەرۋگە بولادى. 

7. ەگىنشىلىك رايوندارىنداعى كوللەكتيۆ پايدالاناتىن جايىلىمدى كوتەرەگە بەرۋ ماسەلەسى جونىندە. ەگىنشىلىك رايوندارىنداعى بۇرىنعى كوللەكتيۆ پايدالانعان جايىلىم، كولەمى شاعىن، كولەكتيۆ موشەلەرى كوپ بولعاندىقتان، ۇقىقتى ايقىنداۋدى كوللەكتيۆ ۇيىمىنا بەرۋىپ وتباسىلارىنا بىرلەستىرىپ كوتەرەگە بەرىپ، شارۋاشىلىق جٷرگىزۋدى جولعا قويۋعا بولادى.

8. مەملەكەت مەنشىگىندەگى مال فەرمالارىنداعى جايىلىمدى كوتەرەگە بەرۋ ماسەلەسى جونىندە. مەملەكەت مەنشىگىندەگى مال فەرمالارى ىسجۇزىندىك جاعدايعا نەگىزدەلىپ، جايىلىم ۇقىعىن ايقىنداپ كوتەرەگە بەرۋدىڭ جوباسىن جاساپ، ونى جۇمىسشىلار ۋاكىلدەر جيىنىندا داۋىس بەرىپ بەلگىلەۋ كەرەك.

9. رايون اتتاپ جايىلىمدى كوتەرەگە بەرۋ ماسەلەسى جونىندە.  رايون اتتاعان جايىلىمدا مال باعۋدا، رايون اتتاعان جايلىمنىڭ پايدالانۋ ۇقىعىن العان ورىندار نەمەسە كوللەكتيۆ ەكونوميكالىق ۇيىمدار جايىلىمدى ءوز ورنىنداعى نەمەسە كوللەكتيۆ ەكونوميكالىق ۇيىمنىڭ ىشىندەگى مالشىلارعا كوتەرەگە بەرۋدە، وتباسىلارىنا ءبولىپ، كوتەرەگە بەرىپ، شارۋاشىلىق جٷرگىزۋ نەمەسە وتباسىلارىمەن بىرلەستىرىپ، كوتەرەگە بەرىپ شارۋاشىلىق جٷرگىزۋدى جولعا قويۋ كەرەك.

10. جايىلىمنان پايدالانۋ ۇقىعىنان ۋاز كەشۋ ماسەلەسى جونىندە. جايىلىمنان پايدالانۋ كۋالىگى مەن كوتەرەگە الۋ توقتامىن العان مالشىلار جونىندە، ءتۇرلى سەبەپتەردەن وزدىگىنەن جايىلىمنان پايدالانۋ ۇقىعى مەن كوتەرەگە بەرىپ شارۋاشىلىق جۇرگىزۋ ۇقىعىنان ۋاز كەشسە، زاڭ بويىنشا جايىلىمنان پايدالانۋ كۋالىگى مەن كوتەرەگە بەرۋ توقتامى قايتارىپ الۋ كەرەك.

11. جاساندى جولمەن ەگىلگەن جەم - شوپتىك جەردى كوتەرەگە بەرۋ ماسەلەسى جونىندە. مالشىلار وتىرىقتانعان كەزدەگى مالشىلارعا ءبولىپ بەرگەن جەم - شوپتىك جەردى سونداي- اق مەملەكەتتىڭ نىسانىنا قارجى قوسقان قۇرىلىسىنا پايدانىلعان جاساندى جولمەن ەگىلگەن جەم - شوپتىك جەردى تۇگەلدەي ۇقىعىن ايقىنداپ، كوتەرەگە بەرۋ كولەمىنە ەنگىزۋ كەرەك. جالپى بەتتىك تەكسەرۋ نەگىزىندە، جاساندى جولمەن ەگىلگەن جەم - شوپتىك جەردىڭ كوتەرەگە بەرۋ مازمۇنىن جايىلىمدى كوتەرەگە بەرۋىپ شارۋاشىلىق جٷرگىزۋ ۇقىعى كۋالىگىنە جانە جايىلىمدى كوتەرەگە بەرۋ توقتامىنا  جازۋ كەرەك. ءار قانداي ورىندار مەن جەكەلەردىڭ ءوز بىلگەنىنشە جاساندى جولمەن ەگىلگەن جەم - شوپتىك جەردىڭ پايدالانۋ جولدارىن وزگەرتۋىنە بولمايدى.

 12. كوش جولى مەن سۋات ماسەلەسى جونىندە. وتباسىلارىنا بىرلەستىرىپ جايىلىمدى وتباسىلارىنا كوتەرەگە بەرگەن كەزىندە، سۋات جانە كوش جٶلى ىسجۇزىندىك احۋالداردى تولىق ويلاستىرىپ، ءبىر ءبولىم جايىلىمدى ساقتاپ ونى شىعار جول ەتۋ كەرەك. جايىلىمداعى مال شارۋاشىلىق الەۋمەتتىك قۇرىلعىلار جونىندە، ماسەلەن، كوش جولى، كوپىر، مال سۋاتى، ۋاننا، ۇرىقتاندىرۋ پۋنكىتى سياقتىلاردى تەز ارادا اداقتاپ، سونداي-اق ونىڭ كوللەكتيۆ پايدالانۋ ۇقىعى كۋالىگىن قالپىنا كەلتىرۋ كەرەك.   

13. جايىلىم داۋ- شار ماسەلەسى جونىندە. «جۇڭحۋا حالىق رەسپۋبليكاسىنىڭ جايىلىم زاڭىنىڭ» قاتىستى بەلگىلەمەلەرى بويىنشا، ءار دارەجەلى ۇكىمەتتەر الدىمەن وڭايىن، ونان سوڭ قينىن ىستەۋ پرينسىبىنە ساي، ءتۇرلى جايىلىم داۋ- شارلارى ماسەلەسىن ءبىر ءجايلى ەتىپ، ءبىر- بىرلەپ جاراستىرىپ، ۇقىعىن ايقىنداپ، تىزىمدەپ، كۋالىك تاراتىپ، مال شارۋاشىلىق رايوندارىنىڭ قوعامىنىڭ جاراسىمدىلىعى مەن ورنىقتىلىعىن شىنايى قورعاۋعا كەپىلدىك ەتۋ كەرەك.

 14. جايىلىمى بولعانىمەن جايىلىمنان پايدالانۋ كۋالىگى بولماعان مالشىلاردىڭ جايىلىم ۇقىعىن ايقىنداپ كوتەرەگە بەرۋ ماسەلەسى جونىندە. ۇزاق ۋاقىتقا دەيىن اۋىل - قىستاقتاردا قونىستانىپ، ءبىراق جايىلىمى بولعانمەن  جايىلىمنان پايدالانۋ كۋالىگى بولماعان مالشىلارعا قاراتا ونىڭ جايىلىمدى كوتەرەگە الۋ ۇقىعىن مالشى وتباسىلارىنا تياناقتاندىرىپ، جايىلىمدى كوتەرەگە بەرىپ شارۋاشىلىق جٷرگىزۋ ۇقىعى كۋالىگىىن تاراتىپ بەرۋ جانە كوتەرەگە الۋ توقتامىنا قول قويدىرۋ كەرەك.

15. جاۋاپكەرلىكتى قۋزاستىرۋ ماسەلەسى جونىندە. جايىلىم ۇقىعىن ايقىنداپ كوتەرەگە بەرۋ قىزمەتىن ىلگەرىلەتۋدە  ءار دارەجەلى ءتارتىپ - تەكسەرۋ، باقىلاۋ- تەكسەرۋ تاراۋلارى قىزمەتكە بەلسەنە ارالاسۋى كەرەك. ماسەلەن، كوز بوياۋشىلىق ىستەۋ، ارالىقتان پايدا الۋ، قىزمەت قولايلىعىنان پايدالانىپ، جالعان جايىلىمنان پايدالانۋ كۋلىگىن جانە كوتەرەگە بەرۋ توقتامىن جاساعان نەمەسە ءوز بىلگەنىنشە جايىلىمنان پايدالانۋ كۋالىگىن، كوتەرەگە بەرۋ توقتام ارحيۆتەرىن وزگەرتۋ جايىتتەرى بايقالسا، قاتىستى ادامنىڭ جاۋاپكەرلىگىن قۋزاستىرۋ كەرەك. سيپاتى اۋىر بولىپ، ناشار ىقپال قالدىرعانداردىڭ زاڭدىق جاۋاپكەرلىگىن زاڭ بويىنشا قۋزاستىرۋ كەرەك.

بەسىنشى، قامتاماسىزداندىرۋ شارالارى

1. باسشىلىقتى كۇشەيتۋ. جايىلىم ۇقىعىن ايقىنداپ كوتەرەگە بەرۋ قىزمەتىنىڭ ساياساتتىق سيپاتى كۇشتى. شارپيتىن كولەمى كەڭ، احۋالى كۇردەلى، ۋاقىت شۇعىل، مىندەتى اۋىر. سوندىقتان، ءار دارەجەلى ۇكىمەتتەر بۇل قىزمەتكە ايىرىقشا ءمان بەرىپ، ۇيىمدىق قۇرىلىمدى قۇرىپ جانە كەمەلدەندىرىپ، جاۋاپكەرلىك جۇمىس ءبولىسىن ايقىنداۋ كەرەك. جايىلىم ۇقىعىن ايقىنداپ كوتەرەگە بەرۋ قىزمەتىنىڭ جالپى تالابى بويىنشا، اۋداندىق، قالالىق حالىق ۇكىمەتتەرى جايىلىم ۇقىعىن ايقىنداپ، كوتەرەگە بەرۋ قىزمەتىنىڭ نەگىزگى تۇلعاسى. ءارقايسى اۋدان، قالالار باسشىلقتى شىنايى كۇشەيتىپ، جايىلىم ۇقىعىن ايقىنداپ كوتەرەگە بەرۋ قىزمەتىن ماڭىزدى كەڭەس كۇن تارتىبىنە ەنگىزىپ، نەگىزگى باسشىلار شىنايى يگەرىپ، جاۋاپتى باسشىلار ناقتىلى ۇستاۋ كەرەك، مال شارۋاشىلىق تاراۋلارى باستاماشى بولىپ تەحنيكا، كاسىپتىك جاقتان جەتەكشىلىك ەتۋگە جانە تەكسەرىپ باقىلاۋ قىزمەتىنە جاۋاپتى بولۋ كەرەك؛ قازىنا تاراۋلارى قىزمەت قاراجاتىن سايكەسىپ شەشىم ەتۋ كەرەك. حالىق ىستەرى، مەملەكەت جەر بايلىعىن باسقارۋ، ورمانشىلىق تاراۋلارى شەكارا سىزىعىنا قاتىستى ماسەلەلەردى سايكەسىپ شەشىم ەتۋ كەرەك. دامۋ- رەفورما، سۋ يگىلىگى، اۋىل شارۋاشىلىق، ورتانى قورعاۋ، تۇرىن ءۇي قۇرلىسى سياقتى تاراۋلار قاتىستى ماسەلەلەردى سايكەسىپ شەشىم ەتۋ كەرەك. قاتىستى تاراۋلار كۇش سالا سەلبەسىپ، تىعىز سايكەسىپ، قىزمەتتى ىلگەرىلەتۋدىڭ قۇدىرەتتى بىرىكپە كۇشىن قالىپتاستىرىپ، وبلىسقا توتە قاراستى ورىنداردىڭ جايىلىم ۇقىعىن ايقىنداپ كوتەرەگە بەرۋ قىزمەتىن بىرلىكتە ورىنداۋ كەرەك.

2. قىزمەت قاراجاتىن تياناقتاندىرۋ. ءارقايسى اۋدان، قالالار مەملەكەتتىك كەڭەستىڭ تاراتقان [2011] 17- ءنومىرلى جانە ش، ۇ، ا، ر حالىق ۇكىمەتى كەڭسە مەڭگەرمەسىنىڭ تاراتقان [2012] 158- ءنومىرلى قۇجاتتارىنىڭ رۋحى بويىنشا، جايىلىم ۇقىعىن ايقىنداپ، كوتەرەگە بەرۋ قىزمەتىنىڭ قاراجاتىن بەلسەنە ازىرلەپ، قىزمەت قاراجاتىنىڭ تياناقتانۋىنا كەپىلدىك ەتۋ كەرەك، قىزمەت قاراجاتىنىڭ جەتىسپەۋ سەبەبىنەن قىزمەتتىڭ اياق الىسىنا نۇقسان جەتكىزۋگە بولمايدى.

3. ۇگىت تاربيەنى كۇشەيتۋ. جايىلىم ۇقىعىن ايقىنداپ كوتەرەگە بەرۋ قىزمەتىن ۇگىتتەۋ جانە ول جونىندە تاربيە جٷرگىزۋ قيمىلىن ونان ارى كۇشەيتىپ، بۇقارانى اتتانىسقا كەلتىرۋ، ۇيىمداستىرۋ جانە سايكەستىرۋ سياقتى قىزمەتتەردى شىنايى ويداعىداي يگەرۋ كەرەك. ۇگىت تاربيە جٷرگىزۋ ارقىلى، ەگىنشى، مالشىلاردىڭ مەملەكەتتىڭ اتقارعان جايىلىم ۇقىعىن ايقىنداپ كوتەرەگە بەرۋ قىزمەتىنىڭ باعىت، ساياساتتارىن دەر كەزىندە تۇسىنۋىنە مۇمكىندىك جاراتىپ، جايىلىم ۇقىعىن ايقىنداپ كوتەرەگە بەرۋ قىزمەتىن تۇتاس قوعامنىڭ كوڭىل بولۋىنە جانە قولداۋىنا يە ەتۋگە كەپىلدىك ەتۋ كەرەك. سونىمەن بىرگە كاسىپتىك قىزمەتكەرلەردى جانە جايىلىم باقىلاۋ قىزمەتكەرلەرىن اجىراتىپ، ولاردى مەرزىمدى تۇردە تەحنيكالىق جاقتان تاربيەلەۋ كەرەك، جايىلىم ۇقىعىن ايقىنداپ كوتەرەگە بەرۋ قىزمەتىنىڭ قاجەتىنە ساي، الىستان مەڭگەرىلەتىن كەسكىن سۋرەت قولدانبالارى، كومپۋيتەردە سۋرەت سىزۋ جۇمساق بولشەكتەرى، SPG ورنىن تۇراقتاندىرۋ اسپابىنىڭ قولدانىلۋ ءادىسى، قولدانىلمالى جەر بەدەرى كاريتاسى سياقتى بىلىمدەرى مەن تەحيكالىق ونەرى جونىندە ءتۇيىندى تاربيەلەپ، كاسىپتىك قىزمەتكەرلەردىڭ جالپىلىق ساپاسى مەن كاسىپتىك قابىليەتىن اناعۇرلىم جوعارىلاتۋ كەرەك.

4. باقىلاۋدى تياناقتاندىرۋدى كۇشەيتۋ. اۆتونوميالى وبلىستىق جايىلىم ۇقىعىن ايقىنداپ كوتەرەگە بەرۋ قىزمەتىنە باسشىلىق ەتۋ گرۋپپاسى كەڭسەسى (اۆتونوميالى وبلىستىق مال شارۋاشىلىق - مال دارىگەرلىك مەكەمەسى) قىزمەتتىڭ اياق الىسى احۋالى جونىندە مەرزىمسىز تۇردە باقىلاۋ - تەكسەرۋ جۇرگىزىپ، جايىلىم ۇقىعىن ايقىنداپ كوتەرەگە بەرۋ قىزمەتىنىڭ ساپاسى مەن اياق الىسىنا كەپىلدىك ەتۋ كەرەك. اۋداندىق، قالالىق جايىلىم ۇقىعىن ايقىنداپ كوتەرەگە بەرۋ باسشىلق ەتۋ گرۋپپاسى ءوز اۋدان، قالالارىنىڭ جوباسى بويىنشا قىزمەتكەرلەردىڭ بەلسەندىلىگى مەن ىرىقتىلىعىن جۇمىلدىرىپ، قىزمەت جاۋاپكەرلىگىن شىنايى ويداعىداي وتەپ، قىزمەت مىندەتىنىڭ ۋاعىندا ورىندالۋىنا كەپىلدىك ەتۋ كەرەك.

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ