<%@LANGUAGE="JAVASCRIPT" CODEPAGE="65001"%>
中文 哈文

باس بەت>>اتامۇرا- اسىل قازىنا>>مادەنيەت

قازاق ءتىلى تۋرالى دەرەكتەر

الەمدەگى بارلىق ءتىلدىڭ جالپى سانىن انىقتاۋ مۇمكىن ەمەس، سول سەبەپتى تىلدەردىڭ جالپى سانى جونىندە مالىمەتتەر ءارتۇرلى بولىپ كەزدەسەدى. ءبىر دەرەكتەردە تىلدەردىڭ سانى 10 مىڭعا جاقىندىعى تۋرالى ايتسا، ءبىرى-7000، ال تاعى بىرەۋلەر-6500 ءتىل بار دەپ ايتادى. ال الەمدە سويلەۋشىلەر سانى 100 مىڭنان اساتىن نەبارى 100گە تارتا ءتىل عانا بار ەكەن. ال سويلەۋشىلەر سانى 10 ميلليوننان اساتىن تىلدەردىڭ سانى 40. قۋانىشقا وراي، ءدال وسى 40 ءتىلدىڭ قۇرامىنا قازاق ءتىلى دە ەنەدى ەكەن، ال بۇنىڭ الدىندا قازاق ءتىلى 71 ءىرى ءتىلدىڭ قاتارىنا ەنگەن بولاتىن.

سونىمەن قازاق ءتىلى تۋرالى ازداعان دەرەكتەرگە توقتالساق:

قازاق ءتىلى-قازاقستان رەسپۋبليكاسىنىڭ مەملەكەتتىك ءتىلى. قازاقستان رەسپۋبليكاسى-قازاق ءتىلىن مەملەكەتتىك ءتىل رەتىندە قابىلداعان بىردەن-ءبىر مەملەكەت. الەمدە 95 ءتىل مەملەكەتتىك ءتىل بولىپ تابىلادى. ال 56 مەملەكەت اعىلشىن ءتىلىن مەملەكەتتىك ءتىل رەتىندە تانىعان، ال فرانسۋز ءتىلى-30.

بۇگىنگى تاڭدا قازاق ءتىلى-16 ميلليون 197 مىڭ سويلەۋشىسى بار ءتىل. قازاق ءتىلى بۇل جاعىنان الەمدەگى ءىرى 40 ءتىلدىڭ قاتارىنا ەنەدى. قازاق ءتىلى سويلەۋشىسى كوپ ەڭ ءىرى بەس ءتىلدىڭ قاتارىنا كىرىپ وتىر.

قازاق تىلىندە 16 ميلليون ادام سويلەيدى، ونىڭ ءبىر ميلليون 800 مىڭى وزگە ۇلت وكىلدەرى: تۇرىك، وزبەك، قاراقالپاق، ءازىربايجان، قىرعىز، تاتار، ورىس، ۇيعىر.

قازاق ءتىلى-تۇركى تىلدەرى ىشىندەگى سوزدىك قورى ەڭ ۇلكەن ءتىل عانا ەمەس، سونىمەن قاتار الەمدەگى ەڭ تازا تىلدەردىڭ ءبىرى. سوزدىك قورىنىڭ ٪60 ىن تۇركىلىك ءتۇبىرلى سوزدەر قۇرايدى. ال ورىس ءتىلىنىڭ % 45 ى عانا سلاۆياندىق نەگىزدى قۇرايدى.

قازاق ءتىلى-تۇركى تىلدەرىنىڭ ىشىندە تارالۋى جاعىنان ءۇشىنشى ءتىل: تۇرىك ءتىلى، وزبەك ءتىلى جانە قازاق ءتىلى.

قازاق ءتىلى كوپتەگەن ماماننىڭ پىكىرىنشە ديالەكتىسى جوق تىلدەردىڭ ءبىرى سانالادى. ال مۇنىڭ الدىندا ديالەكتى دەپ ايتىپ جۇرگەن قۇبىلىس گوۆورعا نەمەسە سويلەنىسكە جاقىن ءۇردىس قانا كورىنەدى.

قازاق ءتىلى يۋنەسكو-نىڭ Index Translationum ستاتيستيكاسى شىعارعان رەيتينگ جەلىسىندە توپ-50 اۋدارۋشى ءتىل قاتارىنا ەنگەن (2012 جىلعى ستاتيستيكا). ول بويىنشا قازاق ءتىلى الەم ادەبيەتتەرىن اۋدارۋشى 46 ءتىلدىڭ ءبىرى بولعان. الەمدىك شىعارمالاردىڭ باسىم كوپشىلىگى نەمىس، فرانسۋز، يسپان، اعىلشىن، جاپون تىلدەرىنە اۋدارىلادى، ال ورىس ءتىلى 7-ورىنعا جايعاسقان.

قازاق تىلىندەگى ۆيكيپەديا ۆيكي-تىلدەردىڭ ىشىندە ماقالا كولەمى بويىنشا 32-ورىنعا جايعاسقان. 2012 - جىلى بۇل كورسەتكىش 25-ورىندى كورسەتكەن بولاتىن.

قازاق ءتىلى-500 ميلليون قولدانۋشىسى بار Google Translate اۆتوماتتى اۋدارما قىزمەتىنە قوسىلعان 90-ءتىل.

قازاق ءتىلى-ينتەرنەت كەڭىستىگى كونتەنت كولەمى بويىنشا 57 - ورىندا تۇرعان ءتىل. قازاق تىلىندەگى كونتەنت مولشەرى 0، ٪300 تى قۇراعان. ال ءبىرىنشى ورىندا، ارينە، اعىلشىن ءتىلى، ونىڭ كولەمى ينتەرنەت كەڭىستىگىندەگى اقپاراتتىڭ ٪55 ىن قۇرايدى.

كەلۋ قاينارى: ماسساگەت سايىتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ