<%@LANGUAGE="JAVASCRIPT" CODEPAGE="65001"%>
中文 哈文

باس بەت>> الۋان ارنا>>جاڭالىقتار

وتباسى قيىنشىلىعى بار وقۋشىلاردىڭ قامقورى - ورازقان

قانات جۇماش ۇلى

    بيىل 80 جاسقا شىققان ورازقان باقشار ۇلى كەزىندە شاعانتوعاي اۋداندىق زات باعاسى مەكەمەسىنىڭ پارتيا ياچەيكا سەكراتارى،ورىنباسار مەكەمە باستىعى سىندى مىندەتتەر اتقارىپ، پەنسياعا شىققان قادىرمەندى قارتتارىمىزدىڭ ءبىرى.

    وكەڭ پەنسياعا شىققان سوڭ جاس ۇرپاقتارعا قامقورلىق جاساۋ قىزمەت كوميتەتىنە مۇشە بولادى.مەكتەپ،الەۋمەتتىك اۋماق،اۋىل،فەرما،قالاشىقتارداعى جاس ۇرپاقتارعا كوڭىل ءبولۋ قىزمەتىنەن جاعداي ۇعىسۋ قيمىلدارىنا قاتىناسادى.وتباسى كەدەي بالالاردىڭ وقۋدا قيىنشىلىققا ۇشىراعانىن،كەيبىر بالالاردىڭ داشۋەگە وتسە دە وتباسى قيىنشىلىعىنان جوعارىلاپ وقي الماعانىن كورگەن ورازقان اقساقال وتباسىندا ەرەكشە قيىنشىلىعى بار بالالارعا كومەكتەسۋ نيەتىنە كەلەدى.وسى بالالارعا كومەكتەسۋ ءۇشىن ورازقان اقساقال «وتباسىلىق مەيىر باعىشتاۋ قورىن»قۇرۋ بەكىمىنە كەلەدى.ورازقان قارت دەرەۋ وتباسىلىق جيىن اشىپ،ءوز ويىن ۇيىندەگىلەرگە ايتادى.جولداسى مەن بالالارى قارتتىڭ ويىن بارىنشا قولدايدى.2007-جىلى شىلدەدە ورازقان قارتتىڭ «وتباسىلىق مەيىر باعىشتاۋ قورى»رەسمي قۇرىلادى.

«وتباسىلىق مەيىر باعىشتاۋ قورى»مىناداي بەلگىلەمە شىعارادى:وتباسى مۇشەلەرىنىڭ ءارقايسىسى ايىنا 5يۋان اقشا قوسىپ قور قاراجاتىن تولىقتايدى.ورازقان قارتتىڭ 6بالاسى بار.قازىر وتباسى مۇشەلەرى 13ادامعا كوبەيدى.وتباسى مۇشەلەرىنىڭ تاپسىراتىن قور سوماسى باستابىنداعى ءار ادام 5يۋاننان 20يۋانعا كوبەيدى.ءار جىلدىڭ سوڭىندا ورازقان قارت مەيىر باعىشتاۋ قور سوماسىن تىزىمدەگەن ەسەبات كىتابىن الىپ شىعىپ،وتباسى مۇشەلەرىنە قور سوماسىنىڭ پايدالانۋ جاعدايىنان دوكلاد جاسايدى.

    سودان باستاپ ورازقان قارت قايسى بالا قاراجاتتان تارىعىپ وقي الماعانىن ەستىسە وتباسىلىق مەيىر باعىشتاۋ قورىنان قارجى شىعارىپ،وتباسى قيىنشىلىعى بار وقۋشىلارعا كومەكتەسەتىن بولدى.اۋداندىق 3-باستاۋىش مەكتەپ 3-جىلدىق 4-كلاستاعى ەستاي،4-جىلدىق 4-كلاستاعى ۋ يفەي ەكەۋىنە 300يۋاننان وقۋ قاراجاتىن تاپسىرادى.قاناتتىڭ 200يۋان وقۋ قاراجاتىنا جاردەمدەسەدى.2007-جىلدان باستاپ ورازقان قارتتىڭ«وتباسىلىق مەيىر باعىشتاۋ قورى»حانزۋ جانە قازاق بالالاردان وقۋ قاراجاتىن تاپسىرا الماي قينالعان 13 وقۋشىعا جىلۋ اتايدى.

 ورازقان قارتتىڭ مەيىرىنە بولەنگەندەر تەك وسى 13وقۋشى عانا ەمەس ەدى.ۋىنچۋان جەر سىلكىنىسىنە 200 يۋان اتاۋدىڭ سىرتىندا «ەرەكشە پارتيا جارناسى» رەتىندە مىڭ يۋان تاپسىرادى.باسباي مۇراجايىن سالۋعا 500يۋان اتايدى.اق قان اۋرۋىنا شالدىققان ستۋدەنت ماينۇرعا 500يۋان اتايدى...ورازقان باقشار ۇلىنىڭ «وتباسىلىق مەيىر باعىشتاۋ قورى»قۇرىلعاننان قازىرگە دەيىن 10مىڭ يۋاننىڭ ۇستىندە مەيىر باعىشتاۋ قاراجاتىن اتادى.ورازقان قارتتىڭ كومەگىنە يە بولعان ۋ يفەي قازىر كلاسىندا وزگەلەرگە كومەكتەسۋدىڭ ۇلگىسى.ساباقتاستارىنا كومەكتەسىپ كەزەكشىلىك وتەيدى.ءار كۇنى جارتى ساعات ەرتە كەلىپ كلاس تازالايدى. ۋ يفەي بىلاي دەيدى:ورازقان اتا كوپ ادامدارعا مەيىر باعىشتادى.ول كىسى مەنىڭ ۇيرەنۋ ۇلگىم سانالادى.ەسەيگەندە قوعامعا ۇلەس قوسىپ،باسقالارعا كومەكتەسەتىن بولامىن.

    كەمباعال ديقان ليۋ يۇيفاڭنىڭ كۇيەۋى جۇمىستا جارالانىپ توسەك تارتىپ قالعانىنا ۇزاق بولعان. ليۋ يۇيفاڭ ءۇش بالانى جالعىز ءوزى باعىپ-قاعادى. وتباسى قيىنشىلىعى وتە اۋىر بولاتىن.ورازقان قارت ونىڭ جاعدايىن بىلگەن سوڭ وتباسى مۇشەلەرىن اتتانىسقا كەلتىرىپ،13ادامنىڭ اربىرىنەن 200يۋاننان، جالپى 3مىڭ 600يۋان اقشا جيادى.ۇلكەن ۇلى اۆتوكولىكپەن ورازقان قارت پەن جۇبايىن الىپ ليۋ يۇيفاڭنىڭ ۇيىنە كەلەدى.ورازقان قارت اقشانى ءوز قولىمەن ليۋ يۇيفاڭعا تابىستاعاندا،تەبىرەنگەنىنەن جىلاپ جىبەرگەن ليۋ يۇيفاڭعا ورازقان قارت:سەميا ءۇشىن جاپا شەكتىڭ.كەرەمەت ەكەنسىڭ،-دەيدى.قارتتىڭ جىلى ءسوزى جانىن سەرپىلتكەن ليۋ يۇيفاڭ ومىرگە ۇمىتپەن قارايدى.

    شاعانتوعاي اۋدانى بويىنشا اۋداندىق 2-ورتا مەكتەپتىڭ وقۋشىسى،شۇعىل حاراكتەرلى ليمفا كلەتكاسى اق قان اۋرۋىنا شالدىققان قىز بالا ليۋ شياڭرۋعا جابىلا جىلۋ اتاعاندا،ورازقان قارت اۋداندىق پارتكوم قارت كادرلار مەكەمەسىنە جۇگىرە جەتىپ ناقتى احۋالدى ۇعىسادى.ول كىسى 2-ورتا مەكتەپتە وقيتىن قىز وقۋشىعا كومەكتەسكىسى كەلەتىنىن،تەلەۆيزورداعى شاعانتوعاي حابارىندا كوپ ادامداردىڭ ناۋقاس قىز بالاعا جىلۋ اتاعانىن،جاقىنعى مەزگىلدە وتباسىلىق مەيىر باعىشتاۋ قورىنا جينالعان 2مىڭ يۋاندى جىلۋعا اتايتىنىن ايتادى.قارت كادرلار مەكەمەسىندەگى قىزمەتكەر قارتتىڭ وتىنىشىنە ماقۇلدىق بىلدىرگەندە ورازقان قارت جاس بالاشا قۋانادى.

 ءار كۇنى قولى بوساي قالعان ساتتەردە ورازقان باقشار ۇلى مەيىر باعىشتاۋ قورى تىزىمگە الىنعان ەسەپ داپتەرىن اشىپ كورەدى.وتباسى قيىنشىلىعى اۋىر بالالاردىڭ جاڭا،جىلى كيىمدەر كيىپ،وقۋعا الاڭسىز بارعانىن،ناۋقاس بالالاردىڭ ۋاعىندا شيپاحانادا ەمدەلگەنىن ويلاعاندا قارتتىڭ جۇزىنەن قۋانىش لەبى ەسەدى.

    ورازقان قارت بىلاي دەيدى:ءبىزدىڭ وتباسىلىق مەيىر باعىشتاۋ قورى قيمىلىمىز توقتاپ قالمايدى. مەن بولماعان كۇندەدە بالالارىم جالعاستىرادى.وتباسى، قوعام ادامداردىڭ ماحاببات مەيىرىنە بولەنگەندە عانا ادامدار ىنتىماقتى بولادى.ورازقان قارتتىڭ ەكىنشى قىزى سايراگۇل:اكەمىز ادەتتە بىزگە باسقالارعا كومەكتەسۋدى،قوعامعا جارامدى ادام بولۋدى ايتادى.اكەمىز بىزگە وتباسىلىق مەيىر باعىشتاۋ قورىن قۇرۋدى ايتقاندا ءبىز ەرەكشە اسەرلەندىك.اكەمىزدىڭ ىستەگەن ىسىنەن ۇلاعات قابىلدادىق.ءبىز اكەمىزدىڭ ويىن قۇپتايمىز.كۇيىمىزدىڭ كەلىسىنشە باسقالارعا قول ۇشىن سوزامىز.مەيىر باعىشتايمىز،- دەيدى.

    ءيلايىم، وسىنداي ماحاببات پەن مەيىرگە تولى جۇرەكتەر كوبەيسىن!

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ