<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>اتامۇرا- اسىل قازىنا>>تاريحي تۇلعالار

ابايدىڭ دۇنيەگە كەلگەنىنىڭ170جىلدىعىنا ارنالعان قيمىل جانە«سىزگە بەيتانىس قازاقستان»فوتو كورمەسى بەيجيڭدە وتكىزىلدى

 

 

بيىل ۇلى ابايدىڭ تۋىلعانىنا170جىل تولادى.وسى بايلانىسپەن قازاقستاننىڭ جۇڭگوداعى باس ەلشىلىگى مەن بەيجيڭ جينتاي كوركەمونەر سارايى بىرلىكتە ۇيىمداستىرعان ابايدىڭ دۇنيەگە كەلگەنىنىڭ170جىلدىعىنا ارنالعان جەلىلەس قيمىلدار مەن«سىزگە بەيتانىس قازاقستان»فوتو كورمەسى بەيجيڭدەگى چاۋياڭ ساياباعىندا جانە جينتاي كوركەمونەر سارايىندا وتكىزىلدى.
  بۇل قيمىلدىڭ باستاماسى ساياباقتاعى اباي مۇسىنىنە گۇل شوقتارىن قويۋدان باستالدى،قازاقستاننىڭ جۇڭگوداعى باس ەلشىسى جانە جينتاي كوركەمونەر سارايىنىڭ جاۋاپتى قىزمەتكەرلەرى ساياباق كول بويىنداعى ويعا شومعان اباي مۇسىنىنە گۇل شوقتارىن قويىپ،ءيىلىپ قۇرمەت ءبىلدىردى.سوڭىنان شاراعا قاتىناسۋعا كەلگەن قىزمەتكەرلەر مەن ستۋدەنتتەر اباي اتا مۇسىنىنە كەزەكپەن گۇل شوقتارىن قويدى.
  ءىس-شارانىڭ كەلەسى كەزەڭى جينتاي كوركەمونەر سارايىنىڭ زالىندا جالعاسىن تاپتى،قيمىلعا جۇڭگو مادەنيەت مينيسترلىگى شەتەلمەن قارىم-قاتىناس مەكەمەسى باستىعىنىڭ ورىنباسارى شيە جينيڭ،قازاقستاننىڭ جۇڭگودا تۇراتىن باس ەلشىسى شاحرات شاكيزات ۇلى جانە رەسەي،قىرعىزستان قاتارلى ەلدەردىڭ باس ەلشىلەرى قاتىناستى.
  جينتاي كوركەمونەر سارايىنىڭ جاۋاپتى قىزمەتكەرلەرى بۇل قيمىلدى تانىستىرىپ وتكەن سوڭ،قازاقستاننىڭ باس ەلشىسى شاحرات شاكيزات ۇلى ءسوز كەزەگىن الىپ،ابايدىڭ تۋىپ -وسكەن ورتاسى،ولەڭ-قارا سوزدەرىندەگى ۇلاعاتتى ويلارى تۋرالى توقتالىپ،ونىڭ شىعارمالارىنىڭ كوپتەگەن تىلدەرگە اۋدارىلعانىن تىلگە تيەك ەتىپ،اباي شىعارمالارىن حانزۋ تىلىندە سويلەتكەن قاباي اقساقالدىڭ اتىن ەرەكشە اتاپ ءوتتى،الەمنىڭ ءبىرتالاي ەلدەرىندە اباي ءمۇسىنىنىڭ تۇرعىزىلعانىن ايتىپ،سونىڭ ىشىندە بەيجيڭ قالاسىنداعى ءمۇسىندى تۇرعىزعان يۋان شۇيكۇن مىرزاعا راحىمەتىن ءبىلدىردى.شاحرات نۇرىشەۆ قازاقستاننىڭ مادەنيەت مينيسترى اتىنان چاۋياڭ ساياباعىنداعى اباي ءمۇسىنىن سالعان جۇڭگولىق ءمۇسىنشى يۋان شۇيكۇننىڭ ەكى ەلدىڭ رۋحاني-مادەني سالاداعى بارىس-كەلىسىن تەرەڭدەتۋگە قوسقان ۇلەسىنە ارناپ قۇرمەت كۋالىگىن تابىس ەتتى.
  جۇڭگو مادەنيەت مينيسترلىگى شەتەلمەن قارىم-قاتىناس مەكەمەسى باستىعىنىڭ ورىنباسارى شيە جينيڭ:اباي تەك قازاقستان حالقىنىڭ عانا ماقتانىشى ەمەس،الەم مادەنيەتىنىڭ دە ماقتانىشى،ونىڭ ولەڭدەرى مەن قارا سوزدەرى حانزۋ تىلىنە اۋدارىلىپ،جۇڭگودا دا كەڭىنەن تارالدى.بۇگىنگى يگى ءىس بارىسىندا ءبىز ابايدىڭ ولەڭدەرى جانە ۇلاعاتتى ويلارىمەن ءتىپتى دە تەرەڭدەي تانىستىق.بۇگىنگى سۋرەت كورمەسى ءبىزدى قازاقستاننىڭ سۇلۋ تابيعاتىمەن ىشكەرىلەي تانىسۋعا جەتەلەيدى،-دەپ اعىنان اقتارىلدى.
  قازاقستان تۇڭعىش پرەزيدەنت قورى ءتوراعاسىنىڭ ورىنباسارى توقتاروۆ:ءبىز وسىنداي كورمەنى بۋداپەشتتە،تيبيليسيدە جانە باسقا ءىرى قالالاردا وتكىزدىك،بۇل جولى كورمەگە قويىلعان فوتولاردى قازاقستاننىڭ تۇڭعىش پرەزيدەنت قورى ۇسىندى،كورىپ وتىرعاندارىڭىزداي،بۇگىنگى كورمە سىزدەرگە قازاقستاننىڭ سۇلۋ تابيعاتىمەن ونان ارى تانىس بولۋعا جەتەلەيدى،-دەدى.
  قيمىلدىڭ كەلەسى كەزەگىندە بەيجيڭدە وقىپ جاتقان ستۋدەنتتەر ابايدىڭ ولەڭدەرىن،قارا سوزدەرىن مانەرلەپ وقىدى،اباي اندەرىن شىرقادى.سوڭىندا قوناقتار فوتو كورمەسىن تاماشالادى.قازاقستاننىڭ«ازيا داۋىسى»ءان بايقاۋىندا جۇلدەلى بولعان روكسوناكي توبى قازاقى سارىنداعى اۋەندەرمەن كورمەنى ونان ارى ارلەندىرىپ،كورەرمەننىڭ جانارىن جاۋلادى.
  كورمەگە قاباي اقساقالدىڭ اۋدارۋىنداعى اباي شىعارمالارى جانە قاتىستى كىتاپتار دا قويىلدى.مۇنان سىرت،داۋلەتقان ابدىبەك ۇلىنىڭ«ءوزىمىزدىڭ قاباي»اتتى كىتابى تاراتىلدى. بۇل كىتاپتىڭ ۇسىنىس ەتىلگەن رەداكتورى نۇربولات ءابدىقادىر ۇلى:قازاق حالقىنىڭ راحىمەتى رەتىندە ۇلتتار باسپاسىنان داۋلەتقان ابدىبەك ۇلىنىڭ«ءوزىمىزدىڭ قاباي»اتتى كىتابى شىعارىلدى،قاباي اقساقال ۇلى ابايدى تۇتاس ميللياردقا تانىتۋشى،بيىل ابايدىڭ دۇنيەگە كەلگەندىگىنىڭ170جىلدىعىنا وراي شىعارىلعان بۇل كىتاپتى قازاق حالقىنىڭ قاباي اقساقالعا دەگەن قۇرمەتى دەپ تۇسىنگەن ابزال،بۇل كىتاپتىڭ ۇسىنىس ەتىلگەن رەداكتورى رەتىندە بارلىق جۇمىسىنا ات سالىستىم،-دەپ كىتاپتىڭ جاعدايىمەن تانىستىردى.
  كەلۋ قاينارى: حالىق تورابى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn