<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>> الۋان ارنا>>كوركومونەر

ىلە وبلىسىنىڭ 3 - رەتكى تەرمە جارىسى قۇلجادا ءوتتى

مەملەكەت دارەجەلى بەيزاتتىق مادەني مۇرا بولعان حالقىمىزدىڭ تەرمە ونەرىن قورعاۋ جانە وعان مۇراگەرلىك ەتۋ،دامىتۋ قىزمەتىن جەبەۋ ماقساتىنداعى ىلە قازاق اۆتونوميالى وبلىسىنىڭ 3-رەتكى تەرمە جارىسى ۇستەگى جىلى ماۋسىمنىڭ 5-كۇنى تۇستەن كەيىن ىلە تەلەۆيزياسىنىڭ كونسەرت زالىندا ءوتتى. «بەيزاتتىق مادەني مۇرالارعا مۇراگەرلىك ەتىپ،وسىزامان مادەنيەتىنە ءۇن قوسايىق»اتىندا وتكىزىلگەن بۇل جولعى تەرمە جارىسىنا ىلە وبلىستىق مادەنيەت، دەنە-تاربيە،راديو،كينو تەلەۆيزيا مەكەمەسى جەتەكشىلىك ەتتى،ىلە قازاق اۆتونوميالى وبلىستىق مادەنيەت-كوركەمونەر زەرتتەۋ ورنى مەن ىلە وبلىستىق بەيزاتتىق مادەني مۇرالاردى قورعاۋ،زەرتتەۋ ورتالىعى قيمىلدى وتكىزۋ مىندەتىن ۇستىنە الدى،تەرمە جارىسىنا ىلە تەلەۆيزياسى مەن ىلە وبلىستىق ءان-ءبي ۇيىرمەسى سەلبەستى.

    ىلە قازاق اۆتونوميالى وبلىستىق حالىق ۇكىمەتىنىڭ ءبىر تۇتاس ورنالاستىرۋى بويىنشا وتكىزىلگەن وسى رەتكى تەرمە جارىسىندا التاي،تارباعاتاي ايماقتارى مەن ىلە وبلىسىنا توتە قاراستى اۋدان،قالالاردان جالپى 29تەرمەشى تىركەۋگە الىندى، ودان العاشقى سارالاۋدا 20تەرمەشى تاڭدالىپ دايىندىق جارىسقا قاتىناستى. دايىندىق جارىستا 12تەرمەشى سارالانىپ شەشۋشى جارىسقا جولداما الدى.شەشۋشى جارىستا باقىتبەك جۇنىسبەك ۇلى باس جۇلدەنى،ايسۇلۋ ماناپقازى قىزى مەن دينا ازات قىزى ەكىنشى دارەجەلى بايگەنى الدى.ءاليا تۇرسىنقابىل قىزى قاتارلى ءۇش تەرمەشى ءۇشىنشى دارەجەلى سيلىق الدى،نازيرا ءالىمباي قىزى،ەسبول سارسەنباي ۇلى قاتارلى التى تەرمەشى «ۇزدىك تەرمەشى»بولىپ ماراپاتتالدى.ال،التاي ايماعى،كۇيتۇن قالاسى،توعىزتاراۋ اۋدانى«ۇزدىك ۇيىمداستىرۋشى ورىن» بولىپ باعالاندى.

كەلۋ قاينارى: ىلە كەشى گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn