<%@LANGUAGE="JAVASCRIPT" CODEPAGE="65001"%>
中文 哈文

باس بەت>>ۇكىمەت ءىسىن جاريا ۇستاۋ>>ۇكىمەت باسشىلارى>>باسشىلار ءسوزى

جاڭ چۇنشيان :باسشى كادرلار«ۇشتە قاتاڭ،ۇشتە شىنايى بولۋدى»سانالى تۇردە ىسكە اسىرۋى كەرەك

اۆتونوميالى رايوننىڭ«ۇشتە قاتاڭ،ۇشتە شىنايى بولۋ»جونىندەگى ارناۋلى تاربيە قيمىلى باستالدى

پارتيانى جاپپاي قاتاڭ جونگە سالۋدى ىشكەرىلەي ىلگەرىلەتۋ ءۇشىن،پارتيا ورتالىق كوميتەتى2015–جىلى اۋدان،باسقارما دارەجەلىدەن جوعارى باسشى كادرلار اراسىندا«ۇشتە قاتاڭ،ۇشتە شىنايى بولۋ»جونىندە ارناۋلى تاربيە جۇرگىزۋدى ۇيعارعان بولاتىن.پارتيا ورتالىق كوميتەتىنىڭ ءبىرتۇتاس ورنالاستىرۋىنا ساي،7–مامىر تۇستەن بۇرىن ج ك پ ورتالىق كوميتەتى ساياسي بيۋروسىنىڭ مۇشەسى،اۆتونوميالى رايوندىق پارتكومنىڭ شۋجيى،بيڭتۋان پارتكومىنىڭ1–شۋجيى،بيڭتۋاننىڭ1–ساياسي كوميسسارى جاڭ چۇنشيان«باسشى كادرلار‹ۇشتە قاتاڭ،ۇشتە شىنايى بولۋدى›سانالى تۇردە ىسكە اسىرۋى كەرەك»دەگەن تاقىرىپتا اۋدان–باسقارما دارەجەلىدەن جوعارى باسشى كادرلارعا ارنايى پارتيا ساباعىن سويلەدى،سونىمەن بىرگە،اۆتونوميالى رايوننىڭ«ۇشتە قاتاڭ،ۇشتە شىنايى بولۋ»جونىندەگى ارناۋلى تاربيە قيمىلىنا ورنالاستىرۋ جاسادى.وسى رەتكى پارتيا ساباعى اۆتونوميالى رايوننىڭ«ۇشتە قاتاڭ،ۇشتە شىنايى بولۋ» جونىندەگى ارناۋلى تاربيەسىنىڭ رەسمي باستالعانىن كورسەتتى.

پارتيا ساباعى اۋدان،قالا دارەجەلى ورىندارعا بەينە ەكران ءماجىلىسى تۇرىندە سويلەندى.

«ۇشتە قاتاڭ،ۇشتە شىنايى بولۋ»ۇزدىك پارتيالى كادرلارعا ءتان قاسيەت

جاڭ چۇنشيان بىلاي دەدى:اۋدان–باسقارما دارەجەلىدەن جوعارى باسشى كادرلار اراسىندا«ۇشتە قاتاڭ،ۇشتە شىنايى بولۋ»جونىندە ارناۋلى تاربيە جۇرگىزۋ پارتيا ورتالىق كوميتەتى ساياسي بيۋروسى تۇراقتى كوميتەتىنىڭ بيىلعى ءتۇيىندى قىزمەتتەرىندەگى ماڭىزدى مازمۇننىڭ ءبىرى،سونداي–اق بيىلعى پارتيا قۇرىلىسى قىزمەتىنىڭ ماڭىزدى مىندەتتەرىنىڭ ءبىرى.«ۇشتە قاتاڭ،ۇشتە شىنايى بولۋ»جونىندە ارناۋلى تاربيە جۇرگىزۋ پارتيانىڭ بۇقارالىق لۋشيان تاربيەسى جانە امالياتتىق قيمىلىنىڭ تەرەڭدەتىلۋى،پارتيانىڭ يدەيالىق،ساياسي قۇرىلىسى مەن ستيل قۇرىلىسىن ۇزدىكسىز ىلگەرىلەتۋىنىڭ ماڭىزدى شاراسى،پارتيا ىشىندەگى ساياسي تۇرمىستى شيراتىپ،پارتيانىڭ ساياسي ءتارتىبى مەن ساياسي قاعيدالارىن قاتايتۋدىڭ ماڭىزدى تۇتقاسى،ورتالىقتىڭ شينجياڭ قىزمەتى جونىندەگى2–رەتكى اڭگىمە ءماجىلىسىنىڭ رۋحىن ىشكەرىلەي دايەكتى تياناقتاندىرىپ،شينجياڭنىڭ قوعام ورنىقتىلىعى مەن باياندى تىنىشتىعىن قورعاۋدىڭ ماندىك تالابى ەكەنىن جىعا تانۋ كەرەك.

جاڭ چۇنشيان بىلاي دەپ اتاپ كورسەتتى:«ۇشتە قاتاڭ،ۇشتە شىنايى بولۋ»باس شۋجي شي جينپيڭنىڭ ۇزاق ۋاقىتتىق تولعانىسىنان تۋىنداعان،ول پارتيانىڭ يدەيالىق،ساياسي قۇرىلىسى مەن ستيل قۇرىلىسىنىڭ نازارياسىمەن،امالياتىمەن توركىندەس،پارتيا قۇرىلىسى جونىندەگى نازاريانىڭ بايىتىلۋى مەن دامىتىلۋى.«ۇشتە قاتاڭ،ۇشتە شىنايى بولۋ»جاڭا كەزەڭدەگى ۇزدىك پارتيالى كادرلاردا بولۋعا ءتيىستى قاسيەتتى تولىق بايىمداپ،پارتيالى كادرلاردىڭ قۇن تالپىنىسى مەن ساياسي ساپاسىنا ءداۋىردىڭ جاڭا بەلگىلەرىن ۇستەپ،جاڭا جاعدايدا پارتيانىڭ يدەيالىق،ساياسي قۇرىلىسى مەن ستيل قۇرىلىسىن كۇشەيتۋگە ماڭىزدى دايەك دايىندادى.

«قاتاڭ بولماۋدىڭ،شىنايى بولماۋدىڭ»زيانى مەن بەينەسى جونىندە ءاردايىم دابىل قاعىپ تۇرۋ كەرەك

جاڭ چۇنشيان بىلاي دەپ اتاپ كورسەتتى:«قاتاڭ بولماۋدىڭ،شىنايى بولماۋدىڭ»بەينەسى مەن زيانى جونىندە ءاردايىم دابىل قاعىپ تۇرۋ كەرەك. شينجياڭنىڭ سوڭعى بىرنەشە جىلدا پارتيا قۇرىلىسىندا مول تابىسقا جەتىپ،كادرلار ستيلىنىڭ جاقسارا تۇسكەنىنە ەشكىم كوز جۇمبايدى،شينجياڭداعى پارتيالى كادرلار قوسىنى جالپى جاقتان جاقسى.ءبىراق،«ۇشتە قاتاڭ،ۇشتە شىنايى بولۋدىڭ»وسكەلەڭ ولشەمى تۇرعىسىنان كوز جىبەرگەندە،كوڭىل بولۋگە ءتيىستى ماسەلەلەر ءالى دە ورىن تەۋىپ وتىر.بۇل ءوزىن تۇزەۋدە قاتاڭ بولماۋ،بيلىكتەن پايدالانۋدا قاتاڭ بولماۋ،تارتىپكە بويسۇنۋدا قاتاڭ بولماۋ ماسەلەلەرىن،جۇمىستا شىنايى بولماۋ،كاسىپكەرلىكتە شىنايى بولماۋ،ادامگەرشىلىكتە شىنايى بولماۋ ماسەلەلەرىن قامتيدى.وسىنداي«قاتاڭ بولماۋ،شىنايى بولماۋ»ماسەلەلەرىنەن،ءسوزجوق،اسا ساق بولىپ،ءاردايىم دابىل قاعىپ،ماسەلەلەردىڭ بىرتە–بىرتە ۇلعايۋىنان ساقتانىپ،كۇن ىلگەرى سايلانىپ،«قاتاڭ بولماۋ،شىنايى بولماۋ»ماسەلەلەرىنىڭ بەلەڭ بەرۋىنەن شىنايى تۇردە ساقتانىپ،پارتيانىڭ باستان–اياق ءداۋىردىڭ الدىڭعى لەگىندە جۇرۋىنە كەپىلدىك ەتۋ كەرەك.

«ەكى بەتكەي»،«ماقۇلباي»بولماۋ كەرەك

جاڭ چۇنشيان مىنانى باسا دارىپتەدى:«ۇشتە قاتاڭ،ۇشتە شىنايى بولۋ»تالابىن بەلسەندى،سانالى تۇردە ىسكە اسىرۋ ءۇشىن،بىرىنشىدەن،ساياسيدا تاباندى بولىپ،قاعيداعا قاتاڭ بويسۇنۋ كەرەك.مۇرات–سەنىمدى بەكەمدەپ،پارتيالىق تانىمدى كۇشەيتۋ؛ساياسي ءتارتىپ پەن ساياسي قاعيدانى قاتايتۋ، اسىرەسە،لاڭكەستىككە،بولشەكتەۋشىلىككە،سىنالاپ كىرۋگە قارسى تۇرۋ كۇرەسىندە تۋى ايقىن،تۇرعىسى بەرىك،ارەكەتى سانالى بولۋ،استە،«ەكى بەتكەي»،«ماقۇلباي»بولماۋ؛بيلىكتەن ءادىل،ءتارتىپتى پايدالانىپ،بيلىكتى حالىق قامىنا پايدالانۋعا تاباندى بولىپ،بيلىكتىڭ جاريا جۇرگىزىلۋىنە كەپىلدىك ەتۋ كەرەك.

جان باعىستى كوزدەپ،جان تىنىشتىعىن كۇيتتەپ،جاپادان ات تونىن الا قاشاتىندار تولىمدى شينجياڭ كادرى بولا المايدى

ەكىنشىدەن،وزگەرىس،رەفورما جاساپ،جاۋاپكەرشىلىكتى باتىلدىقپەن ارقالاۋ كەرەك.تاريحي جاۋاپكەرشىلىك تانىمىن كۇشەيتۋ قاجەت.كەزەكتە ەرەكشە كۇردەلى جاعدايعا جانە جاپالى دا اۋىر مىندەتتەرگە ءدوپ كەلىپ وتىرمىز،قيىن ماسەلەلەرگە توتەپ بەرۋ مەن شەشۋدىڭ،شينجياڭنىڭ قوعام ورنىقتىلىعى مەن باياندى تىنىشتىعىن ىسكە اسىرۋدىڭ تاريحي مىندەتى ءبىزدىڭ بۋىنعا جۇكتەلىپ وتىر.باسشى كادرلاردىڭ بارلىعى وزىنە تيەسەلى جاۋاپكەرشىلىككە ارقاسىن توسەپ،تاريحتىڭ سالقار كوشى موينىنا جۇكتەگەن مىندەتتەردى تابىسپەن ورىنداۋى قاجەت.ماسەلەدەن تايساقتاپ،قايشىلىقتان اينالىپ وتەتىن، جان باعىستى كوزدەپ،جان تىنىشتىعىن كۇيتتەپ،جاپادان ات–تونىن الا قاشاتىندار شينجياڭنىڭ تولىمدى باسشى كادرى بولا المايدى.ءار دارەجەلى باسشى كادرلار باتىلدىقپەن يگەرىپ،باتىلدىقپەن باسقارۋى،جۇمىستى شەبەر جۇرگىزىپ،ناتيجەلى اياقتاۋى،قايشىلىققا باتىل قاراپ،ماسەلەنى شەبەرلىكپەن شەشە ءبىلۋى،قيىنشىلىقتاردا شىڭالىپ–توسەلىپ،قىسىم استىندا ءوسىپ–جەتىلۋى كەرەك.تاريحي تانىم مەن ستراتەگيالىق كورەگەندىك بولۋ قاجەت. تاريحتىڭ سىنىنان وتەتىندەي كەلەلى شەشىمدەر قابىلداۋى،شولاق جەتىستىك پەن مەزەتتىك ناتيجەگە بوي ۇرماۋ كەرەك.رەفورما جاساۋدان،جاڭالىق اشۋدان جازباۋ كەرەك.قيىن ماسەلەلەردى رەفورما جاساۋ،جاڭالىق اشۋ ارقىلى شەشۋ كەرەك،كونە سۇردەكتەن جازباۋعا،تۇيىقتالۋعا،توقىراۋعا استە بولمايدى. شينجياڭ سەنىمدىلىگىن كۇشەيتىپ،باتىلدىقپەن ءداۋىردىڭ الدىڭعى لەگىندە ءجۇرىپ،ەڭ ۇزدىك تانىم،ەڭ جارامدى ادىستەر ۇستىندە ىزدەنىس جاساپ، شينجياڭ ۇلگىسىن قالىپتاستىرىپ،شينجياڭعا ۇلەس قوسۋ كەرەك.«قۇلشىنعاندا عانا وزگەرىس بولادى،قۇلشىنساق بولعانى وزگەرتە الامىز»دەگەن ويعا تاباندى بولۋ قاجەت.تاباندى قايرات،تاسقاينات جىگەر،قاجىماس قايسارلىق،ءورشىل تالاپپەن،سۋبيەكتتىك رولدى مۇمكىندىكتىڭ بارىنشا ساۋلەلەندىرىپ، ۇيىم ازىرلەگەن وراي مەن ءداۋىر جۇكتەگەن مىندەتتىڭ ۇددەسىنەن شىعۋ كەرەك.

ناقتى شارالار شىعارىپ،شىنايى كۇش سالىپ،ناقتى ىستەر ىستەۋ،ەپتەپ–سەپتەپ كۇن وتكىزۋدەن اۋلاق بولۋ كەرەك

ۇشىنشىدەن،مىقتى يگەرىپ،شىنايى ىستەپ،ناقتى ونىمدىلىككە تالپىنۋ كەرەك.ءار دارەجەلى باسشى كادرلار شىندىقتى،ءىس جۇزىندىك جاعدايدى ەسەپكە الىپ،ىسكەرلىك رۋحتى باستاماشىلدىقپەن ساۋلەلەندىرىپ،ناقتى شارالار شىعارىپ،شىنايى كۇش سالىپ،ناقتى ىستەر ىستەۋى،ءوزى ونەگە بولىپ، بۇقارانى باستاپ،ءتۇرلى قىزمەتتى ناقتى تياناقتاندىرۋى؛ءىس جۇزىندىك جاعدايعا ساي كەلەتىن،ناقتىلى،جارامدى وي جۇلگەسى مەن شارالاردى ويلاپ تابۋى،بارلىق جۇمىستا ىشكەرىلەي تەكسەرۋ،زەرتتەۋ جۇرگىزىپ،ءىس جۇزىندىك جاعدايمەن تىعىز ۇشتاستىرىپ،جوعارىنىڭ تالابىن،وبيەكتيۆ زاڭدىلىقتى، ىشكى–سىرتقى تاجىريبەلەردى،جەرگىلىكتى ەرەكشەلىكتى قۇلشىنا توعىستىرىپ،باعىتتامالى،ناقتىلى،جارامدى تاسىلدەردى ىزدەپ تاۋىپ،تولعاعى جەتكەن ءىستى سوڭىنا جەتكىزىپ،باياندى ەتۋى؛تياناقتاندىرۋدى مىقتاپ ۇستاپ،ونىمدىلىككە ءمان بەرۋى،كەز–كەلگەن جۇمىستى دوساي–سومامەن،دولبارمەن ىستەۋدەن،انىق مەجە بەلگىلەمەۋدەن،جاعدايدان حابارسىز بولۋدان،قول ۇشىمەن ىستەپ،ەپتەپ–سەپتەپ كۇن وتكىزۋدەن ساقتانۋى كەرەك.قىزمەتتىڭ ءونىمىن باعالاعاندا،پارتيا ورتالىق كوميتەتىنىڭ،اۆتونوميالى رايوندىق پارتكومنىڭ ورنالاستىرۋلارى مەن تالاپتارىنىڭ تياناقتاندىرىلعان–تياناقتاندىرىلماعانىنا،شەشىمدەر مەن ورنالاستىرۋلاردىڭ ءىس جۇزىندىك جاعدايعا ۇيلەسەتىن–ۇيلەسپەيتىنىنە،كوزدەگەن نىساناعا جەتكەن–جەتپەگەنىنە، باسىم كوپ ساندى حالىق جۇرتشىلىعىنىڭ قالاۋىنان شىققان–شىقپاعانىنا،قىزمەتتە اۋىتقۋ،بۇلتالاقتاۋ جايتتەرىنىڭ بار–جوقتىعىنا قاراۋ كەرەك.

باسشى بولۋ ءۇشىن الدىمەن ادام بولۋ،ساياسيدا تاباندى،قابىلەتى كۇشتى،ستيلى جاقسى،كوڭىل كۇيى ورنىقتى كادر بولۋ كەرەك

ءتورتىنشى،مىنەز–قۇلىقتى شىڭاپ،ساياسيدا تاباندى، قابىلەتى كۇشتى،ستيلى جاقسى،كوڭىل كۇيى ورنىقتى كادر بولۋ،باسشى بولۋ ءۇشىن الدىمە ادام بولۋ كەرەك.شينجياڭدا جاقسى كادردىڭ ناقتى بەينەسى:ساياسيدا تاباندى،قابىلەتى كۇشتى،ستيلى جاقسى،كوڭىل كۇيى ورنىقتى بولۋ؛تۋراشىل،پاك بولۋ، ءوزىن،وتباسى مۇشەلەرىن جانە جانىنداعى قىزمەتكەرلەردى قاشاندا جاقسى باسقارىپ،پارتيا ستيلى پاكتىك قۇرىلىسىنىڭ جاۋاپكەرلىگىن ويداعىداي اتقارىپ،ءارقاشان جالىندى دا جاندى،ءورشىل دە تۋراشىل بولۋ كەرەك.

«ۇشتە قاتاڭ،ۇشتە شىنايى بولۋ»جونىندەگى ارناۋلى تاربيەنى تىڭعىلىقتى ورىستەتۋ كەرەك

جاڭ چۇنشيان«ۇشتە قاتاڭ،ۇشتە شىنايى بولۋ»جونىندەگى ارناۋلى تاربيەنى تىڭعىلىقتى ورىستەتۋ جونىندە ناقتى تالاپتاردى ورتاعا قويدى:ۇيرەنۋ، تاربيەلەۋدى تەرەڭدەتۋگە،يدەيالىق،ارەكەتتىك سانالىلىقتى ارتتىرۋعا كۇش سالىپ،شىنايى ۇيرەنىپ،ناقتى سەزىنىپ،دۇرىس پايدالانىپ،«ۇشتە قاتاڭ،ۇشتە شىنايى بولۋ»جونىندەگى ارناۋلى تاربيە ارقىلى ۇنەمىلىك ۇيرەنۋ مەن تاربيەلەۋدىڭ نەگىزگى تاقىرىپتى كورنەكتىلەندىرىپ،ماسەلەلەرگە دەن قويۋىن ىلگەرىلەتۋ؛تاقىرىپتى مىقتى يگەرۋگە،تالاپتاردى دايەكتىلەندىرۋگە كۇش سالىپ،ارناۋلى تاربيەنىڭ تۇتاس بارىسىندا تاقىرىپتى كورنەكتىلەندىرىپ، ماسەلەلەرگە دەن قويىپ،تالاپتى يگەرىپ،ناقتى تياناقتاندىرۋ؛ماسەلەنى شەشۋگە،ناقتى ونىمدىلىككە ءمان بەرۋگە كۇش سالىپ،ارناۋلى تاربيە بارىسىن «قاتاڭ بولماۋ،شىنايى بولماۋ»ماسەلەسىن تۇزەتۋ بارىسىنا اينالدىرۋ؛تالاپتى قاتايتۋعا،جاۋاپكەرلىكتى تياناقتاندىرۋعا كۇش سالىپ،جۇمىستى قاتاڭ ىشكەرىلەتىپ،ناقتى ونىمدىلىكتى قاتاڭ قۋزاپ،ارناۋلى تاربيەنىڭ شىنايى ناتيجەگە جەتۋىنە كەپىلدىك ەتۋ كەرەك.ارناۋلى تاربيە مەن ۇنەمىلىك قىزمەتتى قاتار يگەرىپ،بىردەي جەبەپ،ارناۋلى تاربيە ارقىلى ءتۇرلى قىزمەتتى جەبەپ،رەفورما،دامۋ،ورنىقتىلىقتىڭ تابىستارى ارقىلى ارناۋلى تاربيەنىڭ ناتيجەسىن سىننان وتكىزۋ كەرەك.

اۆتونوميالى رايوندىق پارتكومنىڭ تۇرقتى مۇشەسى،ۇيىمداستىرۋ ءبولىمىنىڭ باستىعى ما شۋەجۇن ارناۋلى پارتيا ساباعىن باسقاردى.

شوكىرات زاكىر،نايىم ياسىن،نۇرلان ءابىلماجىن ۇلى،چى جۇن،حان يۇڭ،لي ۋي،شاۋكەت يمين،جۋ حايلۇن،باي جىجيە،شۇي حايرۇڭ،عانيبات سابىكەي ۇلى،لي شۋەجۇن،ەركىن تۇنياز،اۆتونوميالى رايوندىق حالىق قۇرىلتايىنىڭ،ۇكىمەتتىڭ،ساياسي كەڭەستىڭ باسشىلارى نەگىزگى ءماجىلىس زالىندا پارتيا ساباعىن تىڭدادى.

حۋاڭ سانپيڭ،مانەن زەينەل ۇلى،جاڭ ميڭلي،زونۇن اكبار،يۇي چيڭشان،لي ميڭحۇي،ۋاڭ جيانجۇڭ،ليۋ حۇيجۇن،تۇرسىنقان سابىر قىزى،گۇڭ شينباۋ، جاڭ شينشىڭ،نۇرىم سىمايىلقان ۇلى قاتارلى اۆتونوميالى وبلىستىڭ ءتورت باسشىلىق القاسىنىڭ باسشىلارى،اۆتونوميالى رايوننىڭ«حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ،حالىق تىلەگىن توعىستىرۋ»قيمىلىنا باسشىلىق ەتۋ گرۋپپاسى كەڭسەسىنىڭ جەتەكشىلىك ەتۋ2-گرۋپپاسىنىڭ ورىنباسار باستىعى يىن شاۋلۇڭ،سونداي-اق اۆتونوميالى وبلىستىق سوتتىڭ،پروكۋراتۋرانىڭ باسشىلارى،ورتالىقتىڭ،اۆتونوميالى رايوننىڭ ىلەدە تۇراتىن مەكەمەلەرىنىڭ نەگىزگى جاۋاپتىلارى،اۆتونوميالى وبلىستىڭ ءارقايسى تاراۋ،كوميتەت،كەڭسە،مەكەمە،حالىقتىق ۇيىمدار مەن ءىسورىندارىنداعى باسقارما دارەجەلىدەن جوعارى جاۋاپتى جولداستار ىلەدەگى بولىمشە ءماجىلىس زالىندا ارناۋلى پارتيا ساباعىن تىڭدادى.

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ