<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>اۋىل شارۋاشىلىعىنا قىزمەت وتەۋ>>حالىق تۇرمىسى

كۇنەس اۋدانى تاسقىن، لاي كوشكىنى اپاتىنا كۇش سالا توتەپ بەردى

     مامىردىڭ 12-كۇنى تاڭعى ساعات 1 دە كۇنەس اۋدانى وڭىرىندە نوسەرلى جاڭبىر جاۋىپ،ءىشىنارا اۋىل-قالاشىقتار لاي كوشكىنى اپاتىنا ۇشىرادى،كەيبىر بۇقارانىڭ اۋلاسىنا سۋ قاپتادى.ول كۇنى وبلىستىق پارتكوم مەن ۇكىمەت جانە كۇنەس اۋدانى اپاتقا قارسى تۇرۋ،حاۋىپتەن اراشالاۋ، شۇعىل جاعدايعا توتەپ بەرۋ جوباسىن اتقارىپ،قوعام حاۋىپسىزدىگى،قارۋلى ساقشى ءبولىمىنىڭ اۋداندا تۇراتىن قوسىنى،ءورت ءوشىرۋ اترەتى سياقتى تاراۋلار بىرلەسىپ،اپاتقا قارسى اتتانۋعا، حاۋىپتەن اراشالاۋعا كىرىستى.قازىرگە دەيىن لاي كوشكىنى اپاتىندا تۋىلعان تىكەلەي ەكونوميكالىق زيان 34 ميلليون 330 مىڭ يۋانعا جەتتى.

    اپات تۋىلعاننان كەيىن وبلىستىق پارتكومنىڭ شۋجيى حۋاڭ سانپيڭ بۇعان وسكەلەڭ ءمان بەرىپ،حاۋىپتەن اراشالاۋ، اپاتتان قۇتقارۋ قىزمەتى جونىندە جەدەل، ناقتى ورنالاستىرۋ جاسادى.

    اپات جاعدايى - بۇيرىق

«اپات جاعدايى -بۇيرىق».حابارلاندىرۋدى قابىلداعاننان كەيىن وبلىستىق پارتكوم مەن ۇكىمەت جانە كۇنەس اۋدانى بۇعان وسكەلەڭ ءمان بەرىپ،جەدەل ارەكەتكە كەلىپ،اۋىر،تۇتقيىل ۋاقيعاعا توتەپ بەرۋ جوباسىن جەدەل اتقارىپ،ۋاقىتتىق قولباسشىلىق شتابىن،اپات تۋىلعان ناق مايداندا قۇتقارۋ،كومەك بەرۋ گرۋپپاسىن،ەمدەۋ،قۇتقارۋ گرۋپپاسىن،اپات جاعدايىن تەكسەرۋ گرۋپپاسىن،سوڭعى جۇمىستاردى ءبىر جاقتى ەتۋ گرۋپپاسىن،ينفورماتسيا جەتكىزۋ ۋنيۆەرسالدى گرۋپپاسىن قۇرىپ،اپات جاعدايىن باقىلاۋ،تەكسەرۋ،اداقتاۋ جانە سوڭعى جۇمىستارعا قاتىستى قىزمەتتەردى ورىستەتتى.

كۇنەس اۋدانى المالى قالاشىعى المالى قىستاعى وسى جولى اپاتقا ءبىرشاما اۋىر ۇشىراعان قىستاقتاردىڭ ءبىرى.ونداعى سۋ قۇبىرلارىن تاسقىن سۋى ءبۇلدىرىپ، قىستاقتاعى 140وتباسى تۇرعىنىنىڭ حاۋىپسىز اۋىز سۋ تۇتىنۋىنا ىقپال ەتتى؛ قىستاق جولدارىن دا لاي باسىپ قالىپ،تاۋ تاسقىنى اعىزعان ۇلكەن تاستار جولعا جينالىپ،ارىقتاردى تاسقىن سۋى اعىزعان تاستار بوگەدى.تاسقىن سۋى مەن لاي كوشكىنى ەگىستىك جەردى قاپتاپ،بەستە اۋىلى باتباقتى قىستاعىنداعى مىڭ مۋعا جۋىق جۇگەرى اتىزىن تاسقىن سۋى مەن لاي كوشىنى باسىپ قالدى.تاسقىن سۋى ديقاندار اۋلاسىن باسىپ،اۋلاعا جينالعان سۋدىڭ تەرەڭدىگى ءبىر مەترگە جەتىپ،ونداعى ەگىس داقىلدارىن تاسقىن سۋى تۇگەلدەي باسىپ قالدى.قالاشىق ۇكىمەت ەڭ اۋەلى،بۇقارانى كوشىرۋ قىزمەتىن بەلسەنە ۇيىمداستىرىپ،قاتەرلى جاعدايدى تەكسەرىپ، ءار تۇلىك مالدى جوتكەيدى.

    كۇنەس اۋداندىق تاسقىننان ساقتانۋ،جەر سىلكىنىسىنە توتەپ بەرۋگە قولباسشىلىق ەتۋ شتابىنىڭ ورىنباسار باس قولباسشىسى ۋاڭ شىحايدىڭ تانىستىرۋىنشا: ءارقايسى تاراۋلار ءوزارا سەلبەسىپ، دەركەزىندە ناق مايدانعا بارعان،ناق مايدانداعى كوپتەگەن ءۇيدى لاي كوشكىنى باسىپ قالعان،ءىشىنارا قورا-قالتقىلارى مەن ۇيلەر قۇلاعان،ولار بۇقارانى شۇعىل جوتكەگەن،ءولىم-ءجىتىم ءىسى تۋىلماعان.

    اپاتتان قۇتقارۋ قىزمەتىن ورنىقتى ىلگەرىلەتۋ ءۇشىن تاراۋلار ءبىر تۇتاس ورنالاستىرۋ جاساپ، جۇمىس ءبولىسىن سايكەستىردى، اۋىل شارۋاشىلىعى،مال شارۋاشىلىعى تاراۋلارىنىڭ جاۋاپتىلارى قامسىزداندىرۋ سەرىكتىگىنىڭ قىزمەتكەرلەرىن، تەحنيك قىزمەتكەرلەرىن ۇيىمداستىرىپ،ناق مايدانداعى ەگىس اتىزدارىنىڭ، مالداردىڭ اپاتقا ۇشىراۋ جاعدايىن تەكسەرىپ،تولەم بەرۋ قىزمەتىن بەلسەنە ويداعىداي ىستەپ،اپاتتان كەيىنگى ءوندىرىستى قالپىنا كەلتىرۋ شارالارىن كەڭەسىپ بەلگىلەدى؛سۋ ىستەرى تاراۋلارى 15قازۋ ماشيناسىن ۇيىمداستىرىپ،كوپىردە بوگەلىپ قالعان زاتتاردى تازالاپ،تاسقىن سۋىنىڭ توسىلماۋىنا كەپىلدىك ەتتى،5 مىڭ 200تاسقىننان ساقتانۋ قالتاسىن، 25تاسقىننان ساقتانۋ تەمىر تورىن جەتكىزدى؛ قاتىناس تاراۋلارىX745لەنياسىنداعى لاي كوشكىنى باسقان 120مەتر جولدى تازالادى؛ حالىق ىستەرى تاراۋلارى 20 مىڭ يۋان قارجى شىعارىپ،اپاتقا ۇشىراعان ءىشىنارا بۇقارادان حال سۇرادى.

قاتەرلى جاعداي تاعى دا تۋىلدى

    مامىردىڭ 13-كۇنى تاڭەرتەڭ كۇنەس اۋدانىندا نوسەرلى جاۋىن جاۋىپ، بەستوبە اۋىلى وڭىرىندەگى شاقپى وزەنى تاسىپ، جاعداي اسا قاتەرلى بولادى. كۇنەس اۋدانى اپاتقا قارسى اتتانۋ، حاۋىپتەن اراشالاۋ دايىندىق جوباسىن دەرەۋ ىسكە قوسىپ،ادام كۇشىن،زاتتىق كۇشىن جۇمىلدىرىپ،بۇقارانىڭ ءومىرى مەن مال-مۇلكىنىڭ حاۋىپسىزدىگىنە كەپىلدىك ەتتى.

    ءتىلشى تاڭەرتەڭ شاقپى وزەنىنىڭ سولتۇستىك جاعالاۋىنان تاسقىن سۋدىڭ وزەن جاعاسىنداعى توعاننىڭ 50 مەترگە تاياۋ بولەگىن بۇزىپ كەتكەندىگىن، توعاننان 100مەتر قاشىقتىقتا تۇرعىندار رايونى ورنالاسقانىن بايقادى.ناق مايداندا تاسقىنعا قارسى اتتانۋ، قۇتقارۋ،كومەك بەرۋ قىزمەتى ءتارتىپتى جۇرگىزىلۋدە، ءىرى تيپتى ماشينالار وزەن جولىنا كىرىپ،تاسقىنعا قارسى اتتانۋ،حاۋىپتەن اراشالاۋ قىزمەتىن ورىستەتۋدە،قوعام حاۋىپسىزدىگى مەكەمەسىنىڭ كادر-ساقشىلارى، قارۋلى ساقشىنىڭ وفيتسەر-جاۋىنگەرلەرى،كادرلار،بۇقارانى حاۋىپتەن اراشالاۋ قىزمەتىنە جابال كىرىسۋدە.كۇنەس اۋداندىق شارلاۋ-ساقتانۋ ۇلكەن اترەتىنىڭ قوعام حاۋىپسىزدىگى كادر-ساقشىلارى تاسقىنعا قارسى اتتانۋ، حاۋىپتەن اراشالاۋدىڭ ءبىرىنشى شەبىندە ءۇرتىس ەكى كۇن كۇرەس جۇرگىزدى.

    قازىر تاسقىننان ساقتانۋ قىزمەتىن ويداعىداي ىستەۋ ءۇشىن كۇنەس اۋدانىنداعى اۋىل،قالاشىق،الاڭدار مەن اۋداندىق تاسقىننان ساقتانۋ كەڭسەسىنىڭ تەحنيكتەرى اۋدان كولەمىندەگى ماڭىزدى سۋ ىستەرى ينجەنەرياسى، سەل اعىزاتىن توعان،حاۋىپتى قۇرىلىس،حاۋىپتى بولەك جانە گەولوگيالىق اپات تۋىلۋ مۇمكىندىگى بار جەرلەرگە كەڭ كولەمدى شارلاپ-تەكسەرۋ جۇرگىزىپ،كومەسكى حاۋىپ-قاتەر تۋىلۋ مۇمكىندىگى بار جەر بولەكتەرىندەگى قايراڭدى تازالاپ، قاتەردىڭ الدىن الدى،رەمونتتاۋ قىزمەتىن تىڭعىلىقتى ىستەپ،سەل اعىزاتىن توعاننىڭ توسىلماۋىنا كەپىلدىك ەتتى.كۇنەس وزەنى مەن شاپقى وزەنىن باسقارۋ ورنى ارناۋلى قىزمەتكەرلەردى تاۋلىك بويى كەزەكشىلىك ىستەۋگە ورنالاستىرىپ،ەكى وزەن سۋىنىڭ اعۋ وزگەرىسى جاعدايىن قاداعالادى.

اپپاتتان قۇتقارۋ قىزمەتى ءتارتىپتى جۇرگىزىلۋ دە.

    سەل،لاي كوشكىنى اپاتى تۋىلعان كۇنىx745لەنياسىنىڭ بويىنداعى كۇنەس اۋدانى بەستوبە اۋىلى باتباقتى مەكتەبىنىڭ اۋلاسىن قۇم-قايراڭ باسىپ،500 مەترلىك قورشاما داۋال قۇلاپ،وقۋشىلار قالىپتى ساباق وقۋعا امالسىز قالعان.بۇل مەكتەپ وقىتۋشىلاردى اتتانىسقا كەلتىرىپ تازالاۋ جۇرگىزۋگە ۇيىمداستىردى جانە جاقىن ماڭداعى وقىتۋ ورنىنا جوتكەلىپ وقىتۋدى جالعاستىردى.

    مامىردىڭ 13-كۇنى ءتىلشى كۇنەس اۋدانى بەستوبە اۋىلدىق ورتا مەكتەبىنە بارعانىمىزدا مەكتەپ اۋلاسىنا سەل جۇرگەندىگىن بايقادىق،گۇل-شوپتەردى دەرلىكتەي قايراڭ باسقان،تاڭ قالارلىعى كلاس ءىشى وقۋشىلارعا لىق تولىپ،ولاردىڭ ساباق وقىعان داۋىسى تەرەزەدەن انىق ەستىلىپ تۇر،وسىلايشا اپات حاۋىپى الاستالعاننان كەيىن مەكتەپتىڭ وقۋ-وقىتۋ قىزمەتى قالىپتى ارناعا تۇسكەنى بايقالادى.

    ۇعىسۋىمىزشا،بۇل جولى كۇنەس اۋدانىنىڭ 7 اۋىل-قالاشىعىندا ۇقساماعان دارەجەدە لاي كوشكىنى ءتۇسىپ،سەل جۇرگەن،ناقتىراق ايتساق،12 جەردە لاي كوشكىنى جانە ءبىر جەردە تاۋ كوشكىنى ءتۇسىپ، كوشكىن تۇسكەن اۋماق 20مىڭ شارشى مەترگە جەتىپ،383وتباسىنىڭ باس پاناسى ۇقساماعان دارەجەدە بۇلىنگەن،19قورا،ءبىر مىڭ 625مەتر قورشاما داۋال قۇلاعان،7مىڭ 738مۋ ەگىستىك جەر،ءبىر مىڭ 560مۋ جايلىم،410مۋ ورمان اپاتقا ۇشىراپ،238باس (تۇياق)مال شىعىن بولعان،7مىڭ 700مەتر جول،300ءتۇپ اعاش،23سۋ ساعات قۇدىعى،21كوپىر،6مىڭ مەتر قۇبىر جولى بۇلىنگەن،ءبىر مىڭ 60مەتر سۋارىلمالى القاپتىڭ سۋ توعانى بىتەلگەن،ءىشىنارا سۋ توعانى ويىلعان نەمەسە بۇلىنگەن،5مەتر وزەن قىرى بۇزىلىپ، اۋىل-قىستاق وقىتۋ ورنىنىڭ قورشامالى داۋالى قۇلاعان، جالپى ەكونوميكالىق شىعىن 34ميلليون 330مىڭ يۋانعا جەتكەن.قازىر اپاتقا ۇشىراعان جەردەگى تۇرعىنداردى جاقىن ماڭ،قولايلى جەرلەرگە جوتكەۋ،تۋىستارى مەن جاقىندارىنا تاپسىرۋ سياقتى تاسىلدەرمەن تۇگەلدەي ورنالاستىرىپ، توسىلعان x745 لەنيانى قالپىنا كەلتىرىپ،جولدى ىركىلىسسىزدەندىردى.

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn