<%@LANGUAGE="JAVASCRIPT" CODEPAGE="65001"%>
中文 哈文

باس بەت>>اۋىل شارۋاشىلىعىنا قىزمەت وتەۋ>>حالىق تۇرمىسى

نىسان جوسپارى بويىنشا شارۋالاردىڭ ورگانيكالى تىڭايتقىشتان تەگىن پايدالانۋىنا مۇمكىندىك جاراتتى

جۋىردا كۇنەس اۋدانى المالى قالاشىعى اقشي قىستاعىنىڭ تۇرعىندار كوميتەتى مەن وسىندا تۇراتىن قىزمەت گرۋپپاسى نىسان جوسپارى بويىنشا شارۋالارعا 100 توننا ورگانيكالى تىڭايتقىش تاراتىپ، تەحنيكالىق جاقتان جەتەكشىلىك ەتىپ، كوكتەمگى ءوندىرستى جەبەدى.

    ءتىلشى 100 توننا ورگانيكالى تىڭايتقىشتىڭ قىستاق كوميتەتى زالىنا قويىلعانىن،كوپتەگەن قىستاق تۇرعىندارى ءۇش دوڭگەلەكتى موتورلى كولىكتەرىمەن ورگانيكالى تىڭايتقىشتى اكەتىپ جاتقانىن كوردى.قىستاق تۇرعىنى چىن ميڭفۋ بيىل 10مۋ جەرگە كۇزدىك بيداي ەككەن.بۇگىن ول دا قىستاق كوميتەتىنە بارىپ 10 قالتا ورگانيكالى تىڭايتقىشتى الىپ قايتتى.

    اقشي قىستاعىنىڭ تۇرعىنى چىن ميڭفۋ تىلشىگە: قىزمەت گرۋپپاسى بىزگە تاماشا نىسان الا كەلدى،بىزگە ەگىس ءدارىسى،تىڭايتقىش تاراتتى،بۇگىن تىڭايتقىش العالى كەلدىم،قازىر كوكتەمگى ەگىس مەزگىلى،بۇل تىڭايتقىشتى اتىزعا شاشىپ،كۇزدە مول ءونىم الۋعا نەگىز قالاماقشىمىن، –دەدى.

    ورگانيكالى تىڭايتقىش ورتانى قورعايتىن،تىڭايتۋ مەرزىمى ۇزاق،بۇدان ءوسىپ شىققان المانىڭ ءدامى ءتاتتى،ساپالى بولادى ەكەن.بۇدان سىرت قىستاققا تۇسكەن قىزمەت گرۋپپاسىنداعى تەحنيك قىزمەتكەرلەر ديحان وتباسىلاعا تەحنيكالىق جاقتان جەتەكشىلىك ەتتى.

    بيىل قىزمەت گرۋپپاسى اقشي قىستاعىنا 2 مىڭ مۋ جەرگە ورگانيكالى تىڭايتقىش بەرۋ نىسانىن اتقاردى،بۇدان جالپى 230 وتباسى يگىلىكتەندى. ۇعىسۋعا قاراعاندا،ورگانيكالى تىڭايتقىش توپىراقتىڭ ورگانيكالى قۇرامىن ارتتىرۋمەن بىرگە توپىراقتىڭ سۋ،تىڭايتقىش،اۋا،جىلۋ سياقتى جالپىلىق رولىن جوعارىلاتىپ، توپىراقتى قۇنارلاندىرادى.توپىراقتىڭ دىمقىلدىعىن ساقتاپ،حيميالىق تىڭايتقىشتىڭ توپىراقتى ءبۇلدىرۋىنىڭ الدىن الىپ،اۋىل شارۋاشىلىعىنىڭ اقاۋسىز باياندى دامۋىنا تاماشا نەگىز قالايدى ەكەن.

    قىزمەت گرۋپپاسىنىڭ باستىعى ما فۋجيە تىلشىگە:بيىل ءبىز اقشي قىستاعىنا 2 مىڭ مۋ جەردى قۇنارلاندىرۋ نىسانىن قولعا كەلتىرىپ،بۇقارانىڭ ءار مۋ جەرىنە 50يۋاننىڭ ورگانيكالى تىڭايتقىشىن تەگىن تاراتتىق،ونىڭ جالپى قۇنى 100مىڭ يۋاننان اسادى.بۇل تىڭايتقىش ەگىس داقىلدارىنىڭ ءونىم مولشەرى مەن ساپاسىن جوعارىلاتىپ،ديحانداردىڭ كىرىستى باياندى ارتتىرۋىنا نەگىز قالايدى، –دەدى.

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ