<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>اتامۇرا- اسىل قازىنا>>ۇلتىق سالت-سانا

تاماققا بايلانىستى ىرىمدار مەن تيىمدار

    تاماقتى سول قولمەن جەمەيدى.

    داستارحان ۇستىندە ادەپسىز ءسوز سويلەمەيدى،جامان ءسوز ايتپايدى.

    داستارحان جيىلماي ەشكىم ورنىنان تۇرمايدى.

    اۋزىندا تاماق تۇرعاندا سويلەمەيدى.

    كوشەدە،تۇرەگەپ تۇرىپ،ءجۇرىپ كەلە جاتىپ نەمەسە جاتىپ تاماق ىشپەيدى.

    ارام ولگەن مالدىڭ،ارام اڭ مەن قۇستىڭ ەتىن جەمەيدى.

 تاماق ۇستىنەن اتتامايدى.

    تۇندە تاماقتىڭ بەتىن جاۋىپ قويادى.

    ەرەسەك ادامدار جالاڭاش نەمەسە جالاڭاياق وتىرىپ تاماق ىشپەيدى.

    مالدى قۇبىلاعا قاراتىپ باۋىزدايدى.

    ءتولىن تۋا الماي ولگەن مالدىڭ ەتىن جەمەيدى.

    كەلىندەر داستارحاننان قايتقان،توردەن قايتقان تاباققا سالەم جاسايدى.

    ءۇي يەسى قوناقتان بۇرىن«تاماقتانىپ بولدىم»دەمەيدى.

    ۇيگە كەلگەن ادامعا ءدام تاتتىرماي شىعارمايدى.

    قوناققا شاقىرىلاتىن ادامدى سول كىسىنىڭ ءوز بالاسى ارقىلى شاقىرۋ سىيلاعاندىق ەمەس.

    اكەسى بار ادام باس ۇستامايدى.

    مي جەسە بالا بوس،بىلجىراق بولىپ وسەدى دەپ ىرىمدايدى.

    قىز بالاعا وڭ جاقتا وتىرىپ قالادى دەپ كارى جىلىك ۇستاتپايدى.

    ەكىقابات كەلىنشەككە مەزگىلىنەن كەش بوسانادى دەپ،تۇيە ەتىن جەگىزبەيدى.

 ايەل ەكىقابات كەزىندە جەرىگى قانباسا ودان تۋعان بالا ءالجۋاز بولادى،ءارى اۋزىنان سۋ اعىپ جۇرەدى.

    قىز بالاعا شاشى ۇزىن بولسىن دەپ جەلكە جەگىزەدى.

    سۋدى قارىزعا سۇرامايدى.

    اۋىلدان شىقپايتىن بولادى دەپ بالاعا اينالشىق جەگىزبەيدى.

    اسىق ەتىن مۇجىمەيدى.بۇل تۋرالى«التى جىل اش بولساڭ دا اسىق ەتىن مۇجىمە»دەگەن ماقال بار.

    توبىق ەتىن تاستامايدى.«توعىز جىل توق بولساڭ دا توبىق ەتىن تاستاما».

    شەمىرشەك جەسە ناعاشىسى ءولىپ قالادى دەپ ىرىمدايدى.

    ۇرىسقاق بولادى دەپ بالاعا كومەكەي جەگىزبەيدى.

    بالاعا شەشەن بولسىن دەپ تاڭداي جەگىزەدى.

    كەلىنشەگىڭ جالاڭاش كەلەدى نەمەسە جالاڭاش كۇيەۋگە باراسىڭ دەپ جاستارعا كەڭىردەك جەگىزبەيدى.

    ءسابي توقتىق تارتسا-توقشىلىق بولادى.

    جەڭىلتەك بولادى دەپ قىزعا قۇيىرشىق جەگىزبەيدى.

    جاستار قاسپاق جەسە ۇيلەنگەندە جازدا جاڭبىر جاۋادى نەمەسە قىستا بوران بولادى دەپ ىرىمدايدى.

 بالا ورتان جىلىكتىڭ مايىن جەسە،اتا-اناعا مەيىرىمسىز بولادى.

    ەكىقابات ايەل قويان ەتىن جەسە نەمەسە قويان ەتىنە تالعاسا بالاسى قويانجىرىق بولىپ تۋادى.

    مىنگەن اتى سۇرىنشەك بولادى دەپ بالاعا توستىڭ سۇرىنشەگىن جەگىزبەيدى.

    كەسەسىنە شامبا تۇسكەن ادامنىڭ ۇيىنە قوناق كەلەدى.

    بىرەۋ ىقىلىق اتىپ تۇرسا،«ۇرلاپ تاماق جەگەنسىڭ بە؟» دەيدى.

    تاڭەرتەڭگى استى تاستامايدى،كەشكى استى باقپايدى.

    شاشالعان ادامعا«ماي قاپ»دەيدى.

    تاماق ۇستىنە كەلگەن ادامعا ءۇي يەسى«ماقتاپ جۇرەدى ەكەنسىڭ»دەپ ريزا بولادى.داستارحان جينالىپ جاتقاندا كەلگەن ادامعا«ءبىزدى جامانداپ جۇرەدى ەكەنسىڭ» دەپ ازىلدەيدى.

    داستارحان ۇستىنە كەلگەن ادامعا ءدام اۋىز تيگىزەدى.ايتپەسە«كۇيەۋىڭ نە كەلىنشەگىڭ تاستاپ كەتەدى»دەپ ءازىلدەيدى.

    ادامنىڭ يەگى قىشىسا ءبىر جەردەن ءدام تاتادى.

    ءبىر ۇيگە وزدەرى اكەلگەن تاماقتان ءدام تاتسا،ايەلى قىز تۋادى دەپ ىرىمدايدى.

    الىس جولعا شىققان ادامدار قاراشاڭىراقتان نەمەسە ءارۋاقتى ۇيدەن ءدام تاتىپ اتتانادى.

    ەت تۋراعان ادام ءبىر كەسەك ەتتى تۋراماي قالدىرسا،باسقالار«وتىرىك ايتاتىنى بار ەكەن»دەپ ەسكەرتۋ جاساپ، ۇيالتادى.

 شولدەگەنگە سۋ بەرمەگەن جامان ىرىم.

    ساماۋرىن قايتا شۋىلداسا قوناق كەلەدى.

    سۇيەكتى تازا مۇجىگەن جىگىتتىڭ جارى سۇلۋ بولادى دەپ ىرىمدايدى.

    جاس ادام وجاۋمەن سۋ ىشسە جارىنىڭ مۇرنى ۇزىن بولادى دەپ ىرىمدايدى.

    ەكىقابات كەلىنشەككە«تولعاعى قاتتى بولادى»دەپ تولارساق جەگىزبەيدى.

    بۋىنى،سۇيەگى سىرقىراپ اۋىرعان ادامعا ءار اۋىلدان قىرىق سيراق جيناپ اكەلىپ،قايناتىپ مايىن ىشكىزەتىن ىرىم بار.

    سۇيەگى سىنعان ادامعا«قىرىق ءۇيدىڭ قىلاۋىنان»دەپ قىرىق ۇيدەن تاماق اكەلىپ،ىشكىزسە تەز جازىلادى دەگەن ۇعىم بار.

    اقتى،ءسۇتتى،ايراندى توكسە مالدىڭ جەلىنى كەتەدى.

    تىشقان ناننىڭ بەت جاعىن قاجاپ جەسە،سول جىلى استىق مول بولادى.

    ەگەر ءۇي ىشىندە قۇمىرسقالار قاپتاپ كەتسە ول ءۇيدىڭ ىرىسى مول بولادى.

    كوكتەمدە كۇن كۇركىرەمەي دالا جۋاسىن جەۋگە بولمايدى.

    كوكتەمدە كۇن العاش كۇركىرەگەندە«مال ءسۇتتى بولسىن»دەپ شومىشپەن اق الىپ شىعىپ،ءۇيدىڭ جابىعىنا جاعادى، بوساعاعا توگەدى.

    اقتى جەرگە توكپەيدى،ىسىراپتامايدى.

 بوتەن ءدىننىڭ ادامدارىنا قازاق مال باۋىزداتپايدى.

    يتكە وجاۋمەن اس قۇيمايدى.

    ناندى ءبىر قولمەن ۇزبەيدى.

    نان ۇستىنە زات قويمايدى.

    جاسى ۇلكەن ادامنان بۇرىن تاماققا قول سالمايدى.

    ەگەر اتاقتى ادامدارعا جاۋىرىن،كارى جىلىك،مويىن سياقتى سۇيەك مۇشەلەرى تارتىلسا ول قورلاۋدىڭ،مازاق قىلۋدىڭ بەلگىسى.

    جۇكپەن جولعا شىققاندا ۇيدەن تۇز المايدى.

    ەت كەسكەندە قاتار وتىرعان ەكى كىسىنىڭ بىرەۋى عانا پىشاق ۇستايدى.

    بىرەۋدىڭ پىشاعىمەن ەت كەسكەندە قۇر قايتارمايدى.ۇشىنا ماي نەمەسە ەت شانشىپ بەرەدى.

    ەگەر كورشىلەر تاماق اكەلسە،ىدىسىن بوس قايتارمايدى.بوس قايتارۋ كورگەنسىزدىك بولىپ سانالادى.

    بيە ساۋاتىن كونەكتى توڭكەرمەيدى.جانە ءتۇبىن تاياقپەن نەمەسە قولمەن ۇرۋعا بولمايدى.ىرىس نەسىبە كەتەدى.

    قوناققا كەتىك كەسەگە شاي قۇيۋعا بولمايدى.بۇل قوناقتى قۇرمەتتەمەۋ بولىپ سانالادى.

    ىدىستان سۋ ىشەردە ازىراق توگىپ جىبەرۋ كەرەك.

 تويعا نەمەسە اسقا قىمىز اكەلگەن سابانى ءبىرجولاتا سارقىپ بوساتپايدى.تۇبىندە مىندەتتى تۇردە ءبىر وجاۋ بولسا دا قىمىز قالۋى كەرەك.

    جەرگە توگىلگەن اقتى باسۋعا بولمايدى.اق توگىلگەن جەرگە تۇز سەبەدى.

    ىركىتتى اشىق دالادا پىسپەيدى،قۇتى كەتىپ قالادى دەپ ىرىمدايدى.

    ءسۇتتى ۇرلەپ ىشپەيدى،مايلىلىعى ازايادى.

    داستارحانعا الدىمەن نان قويىلادى.تاڭەرتەڭ نان اۋىز تيمەي ۇيدەن شىعۋعا بولمايدى.

    ناندى،تاماقتى سىنامايدى.

    تاماق جەپ وتىرعان ادامدى ورنىنان قوزعاعان ادەپسىزدىك بولىپ تابىلادى.

    تاماق ءىشىپ بولعاننان كەيىن تۇرىپ كەتۋگە بولمايدى.تاماقتانعاننان كەيىن اس قايىرىلىپ،باتا بەرىلەدى.

    اس ءىشىپ بولعاننان كەيىن «تويدىم» دەمەيدى، «قاناعات» دەگەن ءجون.

    داستارقاننان اتتاۋعا بولمايدى.ول ادەپسىزدىك بولىپ سانالادى.

    تاماققا قاراي تۇشكىرۋ ادەپسىزدىك بولىپ سانالادى.

    شاۋگىم مەن قۇماننىڭ شۇمەگىن ەسىككە قاراتىپ قويسا،ىرىس نەسىبە كەميدى دەپ ىرىمدايدى.

    جاس بالاعا بۇعانا ۇستاتپايدى.بۇعانا ۇستاسا،بويى وسپەي قالادى دەپ جورىعان.

    كەلۋ قاينارى: ءتاڭىرتاۋ تورابى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn