<%@LANGUAGE="JAVASCRIPT" CODEPAGE="65001"%>
中文 哈文

باس بەت>>اتامۇرا- اسىل قازىنا>>تاريحي تۇلعالار

ەركە اقىنىن ەسكە الدى ەل - جۇرتى

تورتكۇل دۇنيەگە قازاق ايتىس ونەرىن تانىتقان قايتالانباس تۇلعا، ءوزىنىڭ دارا تالاتتى، كول-كوسىر ەڭبەكتەرىمەن ارتىنا ايتىپ تاۋىسقىسىز اڭىز بەن ونەر ۇلگىلەرىن قالدىرعان مادەني مۇرامىزدىڭ مۇراعاتتاۋشىسى، جۇرت جۇرەگىنەن تەرەڭ ورىن العان جانى جايساڭ، كوڭىلى دارقان، ەڭبەگى ەرەن ادەبيەت-كوركەمونەر قايراتكەرى، كورنەكتى فولكوريس، ايتىس ونەرىنىڭ جارىق جۇلدىزى قۇرمانبەك زەيتىنعازى ۇلىن 28 - تامىز حالقى ساعىنا ەسكە الدى.

شىڭگىل اۋدانى اقىندى ساعىنا ەسكە الۋ بايلانىسىمەن، تۇڭعىش كەزەكتى قۇرمانبەك كوركەمونەر مەرەكەسى مەن 2- رەتكى عىلىمي تالقى جينالىسىن الىپ باردى.

28-تامىز تۇستەن بۇرىن اقىن كەسەنەسىنىڭ الدىنا جينالىپ، اۆتونوميالى رايوندىق ادەبيەت كوركەمونەر بىرلەستىگىنىڭ پارتگرۋپپا مۇشەسى، ورىنباسار ءتوراعاسى، جازۋشى ەركەش قۇرمانبەك قىزى مەن شىڭگىل اۋداندىق پارتكومنىڭ شۋجيى ءتان ۋيپيڭ اقىن كەسەنەسىنىڭ شىمىلدىعىن اشىپ، پيونەرلەر اتاسىنا گۇل قويىپ، اقىن ازيا ماعىپەر قىزى مەن ەرلان نۇردىقان ۇلى اقىنعا ارناپ ولەڭ وقىدى.

قيىملدان سوڭ، شىڭگىل اۋداندىق كينوحانادا عىلىمي تالقى جيىنىن وتكىزدى.تالقى جيىنعا التاي ايماقتىق پارتكومنىڭ شۋجيى، اكىمشىلىك مەكەمەسىنىڭ ءۋاليى تالعات ۇسەن ۇلىنىڭ اتىنان ايماقتىق اكىمشىلىك مەكەمەسىنىڭ باس حاتشىسى ماقسۇر ءالىپ ۇلى ماڭىزدى ءسوز سويلەدى. سوڭىنان اقىن - جازۋشىلار، زەرتتەرمەندەر زەرتتەۋ ماقالاسىن وقىدى.

بۇل رەتكى قيمىلعا ەلىمىزدەگى قازاق ۇلتىنىڭ مادەنيەتىن، ايتىس ونەرىن زەرتتەپ جۇرگەن جۇڭگو قوعامدىق عىلىمدار ينيستۋتىنىڭ پروفەسسورى، حالىقتىق ادەبيەت زەرتتەۋ مامانى حۋاڭ جۇڭشياڭ، پوفەسسور، جازۋشى سولتان جانبولاتوۆ، اۋەلقان قالي ۇلى، ايگىلى ايتىس اقىنى جامالقان قاراباتىر قىزى، تارىم جۋرنالىنىڭ بۇرىنعى باس رەداكتورى، سىنشى، ۇيعۇر حالقىنىڭ جازۋشىسى ءانۋار ابدىرەيىم قاتارلى اقىن - جازۋشىلار، ونەرپازدار قاتىناستى.

كەلۋ قاينارى: جۇڭگو قازاق راديو تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ