<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>اتامۇرا- اسىل قازىنا>>اقىندار ايتىسى

اقىندار ايتىسىن قورعاۋ جانە دامىتۋ – كەزەك كۇتتىرمەيتىن مىندەت

مادەن جانىمقان ۇلى

 ايتىس –قازاق مادەنيەتىنىڭ ۇلتتىق بوياۋى قانىق، شوقتىعى بيىك، بىرنەشە ونەردىڭ قاسيەتىن ءوز بويىنا سىڭىرگەن توعىسپالى جانر .

    2006- جىلى مامىردا "قازاق ۇلتىنىڭ اقىندار ايتىسى" مەملەكەتتىك كەڭەس جاريالاعان مەملەكەت دارەجەلى بەيزاتتىق مادەنيەت مۇرالارىنىڭ 1- كەزەكتى تىزىمدىگىنە ەنگىزىلىپ، جۇڭگو قازاقتارىنىڭ مەملەكەت دارەجەلى تۇڭعىش بەيزاتتىق مادەنيەت مۇراسىنا اينالدى.

    اسىرەسە ەسىك اشىپ، رەفورما جۇرگىزىلگەننەن كەيىن مەملەكەت، اۆتونوم رايون، ايماق، اۋدان، اۋىل بولىپ "اقىندار ايتىسىنا" ەرەكشە ءمان بەردى. كوپتەگەن جەتكىنشەك اقىندار بايگەگە قوسىلىپ، ارناۋلى اقىندار كۋرسىسىنان تاربيە الۋدا.

    پارتيا، ۇكىمەت ورىندارى باساءمان بەرىپ قارجى، زاتتىق، تاربيەلەۋ جاعىنان كوپتەپ كومەك كورسەتۋدە. ءار كەزەكتى وتكىزىلگەن "اقىندار ايتىسىن" ءتۇرلى اقپارات ورىندارى ناق مايداندا  ۇستىنەن حابارلاسا، ال تەلەۆيزورلار كورىنىسكە  الىپ تاراتۋدا.

    "اقىندار ايتىسىندا" ساقتالعان كەيبىر كەلەڭسىزدىكتەر:

    1. جەكە اقىندار دارىنىن ۇشتاۋ، شابىتىن تاسىتۋ، ءسوز ساراپتاۋ، كيىم كيىس، ءمورالدىق ساپا جاعىندا ولقىلىقتار بايقاتۋدا.

كەيبىرى اراققا ءۇيىر بولسا، كەيى كيىم مادەنيەتىنە،ءجۇرىس –تۇرىس ادەپتىلىگىنە كوڭىل بولمەۋدە.تاياز ويمەن قوعامدىق ورتادا ساقتالعان ماسەلەلەردى اشىق ايتا الماۋدا. ولار وزدەرىن ءار قاشان ۇلت ۋاكىلى ەكەندىگىن ەسىنەن شىعارماۋى كەرەك .

    2."اقىندار ايتىسىندا" تىگىلگەن كيىز ۇيلەر ءبىز كورگەندە باستىقتى كۇتەتىن ساياجايعا اينالعان.قاراداي سابىلعان، جىنىككەن كۇتۋشىلەر باستىققا جاعاتسۋ ءۇشىن ارەكەت جاساۋدا.

اۋىلدىڭ ونەرپاز قارتىن، ون ساۋساعى ونەرلى انالارىن،ءانشى – كۇيشى، جىرشى، تەرمەشى تاعى باسقا ورپازدارىن قوشامەتتەپ كۇتىپ جاتقانىن كورە المايسىڭ.

    3. تىڭدارمان، كورەرمەن قاجەتىنەن شىعۋعاءمان بەرۋ كەرەك. ساحنادا شاعىن توپتى جيىپ الىپ اقىندار ايتىسىن وتكىزگەننەن قايتا ساحارا ساحاناسىندا كوپتىڭ قولداۋىن تاپقان ايتىستى كوپتەپ وتكىزۋ. ەڭكەيگەن كارى مەن ەڭبەكتەگەن بالا، ەگىنشى – مالشى، وقىتۋشى – وقۋشى، جەكە كاسىپكەر كورەتىن ورتا جاراتۋ.

    4. ساحارا ساحاناسىندا وتكىزىلگەن "اقىندار ايتىسىندا" سوڭعى ورتا تازالىعىن جاقسارتۋ قىزمەتىن جاقسى ىستەۋگە كۇش سالۋ.

ءۇيىندى –ءۇيىندى سۋسىندىق بوتەلكەنى، اسحانا قوقسىقتارىن تاعى باسقادا ورتا تازالىعىن بىلعايتىن قوقىر –قوسىقتى تازالاۋ قىزمەتىن ۇكىمەت ورىندارى باسا ءمان بەرىپ ىستەۋى كەرەك.

    5.اقىندار ايتىسىندا كەيبىر كەزدەردە كورەرمەن قاۋىم " ءادىلعازىلار القاسى" مىنا اقىندى دۇرىس باعالاي المادى دەپ ءسوز ەتەدى. حالىق –اينا، حالىق – تارازى ەمەسپە. كوپتىڭ كەيدە كەيبىر پىكىرلەرى ورىندى بولۋدا.جەرشىلدىك، رۋشىلدىق، توپشىلدىق سىندى جامان ىندەت جۇقتىرعان كەيبىر ءادىلعازىلار اقىندارعا تۋرا باعا قويا الماۋدا.

   اقىندار ايتىسىن وسىزامان قاجەتىنە سايكەستىرۋ، ومىرشەڭدىك قۋاتىن ايگىلەۋ؛ تىڭدارمان قاجەتىنەن شىعۋ، ايتىس ونەرىن جالعاستىرۋ؛ جاس بۋىن اقىنداردى تاربيەلەۋ؛ عىلىمي تۇرعىداعى زەرتتەۋدى كۇشەيتۋ، قورعاۋ ارقىلى قازاق ۇلتىنىڭ رۋحاني قۇندىلىقتارىن، ۇلتتىق مىنەز، وي – تولعاعىن، مادەنيەت ساناسىن، عۇرىپ – ادەتىن، ءتىل ونەرىن باسقا ۇلتقا تانىتۋ جاعىندا تەك ۇكىمەت ورىندارى، جەكە اقىندار عانا ەمەس قايتا جالپى ۇلت ازاماتتارى كۇش شىعارۋى كەرەك –دەپ بىلەمىز.

   قورتىندىءسوز سول: ۇلتىمىزدىڭ بەيزاتتىق مۇراسى بولعان "اقىندار ايتىسىن" قورعاۋ جانە دامىتۋ- كەزەك كۇتتىرمەيتىن مىندەت.

كەلۋقاينارى: ەرتىس تورابى

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn