<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>ىلە كەلبەتى>>ءىرى ىستەر ەستەلىگى

اۆتونوميالى وبلىسىمىزدىڭ 2012 – جىلعى ون ءىرى اقپاراتى

العى ءسوز: وتكەن 2012-جىلداعى اسەرلى دە قۋانىشتى ىستەردى جانە قۇلشىنىستاردى ادامدى العا جەتەلەيتىن قۋاتتى قوزعاۋشى كۇشكە اينالدىرىپ، وبلىسىمىزداعى ءار ۇلت كادرلارى مەن بۇقاراسىن جاڭا ءبىر جىلدا تىڭ ناتيجەلەرگە جەتۋگە، العا تالپىنۋعا، تاماشا تىڭ تۇرمىس جاراتۋعا دەم بەرەيىك.

جاڭا جىلدا بارشا وقىرماندارمەن اۆتونوميالى وبلىسىمىزدىڭ ەكونوميكاسى مەن قوعامىنىڭ دامۋىنا اسا كەلەلى ىقپال جاساعان ءىرى ىستەرگە كۋاگەر بولا وتىرىپ جانە وي ەلەكتەن وتكىزە وتىرىپ، گازەتىمىز اۆتونوميالى وبلىسىمىزدىڭ 2012-جىلعى ون ءىرى اقپاراتىن سارالاپ شىقتى.

     1. الەمدىك دەڭگەيدەگى ساياحات ونىمدەرىن كۇش سالا جاراتامىز

2012-جىلى ءساۋىردىڭ 28-كۇنى  ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان كۇنەس اۋدانى نارات كورىنىس رايونىندا تەكسەرۋ-زەرتتەۋ جۇرگىزىپ، ىلە وزەنى اڭعارىنىڭ ساياحات كاسىبىنىڭ ورنىن قايتالاي تۇراقتاندىردى. جاڭ چۇنشيان ىلە وزەنى اڭعارىن الەمدىك دەڭگەيدەگى ساياحات ونىمىنە اينالدىرۋدى ءارى بۇل نىسانانى شينجياڭنىڭ ساياحات كاسىبىنىڭ نىساناسىنا اينالدىرۋدى تالاپ ەتتى.

جاڭ چۇنشياننىڭ ورتاعا قويعان «ىلە وزەنى اڭعارىن الەمدىك دەڭگەيدەگى ساياحات ونىمىنە اينالدىرۋ» نىساناسىن توڭىرەكتەي وتىرىپ، ىلە بۇل بارىستا تىنباي قۇلشىنۋى كەرەك. مامىردىڭ ورتا شەنىندە اۆتونوميالى وبلىسىمىز ىلە وزەنى اڭعارىن الەمدىك دەڭگەيدەگى ساياحات ونىمىنە اينالدىرۋ جوباسىن جاساۋ قىزمەتىن باستاپ، جۇڭگو قورعاس 2-كەزەكتى لاۋاندۋلا ساياحات مەرەكەسى، تۇڭعىش كەزەكتى 2012-جىلعى جۇڭگو تەكەس حالىقارالىق فوتو سۋرەت مەرەكەسى، 4-كەزەكتى توعىزتاراۋ اۋدانىنىڭ جابايى جاڭعاق سايىندا جاياۋ ءجۇرۋ ساياحات جارىسى، چاپچال سىبە اۆتونوميالى اۋدانىنىڭ باتىسقا قونىس اۋدارۋ مەرەكەسى سياقتى ساياحات مەرەكەلەرىن وتكىزدى. سونىمەن بىرگە، ساياحات جولى قۇرىلىسى جەدەلدەتىلدى. الدىڭعى جارىم جىلدا وبلىسقا توتە قاراستى ورىنداردا 4 جۇلدىز دارەجەلىدەن جوعارى 17 قوناق ءۇي ىركەس-تىركەس سالىنا باستادى؛10 ساياحات دارەتحانا قۇرىلىس وبيەكتىسىنىڭ قۇرىلىسى باستالىپ، ساياحات ورىندارىنىڭ ساياحاتشىلاردى كۇتىپ الۋ قۋاتى جاقساردى جانە ارتتى. «ىلە وبلىسىنا توتە قاراستى ورىنداردىڭ ءتۇيىندى ساياحات كورىنىس رايوندارىن اشۋ، كوركەيتۋ قيمىل جوسپارى» («12-بەس جىلدىق» مەزگىلدەگى) جاسالىپ، العاشقى باسقىشتا 12 كورىنىس رايونىنداعى 90 نىسانعا جالپى 2 ميلليارد 230 ميلليون يۋان قارجى قوسۋ بەلگىلەندى.

2. جۇڭگو – قازاقستان 2-تەمىر جولىندا پويەز قاتىنادى

2012-جىلى جەلتوقساننىڭ 22-كۇنى ساعات 12 دە جۇڭگودان قازاقستانعا جۇك تاسىمالى پويەزىنىڭ قاتىناۋ سالتى قورعاس تەمىر جولى وتكەلى بەكەتىندە وتكىزىلدى، بۇل جۇڭگو – قازاقستان 2-تەمىر جولى-جۇڭگو شينجياڭ قورعاس وتكەلىنەن قازاقستاننىڭ التىنكول تەمىر جولىنا رەسمي پويەز قاتىناعاندىعىنىڭ بەلگىسى. ۇعىسۋعا قاراعاندا، بۇل رەتكى تۇتاستىرىلعان ەلىمىز تەرريتورياسىنداعى تەمىر جول لەنياسى جىڭ – قۇلجا – قورعاس تەمىر جولى بولىپ، شىعىسى لانجوۋ – شينجياڭ تەمىر جولى جىڭ بەكەتى، باتىسى جۇڭگو – قازاقستان شەكارا وتكەلىندەگى قورعاس بەكەتىنە دەيىن تۇتاسقان، جالپى ۇزىندىعى 292 كيلومەتر.

2011-جىلى جەلتوقساننىڭ 2- كۇنى جۇڭگو مەن قازاقستاننىڭ شەكاراسىندا تەمىر جولدار تۇتاستىرىلدى. تەمىر جول تاراۋلارىنىڭ ءبىر جىلدىق قۇلشىنىسى ارقىلى جالپى ءبىر ميلليارد 930 ميلليون يۋان قارجى قوسىلىپ، قورعاس تەمىر جول وتكەل بەكەتى قۇرىلىسىنىڭ ءتۇرلى مىندەتى اياقتالىپ، زات تاسىمالداۋ قۋاتىنا يە بولدى.

قورعاس تەمىر جول وتكەلى ىسكە قوسىلعاننان كەيىن قورعاس وتكەلى ەلىمىزدىڭ ورتا ازياعا، ءتىپتى ەۆروپاعا باعىتتالعان تاس جول، تەمىر جول، قۇبىر سىندى ءبىر تۇلعالانعان قاتىناس لەنياسىنا اينالاتىن بولادى.

3. ميلليون مۋلىق ەكولوگيالىق، ەكونوميكالىق ورمان ينجەنەرياسىنىڭ 1-مەرزىمدىك  مىندەتى اسىرا ورىندالدى

2012-جىلى ناۋرىزدىڭ 31-كۇنى ىلە وزەنى اڭعارىنداعى ميلليون مۋلىق ەكونوميكالىق، ەكولوگيالىق ورمان ينجەنەريا قۇرىلىسى رەسمي باستالدى، وبلىسقا توتە قاراستى ورىندارداعى مىڭعا جۋىق ءار ۇلت كادرلارى مەن جۇرتشىلىعى جەكە – جەكە چاپچال سىبە اۆتونوميالى اۋدانىنىڭ، كۇنەس اۋدانىنىڭ، توعىزتاراۋ اۋدانىنىڭ ورمان وتىرعىزۋ ينجەنەريا رايونىنداعى 100 مىڭ مۋ جەرىندە قازىرگى ۇرپاقتار ەڭبەك ەتىپ، كەيىنگى ۇرپاقتارعا باقىت جاراتاتىن وراسان زور ەكولوگيالىق جانە حالىق تۇرمىسى ينجەنەرياسى بويىنشا اعاش ەكتى.

وبلىستىق پارتكوم مەن ۇكىمەت ورمان شارۋاشىلىعىنىڭ ەكولوگيالىق قۇرىلىسىنا وسكەلەڭ ءمان بەرىپ، ىلە وزەنى اڭعارىندا ميلليون مۋلىق ەكولوگيالىق، ەكونوميكالىق ورمان وتىرعىزۋ ينجەنەرياسىن اۆتونوميالى وبلىسىمىزدىڭ ورمانشىلىق ىستەرىنىڭ دامۋى مەن ەكولوگيالىق قۇرىلىسىنىڭ «1 – ءنومىرلى ينجەنەرياسى» رەتىندە مىقتى يگەردى ءارى بۇكىل وبلىس بويىنشا كۇش شىعارىپ، پارمەندى شارالار قولدانىپ، جوعارى ولشەم، جوعارى ساپا ارقىلى وسى ينجەنەريانى ويداعىداي اتقارۋعا كىرىستى.

اۆتونوميالى وبلىسىمىزداعى جالپى حالىقتىق مىندەتتى تۇردە اعاش ەگۋ قيمىلى نىسانىن اتقارعان اۋدانداردىڭ بەلسەندى اتسالىسۋى مەن ورتاق قۇلشىنىس جاساۋىندا، ميلليون مۋلىق ەكولوگيالىق، ەكونوميكالىق ورمان ينجەنەرياسى بويىنشا جالپى 100 مىڭ 7 مۋ جەرگە ورمان وتىرعىزىلىپ، 1 – مەرزىمدەگى قۇرىلىس مىندەتى اسىرا ورىندالدى. مۇندا، ورمان مەن وسىمدىك جامىلعىسى اراسىنداعى 28 مىڭ مۋ جەرگە، ورمان مەن ەكونوميكالىق داقىلدار اراسىنداعى 10 مىڭ مۋ جەرگە ورمان وتىرعىزىلىپ، وتىرعىزىلعان جەمىس – ورمان جەر كولەمى 25 مىڭ 500 مۋعا جەتتى. اعاش ەگىپ ورمان وتىرعىزۋ قيمىلىنا قاتىناسقاندار سانى 126 مىڭ 700 ادام/ رەتكە جەتتى.

4. شينجياڭعا باعىتتامالى كومەككە ارنالعان 95 نىساندا قۇرىلىس باستالدى

   2012-جىلى ءساۋىردىڭ 10-كۇنى تۇستەن بۇرىن، جياڭسۋ ولكەسى باعىتتامالى كومەك بەرىپ سالدىرعان شينحياڭعا باعىتتامالى كومەككە ارنالعان 95 نىساندا ءبىر تۇتاس جۇمىس باستاۋ سالتى قورعاس اۋداننىڭ جياڭسۋ ونەركاسىپ باقشاسىندا جۇرگىزىلدى. وسى جولعى ءبىر تۇتاس جۇمىس باستاعان نىسانداردان حالىق تۇرمىسى جانە كاسىپتەر بويىنشا كومەك بەرۋ نىساندارى بار. مۇنىڭ ىشىندە، تۇرعىن ءۇي قۇرىلىسى نىسانىنان 24 ى بار بولىپ، جالپى قوسىلعان قارجى 3 ميلليارد 700 ميلليون يۋان، شينجياڭعا باعىتتامالى كومەك بەرۋ قارجىسى 427 ميلليون يۋان؛ قوعامدىق ىستەر نىسانىنان 24 ى بار بولىپ، جالپى قوسىلعان قارجى 533 ميلليون يۋان، شينجياڭعا باعىتتامالى كومەك بەرۋ قارجىسى 261 ميلليون يۋان؛ ونەركاسىپ باقشا رايونى قۇرىلىسى مەن ەرەكشە كاسىپ نىساندارىنان 9 ى بار بولىپ، جالپى قوسىلعان قارجى 212 ميلليون يۋان، شينجياڭعا باعىتتامالى كومەك بەرۋ قارجىسى126 ميلليون يۋان؛ نەگىزگى ساتى بازا قۇرىلىسى نىساندارىنان  13 ى بار بولىپ، جالپى قوسىلعان قارجى 569 ميلليون يۋان، شينجياڭعا باعىتتامالى كومەك بەرۋ قارجىسى 30 ميلليون يۋان؛ كاسىپتەر بويىنشا كومەك بەرۋ نىساندارىنان 25 ى بار بولىپ، جالپى قوسىلعان قارجى 10 ميلليارد يۋان بولعان.

   ۇعىسۋعا قاراعاندا، بيىل وبلىسقا توتە قاراستى ورىندار  بەيقۇت ءۇي ارقىلى حالىقتى اۋقاتتاندىرۋ ينجەنەرياسى بويىنشا 26 مىڭ 21 وتباسىنا ءۇي سالىپ، كومەك قارجىسى 239 ميلليون 380 مىڭ يۋان؛ وتىرىقتاندىرۋ ارقىلى مال شارۋاشىلىعىن كوركەيتۋ ينجەنەرياسى بويىنشا 2 مىڭ 384 وتباسىنا ءۇي سالىپ، كومەك قارجىسى 61 ميلليون 150 مىڭ يۋان بولعان؛ قامتاماسىزداندىرۋ سيپاتىنداعى تۇرعىن ۇيدەن ءبىر مىڭ 147 سى سالنعان. بەيقۇت ءۇي ارقىلى حالىقتى اۋقاتتاندىرۋ، وتىرىقتاندىرۋ ارقىلى مال شارۋاشىلىعىن كوركەيتۋ ينجەنەرياسىنان سىرت، دەنساۋلىق ساقتاۋ، كاسىپتەندىرۋ، وقۋ - اعارتۋ سياقتى حالىق تۇرمىسى ينجەنەريالارى دا جياڭسۋ ولكەسىنىڭ كومەك بەرۋ نىساندارىنىڭ باستى ءتۇيىنى ەسەپتەلگەن. 

5. نەگىزگى تاقىرىپتىق تاربيە جەتىستىكتەرىن جەبەۋشى كۇشكە اينالدىرايىق

2012-جىلى قاراشانىڭ 2-كۇنى اۆتونوميالى وبلىس «ۇلى وتاندى قىزۋ ءسۇيىپ، كورىكتى مەكەن قۇرايىق» نەگىزگى تاقىرىبىنداعى قيمىلدىڭ كەسكىندى قورىتىندى اڭگىمە ءماجىلىسىن اشىپ، نەگىزگى تاقىرىپتىق تاربيە قيمىلى ورىستەتىلگەننەن بەرى قول جەتكىزىلگەن تابىستى تاجىريبەلەردى جان - جاقتى قورىتىندىلاپ، قيمىل بارىسىندا جارىققا شىققان ۇزدىك كوللەكەتيۆتەرمەن جەكەلەردى سيلاپ، وسى رەتكى نەگىزگى تاقىرىپتىق تاربيە قيمىلىنداعى تابىستى تاجىريبەلەرمەن ءونىمدى ادىستەردى كۇندەلىكتى قىزمەت بارىسىندا قولدانىپ، ونى ەكى ءىرى تاريحي مىندەتتى جۇزەگە اسىرۋدىڭ رۋحاني قوزعاۋشى كۇشىنە اينالدىرۋدى تالاپ ەتتى.

نەگىزگى تاقىرىپتىق تاربيە قيمىلى مەزگىلىندە، ىلە اڭعارىنداعى ءار ۇلت ەگىنشى - مالشىلارى پارتيا مەن مەملەكەتتىڭ حالىققا ءتيىمدى ءتۇرلى ساياساتىنان يگىلىكتەنۋشى عانا بولىپ قالماستان، نەگىزگى تاقىرىپتىق تاربيەگە قاتىناسۋشىلاردان بولدى. اۆتونوميالى وبلىس وسى ەرەكشەلىكتى مىقتى يگەرىپ، بەتپە - بەت ۇگىت جۇرگىزۋدىڭ زور ابزالدىعىنان پايدالانىپ، 10 مىڭ ادامدىق لەكسيا سويلەۋ قيمىلىن ورىستەتىپ، 10 مىڭ كادردى نەگىزگى ساتىعا ءتۇسىرىپ، جالپىلاسۋ كولەمىن كەڭەيتتى. اۆتونوميالى وبلىس نەگىزگى تاقىرىپتىق تاربيە قيمىلىنىڭ جاڭالىق جاراتۋ فورماسىنا ءتىپتى دە باسا نازار اۋدارىپ، وبلىسقا توتە قاراستى ورىنداردى ماڭايىمىزداعى ادامدى اسەرلەندىرەتىن ۇلتتار ىنتىماعىنىڭ ناقتى مىسالدارىن بەلسەندىلىكپەن بايقاۋعا ءارى كەڭ كولەمدى ۇگىتتەۋگە شاقىردى.

6. ءتورتتى جەبەۋ ايى قيمىلى جاندى وتكىزىلدى

پارتيا 17-كەزەكتى  ورتالىق كوميتەتىنىڭ 6-جالپى ءماجىلىسى مەن اۆتونوميالى رايوندىق 8-رەتكى پارتيا قۇرىلتايىنىڭ رۋحىن ىشكەرىلەي دايەكتى تياناقتاندىرۋ ءۇشىن 2012-جىلى اقپاننىڭ 15-كۇنى وبلىستىق پارتكومنىڭ باسشىلىق القاسىنىڭ 2011-جىلدىق ارناۋلى دەموكراتيالىق تۇرمىس جيىنىندا وبلىستىق پارتكوم اقپاننىڭ 15-كۇنىنەن ناۋرىزدىڭ 15-كۇنىنە دەيىن ءتورتتى جەبەۋ ايى قيمىلىن ورىستەتۋدى ۇيعاردى.

اقپاننىڭ 18-كۇنى قۇلجا قالاسىنىڭ حالىق الاڭىندا «  اۋىلدارعا كىتاپ  جەتكىزۋدىڭ» باستاۋ سالتى  قۇلجا قالالىق حالىق الاڭىندا وتكىزىلىپ، اۆتونوميالى وبلىستىڭ «وسى زامان مادەنيەتىن جەبەۋ ايى» قيمىلىنىڭ شىمىلدىعى اشىلدى. قۇنى 3 ميلليون يۋاننان استام  110 مىڭ پارشادان استام كىتاپ 10 جۇك اۆتوموبيلىنە تيەلىپ، قۇلجا قالاسىنىڭ حالىق الاڭىنان جول الىپ  ىلە اڭعارىنداعى 9 اۋدان - قالا مەن قورعاس وتكەلىنە جەتكىزىلدى.

اقپاننىڭ 26 -كۇنى اۆتونوميالى وبلىس «حالىق تۇرمىسىن جەبەۋ ايى»  قيمىلىن باستاپ، وبلىسقا توتە قاراستى ورىندار مەن اۋدان، قالالارداعى 62 ەمدەۋ، دەنساۋلىق ساقتاۋ ورىندارى 10 اۋدان-قالاعا، 123 اۋىل-قالاشىققا، 750 اكىمشىلىك قىستاققا بارىپ،  كەم دەگەندە ون مىڭنان استام جۇرتشىلىققا قىزمەت وتەدى.

دەمەك، ءتورت تاقىرىپتىق جەبەۋ ايى قيمىلى ىلە كولەمىندە كەڭ كولەمدە ورىستەتىلىپ، ءار ۇلت جۇرتشىلىعىن رازى ەتتى.

7. «ەڭ تاڭداۋلى اۋىل-قىستاق شيپاگەرى» جۇماتايدان ۇيرەنەيىك

   48 جاستاعى تەكەس اۋدانى شولاقتەرەك قالاشىعى بوزادىر مال شارۋاشىلىق رايونى دەنساۋلىق ساقتاۋ ورنىنىڭ شيپاگەرى جۇماتاي اۋباكىر ۇلى ورتالىق تەلەۆيزياسىنىڭ 2012-جىلىعى «ەڭ تاڭداۋلى اۋىل – قىستاق شيپاگەرىن تاڭداۋ» كولەمدى الەۋمەتتىك قيمىلىندا  شينجياڭ بويىنشا بىردەن – ءبىر وسى اتاققا يە بولعان شيپاگەر بولدى.

2012-جىلى جەلتوقساننىڭ 12-كۇنى وبلىستىق پارتكومنىڭ شۋجيى لي شۋەجۇن بوزادىر مال شارۋاشىلىق رايونىنىڭ دەنساۋلىق ساقتاۋ ورنىنا ارنايى بارىپ، قازاق شيپاگەر جۇماتايدان حال سۇرادى. 23-كۇنى تۇستەن بۇرىن وبلىستىق پارتكوم 2012-جىلعى 22-رەتكى تۇراقتى مۇشەلەر (كەڭەيتىلگەن)ءماجىلىسن اشىپ، وبلىس بويىنشا جۇماتايدان ۇيرەنۋ قيمىلىن ورىستەتۋدى ۇيعاردى؛ 24 – كۇنى تۇستەن بۇرىن  وبلىس جۇماتايدىڭ ۇزدىك ىستەرىنەن ۇيرەنۋگە اتتانىسقا كەلتىرۋ جينىن اشتى ءارى «ەڭ تاڭداۋلى اۋىل – قىستاق شيپاگەرى» جۇماتايدىڭ  ىزگى ىستەرىنەن دوكلاد جاسادى. لي شۋەجۇن ءتىپتى دە كوپ ناقتى مىسالدار ارقىلى جۇماتايدىڭ قاراپايىم قىزمەت ورنىندا تاماشا ناتيجە جاراتقاندىعىن ۇگىتتەۋدى ءۇمىت ەتتى.وسىدان كەيىن وبلىسقا توتە قاراستى ورىندارداعى ءار ۇلت كادرلارى مەن  بۇقاراسى جۇماتايدىڭ ىزگى ىستەرىنەن جاسالعان دوكلادتى تىڭداپ، قىزمەت ورنىن ءسۇيىپ، كاسىپتى قاستەرلەگەن ونەگەلىلەردەن ۇيرەنەتىندىكتەرىن ءبىلدىردى.

8. جەر سىلكىنىسىنە قارسى اتتانىپ، اپاتتان قۇتقارۋ قىزمەتىندە كەزەڭدىك جەڭىسكە قول جەتكىزدى

2012-جىلى 30-ماۋسىم ساعات 5 تەن 7 مينۋت وتكەندە، اۆتونوميالى وبلىسىمىز بەن بايىنعولين اۆتونوميالى وبلىسى حى جيڭ اۋدانىنىڭ شەكارالاسقان جەرىندە 6.6 بال جەر سىلكىنىپ، وبلىسىمىزداعى اۋدان-قالالار كۇشتى سىلكىنىس اسەرىنە ۇشىرادى.

جەر سىلكىسىنەن كەيىن، پارتيا ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان، اۆتونوميالى رايوننىڭ ءتوراعاسى نۇر باكىر ەڭ الدىمەن وبلىستىق پارتكومنىڭ نەگىزگى باسشىلارىنا تەلەفون بەرىپ اپات جاعدايىن سۇراپ ۇعىستى ءارى اپاتتان قۇتقارۋ قىزمەتى جونىندە ورنالاستىرۋلار جاسادى. وبلىستىق پارتكوم مەن ۇكىمەت اپات جاعدايىنا بارىنشا نازار اۋدارىپ، تەز قيمىل جاسادى. وبلىستىق پارتكومنىڭ شۋجيى لي شۋەجۇن سول كۇنى ساعات 5 تەن 30 مينۋت وتكەندە شۇعىل جيىن اشىپ، جەر سىلكىنىسىنە قارسى تۇرىپ، اپاتتان قۇتقارۋ قىزمەتى جونىندە ورنالاستىرۋلار جاسادى؛ وبلىستىق شۇعىل جاعدايعا توتەپ بەرۋ قولباسشىلىق شتابى دەرەۋ جەر سىلكىنىسىنە توتەپ بەرۋدىڭ 2 – دارەجەلى مەحانيزمىن ىسكە قوسىپ، وبلىس باستىعى مانەن زەينەل ۇلىن ەڭ الدىمەن اپات تۋىلعان رايونعا بارىپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىنە نۇسقاۋشىلىق جاساۋعا ورنالاستىردى.

ءارقايسى اۋدان، قالا، اۋىل – قالاشىق، الاڭدار مەن وبلىسقا توتە قاراستى قاتىستى تاراۋلار اۋىر تابيعي اپاتتارعا توتەپ بەرۋ جوسپارىن دەرەۋ ىسكە قوسىپ، ءونىمدى شارالار قولدانىپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىنە بار كۇشپەن كىرىستى. ءارقايسى اۋدان-قالا 878 رەت قىزمەت گرۋپپاسىن شىعارىپ، 8 مىڭ 719 ادام وتباسىلارىن ارالاپ ءبىر – بىرلەپ تەكسەرۋگە قاتىناستى. وبلىس - اۋداندارداعى ەمدەۋ - دەنساۋلىق ساقتاۋ تاراۋلارى مەن ازاتتىق ارميا 11-شيپاحاناسى جارالىلاردى بەلسەنە قۇتقاردى. ازاتتىق ارميانىڭ ىلەدە تۇراتىن ءبولىمى، نەگىزگى ساتى قارۋلى ساقشى ءبولىمى مەن حالىق جاساقتارى دا اپاتتان قۇتقارۋ قىزمەتىنە بەلسەنە قاتىناستى؛ قوعام حاۋىپسزدىگى مەكەمەسىنىڭ ساقشىلارى، قارۋلى ساقشى ءارقايسى اترەتتەرى ەڭ الدىمەن ناق مايدانعا بارىپ، بۇقارانى قۇتقارۋ، جوتكەۋ، اپاتتان قۇتقارۋ بۇيىمدارىن جەتكىزۋ، حاۋىپتى ۇيلەردى اداقتاۋ، جول اشۋ قىزمەتتەرىن ىستەدى؛ ساياسي – زاڭ كوميتەتى، ورنىقتىلىقتى قورعاۋ سىندى ءارقايسى مەكەمە، ورىندار قوعامدىق جاعدايدى باقىلاۋعا، اماندىق ءتارتىبىن قورعاۋعا جاۋاپتى بولدى؛ حالىق ىستەرى سالاسى ولشەمدى تالاپتار بويىنشا اپات جاعدايىن تەكسەرۋ، جيناقتاۋ، جوعارىعا دوكلاد ەتۋ جۇمىسىن ىستەدى. اۋداندارعا توتە قاراستى بارلىق مەكەمە، ورگان، اۋىل-قالاشىقتار اپاتتىڭ قايتا تۋىلۋىنان ساقتاندىرۋ، قامدانۋ قىزمەتىن ىستەدى.

9. «ءتاڭىر تاۋىن تابيعى مۇراعاتتار قاتارىنا ەنگىزۋ» دابىلى قاعىلدى

2012-جىلى ءساۋىردىڭ 1-كۇنى اۆتونوميالى وبلىس وبلىسقا توتە قاراستى ورىنداردىڭ ءتاڭىر تاۋىن دۇنيە جۇزىلىك تابيعي مۇراعاتتار قاتارىنا ەنگىزۋگە ءوتىنىش ەتۋ قىزمەتىن ىلگەرىلەتۋ ءماجىلىسىن اشىپ، قاتىستى تاراۋلار مەن قاتىستى اۋدان، قالالاردىڭ دەرەۋ اتتانىسقا كەلىپ، بارلىق ۇتىمدى شارالاردى قولدانا وتىرىپ، ماۋسىم ايىنىڭ باسىندا ءتاڭىر تاۋىن تابيعي مۇراعاتتار قاتارىنا جولداۋدىڭ ءتۇرلى دايىندىق قىزمەتتەرىن ورىنداپ بولۋعا كەپىلدىك ەتۋدى تالاپ ەتتى.

2012-جىلى قاڭتاردىڭ 6-كۇنى مەملەكەتتىك كەڭەستىڭ قول قويۋىمەن شينجياڭنىڭ ءتاڭىر تاۋى ەلىمىزدىڭ 2013-جىلعى دۇنيە جۇزىلىك تابيعي مۇراعاتتار قاتارىنا ەنگىزۋدى ءوتىنىش ەتۋ نىسانى ەتىپ بەلگىلەندى. شينجياڭنىڭ ءتاڭىر تاۋى قويناۋىنداعى جەلىلەس تابيعي مۇراعاتتار ورنى: اقسۋ ايماعىنىڭ تەمىر شوقىسى، ىلە قازاق اۆتونوميالى وبلىسىنىڭ قارا جون، كولدەنەڭ جايلاۋلارى، بايىنعولين موڭعۇل اۆتونوميالى وبلىسىنىڭ بايىنبۇلاق ساحاراسى جانە سانجى حۇيزۋ اۆتونوميالى وبلىسىنىڭ بوعدا كولى سياقتى رايونداردان قۇرام تاپقان، جالپى جەر اۋدانى 5 مىڭ 759 شارشى كيلومەتر.

توعىزتاراۋ اۋدانى كولدەنەڭ ساياحات رايونىن تابيعي مۇراعاتتار ەسىمدىگىنە جولداۋ قىزمەتىن سول جىلعى «1-ءنومىرلى ينجەنەريا» رەتىندە مىقتى يگەرىپ، مۇراعاتتار ەسىمدىگىنە جولداعان ورىننىڭ ورتاسىن ۋنيۆەرسالدى وڭاپ، كوركەم كورىنىسكە كەدەرگى بولاتىن كونە ۇيلەردى، تامداردى، قالتىقىلاردى رەتكە سالىپ، كوركەم اۋىل-قىستاق ورتاسىن جاراتىپ، ساياحات ماركاسىنىڭ تاماشا وبرازىن تىكتەدى. تەكەس اۋدانى قاراجون جايلاۋىن تابيعي مۇراعاتتار رەتىندە ايگىلەۋ ورتالىعى قۇرىلىسى قىزمەتىن جەدەلدەتىپ، قاراجون كورىنىس رايونىنىڭ ورتاسىن ۋنيۆەرسالدى وڭاۋ قىزمەتىن كۇشەيتتى. موڭعۇلكۇرە اۋدانى شاتى ءوڭىرىن تابيعي مۇراعاتتار قاتارىنا ەنگىزىلگەن تەمىر شىڭىنىڭ ارالىق رايونى رەتىندە قاراپ، ول جەردەگى 29 مالشى وتباسىن تۇگەلدەي باسقا جەرگە كوشىرىپ، تابيعي مۇراعاتتار ەسىمدىگىنە جولداۋدىڭ ءتۇرلى قىزمەتتەرىن ويداعىداي ىستەدى.

10. ىلە تەاترحاناسى مەن وبلىستىق مادەنيەت سارايى قۇرىلىسىن سالۋ قىزمەتى باستالدى

2012-جىلى مامىردىڭ 1-كۇنى ىلەدەگى ءار ۇلت بۇقاراسى ارمانداعان ىلە تەاترحاناسى مەن وبلىستىق مادەنيەت سارايى قۇرىلىسى ىلە وزەنىنىڭ جاعالاۋىندا رەسمي جۇمىس باستادى.

ەكى ءىرى مادەنيەت ورنىنىڭ سالىنۋى وبلىسقا توتە قاراستى ورىنداردىڭ ىلەنى مادەنيەت بايلىعى مول ءىرى وبلىستان مادەنيەتى دامىعان ءىرى وبلىس ەتىپ قۇرۋدى جەدەلدەتۋدىڭ ماڭىزدى شاراسى ءارى 2012-جىلى وبلىستىق پارتكوم مەن ۇكىمەت تۇراقتاندىرعان 29 ءتۇرلى ءتۇيىندى حالىق تۇرمىسى ينجەنەرياسىنىڭ ءبىرى. ىلە تەاترحاناسى قۇرىلىسى نىسانىن حالىقارالىق ورەدەگى شىعىس وڭتۇستىڭ ۋنيۆەرسيتەتىنىڭ قۇرىلىس جوبالاۋ - زەرتتەۋ ورنى جوبالاعان. ىلە تەاترحاناسى قۇرىلىسىنا تاڭدالعان ورىن ىلە وزەنى كوپىرى مەن ىلە وزەنى ەرەن كوپىرىنىڭ ارالعىندا بولىپ، ياعني ىلە وزەنىنىڭ سولتۇستىك جاعالاۋىنداعى وڭتۇستىك ايلانبا جولدىڭ وڭتۇستىگى مەن قۇلجا قالالىق پارتكومنىڭ قىزمەت عيماراتىنىڭ ارالىعىندا، يەلەگەن جەر اۋماعى 95.7 مۋ، قۇرىلىس جەر اۋماعى 26 مىڭ 916 شارشى مەتر. قۇرىلىس سالىنىپ بولعاننان كەيىن ءبىر مىڭ 200 ادام سياتىن ۇلكەن تەاترحانا زالى، 250 ادام سياتىن كىشى تيپتەگى تەاترحانا، 700 ادام سياتىن مۋزىكا زالى مەن 10 كىشى تيپتەگى جيىن زالى جانە 4 ورتا تيپتەگى جيىن زالى مەن وبلىسقا توتە قاراستى كوركەمونەر ۇيىرمەلەرىنىڭ كاسىپكە پايدالاناتىن ۇيلەرىن قامىتيدى.

وبلىستىق مادەنيەت سارايى نىسانىنىڭ قۇرىلىس جەر اۋماعى 4 مىڭ 100 شارشى مەتر، بۇعان جالپى 16 ميلليون يۋان قارجى قوسىلعان. بۇل ينجەنەريا سالىنىپ بولعاننان كەيىن كوركەمونەر كورمەسى، مادەني كونسەرت نومىرلەرىن تاماشالاۋ، مادەني كوڭىل اشۋ ورتالىعى سياقتى ورىندار ءبىر تۇلعالانعان وسىزاماندانعان، كوپ يقۋاتتى، ۋنيۆەرسالدى بۇقارالىق مادەنيەت قيمىل ورنىنا اينالادى.

كەلۋ قاينارى: ىلە گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn