<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>اتامۇرا- اسىل قازىنا>>ءمادەني مۇرا

بەيزاتتىق مادەنيەت مۇرالارىنان كوز جازىپ قالماۋدىڭ العى شارتى − قورعاۋ

داۋىل تولەۋ ۇلى

 رەال ومىردە بەلگىلى ءبىر زات ماڭىزدى دۇنيە ەسەبىندە ءومىر سۇرۋگە قاقىلى ءارى قاجەتتى بولادى ەكەن، ول، ءسوز جوق، قورعالۋعا ءتيىس. ادامزات رۋحىنىڭ جارقىن ۇلگىسى ەسەپتەلەتىن بەيزاتتىق مادەنيەت مۇرالارى دا ءدال وسىنداي ايالاۋعا، قاستەرلەۋگە، قادىرىنە جەتىپ قورعاۋعا مۇقتاج. ءدۇن - دۇنيە جارالعان ارعى تاريحتان بەرگى سالقار بارىسقا ۇڭىلسەڭىز، تابيعات انانىڭ تالاي - تالاي اسىلىنان كوز جازىپ قالعاندىعىن بايقايسىز. كەرەك بولسا ساناڭىز، قانشاما ۇلتتار مەن ۇلىستار جويىلدى، قانشالاعان جان - جانۋاردىڭ تۇقىمى تاۋسىلدى، ادامزات قانشالاعان اسىلىنان ايرىلدى،قانشالاعان سالت - ساناسىنان، جادىگەرىنەن قول ءۇزدى، قانشالاعان دىندەر كەلمەسكە كەتتى.ت.ب. وسىلاردىڭ بارلىعىنىڭ جوعالۋ بارىسىنا قاراپ وتىرساڭىز، ادام بالاسىنىڭ دەر كەزىندە شارا قولدانىپ قورعاماۋىنىڭ باستى سەبەپ بولعاندىعىن بىردەن بىلەسىز.قولدا بار التىننىڭ قادىرىنە جەتپەي، قولدان شىعارىپ العان سوڭ جاتتا - كەپ وكىنىپ جاتاتىن ادام بالاسىنىڭ وسىنداي بوشالاڭ قيمىلىنا كەيدە وتىرىپ كۇلەسىڭ. ال كەيدە،ەلدىڭ يگىلىگىنە جاراعالى تۇرعان ءبىر دۇنيەلەردىڭ سانالى ادامداردىڭ قولىمەن قيراتىلىپ نەمەسە جولى كەسىلىپ جاتقانىن كورگەنىڭدە قاراداي قىنجىلاسىڭ. مادەنيەتتىڭ ءمانىن تۇسىنبەۋ، مادەنيەتكە نەمقۇرايدى قاراۋ وسىدان ارتىق بولماسا كەرەك.

 مادەنيەت − ۇلتتىڭ رۋحى. مادەنيەتى مەشەۋ ۇلتتىڭ قاي - قاشان دا باعى جانباعان. سونسىن دا، ول وزگە ۇلتتارمەن تەرەزە تەڭەستىرە الماي، ۇلى كەرۋەننىڭ شاڭىن قاۋىپ قالا بەرگەن. تاريحتان الىپ قاراساڭىز، سوناۋ ەسكى زامانداردا تالايلاعان ۇلتتار مەن ۇلىستار بول−عان. ولاردىڭ ءبىر قاۋىمى تۇتاس دۇنيەنى جاۋلاپ الۋ ماقساتىمەن وزگە ەلدەرگە الامان سوعىس تا اشقان، ءبىرتالاي ەلدى ۋىسىنا ۇستاپ،نەداۋىر جىلدار داۋرەن سۇرگەن.الايدا، جىلداردىڭ جىلجىۋىمەن ولاردىڭ كوبى تاريح ساحناسىنان ەرىكسىز ءتۇسىپ، مەشەۋلىك جايلاپ، زاماننىڭ ارتىندا قالدى. نەگە بۇلاي بولادى؟ ولار ءبىرمەزەت سوعىس قارۋىن وزگەلەردەن ۇستەم قويعانمەن، مادەنيەتىن ۇستەم قويا المادى، قالاي سوعىسۋدىڭ جولىن تابا المادى، يدەياسىن كوزسىزدىك جايلادى. دەمەك، ادامزاتتىڭ دامۋىنا كورسوقىرلىق قاندى سوعىس ەمەس، مايەكتى مادەنيەت كەرەك.

قازىرگى دۇنيەدەگى باسەكە، بەلگىلى جاقتان العاندا، مادەنيەت باسەكەسى دەۋگە بولادى. بارلىعى ءوز مادەنيەتىن، اسىرەسە، ۇلتتىق وركەنيەتتى دامىتۋعا باسا ءمان بەرىپ جاتىر.وسى ارقىلى ءوزىنىڭ مادەنيەتتەگى ۇلتتىق ماركاسىن(برەندىن)جاساپ، ءوز مادەنيەتىن ايداي الەمگە تانىتۋدىڭ قامىن ويلاۋدا.وسى بارىستا، كەيبىر مادەنيەتتەرگە، مۇراعاتتارعا تالاساتىن، وعان ءوز ۇلتىنىڭ تاڭباسىن باسىپ،ۋينوسكوعا الدىمەن جولداپ جىبەرەتىن جايتتەر كورىلۋدە. بەلگىلى جاقتان العاندا، مۇنى ولاردىڭ ءوز ۇلتىنىڭ مادەنيەتىن، وبرازىن، ات - اتاعىن كوتەرۋگە دەگەن ىنتاسى دەۋگە دە بولادى. ءدال ۋاقىتى ەسىمدە جوق، وسىدان 5 - 6 جىلدىڭ الدىندا «شيجياڭ گازەتىندە» ءادىل سەمەيقان ۇلى دەيتىن اۆتوردىڭ «كاريستەردىڭ وزىمشىلدىك رۋحى سالعان وي» اتتى ماقالاسى جاريالاندى. وسى ماقالاداعى ايتىلعان وي كۇنى بۇگىن ەسىمنەن شىقپايدى، ويلاعان سايىن تولعانامىن. اۆتور حانزۋ حالقىنىڭ «قياق كۇرىش مەرەكەسىن» سوناۋ چاۋشيان تۇبەگىندە جاتقان كورەيلەردىڭ ءوز ءتول مەرەكەسى رەتىندە ۋينوسكوعا الدىمەن تىركەتىپ جىبەرگەندىگىن، اۋەلى، ۇلى كوڭزىنى دا وزدەرىنىڭ اتا - باباسى ەتكىسى كەلەتىندىگىن ايتا كەلىپ، مۇنداي زورەكەرلىكتىڭ ەشقانداي مارقادام تاپپايتىندىعىن سىنايدى. سونىمەن بىرگە، وسى ۇلتتىڭ بويىنان كورىنگەن ءوز ۇلتىنىڭ مادەنيەتىن ءدۇيىم ەلگە ايگىلەۋگە دەگەن تالپىنىسىن، مادەني مۇراعاتتار ارقىلى ۇلتتىڭ قۇندىلىقتارىن اسىرۋعا دەگەن كۇشتى رۋحىن اشىپ ايتادى. سوڭىندا، وسىنداي رۋحتىڭ ءبىزدىڭ ۇلتىمىزعا دا اۋاداي قاجەت بولىپ تۇرعاندىعىن، قولداعى بار مادەنيەت مۇراعاتتارىنىڭ قادىرىنە جەتىپ، ولاردى قورعاۋ، ادامزاتتىڭ كادەسىنە جاراتۋ جونىندە قوعامداعى ازاماتتارعا ۇندەۋ تاستايدى. شىنى وسى. مادەنيەتتى قورعاۋ، ۇلت مادەنيەتىن - دامىتۋ − زامان تالابى. وسىعان وراي، 2011 - جىلى پارتيا ورتالىق كوميتەتى پارتيا 17 - كەزەكتى ورتالىق كوميتەتىنىڭ التىنشى جالپى ماجىلىسىندە «جۇڭگو كوممۋنيستىك پارتياسىنىڭ مادەنيەت ءتۇزىلىسى رەفورماسىن تەرەڭدەتىپ، سوتسياليستىك مادەنيەتتىڭ ۇلى دامۋى مەن كوركەيىپ - گۇلدەنۋىن ىلگەرىلەتۋدەگى بىرنەشە كەلەلى ماسەلەلەر جونىندەگى پىكىرىن»جاريالادى. مۇنداعى وزەكتى ماسەلە جۇڭحۋا ۇلتتارى مادەنيەتىن دامىتۋ، جۇڭگونى مادەنيەتى دامىعان ءىرى ەلگە اينالدىرۋ. ساياسات وسىنداي ءتيىمدى بولىپ وتىرعاندا، ەندىگارى جالتاقتاپ نەمەسە توسىرقاپ وتىرا بەرۋگە بولمايدى. قازاق − ءداستۇرلى مادەنيەتكە باي ۇلت. كوپتەگەن باعالى بەيزاتتىق مادەنيەت مۇرالارى بار. سوڭعى جىلدارى، وسىلاردىڭ اراسىنان اقىندار ايتىسى مەملەكەت دارەجەلى بەيزاتتىق مادەنيەت مۇرالارى قاتارىنا ەنگىزىلدى. ال، قازىر مادەنيەت مينيسترلىگىنىڭ قولداۋىندا، اۆتونوميالى رايوندىق پارتكوم مەن حالىق ۇكىمەتىنىڭ جەتەكشىلىگىندە، وتە - موتە، قاتىستى باسشىلاردىڭ تىكەلەي ۇيىمداستىرۋىندا، اقىندار ايتىسى بىرلەسكەن مەملەكەتتەر ۇيىمىنىڭ ادامزاتتىڭ ورتاق مۇراسى تىزىمدىگىنە تىركەلۋ جۇمىستارى قاۋىرت ىستەلىپ جاتىر. بۇل تەك قازاق حالقى عانا ەمەس، كۇللى جۇڭحۋا حالىق رەسپۋبليكاسى جونىنەن زور قۋانىش دەۋگە بولادى. ويتكەنى جۇڭحۋا مادەنيەتى كوپ ۇيەكتى ءبىر تۇتاس تۇلعا. دەمەك، مادەنيەت مۇرالارىن قورعاۋدىڭ، كادەگە جاراتۋدىڭ ماڭىزدىلىعى دا مىنە وسىندا جاتىر. بىزدە مۇنان باسقا تالايلاعان مۇراعاتتار بار، ولاردى قورعاۋ، ادامزات بالاسىنىڭ بايلىعىنا اينالدىرۋ كەزەك كۇتتىرمەي ىستەيتىن جۇمىس دەپ قارايمىز. سول ءۇشىن، مادەنيەت مۇراعاتتارىنان كوز جازىپ قالماۋ ءۇشىن، قورعاۋدى باستى ورىنعا قويۋ قاجەت.

كەلۋ قاينارى: شينجياڭ گازەتى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn