<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>اتامۇرا- اسىل قازىنا>>تاريحي تۇلعالار

اعا بۋىنداردىڭ اسىل مۇرالارىن قادىرلەپ، وزىق مادەنيەتىمىزبەن رۋحاني ءومىرىمىزدى ارلەندىرەيىك

 

 سۇلتان ءماجيت ۇلىنىڭ تۋىلعانىنا 100جىل تولۋ بايلانىسىمەن

 

ىلە قازاق اۆتونوميالى وبلىسىنىڭ ورىنباسار باستىعى مۇقيات جارمۇقانبەت ۇلى

قۇرمەتتى باسشىلار، قالامگەرلەر، جولداستار!

پارتيا17-كەزەكتى ورتالىق كوميتەتى 6-جالپى ءماجىلىسىنىڭ، اۆتونوميالى رايوندىق پارتكومنىڭ مادەنيەت قىزمەتى ءماجىلىسىنىڭ رۋحىن، اۆتونوميالى وبلىستىق پارتكومنىڭ وسى زامانعى مادەنيەتتى دامىتۋ جونىندەگى تالاپتارى مەن ورنالاستىرۋلارىن مۇقيات دايەكتىلەندىرىپ وتىرعان تاماشا جاعدايدا، ءبىز بۇگىن كورنەكتى اقىن، جىراۋ، فولكلوريست، ءانشى، اكتەر سۇلتان ءماجيت ۇلى دۇنيەگە كەلگەندىگىنىڭ100جىلدىعىن ەسكە الىپ، ونىڭ شىعارماشىلىعى جونىندە عىلمي تالقى ءماجىلىسىن وتكىزىپ وتىرمىز.

بۇل وبلىستىق پارتكوم مەن ۇكىمەتتىڭ جان-جاقتى قولداۋىمەن دەر كەزىندە ۇيىمداستىرىلعان ماڭىزى مەن ءمانى جوعارى، بەرەر تاعىلىمى مەن تاربيەسى مول، حالىق تىلەگىنەن شىققان ءماجىلىس دەۋىمىزگە بولادى. سەبەبى سۇلتان ءماجيت ۇلى ءوز ءداۋىرىنىڭ دارابوز ساڭلاقتارىنىڭ ءبىرى.عاسىرلار بويى ەكشەلىپ، ۇلتىمىزدىڭ رۋحى مەن قانىنا سىڭگەن قاسيەتتى ونەرىن ءوز بويىنا دارىتىپ، ونىڭ قادىر-قىمباتىن كەتىرمەي مۇراگەرلىك ەتىپ، ونى كەيىنگى ۇرپاققا جالعاپ، ەسكى مەن جاڭا الماسقان ءداۋىر ءولاراسىندا ءومىر مەكتەبى مەن ونەر كەنىشىنەن سوتسياليستىك جاڭا زامانعا حالقىمىزدىڭ اسىل مۇرالارىن اماناتتاپ، ءناسيحاتتاپ، ونى زەردەلەپ زەرتتەپ، ءوز جاسامپازدىعىمەن بايىتىپ، ەلەۋلى ۇلەس قوسقان دارا تۇلعا.سونداي-اق، وبلىسىمىز ادەبيەت-كوركەمونەر ىستەرىنىڭ ىرگە تاسىن قالاۋشى العاشقى ارداگەر بۋىنداردىڭ ءبىرى.

ول1979-جىلى، ياعني پارتيا 11-كەزەكتى ورتالىق كوميتەتىنىڭ 3-جالپى ءماجىلىسى اشىلىپ، زامان وڭالىپ، ءداۋىر ءوز باعدارىن ۇستانعان تۇستا، شينجياڭداعى ۇلتىمىزدان شىققان، ەڭبەگى سىڭگەن ساقا حالىق ونەرپازى رەتىندە استانا ساحناسىندا ءوزىنىڭ «دومبىرا شاتتىعىن» ورىنداپ، استانا كورەرمەندەرىنىڭ قىزۋ العىسىنا بولەندى ءارى دىڭ شياۋپيڭ قاتارلى مەملەكەت باسشىلارىنىڭ قابىلداۋىندا بولدى. باسقاسىن ايتپاساق تا، وسىنىڭ ءوزى سۇلتان ءماجيت ۇلىنىڭ حالقىمىزدىڭ ادەبيەت-كوركەمونەرىن، مادەنيەتىن جالپى جۇڭحۋا ۇلتتارىنىڭ التىن قورىنا قوسۋ جانە ولارعا تانىستىرۋ، تۋىسقان باسقا ۇلتتاردىڭ ادەبيەت-كوركەمونەرىن، مادەنيەتىن ۇلتىمىزعا تانىستىرۋ جولىنداعى ءبىر كىسىلىك وشپەس ۇلەسى. سوندىقتان دا ءبىز الدىمەن ول كىسىنى ءوز ءداۋىرىنىڭ ونەر ساڭلاعى، وبلىسىمىزدىڭ ادەبيەت -كوركەمونەر ىستەرىنىڭ ىرگە تاسىن قالاۋشى، حالقىمىزدىڭ ماقتانىشى رەتىندە ەسكە الۋعا، اسپەتتەۋگە حاقىلىمىز.وسىعان وراي ايتارىمىز:

بىرىنشىدەن، ۇلتتىق وزىق مادەنيەتكە ونان ارى مۇراگەرلىك ەتىپ جانە ونى ساۋلەلەندىرىپ، مادەنيەت ىستەرىن زور كۇشپەن دامىتىپ، حالىق بۇقاراسىنىڭ رۋحاني مادەنيەتىن بايىتۋ دارىپتەلىپ وتىرعان كەزەكتەگى اسا تاماشا جاعدايدا ءبىز بار-جوعىمىزدى تۇگەندەپ، قولداعى اسىلىمىزدىڭ قادىرىنە جەتىپ، سۇلتان ءماجىت ۇلى قاتارلى اعا بۋىندارىمىز قالدىرعان مول حالىقتىق مۇرالاردى جانە ولاردىڭ ءوز ەڭبەكتەرىن عىلمي تۇرعىدان، سونداي-اق ونىڭ تاريحي مادەنتەتتىك قۇنى تۇرعىسىنان قادىرلەپ جيناۋىمىز، رەتتەۋىمىز، زەرتتەۋىمىز، قايتا جاڭعىرتىپ، ونىڭ اشىلماعان قىرلارىمەن، بۇگىنگى داۋىرىمىزبەن ۇندەسىپ جاتقان ىشكى يىرىمدەرىمەن تانىسۋىمىز كەرەك.بارىنەن دە ماڭىزدىسى-ونى ۇرپاققا ۇگىتتەۋ، ءناسيحاتتاۋ، بولاشاققا جالعاۋ جولىندا تىنباي ىزدەنۋىمىز، ەڭبەكتەنۋىمىز ءتيىس.

ەكىنشىدەن، ءبىز اعا بۋىنداردىڭ اسىل قاسيەتىنەن، قاجىرلى ەڭبەكشىل رۋحىنان، كىسىلىك ىزگىلىگىنەن قاي-قاشان دا ونەگە الۋعا، ونى قاي-قاشان دا ۇلگى تۇتۋعا حاقىلىمىز.سۇلتان ءماجيت ۇلى سىندى اعا بۋىندار سول ءبىر اۋمالى-توكپەلى كەزەڭدەردە حالىق قازىناسىن كوز قاراشىعىنداي قادىرلەپ، جادىنان ويىپ ورىن بەرىپ، ونى بۇگىنگە جالعادى.حالىق بۇقاراسىمەن قويان-قولتىق ارالاسىپ، تىنباي ىزدەنىپ، حالىق مۇرالارىن ءتىپتى دە مول جيناۋ جولىندا ايانباي تەر توكتى ءارى ول ەڭبەكتەرىن ەش بۇكپەسىز ۇيىمعا تابىستاپ، ەشكىمگە دە بۇلداماي، حالىق وركەنيەتىنىڭ قاجەتىنەن شىعۋ، سوتسياليستىك كوپ ۇلتتى ەلىمىزدىڭ مادەنيەتىنە ءبىر كىسىلىك ۇلەس قوسۋ ءۇشىن قۇلشىندى.

ال قازىر شارت-جاعداي تاماشا، ءورىس كەڭ، مۇمكىندىك مول.سوندىقتان ءبىز پارتيا 17-قۇرىلتايىندا العا قويىلعان «وسىزماندانۋعا، دۇنيە جۇزىنە، بولاشاققا بەت العان، ۇلتتىق، عىلمي، بۇقارالىق، سوتسياليستىك مادەنيەت»ارقىلى جەتەكشىلىك ەتۋ باعىتىندا تاباندى بولىپ، ءتول تاريحىمىزبەن، تىنىس-تىرشىلىگىمىزبەن، ۇلتتىق بولمىس-بىتىمىمىزبەن بىتە قايناسىپ، بۇگىنگە جەتكەن حالىقتىق ادەبيەت-كوركەمونەر مۇرالارىمىزعا مۇراگەرلىك ەتۋىمىز جانە ونىڭ رولىن بارىنشا ساۋلەلەندىرۋىمىز ءتيىس. سونداي-اق ادەبيەت-كوركەمونەرشىلەرىمىز ءارى وسى سالادا قىزمەت اتقاراتىن ازاماتتارىمىز جاسامپازدىق رۋحىن تاسقىنداتىپ، ءداۋىردىڭ الدىنعى ىلەگىندە ءجۇرىپ، تاماشا تۋىندىلار جاراتىپ، حالىقتىڭ رۋحاني ءومىرىن بايىتۋ، مادەنيەت بازارى ارناسىن اشۋ ءۇشىن قۇلشىنا ەڭبەكتەنۋى كەرەك.بۇل قىزمەتتەردى ءار دارەجەلى پارتيا -ۇكىمەت ورىندارى، قاتىستى سالالار، جالپى قوعام، سونداي-اق ءاربىر ازامات وسكەلەڭ ساياسي مىندەت، ءداۋىر الدىنداعى بۇلتارتپاس تاريحي بورىش رەتىندە قولداپ-قۋاتتايتىندىعىنا، دەم بەرەتىندىگىنە سەنىمىز كامىل.

جولداستار، شينجياڭنىڭ قارىشتاپ دامۋى مەن باياندى تىنىشتىعى سىندى ەكى ءىرى تاريحي مىندەتتى ورىنداۋ ءۇشىن جاپپاي قۇلشىنىپ وتىرعان بۇگىنگى كۇندە، حالپى مادەنيەتتىڭ، سونىڭ ىشىندە ادەبيەت-كوركەمونەردىڭ حالىقتار ارا ءتۇسىنىسۋدى، رۋحاني ساباقتاستىقتى، دوستىقتى نىعايتۋداعى، ءتىپتى، ءوز ۇلتىمىزدىڭ رۋحاني اجارىن اشىپ، ءومىر، قۇن كوزقاراسىن ايقىنداپ، ۇلتتىق ءبىتىمىن بەكەمدەۋدەگى رولى توتەنشە زور. سوندىقتان ءبىز سۇلتان ءماجيت ۇلى سىندى اعا بۋىن ارداگەرىمىزدى ەسكە الىپ، ونىڭ ەڭبەكتەرىنە توقتالىپ وتىرمىز. مۇنداي يگى ءىستىڭ مۇنان بىلاي دا ءوز جالعاسىن تابا بەرەتىنىنە بۇگىنگى جۇرت ىقىلاسى كۋا دەپ بىلەمىن. جالپى حالىق رەفورما، ەسىك اشۋ ىستەرىنىڭ جەمىسىنەن رۋحاني جاقتان دا مول يگىلىككە كەنەلەتىن بولعاي!

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn