<%@LANGUAGE="JAVASCRIPT" CODEPAGE="65001"%>
中文 哈文

باس بەت>>اۋىل شارۋاشىلىعىنا قىزمەت وتەۋ>>بازار ينفورماتسياسى

اقشانىڭ بىرلىگىن دۇرىس اتاپ، ورىنسىز زيان تارتۋدان ساقتانايىق

تىڭدايتىن قۇلاق بولسا، بۇل ماقالانىڭ وزەكتى يدەياسى حالىق اقشاسى – يۋاندى «تەڭگە» دەپ ايتۋدى تەرىسكە شىعارىپ، «دوللار» دەپ ايتۋدى دوعارۋعا شاقىرۋ.
  ەڭ اۋەلى، كورشىلەس بىرنەشە ەل مەن ورتا ازياداعى بىرنەشە ەلدىڭ اقشاسىنىڭ بىرلىگىن ءبىلىپ العانىمىز ءجون سەكىلدى. ولاي بولسا، قۇلاق ءتۇرىڭىز: سولتۇستىك كورەيا، وڭتۇستىك كورەيا – ۋون؛ جاپونيا – يەن؛ موڭعۇليا – تۇگرىك؛ ۆيەتنام – دوڭ؛ لاوس– كيپ؛ كامبودجا – ريەل؛ بيرما – كيات؛ تايلاند – ۋات؛ مالايزيا – رەنگيت؛ سينگاپور – دوللار؛ يندونەزيا، نەپال، پاكيستان – رۋپەيا؛ بۋتان – نولترۋم؛ بەنگال – تاكا؛ يران، ساۋد ارابياسى، اراب يەمەن رەسپۋبليكاسى، ومان، كاتار – ريال؛ اۋعانستان – افعاني؛ تۇركيا – ليرا؛ سيريا، ليۆان، يزرايل – فۋند؛ يوردانيا، يراق، كۆەيت، يەمەن دەموكراتيالىق حالىق رەسپۋبليكاسى، باحرەين – دينار؛ اراب بىرىككەن امىرلىگى – ديرھام؛ شياڭگاڭ ەرەكشە اكىمشىلىك رايونى – دوللار؛ اۋمىن ەرەكشە اكىمشىلىك رايونى – پاتاكا؛ قازاقستان – تەڭگە؛ قىرعىزستان – سوم؛ تاجىكستان – سوموني؛ وزبەكستان – سۋم؛ رەسەي – رۋبلي؛ تۇركمەنستان، ازەربايجان – مانات؛ گرۋزيا – لارري؛ ارمەنيا – درام. ەۆرو – ەۆروپا وداعى اقشاسىنىڭ بىرلىگى.
  اقشا دەگەنىمىز تاۋار ايىرباسى دامۋى بارىسىندا جارىققا شىققان، جالپىلاما تەڭ باعالى زاتتىڭ ورنىنا جۇرەتىن تولەم نەمەسە حالىقارالىق ايىرباس قۇرالى. ال، قانداستارىمىز اراسىندا اقشا بىرلىگىن دۇرىس اتاي الماي، ورىنسىز زيان تارتقان جاعدايدى قۇلاعىمىز ەمىس- ەمىس شالىپ قالىپ ءجۇر.
  تاياۋدا، جۇمىس بابىمەن قابا اۋدانىنىڭ ءبىر اۋىلىنا بارىپ، اۋدانعا قايتاتىن كولىك توسىپ تۇرعانىمدا، مىناداي ءبىر ىسكە جولىقتىم. مەنىڭ جولاۋشى ەكەنىمدى ءبىلدى مە، ءبىر كىرە اۆتوموبيلى قاسىما كەلىپ توقتاي قالدى. مەن شوفەردان: اۋدانعا باراسىڭ با، كىرە اقىڭ قانشا ؟- دەپ سۇراپ ەدىم. الگى ازامات: يا، اۋدانعا بارامىن، 5 تەڭگە،- دەدى. ءدال سول كەزدە ءماسساعان مىنا ازامات قازاقستان اقشاسىن ايتىپ تۇر عوي. ەگەر، مەنىڭ ورنىمدا جىلپوس بىرەۋ بولسا، كوزدەگەن جەرىنە جەتكەن سوڭ: «الگىندە تەڭگە دەگەنسىڭ» دەپ قازاقستاننىڭ 5 تەڭگەسىن ۇستاتىپ كەتە بەرمەسىنە كىم كەپىل؟! «اڭعارماي سويلەگەن اۋىرماي ولەدى» دەگەن وسى ەكەن-اۋ دەگەن وي كەلدى ماعان.
  التاي ايماعىندا تايكەشكەن، جەمەنەي، قىزىلتاۋ قاتارلى شەكارا وتكەلدەرى اشىلىپ، قىرۋار ادام شەكارا ساۋداسىمەن شۇعىلدانۋ ارقىلى ءال- اۋقاتى جاقسارىپ، الدى ساۋلەتتى اۆتوكولىك ءمىنىپ، عيماراتتان ءۇي ساتىپ الىپ دەگەندەي ىرعىنعا كەنەلدى. ءبىر قىدىرۋ ازاماتتارىمىز بەن ازاماتشالارىمىز اتالعان شەكارا وتكەلدەرىندە «تەڭگە»، «يۋان»، «دوللار» ايىرباستاۋ جۇمىسىمەن كۇنى بۇگىنگە دەيىن شۇعىلدانىپ كەلەدى. ەكى ەل قاتىناسىنىڭ جاقسارۋىمەن ەلىمىزدىڭ ءبىر ءبولىم ازاماتتارى زاڭدى تۇردە قازاقستان ەلىنە كوشىپ بارىپ قونىستاندى. وسى بارىستا ءبىر ازاماتىمىزدىڭ وزىنشە 100 يۋان بەرەتىن بولىپ اۋىزشا كەلىسىپ، قۇداي توبەسىنەن ۇرعاندا «يۋاننىڭ» ورنىنا ابدەن ءسىڭىپ كەتكەن «دوللاردى» ايتىپ قالىپ، كوزدەگەن جەرىنە جەتكەندە، كىرە اۆتوموبيلىنىڭ يەسى ونىمەن «دوللار» بويىنشا ەسەپ ايىرىسىپ، 840 يۋانعا (قازىر 630 يۋان مولشەرىندە) جىعىندى بولىپ، بەكەردەن- بەكەر 740 يۋان اقشانى ارتىق تولەگەنىن ەستىگەن ەدىك.
  ەلىمىزدە مەتال اقشانى تەڭگە اقشا دەپ تە اتايدى، ءبىراق بۇل ەشقاشان اقشانىڭ بىرلىگى ەمەس. موري، شونجى، باركول وڭىرىندەگى قانداستارىمىز 10 مىڭ يۋاندى «ءبىر تۇمەن»، 50 مىڭ يۋاندى «5 تۇمەن» دەپ ايتادى ەكەن. بىزشە بۇلاي ايتۋ دۇرىس ەمەس، تىكە وسىلاي ايتۋدان ۇقىق- مۇددەڭىز زيانعا ۇشىراپ، تاقىر جەرگە وتىرىپ قالۋىڭىز نەمەسە ورىنسىز اۋرە-سارساڭعا ءتۇسۋىڭىز مۇمكىن. ۇلكەندەردەن ەستۋىمىزشە، وتكەن عاسىردىڭ 50-، 60-جىلدارىندا 10 فىندى «ءبىر مىڭ»، 50 فىندى «5 مىڭ» دەپ ايتادى ەكەن، بۇل سول تۇستاعى ەلىمىز قاعاز اقشاسىنىڭ قۇنسىزدانۋىنان كەلىپ شىققان بولسا كەرەك. تاعى ءبىر مىسال: ەرەكشە قاجەتىڭىز ءتۇسىپ، ءمالىم بىرەۋدەن 5000 يۋان قارىز الدىڭىز دەلىك، ءسىز وعان ارينە قارىز الۋ حاتىن نەمەسە قولحات جازىپ بەرەتىنىڭىز مۇندا تۇر. سوندا ءسىز جاڭىلىپ «يۋاننىڭ» ورنىنا «دوللار» دەپ جازساڭىز، ۇتىلدىم دەي بەرىڭىز. قارسى جاق ءسىزدى سوتقا شاقىرىپ، قازىرگى باعا بويىنشا سىزدەن 31 مىڭ 500 يۋان تالاپ ەتۋى ابدەن مۇمكىن.
  ءبارىن ايت تا، ءبىرىن ايت. توقسان اۋىز ءسوزدىڭ توبىقتاي ءتۇيىنى: يۋان – جۇڭگو اقشاسىنىڭ، تەڭگە – قازاقستان اقشاسىنىڭ، دوللار – امەريكا، سينگاپور، يتاليا، كانادا قاتارلى بىرنەشە مەملەكەت اقشاسىنىڭ بىرلىگى. ءبىر يۋان حالىق اقشاسى قازاقستاننىڭ 21 دە 22 تەڭگەسىنە؛ ال، ءبىر ا ق ش دوللارى 6.30 يۋان حالىق اقشاسىنا بارابار كەلەدى، مۇنى فينانيستا اقشانىڭ سىندىرىلىمى دەيدى. سوندىقتان ءار ەل اقشاسىنىڭ بىرلىگىن، ءوزارا سىندىرىلىمىن قانىق ءبىلىپ الىڭىز، «يۋاندى» «تەڭگە» دەپ تەرىس لاعىپ كەتپەڭىز، نەمەسە «يۋاندى» «دوللار» دەپ دومالاپ تۇسپەڭىز، اعايىن! سوڭىندا، ءۇش قايتارا ايتارىمىز تاعى سول: اقشانىڭ بىرلىگىن دۇرىس ايتىپ، ورىنسىز زيان تارتۋدان ساقتانىڭىز.
  كەلۋ قاينارى: حالىق تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ