<%@LANGUAGE="JAVASCRIPT" CODEPAGE="65001"%>
中文 哈文

باس بەت>>اۋىل شارۋاشىلىعىنا قىزمەت وتەۋ>>بازار ينفورماتسياسى

كەدەننەن ءوتۋ راسمياتتارىن قاراپايىمداستىرىپ قولايلىلىق جاراتقاندىقتان، شينجياڭنىڭ حالىقارالىق تاس جول تاسىمال كاسىبىن كورنەكتى جاقسارتتى

حالىقارالىق فينانس داعدارىسىنىڭ اسەرىنە ۇشىراعاننان كەيىن، شينجياڭنىڭ تاس جول تاسىمال تاراۋلارى حالىقارالىق تاس جول تاسىمال كاسىبىنە ەرەكشە كوڭىل ءبولىپ، ءبىر سىپىرا ساپالى قىزمەت وتەۋ، قامتاماسىزداندىرۋ شارالارى ارقىلى كەدەننەن ءوتۋ راسمياتتارىن قاراپايىمداستىرىپ قولايلىلىق جاراتقاندىقتان، شينجياڭنىڭ حالىقارالىق تاس جول تاسىمال كاسىبىن كورنەكتى جاقسارتتى. وتكەن جىلى، شينجياڭنىڭ حالىقارالىق تاس جول تاسىمالىنداعى جولاۋشى تاسىمال مولشەرى 684 مىڭ ادام رەت، جۇك تاسىمال مولشەرى 3 ميلليون 442 مىڭ توننا بولىپ، حالىقارالىق تاس جولداعى جۇك تاسىمال مولشەرى تۇڭعىش رەت 3 ميلليون توننادان استى.

   قازىر، شينجياڭ حالىقارالىق تاس جول تاسىمال لەنياسى مەملەكەت بويىنشا ەڭ ۇزىن، تاسىمال لەنياسى ەڭ كوپ، دامۋى ەڭ تەز ولكە رايونعا اينالدى، قازاقستان، قىرعىزستان سياقتى ماڭىنداعى ەلدەرگە اشىلعان حالىقارالىق جولاۋشى، جۇك تاسىمال لەنياسىنان جيىنى 107 سى بار، بۇل مەملەكەت بويىنشا توتە قاتىنايتىن حالىقارالىق جولاۋشى، جۇك تاسىمال لەنياسىنىڭ %43.4 ىن يەلەدى.

   قىرعىزستان ماڭىزدى جۇك جيناۋ-جونەلتۋ ورنى، جۇك تاسىمالى تاجىكستان، وزبەكستان سياقتى ماڭىنداعى ەلدەردى شارپيدى. ءۇرىمجى قالالىق ليتۇڭدا تاسىمال شەكتى سەرىكتەستىگىندەگى ين شىڭلي بىلاي دەدى: وتكەن جىلى سەرىكتەستىكتىڭ قىرعىزستانداعى جۇك تاسىمال مولشەرى وسى مەزگىلدەگىدەن %20 ارتسا، تاجىكستانعا جۇك تاسىمالى %15 تەي ارتتى. بيىل جۇك تاسىمال بازارىنىڭ قاجەتى تاعى دا ارتۋدا. قىرعىزستان سياقتى ەلدەردىڭ حالىقارالىق تاس جول تاسىمال كاسىپورىندارىنىڭ اۆتوموبيل جاعدايى، الدە باسقارۋ دەڭگەيى بولسىن شينجياڭنىڭ كاسىپورىندارىنان الدە قايدا ناشار، جۇڭگو مەن قىرعىزستاننىڭ جۇك تاسىمال بازارىندا جۇڭگو كاسىپورىندارى باستى تاسىمال كۇشى ەسەپتەلەدى.

   تانىستىرۋعا قاراعاندا، بازارداعى باسەكەلىك قۋاتى كۇشتى، ونىڭ ۇستىنە قىرعىزستان، تاجىكستان سياقتى ورتا ازيا ەلدەرىنىڭ تاسىمال ورتاسى سالىستىرمالى ەركىن بولعانمەن، الايدا شينجياڭنىڭ حالىقارالىق تاس جول تاسىمال كاسىپورىندارى قىرعىزستاننىڭ ۆيزا اشتىرۋ جاعىنداعى قيىنشىلىققا ۇشىراپ وتىر. وتكەن جىلى حالىقارالىق جۇك تاسىمالىمەن شۇعىلداناتىن شوفەرلەر ۆيزاسىن اشتىرا الماعاندىعى سەبەپتى، كوپتەگەن سەرىكتەستىكتىڭ جۇك اۆتوموبيلدەرىنىڭ تەڭ جارىمى قاتىناي المادى. شەتەلگە قاراتىلعان جۇك تاسىمال مولشەرىن ارتتىرۋ ءۇشىن، ءىشىنارا سەرىكتەستىكتەر قالىپسىز تاسىلدەر ارقىلى قىرعىزستانعا ءبىر جىلدا كوپ رەت بارىپ قايتاتىن ۆيزانى اشتىردى، بۇل جۇڭگونىڭ شەتەلگە قاتىستى تاسىمال ىستەرىن باسقارۋىنا ۇيلەسپەيتىندىكتەن، جۇك تاسىمال شوفەرلەرى قىسپاقتا قالدى. شينجياڭنىڭ جۇك اۆتوموبيل شوفەرلەرىنىڭ قىرعىزستانعا بارۋ ۆيزاسىن اشتىرۋ ماسەلەسى قازىرگە دەيىن شەشىلمەدى.

   جۇڭگو مەن قازاقستاننىڭ حالىقارالىق جۇك تاسىمال بازارى شينجياڭداعى حالىقارالىق تاس جول تاسىمال كاسىپورىندارىنىڭ وكىنىشپەن شەگىنگەن بازارى ەسەپتەلەدى.

   ۇعىسۋعا قاراعاندا، 3 تە 4 جىلدىڭ الدىندا جۇڭگو مەن قازاقستاننىڭ جۇك تاسىمال بازارىندا جۇڭگو كاسىپورىندارى بازار ۇلەسىنىڭ %80 ىن يەلەسە، ال قازاقستان كاسىپورىندارى قالعان %20 ىن عانا يەلەگەن. كەيىن قازاقستاننىڭ جۇڭگونىڭ شەكارادان كىرىپ-شىعاتىن اۆتوموبيلدەرىن شەكتەۋى جانە اۆتوموبيل تۇلعاسىنىڭ ۇلكەن-كىشىلىگىنە قويعان تالابى، ۆيزا اشتىرۋ سياقتىلاردىڭ سەبەبىنەن، قازىر جۇڭگونىڭ باسىم كوپ كاسىپورنى قازاقستاننىڭ حالىقارالىق جۇك تاسىمال بازارىنان شەگىنىپ شىقتى. قازىر جۇڭگو مەن قازاقستاننىڭ حالىقارالىق جۇك تاسىمال بازارىندا ورنى اۋىسىپ، قازاقستان كاسىپورىندارى بازار ۇلەسىنىڭ %80 تەن ارتىعىن يەلەسە، ال جۇڭگو كاسىپورىندارىنىڭ ۇلەسى %20 كە دە جەتپەي قالدى.

   قازاقستاننىڭ حالىقارالىق جۇك تاسىمالىمەن شۇعىلداناتىن كاسىپورىندارىنىڭ ناقتى كۇشى نەداۋىر مىعىم، قازاقساننىڭ اۆتوموبيلگە جۇك تيەۋدى شەكتەۋى جانە كەدەن باجى ساياساتى قازاقستان كاسىپورىندارىنا ءتيىمدى، بۇل جۇڭگونىڭ حالىقارالىق جۇك تاسىمالىمەن شۇعىلداناتىن كاسىپورىندارىنا قىسىم اكەلدى. تاياۋدا، قازاقستاننىڭ جۇڭگو شوفەرلەرىنىڭ ۆيزاسىن اشتىرۋ ماسەلەسى شەشىلدى، بازارداعى ۇلەسى زور بولماسا دا، شينجياڭداعى كاسىپورىندار بيىلعى بازاردىڭ بولاشاعىنا ۇمىتپەن قاراپ وتىر.

   اۆتونوميالى رايوندىق تاسىمال باسقارۋ مەكەمەسى حالىقارالىق تاس جول تاسىمال باسقارماسىنىڭ باستىعى ياۋ يبيڭ بىلاي دەپ ەسكەرتتى: رەسەي، بەلورۋسسيا، قازاقستان سىندى ءۇش ەلدىڭ كەدەن باجىسى وداعىنا قاتىناسقان قازاقستان شەكارادان كىرىپ-شىققان جۇڭگو اۆتوموبيلدەرىنە ولشەم بويىنشا جۇك تيەۋ قاتاڭ شاراسىن قولدانىپ وتىر، جۇڭگو مەن قىرعىزستاننىڭ، جۇڭگو مەن تاجىكستاننىڭ جۇك تاسىمال مولشەرىنىڭ ارتۋىنا ساي، قىرعىزستان، تاجىكستان سياقتى ەلدەر جۇڭگو جاققا، ءوز ەلدەرىنىڭ زاڭ بەلگىلەمەسى ويىنشا شەكارادان كىرىپ-شىققان اۆتوموبيلدەردى تەكسەرىپ وتكىزىپ الاتىندىعىن، جۇكتى شەكتەن ارتىق تيەۋگە بولمايتىندىعىن رەسمي ۇقتىردى، بۇل شەتەلگە قاراتىلعان تاسىمالىمەن شۇعىلداناتىن كاسىپورىندار ەرەكشە كوڭىل بولەتىن ماسەلە.

   شينجياڭنىڭ سىرتقا ەسىك اشۋ دارەجەسىنىڭ ۇزدىكسىز تەرەڭدەۋىنە ساي، ەۆروپاعا قاتىناتيىن جول بىرتىندەپ اشىلدى، شينجياڭنىڭ حالىقارالىق تاس جول تاسىمالى كوپتەگەن قيىنشىلىقتارعا ءدوپ كەلسە دە، باتىسقا باعىتتالعان جول بارعان سايىن كەڭەيدى، بۇل اناعۇرلىم كوپ ءارى كۇردەلى ەلدەر مەن رايونداردى شارپىيدى. اۆتونوميالى رايوندىق تاسىمال باسقارۋ مەكەمەسىنەن ۇعىسۋعا قاراعاندا، بيىل حالىقارالىق تاس جول تاسىمالىنىڭ دامۋى جەدەلدەپ، ماڭىنداعى ەلدەرمەن اۋىس-كۇيىسى جانە سەلبەستىگى كۇشەيىپ، مەملەكەتتىڭ شينجياڭعا قاراتقان ستراتەگيالىق ورنى كوزدەلىپ، «جاڭا ەۆرپا-ازيا ۇلى قۇرىلىعى» ويداعىداي پايدالانىلادى ەكەن. اۆتونوميالى رايوندىق تاسىمال باسقارۋ مەكەمەسى حالىقارالىق تاس جول تاسىمال كەلىسىمى مەن قاتىستى كەلىسىمدەردى اناعۇرلىم كەمەلدەندىرىپ جانە وعان وزگەرىس ەنگىزىپ، ەكى جاقتىلى نەمەسە كوپ جاقتىلى حالىقارالىق تاس جول تاسىمال ىستەرى كەڭەسىن وتكىزىپ، تاسىمال لەنياسىن ۇزارتادى جانە كەڭەيتەدى، ءارى وتكەلدىڭ حالىقارالىق تاس جول تاسىمال ىستەرىن باسقارۋدى ينفورماتسيالاندىرۋ قۇرىلىسىن جەبەۋ ارقىلى كاسىپورىن اۆتوموبيلدەرىنىڭ كەدەننەن ىركىلىسسىز ءوتۋىن جەبەپ، تاس جول تاسىمال اۆتوموبيلدەرىنىڭ جابدىقتانۋ دەڭگەيىن جوعارىلاتىپ، سىرتقى ىستەر، وتكەل، كەدەن، شەكارا قورعانىسى، تەكسەرۋ-كارەنتىندەۋ سياقتى تاراۋلارمەن سەلبەستىكتى كۇشەيتىپ، شينجياڭنىڭ سىرتقى ەكونوميكا-ساۋدا سەلبەستىگى مەن ادامداردىڭ بارىس-كەلىسىنە ويداعىداي قىزمەت وتەپ جانە قامتاماسىزداندىرىپ، شينجياڭنىڭ تاس جول تاسىمال كاسىپورىندارىنىڭ حالىقاراداعى ءورىسىن بارعان سايىن كەڭەيتەدى.

جولداعان : تولەش ادىلبەك ۇلى

كەلۋ قاينارى: شينجياڭ حالىق راديو ىستانسياسى حابارلار تورى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ