<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>>اۋىل شارۋاشىلىعىنا قىزمەت وتەۋ>>بازار ينفورماتسياسى

كىرىستىڭ كوزى – اسىل تاس

مادەن جانىمقان ۇلى

  قويان جىلعى 1- تامىز. كۇن شايداي اشىق. قىزمەتتەسىم جەڭىس جۇڭگۋ ۇلىن قاسىما ەرتىپ، كوكتوعاي اۋدانى دۇرە اۋىلىنىڭ ورتالىعىنان اشىلعان ‹اسىل تاس بازار› ىن ارالاپءجۇرىپ، تىلشىلىك ىستەدىم. بازاردا ادام شوعىرى مول، قاتار تىزىلگەن اۆتوكولىك جانە موتوسيكىل دە بارشىلىق. قاتىناس ساقشى اترەتىنىڭ قىزمەتكەرلەرى كىرىپ–شىققان موتورلى كولىككە جەتەكشىلىك ەتىپ ابىگەر. كوكتوعاي اۋدانى دۇرە اۋىلى قىزىلجار قىستاعىنىڭ ەگىنشىسى اۋماش بىلاي دەدى:

  "وتكەن بىرنەشە جىلدا ءتۇرلى تابيعي اپات بولۋ سەبەبىنەن بانكەنىڭ بەرگەن قارىزىن قايتارا الماعان ەدىك. ءساۋىر ايىنان باستاپ اقدالادان ءتۇرلى اسىل تاس تەردىك. تاسءتۇرى: حايلان تاسى (جاسىل جاقۇت)، اق تاس، قىزىل تاس، سارى تاس. حايلان تاسى كولەمىنە قاراي نەشە ون مىڭ يۋانعا دەيىن ساتىلادى. كىرىس جامان ەمەس، جولىمىز بولعاندا كەيدە ءبىر تاستان قوماقتى اقشا تاۋىپ، قالتانى قامپايتامىز. اۋىلدىق پارتكوم مەن اۋىلدىق ۇكىمەت بىزگە تاس بازارىن اشىپ بەردى. كەيبىر ەگىنشى-مالشى تاس ساتىپ بانكەدەگى قارىزىنان قۇتىلدى. كوپ ساندىلارى تاستان كىرىس كىرگىزىپ، كۇندەلىكتى تۇتىنۋىن قامداۋدا".

تاستى قاي جەرلەردەن تەرەسىزدەر؟- دەگەنىمدە، ول:

- "كوكتوعاي اۋدانى مەن دۇرە اۋىلىنا تۇتاساقان اسفاليت جولدىڭ 38- قازىعىنان باتىسقا بۇرىلىپ، دۇرە اۋىلىنا قاراستى ءۇيتاس، قورا كەرىش، ۇزىن قاباق، تەرىس قاباق، قامىستى قاق، كوك قۇدىق، جيدەلى، كومىر توبە، ەگىز توبە، ساراستاۋشا، توتىقۇستىڭ ويى قاتارلى اقدالانىڭ جازىعىنان تەرەمىز. جولدىڭ الىستىعى 50 ~ 70 كيلومەتر، اۆتوكولىك جولى بار. تاستى تەك دۇرە اۋىلىنىڭ تۇرعىندارى عانا ەمەس، اۋدانعا قاراستى اۋىل–قالاشىقتاردىڭ جانە سىرت ورىنداردىڭ ادامى دا تەرۋدە. تاس تەرگەن ادام توتەنشە كوپ. جۋىقتا بالعىنبەك اتتى ازامات 12 مىڭ يۋانعا، سەرىك اتتى ازامات 30 مىڭ يۋانعا حايلان تاسىن ساتتى. ناق مايداندا كوزىم كوردى، بۇلار ءبىر-اق كۇندە وسىلاي اقشا تاپتى" دەدى. "تاس بازارىنداعى ۇلتىمىزدا مىناداي كەمىستىكتەر مەنمۇندالايدى" دەدى اۋماش اعامىز ءسوزىن ونان ارى ساباقتاپ "بىرىنشىدەن، تاستىڭ سورتىن ايىرا الماۋ، باعاسىن بىلمەۋ، مولشەرلەپ باعا كەسۋ؛ ەكىنشىدەن، بەلگىلەنگەن ورىندا تاسىمىزدى كورسەتپەي، ساۋداگەرلەرگە جابىلا كورسەتۋ، باعاعا تالاسۋ؛ ۇشىنشىدەن، موتورلى كولىكتى بەلگىلەنگەن ورىنعا قويماۋ، قاتىناس زاڭىنا قيعاش كەلۋ؛ تورتىنشىدەن، كەيبىر جاستاردا اراق ءىشىپ كەلىپ، الباتى ايعايلاپ سويلەپ، شىرىقتى الۋ سياقتى جايىتتەر بەلەڭ بەردى".

اسىل تاس بازارىنداعى جايماعا قويىلعان تاستار كوزدىڭ قاۋىن الىپ، ادامدى قىزىقتىرادى. القا، جۇزىك جاساتىپ تاعىپ العان جاستار دا مول كورىنەدى كوزىمىزگە. ءار ءتۇرلى تاسىن جىلتىر سۋلياۋ دورباعا سالىپ الىپ جۇرگەن ەر-ايەلدەر دە بارشىلىق. بازارداعى ادام سانى مولشەرمەن 1000 ادامنان اسادى. قازاق، حانزۋ، ۇيعۇر، حۇيزۋ، مۇڭعول ۇلتىنان قۇرام تاپقان. بۇل رەتكى تاس بازارىنا كەلگەن ساۋداگەرلەر قارامايلى، ورقى، قوبىقسارى، ءۇرىمجى، شىحىزى، كۇيتۇن، تارباعاتاي، بەيتۇن، التاي تاعى باسقا قالا-قالاشىقتان كەلگەن. اسىل تاس بازارىندا قاتارىنان ءتىزىلىپ وتىرعان ادامدار شوعىرى اراسىنا كىرگەنىمدە، تاس ساتقان ءبىر ايەل جۇرتتىڭ نازارىن اۋداردى. تاسىن ساتىپ، اقشاسىن ساناپ الىپ جاتقان نۇرگۇل اتتى وسى ايەلگە كەزدەستىم. "قانداي تاس ساتتىڭىز؟ باعاسى قانشا بولدى؟" دەپ سۇراعانىمدا، ول: "بۇگىن جولداسىم ەكەۋىمىز توتىقۇستىڭ ويىنان تاس تەردىك، ءبىر ساعاتتان سوڭ حايلان تاۋىپ الدىم. كەشگى بازارعا اكەپ 15 مىڭ يۋانعا ساتتىم. مىنە، ءبىر كۇنگى تابىسىم" دەپ قۋانا جاۋاپ بەردى.

تاس بازارىندا تاسىن قىمبات باعادا وتكىزىپ قۋانعان ادامداردى دا، تاسىن وتكىزە الماي كوڭىلسىزدەنىپ وتىرعانداردى دا كەزىكتىردىم. كوكتوعاي اۋدانى دۇرە اۋىلدىق پارتكومنىڭ مۇشەسى، ۇيىمداستىرۋ جوراسى نۇربەك ابىكە ۇلى اسىل تاس بازارىنان كەزىكتى. تىلشىلىك سۇقپاتقا تارتقانىمدا، ول: "اۋىلىمىز 15 اكىمشىلىك قىستاعى، 4 مالشىلار وتىراقتاسقان قىستاعى، 20 مىڭ جان سانى بار، اۋدان ورتالىعىنان 142 كيلومەتر شالعاي، ۇلىڭگىر وزەنىنىڭ بويىنا ورنالاسقان. مال شارۋاشىلىعىن نەگىز، ەگىن شارۋاشىلىعىن قوسىمشا ەتكەن اۋىل. اۋىلىمىز پارتيامىزدىڭ ابزال ساياساتىنىڭ جەبەۋىندە، ەگىنشى–مالشى قاۋىمدى سان–سالالى كاسىپپەن شۇعىلدانۋعا، كىرىستىڭ كوزىن اشۋعا جەبەدى. ايتالىق، 2010- جىلى بۇكىل اۋىلدىڭ ءوندىرىس جالپى قۇنى 200 ميلليون 620 مىڭ يۋان، قازىنالىق كىرىسى 2 ميلليون 260 مىڭ يۋان بولىپ، ەگىنشى–مالشىلاردىڭ جان باسىندىق كىرىسى 5688 يۋانعا جەتتى. ەكپەشىلىك اۋماعى 111 مىڭ مۋ بولىپ، باعىمداعى مال سانى 300 مىڭ 600 گە، قىستاۋلىق مال سانى 181 مىڭعا، ءۇي قۇستارى باعىمشىلىعى كولەمى 75 مىڭعا جەتتى. اۋىل–قىستاق ارتىق ەڭبەككۇشتەرىنەن 3200 ادام جوتكەلىپ، 300 ەگىنشى–مالشى ونەركاسىپ جۇمىسشىسى بولدى. بۇل رەت بۇقارانىڭ تاس ساتۋداعى قيىنشىلىعىن ەسكەرىپ، ارناۋلى تاس بازارىن اشىپ، ساۋداگەر شاقىرىپ، ەگىنشى–مالشى بۇقاراسىنىڭ اقدالا جازىعىنان تەرگەن اسىل تاستارىن ساتۋىنا قولايلىق جاراتىپ بەردىك. توراپ ارقىلى ۇگىتتەپ، ساۋداگەرلەردى شاقىردىق. كوپ ءۇشىن ىستەلگەن بۇل باستاما كوپتىڭ قولداۋىن تاپتى" دەدى.

اسىل تاس بازارىندا كۇنىنە نەشە 10 مىڭ يۋاننىڭ ساۋداسى جاسالۋدا. اسىل تاستىڭ باعاسىن بىلمەي ارزان ساتىپ جاتقاندار دا بار كورىنەدى. بازاردىڭ قىزعىندىلىعى سونداي تاڭەرتەڭ ءۇرىمجى ۋاقىتى ساعات 7 دەن كەشكى ساعات 9 عا دەيىن اسىل تاس بازارىنان ادام ۇزىلمەيدى. كىرىستىڭ كوزى – اسىل تاستا. كەشەگى اياق استىندا تاپتالعان تاستار بۇگىن بازارىن تاۋىپ، جاقۇتقا اينالىپ، كىرىستىڭ كوزىن اشۋدا.

جولداعان : تولەش ادىلبەك ۇلى

كەلۋ قاينارى : ەرتىس تورابى

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn