<%@LANGUAGE="JAVASCRIPT" CODEPAGE="65001"%>

وسى توراپتان ىزدەۋ

中文 哈文

باس بەت>> الۋان ارنا>>كوركومونەر

قاراجون سالتاناتى

جارقىن نۇرابىلدا ۇلى ( ءوز ءتىلشىمىز)، تاسقىن مازاق ۇلى ( ەرىكتى ءتىلشى(

كۇن سۇيگەن اق باس شىڭدارىمەن، ساۋمال سامالى ەسكەن قۇبا جون، سامىرسىندى قاپتالدارىمەن، گۇل جامىلىپ، نۇر تۇنعان اسەم ساحاراسىمەن كورگەن جاننىڭ كوڭىل سارايىن اشىپ، كوز مەيىرىن قاندىرىپ جاتاتىن حان جايلاۋ - قاراجوننىڭ اتاعى الىس - جاقىنعا تارالعالى قاشان. مەملەكەتىمىزدىڭ ساياحاتتى دامىتۋ سىندى سارا ساياساتىنىڭ جەبەۋىندە، اقپارات دانەكەرلەرىنىڭ جاندى ۇگىتتەۋى، اسىرەسە، « گۇلبيكە » كوركەم فيلمىنە كوز تارتارلىق كوركىمەن كورىك سيلاۋى قاراجوننىڭ اتاعىن اسپانداتىپ كەتە باردى. مىنە، قاسيەتتى قاراجوننىڭ كوركەم كورىنىستەرىن، ەل نازارىن بۇرار ەرەكشە حيكايالارىن اپپاراتتىڭ كوزىمەن، كوكىرەگى سارا جازۋشىلاردىڭ ءسوزىمەن ءتىپتى دە ەلگە ايگىلەيتىن تاعى دا ءبىر دابىرالى قيمىلعا كۋا بولىپ وتىرمىز.

 تەكەس اۋداندىق پارتكوم ۇگىت ءبولىمى مەن قارادالا اۋىلدىق ۇكىمەتتىڭ ۇيىمداستىرۋى، « ىلە گازەتى»، « ىلە كەشى گازەتىنىڭ» سەلبەسۋىندە « مامىرداعى گۇل بايشەشەك ساۋىتى» اتىنداعى قاراجون جايلاۋىنىڭ اسەم كورىنىستەرىن سۋرەتكە ءتۇسىرۋ، ماقالا جازۋ جارىسى 10 - ماۋسىمدا تەكەس اۋدانىنىڭ كوركەم قارا جون جايلاۋىندا شىمىلدىعىن اشتى. بۇل رەتكى قيمىلعا شينجياڭنىڭ ءىشى - سىرتىنان كەلگەن قالىڭ فوتو، ادەبيەت اۋەسكەرلەرى  قاتىناسىپ، اپپارات كوزدەرىن، كوڭىل سارايلارىن قارا جوننىڭ ساحاراسىنا، ۇلتتىق سالت - سانا مادەنيەتىنە، ماساتىداي قۇلپىرعان  دالا توسىنە توعىتىپ، تاماشا تۋىندىعا نەگىز قالاسا، اۋداندىق پارتكوم ۇگىت ءبولىمى، قارادالا اۋىلدىق پارتكوم، حالىق ۇكىمەتى، قاراجون ساياحاتىن باسقارۋ كوميتەتىنىڭ قاتىستى باسشىلارى مەن قىزمەتكەرلەرى، مالشى ۋاكىلدەرى قۇراق ۇشىپ قىزمەت وتەپ، قيمىلدىڭ دابىرالى وتكىزىلۋىنە اتسالىستى

 بۇل رەتكى قيمىلعا ارنايى ات باسىن بۇرعان اۆتونوميالى رايوندىق ۇگىت ءبولىمىنىڭ ورىنباسار باستىعى، سىرتقى ۇگىت كەڭسەسىنىڭ مەڭگەرۋشىسى حوۋ حانمين باستالۋ سالتىندا ارناۋلى ءسوز سويلەپ، وسى رەتكى  كوركەم سۋرەت، تارتىمدى ادەبي تۋىندى جاراتۋ قيمىلى ارقىلى كوز ايىم ساتتەگى اسەمدىكتى، مادەنيەتتەگى جاراسىمدىلىقتى شىنايى سەزىنىپ، كورىكتى اتا مەكەنىمىزدى جىرلاۋدىڭ، ساياحات ءوڭىرىنىڭ وزىنە حاس ەرەكشەلىكتەرىمەن ەل نازارىن ءتىپتى دە باۋراۋدىڭ كوكەيتەستىلىگىن ارتتىرۋعا شاقىردى.

 وسى رەتكى قيمىلدىڭ باسى - قاسىندا بولىپ، سارا تۋىندىمەن نار قاراجوننىڭ ساياحاتىن جەبەۋگە قۇلشىنىپ جۇرگەن تەكەس اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ءپاريدا ابىلبەك قىزى  قيمىلدىڭ ماڭىزدى ءمانى، بارىسى تۋرالى ەگجەي - تەگجەيلى توقتالىپ، بىلاي دەدى: «قاراجون ساياحاتى تەكەس اۋدانى ساياحاتىندا ماڭىزدى رول اتقارىپ، كوپتەگەن ساياحاتشىلاردى باۋرادى. ايتالىق، وتكەن جىلى قاراجون ساياحاتىن نەگىز ەتىپ اۋدان بويىنشا 300 مىڭ ساياحاتشىنى قابىلداسا، ال بيىل بۇدان ەكى دە ءۇش ەسە ساياحاتشى قابىلدايتىندىعى مەجەلەنۋدە. ساياحات رايونىنىڭ دامۋى، جۇيەلى، عىلمي باسقارىلۋى تەكەس اۋداننىڭ ساياحات، ۇلتتىق تاعام، قوناقجاي ىستەرىن جەبەپ، شارۋالار كىرىسىنىڭ ارتۋىنا مىعىم نەگىز قالاماق. وسى جولعى سۋرەتكە ءتۇسىرۋ، ماقالا جيناۋ جارىسى ارقىلى اناعۇرلىم كوپ ادامداردىڭ قاراجون جايلاۋىنا قادام تاستاۋىنا، تەكەس اۋدانىنا كەلۋىنە، جۇيەدەن شينجياڭنىڭ كوركەم مەكەن ەكەندىگىنە كوز جەتكىزۋىنە تاماشا جەبەۋشلىك رول اتقارماق».

 سايىن ساحاراسىن كوك ءپۇلىس كىلەممەن كومكەرگەن قاسيەتتى ءتاڭىر تاۋىنىڭ قويناۋىنداعى اسەم قاراجون جايلاۋى تەكەس اۋدانىنان 46 كيلومەتر قاشىقتىقتا بولىپ، الۋان گۇلدەرمەن جايقالىپ، كورگەن جانعا سۇلۋلىقتىڭ، اسەمدىكتىڭ ءارياسىن شەرتىپ جاتادى. توڭىرەگى سامىرسىنمەن ساندەنگەن كورىكتى ءۇش قۇشتاي، قاراعانتى، داعىمبەل، كوكسۋ، قاپسالاڭ بولىپ كەلەتىن ارىستاننىڭ جوتاسىنداي ايباتتى حان جايلاۋ قاراجوننىڭ كەلبەتى، حيكاياسى، سارا ساياحاتى ءوز سالتاناتىمەن سان جۇرەكتەرگە ساۋلەسىن شاشا بەرمەك.

  وسى كۇنى الىس - جاقىننان كەلگەن ساياحاتشىلار قاراجون جايلاۋىنىڭ تۇعىل تەكشەسىندە باس قوسىپ، باسى اق قار بۇركەنگەن، شالعايى جاسىل ءپۇلىس، سىڭسىعان ورمانمەن كومكەرىلگەن تابيعاتتان، كوكپار، قىز قۋار، ساياتشىلىق ويىندارىنان، ۇلتتىق ءتۇسى قويۋ اۋىل ونەرپازدارىنىڭ تارتىمدى كونسەرت نومىرلەرىنەن قۇزىرلانىپ، تۋىندى جاراتۋ قيمىلىنىڭ شىمىلدىعىن اشتى. ۇعىسۋعا قاراعاندا، بۇل قيمىل  ۇستەگى جىلى تامىز ايىنا دەيىن جالعاساتىن كورىنەدى. قيمىل سوڭىندا سارا تۋىندىلار ساراپتالىپ، جۇلدەلى اۆتورلاردى دارەجەگە ءبولىپ 500 - 3000 يۋانعا دەيىن سيلايدى ەكەن.

 

 

 

 

 

 

 

 

 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ
E-mail: kazak@xjyl.gov.cn