<%@LANGUAGE="JAVASCRIPT" CODEPAGE="65001"%>
中文 哈文

باس بەت>>اۋىل شارۋاشىلىعىنا قىزمەت وتەۋ>>بازار ينفورماتسياسى

جارنامانىڭ بارىنە جالپ ەتە تۇسپەڭىز

كۇندەلىكتى تۇرمىستا كوپتەگەن جارنامالاردان پايدالانىپ، قاجەتتى زاتتاردى دەركەزىندە بار جەرىنەن تاۋىپ الامىز. الايدا، كەيبىر اسىرەلەنگەن ورىنسىز جارنامالار ارقىلى بۇقارانى الداپ، ارام پايداعا بەلشەسىنەن باتىپ جاتقان الدامكوس ساۋداگەرلەر دە از ەمەس.

 جۋىردا ءبىر تۋىسىمنىڭ شينجياڭ حالىق راديو ستانسياسىنىڭ قازاق ءتىلى ارناسى شيپاگەرلىك كەڭەس اتتى پروگرامماسىنىڭ تانىستىرۋىمەن وزىنە قاجەتتى ءدارى ساتىپ العاندىعىن، سول دارىدەن تاعى دا ارزان باعادا الىپ بەرۋىن وتىنگەننەن كەيىن، مەن قاتىستى شيپاحانالاردان ءدارى دۇكەندەرىنەن سۇراستىرىپ بۇل ءدارىنى تابا المادىم. سونىمەن مەن سول ءدارى جارناماسىن ەستىپ كورەيىن، تەگى قايدا ساتىلادى ەكەن دەگەن ويمەن، قولىما راديونى الدىم. ۋاقىتى تولعاندا جۇرگىزۋشى قىزبەن كەزەكشى شيپاگەر، ءمالىم ءبىر زاۆودتىڭ ءدارىسىن تانىستىرۋىن باستاپ كەتتى. بۇل ءدارىنى جەر مەن كوككە سيعىزباي ماقتادى كەپ. مەن ەستىپ وتىرمىن، بۇل ءدارىنىڭ رولى ءزامزام سۋىنداي شيپالى، ءبىر ىشكەندە، از دەگەندە ءبىر باسقىش نە 2 - 3 باسقىش ىشەدى ەكەن. ءبىر باسقىشى 5 قوراپ، ارالىقتا كەڭەس سۇراعان تەلەفوندارعا دا كەزەكشى شيپاگەر جاۋاپ بەرىپ وتىر. كەڭەس سۇراۋشىلاردان اۋرۋدىڭ جاعدايىن ۇعىسقاننان كەيىن، وسى ءدارىنى ىشسەڭ ەم بولادى. از بولعاندا 2 - 3  باسقىش ىشسەڭ دەپ، ءدارىنى العىزۋعا اسىعىپ وتىر. ساقاياسىز، ءىشىپ كورىڭىز، سودان قايتا حابارلاسىڭىز دەيدى. وسى پروگراممانى ءۇرتىس ءبىرقانشا اپتا ەستىدىم. ايتىلاتىنى باياعى سول ءبىر سارىن. بۇل تانىستىرىلعان ءدارى (哈药集团世一堂制药厂) زاۆودى شىعارعان جينبودان (金博丹) ءدارسى، باعاسى 98.00 يۋان، 5 قوراپ ساتىپ العاندارعا ءبىر قوراپ سيعا بەرىلەدى. سولتۇستىك شينجياڭداعى قازاق ۇلتى ءجيى قونىستانعان اۋدان، قالالاردا بىردەن ساتىلاتىن ورنى بار بولىپ، باسقا جەردە ساتىلمايدى. تەك سول ارناۋلى ساتىلاتىن دۇكەندەردە عانا شەكتى ساتىلادى ەكەن. تومەندە بۇل ءدارىنى قىسقاشا تانىستىرا كەتەيىن، ادەتتە ادامعا ىستەتىلەتىن دارىلەردىڭ اتى ەكى ءتۇرلى بولادى. ءبىرى ءدارىنىڭ ورتاق قولدانىلاتىن اتى (通用名称) ادەتتە وسى اتىمەن قولدانىلادى. ەندى ءبىرى ءدارىنىڭ تاۋارلىق اتى (商品名) كوبىندە جارنامالاردا، ءدارى رەتسەپتەرىندە اتتاس دارىلەردەن پارىقتاۋ ءۇشىن قولدانادى. جوعارىدا ايتىپ وتىرعان جينبودان بۇل ءدارىنىڭ تاۋارلىق اتى بولىپ، ورتاق قولدانىلاتىن اتى سوياڭ گۋجينۋان (锁阳固精丸) 98.00 يۋان. شىعارعان زاۆودى ۇقسامايتىن، قۇرامى ۇقساس، دارىلىك ءونىمى بىردەي وسى ءدارىنىڭ جارناماسىز ساتىلىپ جاتقانى از ەمەس، كوپ ورىنداردان تاۋىپ الۋعا بولادى، بازار باعاسى كوپ بولعاندا 10 يۋاننىڭ ۇستىندە، 2007 - جىلى بۇل ءدارى مەملەكەت جاعىنان «جارناما زاڭىنا قايشى» دەلىنىپ ءبىر جاقتى ەتىلگەن. 10 نەشە يۋاندىق ءدارىنى 98 يۋاننان ساتىپ، مۇنىڭ قۇلى بولىپ، ءوز تۋىسىن الداپ جۇرگەن اعايىندار قۇرتتىڭ اتىن جاڭىلتىپ مالتا قويىپ، جارناما ارقىلى جانىڭدى بالقىتىپ، قالتاڭداعى اقشانى ۇيالماي - قىزارماي قاعىپ الىپ جاتپاي ما؟ وسى كۇندە حانزۋشا ءدارى جارنامالارى دەگەنمەن كوپتەپ ازايدى، ال قازاقشا ءدارى جارنامالارى قاۋىرت كوبەيۋدە. اتامىز قازاق «جالتىراعاننىڭ ءبارى التىن ەمەس، التىننىڭ ءبارى جالتىراي بەرمەس» دەپ بەكەر ايتپاعان عوي اعايىن، سابىرلىلىقپەن ويلانايىق، جالعان جارناماعا سەنە بەرمەيىك اعايىن!

سالامات ءابىلقان ۇلى 

 

 

ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﺣﺎﻟﯩﻖ ﯗﻛﯩﻤﻪﺗﻰ ﻛﻪﯕﺴﻪ ﻣﻪﯕﮕﻪﺭﻣﻪﺳﻰ ﯗﻳﯩﻤﺪﺍﺳﺘﯩﺮﻋﺎﻥ
ﯨﻠﻪ ﻗﺎﺯﺍﻕ ﺍﯙﺗﻮﻧﻮﻣﻴﺎﻟﻰ ﻭﺑﻠﯩﺴﺘﯩﻖ ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ باسقارادى  [新ICP备05001353号]
ﻩﻟﻪﻛﺘﺮﻭﻧﺪﻯ ﺍﻛﯩﻤﺸﯩﻠﯩﻚ ﯨﺴﺘﻪﺭ ﻛﻪﯕﺴﻪﺳﻰ ﺗﻪﺣﻨﻴﻜﺎﻟﯩﻖ ﺟﺎﻗﺘﺎﻥ ﺟﻪﺗﻪﻛﺸﯩﻠﯩﻚ ﻩﺗﻪﺩﻯ